小窩雞海南雞專門店 (已結業)

本身睇左啲評價都一般般，返左咁耐工一路都無咩意欲想試，不過今日禮拜六有啲本時食開嘅餐廳都無開晚市，所以都係諗住試下佢啦。叫左無骨海南雞牛丸喇沙，本身諗住應該都唔會差得去邊嘅心去試…點知個湯底唔得，我完全食唔到喇沙味，個湯真心唔好飲，唔知係點樣煲。跟住其中一個好唔掂嘅位係啲芽菜係臭嘅，雞食落都唔新鮮…牛丸叫做正常啦。好耐未食過咁難食嘅喇沙。喇沙最緊要就係個湯底，我完全食唔晒成碗，食左少少就放棄左，唔會再幫襯呢間。

2:30後係下午茶時段$48 份量都正常wor鋪頭名話我知應該試左海南雞配黃油飯先（有得配米線）雞就算連皮食都唔肥 雞肉正常如果收正價未必會再食反正嗰啲配汁醬料幾好味中間嗰個黑醬油甜度啱啱好

今日第一次黎呢間餐廳食午餐，一個人不用排隊直入有位。叫了一碗海鮮喇沙米線午餐，包一碗老湯同餐飲叫左熱菜蜜，共$80。海鮮喇沙米線有蟹肉捧、魷魚、蜆、魚肉……除咗個蟹肉棒有味之外，其他嘢全部都係無味，喇沙湯好淡味，聞唔到棷奶香，好失望。個湯淡味到喊。菜蜜係淺甜，不過我覺得甜度適中，因為有啲舖頭會甜得過份。利申返先：呢排我冇感冒，味覺冇問題，係鍾意濃味野食。職員服務OK，叫佢哋落單好快到, 上餐速度快。

今日收工要去上堂，所以又係女朋友買海南雞飯外賣🐔🐔俾我💕佢用foodpanda買要65蚊，我上網睇原本應該係48-50蚊，心疼佢💸外賣主要有3樣野1）湯 湯唔係味精湯，清甜開胃，有少少渣係底。 2）醬油：包括豉油蔥油酸辣醬醬油份量偏少，要三款都用曬先夠食 3）油飯加雞🐣我女朋友話油飯要加錢而佢冇加，但食嘅時間都仲係油飯，開心！油飯香口，不過有少少糊，飯粒唔係粒粒分明。雞就好滑好嫩，皮同肉中間有啫喱，肉都係僅熟，唔會老，配上酸辣醬送飯一流😍依度嘅雞係一塊塊，唔同坊間有啲雞係幼條。而且份量恰可，我飲完湯加個飯都飽肚。如果原價50蚊都好抵食！！

我婆婆牙齒唔好，我每次去灣仔探佢，去小窩雞買一隻無骨海南雞做餸已經成為指定動作。為左爭取見面時間，我習慣先喺OpenRice預訂，咁一出地鐵就可以直接去攞，真係好方便架。隻海南雞真係好多肉，再配埋6小盒醬汁，真係好豐富。我婆婆仲食到讚不絕口，因為佢牙齒唔好，但係食小窩雞嘅無骨海南雞就絕對無問題，佢話啲雞肉好淋好滑，我真係好開心佢可以食到肉，當日仲有其他餸菜，佢會將食剩嘅海南雞留去下一餐，佢話翻焗都好好味😂

四川麻辣口水雞飯 $71每人會配一老火湯，能喝得出是自家煲的👍🏻；口水雞🐓的雞肉肉質滑嫩，雞胸肉也不會柴；因麻辣的緣故，沒有雞的腥臭味，即使是雞皮感覺也不油膩😃；麻辣味濃郁，但略微小了些花椒八角的四川風味🤔；白飯🍚份量十足（我通常只能吃一半😛），但偏軟，若米飯質感更硬便完美了🤣分數：？/10食物🥘：7/10環境🏞️：7/10服務👩🏻‍🍳：7/10價錢💰：6.5/10總體而言：短置一般，距離地鐵站🚇有一段路邊，環境尚且舒適，但冷氣略微不夠凍；店員手腳麻利，剛點了餐，很快便上菜了；食物質素佳🫶🏻（我成日去食的🤭）；雖然價格比海南雞飯貴，但它口味的回報是正心比的🫰🏻可Encore🫶🏻

<#🐳肥肥食記🐳>👧🏻 灣仔｜招牌去骨海南雞飯 $48📍地址：小窩雞海南雞專門店 (灣仔)灣仔軒尼詩道109號地舖🍗招牌去骨海南雞飯 $48而排本身都已經好想食海南雞飯 今日做野行過個頭 又係下午茶特價時間 見到就衝咗入去食比想像中好食 店送三款醬比你送食 包豉油 蔥 酸辣醬 雞熟得剛好 展現到雞嘅鮮味 亦不會太油🤵🏻服務食物點完 過3分鐘就有得拿 快速🌟總結推介指數：⭐️⭐️⭐️⭐️⭐️環境指數：⭐️⭐️⭐️⭐️服務指數：⭐️⭐️⭐️⭐️

聽同事介紹，說這間的海南雞飯很好，飯很好味。午飯時段點好經過，就外賣了1份無骨雞南雞飯套餐回去Em…贈送的湯很大碗，但並沒有湯料雞的確很嫩滑，但油飯並不像同事說的那樣有味也有可能是外賣的醬汁給太少，食到後半已開始變得淡而無味。。希望下次可以多給醬汁吧

