小甜頭

营业中

休息中

過嚟食之前係比呢間店嘅麻糬吸引咗😍睇到相覺得非常打卡able!! 呢間店係小清新風格..Menu設計都好得意😌比起一般甜品店 呢間小店更似係一間cafe🤭甜品方面有唔同嘅系列 除咗有啲經典選擇之外仲有布甸, 麻糬,刨冰,特色飲品等等🥄🍧🍮 揀食咩嘅時候 真係好苦惱😩因為太多野都想試 揀咗好耐至揀到🤣今次試咗3樣甜品：Mochi系列🥄 $55開心果碎碎. 開心果奶蓋沾醬麻糬💚實物勁勁勁吸引 開心果迷表示興奮～🤩有滿滿嘅開心果碎碎 配埋開心果醬再望到圓軲轆一粒粒嘅麻糬 真係不能抗拒🤣呢個價錢嚟講 有成10粒麻糬 真係非常之抵麻糬口感煙靭 食落唔會黏住嘴仲有淡淡嘅黃豆粉香～～本身麻糬冇甜味 配埋個醬食就啱啱好👌🏻唔會太甜 加埋開心果粒粒 perfect match😳Pudding系列🥄 $40個配色好靚😍😍😍椰子雪球斑蘭奶凍🤍椰子味🥥雪糕👍🏻👍🏻👍🏻🌟斑蘭奶凍味道較淡 不過口感香滑,細膩 🤤Snowflake Ice系列🥄 $72特濃朱古力冰🤎天氣咁熱😮‍💨係食冰嘅好時候!!店員推介咗朱古力味.. 所以就試吓朱古力冰個賣相好靚😍呢間心思小店連頂頂嚿香蕉片都花咗小心思 係面做咗浸焦糖😳

【大圍糖水界天花板🌟創意爆燈嘅幸福甜品】 😍 門口餐牌靚到令人心心眼，7:30店內已有很多客人，幸好很快有位 ，食完之後幸福感爆燈，乜煩惱都無哂～ 💛「百香果檸檬冰」🍋 熱到癲嘅天氣即刻被呢碗冰治癒！酸甜清新嘅百香果冰入面，竟然暗藏驚喜——爽滑嘅百香果蒟蒻💥 呢個獨家配搭無可挑剔，完勝其他冰店，仲要落重本用高級百香果，誠意滿分✨ 百香果是高成本食材，一般糖水店很少有，只有五星級甜品店才使用🤎「焦糖脆餅海鹽奶蓋沾醬麻糬」 少女心即時大爆發💘！軟糯麻糬先蘸滑溜奶蓋，再點焦糖脆脆餅，鹹甜交織嘅口感令人欲罷不能～明明食飽晚餐，都忍唔住清晒成碟😋 🖤「黑糖粉粿雪糕杯」🍨 自家製椰子雪糕香濃到震！配上台灣先有嘅Q彈粉粿，一啖雪糕一啖粉粿，口感層次豐富到拍手掌👏🏻 全部甜品我都俾滿分💯這裏可以滿足我胃口的所有願望仲見到隔離枱嘅「楊枝甘露」非常精緻吸睛🎨 但係我已經飽到上心口～呢度將傳統糖水玩出新花樣，每款都感受到心思，減肥？食完先算啦！ #大圍必食甜品 #百香果蒟蒻冰驚喜 #麻糬沾醬邪惡度爆燈

夜晚11點左右，我喺小甜頭外賣咗碗黑糖粉粿珍珠盛，個心勁期待，諗住深夜可以嘆下呢份美味。返到屋企，急不及待打開，點知一睇，呆咗！入面得半碗多啲嘅珍珠同粉粿，真係少得可憐，失望到爆！味道係唔錯嘅，黑糖幾香，粉粿又滑溜，但係咁少真係唔夠喉呀！本來諗住好好享受美食嘅夜晚，搞到有啲孤單。希望小甜頭可以俾多少少良心，唔好張相同實物差咁遠囉！美食應該帶嚟開心，而唔係失望㗎嘛！下次再叫外賣，真係希望可以食到滿足感，等我嘅夜晚唔使再咁寂寞啦！

