小肥牛火鍋活魚專門店 (已結業)

同事間每月也會有飯聚,選址、擇日、訂位通常都係我做哂!價錢最理想每位在$200內,地點最緊要以不影響到其它人為主.因為成班人可能返工壓力大,一放工後就黐哂線,真係好鬼嘈!這次一想就想起來這裡!因為有獨立房間連洗手間供應,唔怕會騷擾到其它食客.預早兩星期訂位留了一間可容納10人的房.有人遲到當然要受懲罰!就是錢就照俾,不過刺身無得食!刺身拼盤----有幾款魚可供選擇,一致通過要鱲魚!拼盤除鱲魚外還有北寄貝、希靈魚、八爪魚等.鱲魚非常新鮮!上檯時魚嘴還在一張一合,其它的也達到要求,厚薄適中無雪味.剩下的魚骨及頭免費拿去做椒鹽,效果也不錯!沙爹湯底----沙爹味香濃!味道做得比方榮記更出色.皮蛋芫荽湯底----芫荽落得夠晒重手!湯一滚起己很快呈現淡綠色.一撈之下皮蛋有很多隻在內,如果薑片多一點的話味道會更好.十個人瘋狂剔單!芝士腸、四寶丸、生根、芝士牛丸、駝鳥肉、炸腐皮、炸芋頭片、皇帝菜、珊瑚蚌、貢丸、粟米、蘿蔔、雞件、豬膶、魚皮餃、公仔麵,瑤柱鯪魚滑、蟹子墨魚丸、還有以下幾款較為特出的:$28本地肥牛----雖然價錢平但質素絕不差!不太肥有肉味!前後要了六碟.羊肉片----絕對是羶味十足!

朋友介紹, 第一次去, 6個人, 預早訂好枱, 服務同食物都唔錯 今次我哋叫咗:湯底: 筧茜皮蛋 (好味)料 : 手切本地肥牛、蟹籽墨魚滑(超爽及彈牙)、瑞士芝士牛丸(好食)、炸腐皮(脆)、10蚊的牛肉(因為係特價品, 所以係好薄.....)、黃喉、雜錦丸、炸魚皮(推薦, 一定要食)、菜、金菇等因為我係有味精過敏, 但係今次好好多, 冇咩反應, 証明d嘢食同湯都唔係好多味精, good今次冇試蕃茄牛腩湯底, 下次要試吓

預早少少先訂位, 到期當日下午三時許小肥牛姐姐來電話與你再確認: 人數, 時間, 等等, 似乎幾有交帶, 安排不錯. 曾與朋友幫趁此店數次, 每次十個八個人點很多食物, 今晚祇有四個人食火鍋, 故此選擇不多, 都係食 d 招牌人氣食物. 湯底 --- 蕃茄薯仔牛腩湯, 味道 OK, 可惜蕃茄味不夠濃郁, 沒有蕃茄膏在湯底內, 好似另一位食家 “hyy1009”的圖片一模一樣. 芝士牛丸 --- 味道依舊, 保持水準. 鵝肝墨丸 --- 味道依舊, 保持水準, 但口感略為差 d, 以前比較煙韌d. 炸腐皮卷 --- 仍是“醫黐烹”, 無得頂. 鯊魚唇 --- 今晚味道差少少, 口感又無以前咁爽口, 略為淋左 dd. 墨魚滑 --- 仍是“醫黐烹”, 無得頂. 鮮牛肉粒 --- 牛肉味依舊咁香濃, 好濃郁, 正. 花彫浸牛肉 --- 好香既花彫酒味, 可惜太香蓋過牛肉味, 感覺就是食花彫, 不是飲花彫. 黃喉 --- 無乜味道, 祇係好爽口, 唔加醬油的話肯定無味. 白鱔片 --- 無乜特別, 幾爽口. 水餃 拚 韭菜餃 --- 餃子外皮較為厚左