星期天中午12時經過這一家店，內裏空無一木枱客，已心知不妙。(因旁的丹麥冰室，好打都有十零人幫襯着)再看餐牌，見''正宗新加坡肉骨茶飯"，收$66，想着收這價錢應有些水準吧！誰之一送到的茶飯，色淡如水，份量又少，完全不似預期~伏味十足。(本人曾到星加坡試食馬拉和真正星州口味的''地道肉骨茶"。)試了一口，只有死咸味而肉骨是湯渣，全吐了出來。再嚐奶茶，味道古怪，能與坑渠水比美，只此一次，永不回頭。全無用心制作，謹供諸各位網友免再中伏！！

完全冇做外賣知識，叫咗個叻沙外賣，竟然湯同粉放同一個兜，攞到番屋企變咗碗叻沙粥！！打電話去投訴，竟然話要預先要求分開粉同湯，唔肯認錯，食物和態度差劣。大家千萬唔好幫襯

Lunch過來嗌左口水雞飯外賣，個醬幾麻下，初時入口溫和，隔一段時間之後有股帶有微微麻痺感既後勁， 雞肉不過不失，肉質軟腍，雞皮爽滑。隨餐附送一碗湯，啱啱好可以解到辣。

又係頭痕食啲咩嘅中午放飯時間，行過幾間想食嘅餐廳都大排長龍，最後經過呢間小窩雞海南雞專門店嘅時候見到入面無咩人，於是抱住一試嘅心態入去食，點知帶嚟一個意外之喜！一坐低，侍應已經遞兩碗湯俾我地，話係送嘅，真係好窩心！因為而家好少餐廳(尤其繁忙嘅商業區)會額外送湯俾食客，所以當堂覺得係今日嘅一個小確幸！餐廳主打星馬菜式，我見最多食客係叫海南雞飯，相信呢度嘅海南雞飯都唔錯，不過因為筆者本身對海南雞飯無感，所以我就嗌左一碗魚腐豬扒湯河，一嚟到嘅時候真係好驚喜，因為份量好多，擺盤亦都唔錯，加上價錢偏平($49)，所以未食我就已經暗暗為呢間餐廳加分；味道方面，豬扒香口鬆軟，魚腐就無咩特別，但唯一可挑剔嘅地方就係河粉太淋，無咩口感，筆者建議可以轉第種粉麵，應該會再好食啲。店內環境方面比較狹窄，最麻煩嘅係當你食食下野嘅時候，食客出出入入、侍應送餐等等嘅動作都大大影響到你食飯，所以最好就揀啲埋牆嘅座位，大大減少食飯過程被碰撞嘅情況。整體嚟講，係值得一試再試嘅星馬午餐，大家經過灣仔不妨去試下啦~

呢間小鋪位於灣仔修頓球場斜對面.同網上面溝通嘅陳小子下午茶餐牌裏面有嘅加飲品約港幣$60 左右佢話自己係做倉喎， 從佢眼中我諗他是對香港這世界仍有童景 在飯店有影下一至兩張相， 但我們沒有進行進一步關係了一般

睇完食評 唔明點解咁多人說好吃。對我來說，只係正常的飯但仍有改善的空間。首先飯很爛，米不是好的米，沒有海南雞飯油飯的質及口感。另外三醬汁，放在少少的膠樽內，要另外找碟倒出來，否則點唔到雞。雞肉是整個餐唯一可取的地方。整個餐其實只吃個少少鷄肉。最失敗的是加$ 買杯奶茶。奶茶不給奶，整杯茶苦過齊啡，成杯倒哂去，被騙的感覺。是下午茶自取外賣，餐廳只有一半客，不算忙，但店員不用心做事，唔落奶的少少動作，已經令顧客壞了對該店的印象。打電話去同他們說，只說下次去補番，下次你如何記得，另外仲有下次嗎？

今日冇帶現金，只可以揀啲有八達通或者用信用卡嘅餐廳。行咗成10分鐘都未搵到自己想食嘅午餐。終於嚟到大街嘅一間餐廳，餐廳裏裏外外都有好多人應該信得過。餐廳座位數目不多，好多人都要搭枱，我點左一個肉骨茶飯。我細看之下發現大部份人，大概10個人有九個都係點海南雞飯，但係我又見到喺餐牌上邊個肉骨茶飯係有隻手指公讚好嘅，所以就試一下。呀姐好快就送咗個例湯俾我，個湯冇乜味精，幾好飲，我諗佢寫住加老火湯應該濃味啲，但係佢係青青甜甜咁嘅。途中發生個小插曲就係姐姐幫我落錯咗海南雞飯，不過唔緊要啦，應該係因為差不多個個人都係食海南雞飯先會搞錯嘅。我個肉骨茶飯好快就送到黎啦，但係就冇任何嘅醬料搭配。我問姐姐攞醬料，應該係比海南雞人食嗰啲醬料包括有甜豉油同埋辣醬啦，佢可能未食過新加坡嘅肉骨茶啦。當我問佢攞啲醬料嘅時候，佢係有啲詫異咁望住我。出奇地個肉骨茶比我預料中好，其實喺香港食肉骨茶都試過幾次但係次次都失望收場。但係呢度嘅肉骨茶啲湯都有藥膳嘅味道，雖然唔算超濃但係亦都唔油。仲食到幾粒杞子，我覺得呢個手指公係真實嘅。排骨啲肉煮得好琳，肥瘦得宜，同埋啲骨都煮到軟瀨瀨咁係可以咬到嘅。啲豆卜都好食。雖然餐廳座位好迫