見鐵飯腳個老best用生命嚟推薦呢間甜品舖，梗係要搵日嚟試吓😆➿ 焦糖脆餅•海鹽奶蓋沾醬麻糬（$48）之前見有幾個YouTuber都有推介呢個，估唔到又真係幾好食喎😋 麻糬嘅size整得啱啱好，一口size，口感好軟糯👍🏼 海鹽奶蓋配Lotus餅碎呢個配搭味道上真係幾好夾！➿ 百香果檸檬冰($68)夏天食冰是必須的🌞 大推呢個口味，酸酸甜甜，超清新🌿 底部仲有幾大嚿嘅愛玉！冰質細滑，就算溶咗都好似飲咗一杯特濃嘅特飲咁🍋 舒服！➿ 大甜頭 ($52 *Large)呢碗甜品會令肚皮大滿足‼️巨多料！基本台式糖水有嘅料都有：芋圓、仙草、芋頭粒，仲有好多唔同嘅豆類，紅豆🫘 綠豆、薏米、冬瓜薏、腰豆，係咪見到都感受到飽腹感有幾強呢？仲有西瓜粒🍉 椰肉、椰子雪球🥥 溶溶地又化身做base，同其他配料都幾夾！最特別係驚見半透明通心粉，令到口感又再豐富啲！

💚開心果碎碎． 開心果奶蓋沾醬麻糬 Mochi with Pistachio Milk Foam & Pistachio 💚班蘭椰汁千層糕 Pandan Coconut Cake💚

18/5/2025📍小甜頭夜晚去咗大圍食甜品 試下近期好hit嘅奶蓋沾醬麻糬 呢間小店嘅座位唔多 但平日9點幾去唔洗等位⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨焦糖脆餅海鹽奶蓋沾醬麻糬（$48）有10粒麻糬 每粒都幾大粒 幾煙韌 面頭沾滿黃豆粉奶蓋微鹹 加上焦糖餅碎嘅甜就啱啱好 煙韌嘅麻糬配上脆嘅餅碎 口感好豐富🤩（好記得上年係赤柱聖誕市集食過同類嘅野 果間真係整得差好多🙂‍↔️）✨椰子雪球班斕奶凍（$40）奶凍嘅斑斕味好香 口感好滑溜 偏紥實嘅質地雪糕嘅椰子味都好重 完全冇冰感 做得好好👍🏻側邊仲有啲椰漿 全部都唔太甜 好正😊⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$88（冇加一）兩樣甜品都好好食😋仲要唔貴 可以encore~推薦指數🌟：5/5📍大圍積存街12-20號地下D號舖#foodie #hkfoodie #food #hongkong #香港美食 #香港 #香港好去處 #拍拖好去處 #週末好去處 #大圍美食 #糖水 #宵夜 #大圍

早兩日同朋友大圍食完晚飯就去咗呢間小店好彩我地都算早到，大概9點左右所以一到就有位唔洗等（到我地走果陣已經排哂隊了）因為一心就想試佢個椰子斑蘭冰所以一入到去就落單點知原來佢要每人只少一個甜品所以加多咗個斑蘭糕不過建議佢可以考慮設人均消費因為個冰都有啲多如果食完晚飯，叫個冰再加轉個甜品相對有啲多不過佢個椰子斑蘭冰好重椰子味佢個冰底下仲有椰汁糕都好出色下次大圍食完飯都會再嚟食個冰！但相反另外加果個斑蘭糕就真係好普通了

今日收夜，放工好攰，疲倦嘅心情好想搵甜品治癒一下！呢間小甜頭營業時間去到凌晨一點，同朋友一齊入去試吓。🔸椰子雪球斑斕奶凍賣相很打卡！斑斕奶凍用左新鮮斑斕葉整，口感香滑又唔會太甜👍🏻椰子雪球也十分吸引，係自家製，超濃椰子香味嘅雪糕，配上斑斕非常夾！🔸 椰子脆脆・海鹽奶蓋・沾醬麻糬強烈推薦麻糬控一定要試！麻糬超煙韌，外面包住咗啲甜甜嘅黃豆粉，點埋個鹹鹹地嘅奶蓋醬同埋椰子脆脆一齊食，口感豐富，超級好食！