7點多來到full house 了 瞥見 9 點半後有優惠 (三碟送一碟)便留了名字 9 點半後再來看中它一個 9 點半後由 $140 減至 $70 的 "原鍋雞燉翅湯底"可惜落單時....剛剛售罄 (也太快了吧? )另外跟雜菌拼盆也無緣 結果.....變了全肉宴 選了: 蕃茄薯仔牛腩湯底 $55湯底味道不算很濃但很足料有頗多的牛腩和薯仔牛腩很腍身~ 安格斯牛頸脊 $10原價 $78, 大特價 $10當然要試~ 份量都 ok 多......抵食 脂肪分佈比一般肥牛均勻頗重牛肉味道因為枱面有 wasabi 供應, 寶貝提議試點來吃....還真不錯呢~~~ haha我喜歡這個多於一般肥牛 瑞士芝士牛丸 $55這個很好吃呢 牛肉內包著的芝士半溶且味濃.....正!!!~只是牛肉有點點我不喜歡的芫茜味道不過整個還是很讚 ^^ 蟹子鵝肝墨魚丸 $55聲稱自己是法國來的鵝肝, 被釀在墨魚肉內加上蟹子在面 (這個實在只是用來點綴一下罷了吧.....這些粒粒落進湯內都各散東西了, 倒是加了一項尋找蟹子遊戲給我倆 XDDD)鵝肝味道淡淡的沒有蓋過墨魚本身的鮮味 (墨魚內也有點點我不喜歡的元素, 該是

早前朋友生日就黎左呢間我一直好想試的火鍋店試下食過之後，除左火鍋外佢地D刺身真係好有水準我地ORDER左一條章紅魚刺身還可以兩食，骨腩用來椒鹽刺身爽脆，骨腩野味真係好好食一定會再黎食賣單仲送左張刺身優惠卷正!!!!

DEPARTMENT有兩位新同事返工.因為阿頭想大家聯絡一下感情.所以就貼左通告,叫晒我地報名.地點：太子小肥牛訂左12位.佢地俾左間房我地.不過D冷氣好似勁左D.我地先叫左BEER,日本BEER Asahi大支$15一支都夠凍先嚟一個刺身拼盤打頭陣,可能我地只係6個人既份量.......但都OK HAHA再嚟湯底我地叫左翅群湯底.麻辣拼莞茜皮旦.都OK,試過唔會係味精水.鍋料就叫左D大路嘢.不過今次就食多過上一次.(價錢)$88一碟雪花肥牛都幾多WOO.一路食,一路玩,呢D都先啱我地既STYLE.下次再過招

舊同事生日聚會，揀左打邊爐，之前食過炮台山那間，食物幾好，所以試埋太子這間。仍舊做緊$10/碟的牛脊肉，每2人就可以叫1碟，1碟都有10塊，都幾抵食。最欣賞係佢既芝心牛丸，好新鮮，好牛味，正!!! 另外墨魚滑都好出色，又爽又彈牙。仲有$20/3枝既朝日大啤，好啤酒既人就掂哂。這間火鍋店好特別，佢有刺身供應既，但一直都冇食過，因為擔心唔知乾唔乾淨，怕會肚痛。但都見到有其他人食既....這間分店的服務員就麻麻，d人口音又唔正，又漏單，激死人，炮台山那間好好多。值得一提既係，如果想熱鬧，這兒是不錯的選擇，但如果想傾計，就唔好搞，因為樓底唔高，好鬼嘈...

最近小肥牛大肆開新店, 加上見過有食友大讚, 尋晚就去食左一次一坐低, 侍應就捧來調味架, 有辣椒, 蒜蓉, 蔥粒等等, 加入豉油用來點火鍋料, 多少隨自己喜愛! 很多食友都選擇了細刺身拚盆, 我地都叫左一個, 果然唔錯, 不過刺身每一件都比較薄, 唔夠喉, 但好新鮮, 好似赤貝, 一點都不覺腥, 好新鮮先可以!湯底就選芫茜皮蛋湯底, 唔要雙拚, 唔係因為要加錢, 而係想食得清一點, 皮蛋下火, 啱哂我! 配料選擇芝士腸, 安格斯牛脊, 芝心牛丸拚墨魚丸, 皇帝菜, 腐皮卷, 桂花蛑安格斯牛脊好多食友大讚, 又平, 十蚊碟, 肉質都ok, 以十蚊而言當然抵食, 但只係一般, 不是上等肉! 反而手切牛肉更好食, 但價錢比較貴, 芝心牛丸幾野味, 入面的芝士都幾正!水準唔錯, 不過唔算係第一流的火鍋, 但要求唔高都可以一試

