小琦唐揚雞 (已結業)

放工經過 ， 見到門口寫自己係 日本連續七年炸雞最高金獎！！！ 我作為最鍾意食炸雞嘅人一定要試。 Menu有三種雞, 原味, 辣味同埋雞翼，同男朋友兩個人叫曬三款試。真心可能係全香港最好食嘅日式炸雞， 雞肉非常有鮮味， 炸粉唔厚， 調味料淡淡的， 帶出雞肉原本嘅香氣。 辣味亦都很好吃， 唔係好辣但辣得好香。全部食物即叫即炸非常新鮮， 就連薯條都係非常新鮮， 絕對唔係翻炸。 非常好食嘢而且價錢 抵食，39蚊一set, 有嘢飲. 一定會再光顧

經過見到咁多"金賞", 成間鋪都貼哂，不禁令我諗起北韓官員胸前嘅一堆獎牌。心諗，唔好吹水，好唔好食先？炸雞：一咬落去，真係好脆，啱啱炸起好熱。一句講哂，好食！佢除左茄汁，冇其他醬比你，不過就咁食已經好好。佢全部用雞脾肉，所以好juicy.薯條：唔係話好驚喜，不過係好食嘅，唔錯！唯一嘅缺點就係等左好耐。不過呢個質素，我唔介意等。最後我想講，其實炸一隻雞，成個過程只係撲d 粉，擺落去炸，炸得好食唔係應該架咩？點解我屋企附近嘅kfc 你咁唔爭氣，可以又貴又咁難食？我以後行遠d 都唔會再幫襯你，我喺呢度食都係食左$39 蚊 一個餐咋！

店舖還在籌備開張前，我經常行過，好期待試試這間日式炸雞店。炸雞無得彈。炸漿夠薄，外脆內juicy。唔洗去日本🇯🇵都食到正宗日式炸雞🍗🐔薯條炸得夠鬆脆，不像是雪藏薯條。涷檸檬茶，茶味夠香，檸檬夠多，完全係為左符合香港人鐘意嘅涷0茶口味。呢啲細節位最能感受到日本的「職人精神」。

平平地買咗個套餐嚟試下，結果好有驚喜。😆😁雞個皮好脆，入面肉汁好多，味道啱啱好。😋😋薯條係粗薯條。因為我本身鍾意食粗薯條，所以覺得幾正！🥰🥰售價係39蚊～個人覺得喺天后開，份量都算大，咁嘅價錢都合理。🤔🧐📍地址：天后電氣道96號地舖#外賣 #屋企碗嚟嘅

天后最近新開了一間日式炸雞店，在這個時勢開張，勇氣可嘉。一時左右到店，在前已有一位等外賣的客人。主食有套餐，2件炸雞連薯條及汽水，33元不貴。由於家裡已有主食，決定只買十件炸雞(98)返屋企加餸。由於是即炸，店員說要等10分鐘，也好，先到附近藥房採購物資，回來已制作好了。回到家打開，已被餓狼般的女兒搶吃。吃下去乾身沒有油膩及油溢感，炸得剛好不過火，肉身滑嫩亦保留了肉汁。是很典型的日式炸雞，比香港大部分日式食店炸得好吃，就算隔了幾小時翻熱，也保持到7成味道口感。不過只賣一味的話，要在天后食街戰場生存會有難度。

四年前喺沖繩食過一次覺得超正，點知到今日行去北角竟然見到有間一模一樣就入去試下！同日本食嘅味道完全一樣。個皮夠晒趣，又夠香，最緊要係熱辣辣同埋充滿雞味。其實細路仔嘅時候（198x)食肯德基（當年全香港只有兩間舖頭）已經係正到暈喺度，之後就好少食得返好味嘅炸雞。台灣嘅都唔錯不過要我揀嘅話，第一係當年嘅肯德基，第二就係依間公司嘅炸雞。個肥仔老闆仲好好傾，招呼一流。聽佢講，已經準備咗一年去開舖，今時今日咁嘅形勢仲有咁嘅勇氣真係要加多2分。我應承咗佢，過兩日帶埋老婆同兩個女去再食多次。