大圍開左甜品店，甜品控的我必定要試一試。呢度糖水款式齊全，有經典西米露、楊枝甘露、桃膠、仙草，仲有布甸、奶凍、雪花冰同麻糬，當然唔少得雪糕新地同椰子飲品，選擇多到眼花撩亂。講到招牌，必試開心果碎碎·開心果奶蓋沾醬麻糬麻糬軟糯煙韌，沾上自家調製嘅濃郁開心果奶蓋醬，再滾上一層開心果碎，口感層次豐富，開心果味夠晒真材實料，賣相精緻得嚟又有趣，好似食緊一件藝術品咁。百香果檸檬冰酸甜醒胃，清新感爆棚，夏天食一碗即刻精神曬，冰涼又解渴，賣相色彩繽紛。仙草桃膠盛（桃膠仙草芋圓紅豆）一碗集齊多款配料，仙草及桃膠滑溜，芋圓Q彈，紅豆當晚就硬咗少少，屬極小甜版的甜品，我就喜歡甜多少少，當然啱晒注重健康的人士。總結嚟講，小甜頭無論係懷舊糖水定係創新麻糬，都食得出用心同誠意，下次去大圍又多一個食甜品的選擇。

大圍一家高質木系甜品店餐廳環境走日系風格燈光讓人感到很舒服 🍪 Oreo 海鹽奶蓋沾醬麻糬 $42這款甜品真的是超級推薦絕對會是我回來這裏的原因！Mochi 非常 Q彈 ，咬口煙靭，是很新鮮的麵團混合海鹽奶蓋醬和曲奇碎來吃，讓人忍不住一口接一口，很快全部吃完🤍🍮焦糖脆脆忌廉芝士布丁 $46布甸味道很香，蛋味和忌廉芝士味道融合得很好但以一個布丁來說，質感太過硬身，感覺比較像在吃芝士蛋糕如果能稍為軟化一點那就非常完美了！

同朋友食完飯經過小甜頭，就被窗邊嘅月球掛燈吸引，睇睇餐牌就知道又可能開餐啦！店內嘅木系裝修充滿心思，俾人一種放鬆舒適感覺，同朋友、姊妹過嚟就啱晒啦～✨ 黑糖粉粿椰子雪糕杯第一次試黑糖粉粿椰子雪糕嘅配搭，真係充滿驚喜呀！😍黑糖粉粿嘅甜度啱啱好，冰涼彈牙，而椰子雪糕口感柔滑，質地細膩之餘，仲有濃郁嘅椰子香味。✨阿華田脆脆海鹽奶蓋沾醬麻糬麻糬外皮透薄，入口軟糯，粒粒都超煙韌呀！🤤🤤🤤 配埋帶少少鹹香味嘅海鹽芝士奶蓋，同甜甜嘅阿華田脆脆，每啖都有香濃嘅可可味！✨ 仙草桃膠盛 (冷）天氣開始熱啦，我哋仲叫咗碗凍嘅仙草桃膠盛先，估唔到分量都唔細👍 材料包括芋圓、地瓜圓、桃膠、紅豆等等。芋圓囗感適中，加上滋潤嘅桃膠，配埋紅糖水，食完都唔會覺得膩呀😝！

特別既沾醬麻糬粒粒，呢款唔係度度都有得食係糖不甩既演變！整左個nut池比你碌碌下，非常過癮！個沾醬有恰到好處嘅海鹽味，大家最愛既開心果味！椰子碎味，好食到不得了。焦糖布甸用左自家製嘅焦糖！仲有埋焦糖脆脆加軟綿綿要一齊食先好食，更添口感，布甸蛋香好厚實，食落好creamy係有幸福既感覺～小甜頭係咩黎，原來小甜頭係一碗糖水 除左小甜頭之外，仲有家姐同呀哥，中甜頭和大甜頭，佢地分別都各有千秋！包餡唔同既材料係裡面，而大家姐大甜頭係最肥最多配搭既，但係唔一定多款式就係好，唔同配塔有唔同味道同口感，所以唔好貪心住，睇係有咩配料先叫～每樣野都係50元左右 好抵食！