第一次到小肥牛, 係去灣仔的分店, 當然其實係去會合朋友, 都無認真食, 未去之前已經食飽今次就唔同, 約左成班老師同事去食, 一食就喜愛他! 我地係叫蕃茄牛腩湯底的, 湯底本身已經有牛腩, 什菜等, 味道幾好火鍋料有墨魚滑, 雪花牛 x2, 什菌, a菜, 津白, 腐皮, 芝士腸, 烏冬, 都好豐富! 最有印象, 係個墨魚滑, 感覺好彈牙, 一更一更批落個湯度, 好快就熟, 仲有蟹子夾雜其中, 爽!雪花牛切得薄薄, 灼一灼就熟, 點加了蒜蓉, 辣椒粒的豉油, 好好食, 所以要再加一碟!餐牌上仲有多款刺身, 叫左個迷你刺身拚, 魚生都好鮮, 五十幾蚊一個唔貴!我地去的時候差唔多爆滿, 都幾受歡迎, 相信冬天都幾難搵位了

大熱天時打邊爐，其實真係熱上加熱！朋友話小肥牛好食，我一個星期前已經打電話去訂位了，因為好多人話太子那一間成日都勁多人！確實到了現場，真係好多人，我聽到有人再打電話訂即晚，聽電話的都已經話full 晒了，地點方便！4個人叫咗好少野食，其中包括那個$10牛，又唔係太細碟，已經質素唔差！其他的好似芋絲、魚皮餃、墨魚丸都同其中的食店冇太大分別！服務就真係麻麻地，不停搵人叫你飲野，但啲飲品都唔平！可讚的係成日會幫你加湯！

試過三十二度的天氣打邊爐嗎? 極度唔願意之下, "被迫"地, 去左小肥牛打邊爐真係被迫的, 咁熱, 其實根本沒心情去食, 只係三個朋友一至的要去, 咁我這個小數民族, 邊有得話事呢?但係, 我今次都食得幾滿意, 因為食物有水準, 火鍋的配料很新鮮! 湯底我地用了番茄牛腩湯的味道, 個味道算合格啦! 先來一客章紅魚刺身, 食得出係新鮮劏的魚生, 一點腥的味道都沒有, 比食日本刺身更優勝!火鍋配料之中一定要食安格斯牛脊, 雖然要七十八蚊一碟, 但係唔貴, 牛肉的脂肪分佈得好平均, 入口有香濃的牛脂味, 肉質又唔un, 大家一至讚好!另外仲有芝心牛丸, 唔好叫鵝肝墨魚丸,因為唔好食, 我地兩樣都食因為雙拚只加兩蚊, 所以咪試囉, 結果係一個好食一個唔好食仲食左桂花蛑, 海蝦滑, 烏冬, 芝士腸, 唔好expect 係好平的十蚊, 廿蚊一碟個種, 價錢係正常的收費, 最緊要好食就得!如果而家得十度八度, 就好啦

同事生日喎, 當然要慶祝, 交通比較方便, 我們首選太子站,曾經試過葵涌小肥牛, 念念不忘的炸腐皮, 值得一試再試.我提議今次去太子站個間, 坐下看見20元3枝大啤酒, 豪飲的我怎會放過, 3枝又3枝...如果喜歡"牛"的朋友可以試下有關"牛"的湯底真不錯.

