小確幸

营业中

休息中

元朗嚟間甜品店我己想試好耐，睇過雜誌嘅介紹，心郁郁，可惜元朗太遠，不是經常去的地方。今日跟好友行完山，剛巧在元朗食午飯，決定飯後去買番一兩件回家品嚐。原味布丁燒和法芙娜朱古力布丁燒。食用時建議倒轉放在碟上，彈下彈下的。原來上層是芝士蛋糕，下層是布甸。原味帶點焦糖香，好滑溜。法芙娜朱古力當然朱古力濃厚，因採用了名牌朱古力valrhona ，非常好味。跟店員交談中得知中環開了分店，下次不用山長水遠，可享美味甜點了。

呢間幾出名一直想試但無機會，多謝同事請食餅。 🧀四葉芝士蛋糕布丁燒 一個布丁燒食到三種唔同層次，最上層係香甜焦糖，中間嫩滑雞蛋布丁而最底層係綿密芝士蛋糕。口感豐富滑溜，入口即融，食到蛋香味之餘，芝士香濃唔heavy 🍫法芙娜朱古力布丁燒 採用法國法芙娜朱古力豆，朱古力味濃郁，稍微搶左芝士味 🍵抹茶若竹布丁燒 用左日本宇治丸久小山園若竹抹茶，抹茶味同芝士味平衡得宜 呢到嘅布丁燒仲可以自選燙印祝福語，真係好啱做散水餅，睇得又食得👍🏻。除左布丁燒，仲有自家製奶凍架~

-芝士布丁燒$38朱古力布丁燒$38—————————間日的日子都沒有人，網上睇到會有排長龍，應該新開先會，時間過咗咁耐就冇咩人排嚕，店面都佈置得好靚靚，店員都有不錯服務.......一直想試很久的布丁，由於元朗國較少去今次終於有時候經過順道買回家吃吧🤣不過試一次就夠我只是一個普通平凡的為食肥妹仔，不是什麼專業食評，也不是廚師或是對食物有什麼研究，單純分享吓日常生活過什麼東西，也不想過份吹捧同吹噓。

The little shop was decorated with all sorts of owls symbolizing good fortune in Japan. As the baked desserts are freshly handmade every day, some of the flavors were already sold out when we arrived in the late afternoon, so we decided to just try the most popular flavor to see if it was worth all the hype (answer is YES)Flipping over the side stamped with an owl, the jiggly custard purin easily slid out with overflowing caramel sauce, which added a slight bitterness to the light pudding. The r

原味（四葉芝士蛋糕布丁燒）$38小確幸嘅布丁燒果然冇令人失望。芝士蛋糕味濃厚，而且蛋糕面印有小確幸logo幾精緻，布丁嘅口感綿滑富少彈性。個人比較鍾意佢呢款軟身啲嘅布丁，唔似平時超市個啲太實。食嘅時候要反轉倒出嚟，先可以順利咁一匙食曬咁多層，如果唔係焦糖會係底同布丁好難畢出嚟喔。

這店在元朗區也開店了一段時間...睇住佢開業...排長龍...到現在疫情寒冬下已不見人龍。經常係元朗出入的自己話比人知，自己冇食過呢間野的話！真是好冇面子囉！今日天氣好寒冷，街上人流自然因此減少！冷冷的甜品於咁寒冷的情況下的確有點輸蝕。也正正如此！更加想支持小店。店內有數款不同味道的布丁！當然食主打就是四葉芝士布丁燒$38！店員也好用心去教導如何取出及食用，因為真係第一次食🥰回家試食過...可能天氣太寒冷的關係...我完全食唔出大家所評價的味道...沒有蛋香只有順滑...沒有太甜味道只有過火的焦糖味（好輕輕帶點苦澀）芝士味同口感都有！但因倒轉杯子使底層吸收左焦糖的味道😵😵😵所以...寒冷天氣真食甜品都係熱或暖的好！冷的布丁真係試唔出其他人口中的堅真味希望等都夏天時再試食...再平反😤😤

正如其名，店家既布丁燒食完就係令人有一種小確幸既感覺味道有層次 布丁細滑配上剛剛好既芝士蛋糕 就是幸福的味道好多次專程由港島過來元朗為左食呢個布丁燒 希望小店快d擴張開分店 到時一定大力支持！！

有朋自遠方來元朗國玩，你會帶佢食乜好西？🙃吃貨人生第一碗的布甸燒就係係小確幸食，當時覺得係幸福的味道啊😍。之後幾年無再來，其實都食過幾家布甸燒，我覺得好普通，唔明點解無幸福的感覺🙃，亦都遺忘了小確幸為何有幸福味？今日有朋自遠方來元朗國玩，當然要帶佢嚟光顧下小確幸，今日無人排，成個元朗都好靜，重有企位比我地係店內食🙃。我地揀了四葉芝士蛋糕布丁燒，價錢$38。即食會幫你即刻反轉。我嘗試每一口都好好品嚐呢個布丁燒，一口不到底，每口都係甜蜜焦糖，厚滑蛋香，兩加香軟蛋糕底，我，重拾返幸福的味道啊❤️❤️！