平日工作太辛勞復活節假期只宅在家有一晚一家三口去了小甜頭吃甜品就是這樣渡過了假期😂（是的，我是悶蛋）不過對我來說能到小甜頭也算很特別的因為平日太夜下班基本上是沒機會吃到他們的手作雪糕，聽吃過的朋友說是必試今天每人點一款甜品我是一早鎖定了雪糕黑糖粉粿椰子班蘭雪糕杯超精緻的高身玻璃杯先吃一口椰子雪糕，真是驚為天人清爽的椰子口味，內𥚃有點果肉清甜之間，口感綿滑中帶爽脆班蘭雪糕味道同樣出色喜歡班蘭的朋友絕不會失望黑糖粉粿亦是店主自家製口感特別煙韌當然要讚整體不過甜（聽說這是港女對甜品最高的讚美😂）小朋友不怕甜也不怕胖焦糖脆餅海鹽奶蓋沾醬麻糬海鹽奶蓋帶點微酸，像芝士奶蓋那種麻糬本身沾滿了黃豆粉先沾點奶蓋，再放到焦糖碎中是又好吃又帶點玩味小朋友最愛一客有十顆麻糬之多😳我覺得兩個人分享比較適合爸爸點了最平實的仙草桃膠芋圓養生有益又好吃桃膠份量不少同樣是不會過甜合乎港人口味😝店內環境舒適平時在外面只見月球燈今天終於堂食可以一睹其貌了🌕

趁著假期，去到大圍的小甜頭吃甜品。餐牌選項很有特色，都是店方精心設計的食物。黑糖粉粿椰子雪糕杯+$4轉一球班斕雪糕這杯甜品呈現出色彩繽紛的層次，黑糖粉粿的深色與雪糕的淺色形成鮮明對比，令人一看就想品嚐。黑糖粉粿滑嫩，口感Q彈，與雪糕的口感相得益彰。班斕雪糕香甜，據侍應介紹是由新鮮班斕葉自製而成，心思十足，椰子雪糕則帶有清新的椰香，整體口感豐富而不膩。黑糖的香甜味與椰子的清新相互融合，班斕的香氣也讓整體風味更加多元。每一口都充滿驚喜。開心果碎碎．開心果奶蓋沾醬麻糬這份甜點擺盤精緻，色澤賞心悅目，開心果的綠色與麻糬的黃褐色形成鮮明對比，令人食慾大增。麻糬軟糯Q彈，搭配開心果碎和開心果奶蓋，口感豐富，層次分明，甜而不膩。開心果碎增添了脆感，而奶蓋則提供了滑順的口感。開心果的香氣濃郁，整體風味協調，令人回味無窮。

喺大圍油站對面嘅甜品店，唔易搵，但好有驚喜……首推開心果碎碎麻糬波，麻糬好煙靭，開心果尖醬會死甜，有好香開心果味，重點係大大碟開心果脆脆，炒得好香，用麻糬波點醬、再黏上開心果脆脆，一啖食晒煙靭、香濃、香脆嘅口感，非常滿足！唯一要挑剔嘅係麻糬波太多，兩個人食都覺得好飽，如果一個人就好難試到，如果可以有半份、或者雙拼就更好，朋友其實好想試吓Oreo味，但都食唔到……另外試咗黑糖粉粿椰子、斑斕雪糕杯，黑糖粉粿似啫喱，配埋椰子同斑蘭雪糕，非常清新，啱晒夏天消暑！仲有焦糖脆脆布丁，平時布丁多數配焦糖醬，呢度加埋焦糖脆脆，小朋友一定鍾意。大圍有唔少甜品舖，呢間嘅Menu選擇唔算多，但都好有特色，例如有桃膠糖水、番薯糖水，其他舖未必有，值得一試。