環境 : 因是舊樓, 共有五層但沒有電梯或升降機, 不合老人家去我們在房內就比較好, 沒有外面那裡嘈吵.但房內的分體冷氣機滴水, 但只開獨立那一部就唔夠凍總之就是舊, 還有不明東西咬到你周身癢.服務 : 個服務員好似好倦, 但都好勤力, 經理好好人食物 : 特級本地手切牛頸肉, 好好食. 有咬口就好似牛展咁, 但好快就賣完澳洲雪花牛肉就又貴又唔見得有咩特別, 主要是切得太薄失去牛肉味和咬口特價每碟10元的安格斯牛肉, 跟平時食開的蒙古牛沒兩樣, 如果唔知是點的, 就好似小肥羊的羊肉片, 我覺得不是太抵吃墨魚丸: 好食, 不是急凍的, 彈牙, 好有墨魚鮮味唐生菜: 好新鮮, 好翠綠青島生蠔 : 是即叫即開, 好似蠔吧咁連殼一齊上, 我們仲有點疑惑是生食還是用來火鍋, 灼後變得好細隻, 但是好食的豬肝: 我食了一件都好爽口, 絶對新鮮.提一提大家如要訂位, 個電話只在4點半後才有人接聽

天氣雖然已經開始熱, 但無損一眾好友打邊爐的興致對位於太子的小肥牛火鍋有點興趣, 相約在昨晚去食, 我地得兩個人去食, 火鍋配料嗌左唔算多, 包括一碟玉子豆腐, 墨魚滑, 魚餃, 烏冬, 兩個女仔唔想食太多肉, 肥牛等等的配料不在我地選擇之列了, 反而叫左津白, 生菜, 食多點菜, 易消化湯底係芫茜皮蛋湯底, 下火嘛 清清地幾好, 玉子豆腐打邊爐都算係第一次, 煲了五分鐘撈上嚟食, 又幾好食播, 不過夾的時候要小心, 如果唔係會散哂之前見過有食家影了墨魚滑的相片, 賣相特別今次特別嚟試, 用支刀界開一舊舊放落湯煲, 都係五分鐘就熟, 好彈牙, 啲蟹子更增加了彈牙的情度, 唔可以錯過的火鍋配料魚餃味道普通, 細細隻可能煲太耐, 啲皮黏黏地的除了豉油之外, 食之前從調味合添加了蒜蓉同辣椒, 份量可以隨自己喜好而定, 今次的火鍋晚餐, 食得幾開心, 幾滿意

相隔5個月母親節再度光臨。。。今次帶媽咪黎試下，好食好味，兩個人都食得飽飽又開心！$50。馬拉沙嗲湯底：好正，好香濃的沙嗲味，仲有不少瑤柱碎ga原價$78。特價$10碟的安格斯牛頸脊：咁平，必點啦！兩個人可以叫一碟，四個人就可叫兩碟，牛頸脊切得薄，所以入口就很快溶化了，但也頗足牛味，當然口感與肥牛不同啦，可是真的十分抵食啊！$55。蟹子鵝肝墨魚丸：很多蟹子在墨魚丸上，小顆的鵝肝在墨魚丸中央，鮮甜爽口彈牙$55。瑞士芝士牛丸：牛丸有很重果皮香味，牛丸中有芝士在內，芝士係入面溶左，咬落去口感有趣，這個要滾耐點啊，比較難熟，還有吃時入口要小心，否則好易被中間的芝士燙親啊！鐘意食芝士既砂姐如果係埋到實全包呀，哈$55。爽滑鯊魚唇：普普通通啦，都有很多塊，很爽口，可咬到些軟骨，幾滑$30。酥炸腐皮卷：唔係度度有，好好味，又特別，台台必點，真的值得一試食完仲有生果盆送，共5塊西瓜、1個橙，另有樽話梅粉配上，侍應有禮地說明可灑上話梅粉伴吃惟一可惜，仲咩次次都唔記得嗌<蟹子墨魚滑>ga…9pm後買三送一，兩人埋單$263祝天下所有媽媽，母親節快樂！