🍮🍮🍮🧀 四葉芝士布丁燒🍵 抹茶若竹布丁燒🍫 法芙娜朱古力布丁燒-終於一試喺元朗嘅芝士布丁燒!😻 焦糖布丁配埋下面有芝士蛋糕，一反轉布丁啲焦糖就流哂落埋🤤 芝士蛋糕有啲似日式芝士蛋糕，質地比較鬆軟，浸咗啲焦糖醬一齊食個蛋糕會淋咗少少。布丁質感好滑都有雞蛋味👍🏻 我最鍾意用Valrhona製作嘅朱古力味，帶點朱古力苦味，味道好濃郁🍫 相反對抹茶味就未算有苦中帶甘嘅味道，用若竹抹茶粉應該係比較濃抹茶味嘅🍵，但係呢個反而冇蓋過芝士蛋糕，算係兩者平衡。🍴7/10

其實之前經過元朗都有留意過呢間鋪頭，但往往係因為人龍而錯失左試佢嘅良機。今次適逢有同事離職，而有幸試到同事買來小確幸嘅散水餅。同事今次買嘅係佢哋嘅布丁燒系列。從外表上，其實都幾適合用嚟做散水餅，因為布丁燒嘅表面都印有幾款唔同嘅祝福語字句，簡單得來唔會太花巧。我試咗佢嘅雲呢拿布丁燒口味，簡單來講，成個布丁嘅結構分為兩層，上層係一個軟熟嘅蛋糕質地，而下層先係布丁嘅質地，當兩層一齊食嘅時候再配合下一層，佢會滲出一啲焦糖汁，感覺就似食緊一個海綿蛋糕再加creme brulee 嘅底咁。可能我揀嘅係雲呢拿味，相對食落冇芝士口味咁漏。

以前小確幸出面成日見到排長龍，仲要限人數等出爐今日經過，終於試到😋今次試四葉芝士蛋糕布丁燒，幾啖就食完😂好味！😋果然係小確幸🥳不過$38就略嫌貴左少少。。。

作為一隻天水圍牛，上元朗比市區人易十倍，我成日有事冇事就上元朗搵野食❤️雖然呢間小確幸開左好耐，但要食到佢唔易嫁，佢成日好快賣晒，今次終於比我試佢啦，真係小確幸❤️❤️❤️⭐️四葉芝士蛋糕布丁燒呢款原味布丁燒，一開蓋就睇到隻好QQ嘅猫頭鷹仔，然后就聞到好香嘅奶味。倒落個碟度就見到布丁動L動L甘郁，未食已經好療癒☺️食落布丁滑，奶味香，下面個芝士蛋糕好濕潤，配埋香濃嘅咖啡汁，簡直一流。最重要係呢個布丁燒唔係死甜，好配合到香港人嘅口味。⭐️法芙娜朱古力布丁燒朱古力味都唔輸薜嫁，布丁食落好濃朱古力味，味道比原味甜d，不過就有少少搶左個芝士蛋糕味。總結我就比較推薦大家試原味，因為原味奶味重好多同好香。中意食重奶味甜品嘅朋友我真係好推薦大家黎元朗試下呢個高質甜品包你有驚喜

今日係Last Day, 一星期前係社交平台見到呢件布丁好鬼靚，所以訂咗黎送比同事。今日下午準時送到。包裝整齊又靚👍🏼👍🏼每一個同事收到都好開心重覺得好好味Tim。

男朋友親自外賣速遞, 小確幸😋🍮原味布丁燒: 一隻膠杯貓頭鷹看似平平無奇, 搖一搖杯底冒出焦香咖啡汁, 上軟下滑, 一寸厚的日式芝士蛋糕在上, 香濃布甸在下, 兩者密不可分, 一匙羹到底形不散👍美中不足是芝士味不夠濃郁🍮牛奶奶凍: 香甜軟滑, 牛奶味同樣稍嫌不足, 與布丁燒相比亦欠缺特色, 但闊口玻璃樽份量足, 而且玻璃材質為享用甜品的整個過程增添質感💪

因為我向來對布丁沒有太大興趣，所以一直沒嚐過布丁燒。先前山長水遠到元朗，豈料原來想去的甜品店休息，無意中發掘到小確幸，就決定去嚐一嚐布丁燒初體驗食物: 4.5/5我和朋友都高度評價▪️四葉芝士蛋糕布丁燒布丁滑、有蛋香、甜度適中，而焦糖亦非常香，帶點啡味最精彩的是底層芝士蛋糕！芝味十足之餘，口感綿密，入口即融整體非常高質素這天只剩原味，不時聽到客人來詢問有沒有抺茶味作為茶控，下次一定要再來嚐嚐抹茶味