小王牛肉麵 (已結業)

食物其實唔錯 但係店員服務極差 點菜舉手扮睇唔到 落菜一野車埋黎 完全唔想做咁既感覺 所以好影響左對呢間餐廳既印象 希望只係個別事件 生意唔算特別旺 但係做到咁差 諗起都唔想再食

鑽石山荷里活有一間十分高質的台灣店舖我們一行四人差不多八點入座不用等位 我們共點了兩碗麵和五款小食1. 原汁牛筋麵 ($56)這是小王牛肉麵必吃的食物分量很大 可以揀粗麵或者幼麵本人吃牛肉麵就比較喜歡幼身的為什麼我常常encore小王牛肉麵 是因為他的牛肉湯底十分之濃郁 而且牛筋處理得十分乾淨十分有膠質 每一條牛筋都是大大條的 真的很有咬感2. 原汁牛肉麵 ($55)牛肉也是大大條而且很軟熟 3. 香煎餃子 ($30)煎得剛剛好 餡料非常多 而且餃子皮十分薄 很值得一吃4. 鹽酥蚵仔 ($36)因為比起蚵仔煎 我更喜歡係蠔餅在沒有蠔餅的選擇下 我就揀了鹽酥蚵仔份量都甚多 size不是太大 但十分惹味5. 一口鹽酥雞 ($30)很喜歡他的雞件不是切得太大粒上桌時鹽酥雞也是熱辣辣的 好juicy6. 鹽酥骰子豆腐 ($26)很喜歡鹽酥豆腐外脆內滑的口感7. 高雄滷水拼盤 ($68)質素很高 牛展很大塊 還有豬耳豬腸處理得很乾淨 很入味今餐晚餐共值$372 (已包加一服務費)差不多每人~$90但論食物嘅質素同味道回頭率是很高的 很高興家附近有咁高質嘅台灣菜

端上來還以為上錯了，一鍋黃色的湯，裡面有幾塊粉紅色的雞，還有幾片生薑和幾個枸杞。麻油味是很重，但雞真心不好吃，簡直後悔簡直後悔簡直後悔簡直後悔後悔後悔簡直後悔後悔

荷李活逛街，有啲肚餓就來到一間沒咩人排隊的牛肉麵坐低，剛選好食物服務員就好快下單，半筋半肉麵，味道很濃，蜂蜜茶味道很淡，剛好中和一下！吃到一半突然越來越多人，很吵還要和人搭檯！只好快快吃完走人！

週末黎荷里活廣場，經過好耐都無食嘅小王牛肉麵，就心思思想食台灣野。 記得好耐之前都有食過，不過嗰陣食肉燥飯，覺得麻麻地。所以今次就決定試下佢啲麵。食麵嘅話會有另一張分開嘅餐單。值得一讚嘅係好似食日本拉麵咁自己可以揀麵嘅軟硬度同埋其他配料(芫荽，蔥，酸菜)。麵條有得揀幼麵/粗麵，菜就有得揀高麗菜/小棠菜。我就揀左原汁牛肉麵，配粗麵同高麗菜。啲粗麵幾正，最中意食依種寬麵，掛住湯汁。個湯底一飲落就有藥膳嘅味，反而覺得如果個湯嘅牛肉味再重啲就好。牛肉有4-5塊，煮得好淋，而且唔會好似香港好多食台灣野嘅餐廳咁比牛展。 對我黎講依個麵味道ok, 食完都夠飽。個麵單點無包野飲係$55。雖然無野飲而且又要再加一，不過同其他台式餐廳嘅牛肉麵比又唔算係好貴。

難得約到時間跟朋友仔相聚，放工後即刻飛到黎鑽石山食小王牛肉麵。朋友仔到先，我就遲咗啲，所以就叫朋友仔幫我畫定menu，可能太耐冇黎，想當年仲係用緊張過膠menu用枝紅色蠟筆tick菜式，原來依家轉咗新花款，叫麵類嘅菜式係分開另一張紙！ 以前只可以揀粗/幼麵同埋要唔要酸菜，依家嘅options係超多花款：韌度；芫茜；酸菜；香蔥；湯底都有得自己話事！！不過因為我唔知道有得揀，又冇特別同朋友仔講，所以就冇tick到喇！我就食碗原汁牛肉麵(粗麵) ， 湯底濃郁非常，牛肉都幾淋，夠晒入味，麵條又幾煙韌! 不過份量晚餐黎講男仕就未必夠，最好叫多個小食喇！而朋友仔就揀咗個排骨肉燥飯，份量夠多，啲肉醃得幾入味，夠淋，唔會好似豬扒咁鞋口！朋友仔話相比起大雞扒冇咁熱氣，但一樣咁好食，值得推介！ 另外都叫咗個小食，酸菜豬腸，酸菜勁多，但豬腸好似比起以前少咗！大大舊，夠野味！

呢間嘢主打台灣嘢食 佢嗰隻牛肉麵 有貴有平， 百幾蚊碗嘅又有， 我呢啲平民百姓只係食普通幾十蚊下午茶， 跟埋杯凍飲40蚊左右。 隻牛肉麵係粗麵 唔係我哋香港識嘅面 但係面質 都好好味 煙韌又有咬口。 台灣嘅牛肉即係香港嘅牛腩差唔多佢啲牛肉係好味嘅牛筋亦都ok。 因為大新銀行卡做promote佢有一個雜錦 有幾種唔同嘅肉原價六十幾蚊特價廿幾蚊， 呢個真係抵食但係要平日用大新卡找數。 整體質素我覺得係好嘅 坐得亦都舒服， 而且商場三個鐘免費泊車， 簡簡單單一流。 唯一一樣嘢 我覺得啲侍應阿姐 態度都幾 冷淡 下 ， 可能我唔夠靚仔掛。

晏晝諗住去郊遊 出發前梗係要醫飽個肚先啦喺附近商場搵個午餐食左先鹽酥雞扒麵雞扒外層香脆 肉質夠嫰台式肉燥豬扒飯豬扒份量足  有手掌咁大配埋肉燥飯 男士食都夠哂飽烏醋拌雲耳味道不錯 但雲耳欠爽脆肉鬆皮蛋豆腐配搭出奇地配合 好清新既配搭

放假約咗男朋友去荷里活睇戲，趁未夠鐘，我地即刻搵個地方坐低食晚飯。由於weekend關係，好多食肆外面都要排隊等位，但我地時間有限，見小王牛肉麵只需要等三張枱，而我地又未食過就快速決定試下呢間台灣嘢。見到有晚市精選2人餐$188，就二話不說舉手點餐，叫set好處就係唔洗頭痕慢慢諗。麻醬拌黃瓜芝麻醬加上普通冇腌製過嘅爽口青瓜，味道清新。台式滷水拼盤有鹵水雞蛋，豬腸，牛肚，豆腐。入味得嚟唔咸，已經好好餸飯。鳳梨黑醋骨黑醋版咕嚕肉，酸酸甜甜好開胃，排骨炸得酥脆。台式豆醬炒A菜炒得好香，唔錯，同埋一啲都唔油。二人餐配珍珠白飯兩碗跟餐加$48飲品及甜品原味牛奶布丁焦糖雞蛋布丁熱香芋奶茶熱珍珠奶茶熱食整體都屬正常唔錯。飲品方面略嫌太淡，溝水太多，味道唔夠濃。食甜品時發現最奇怪嘅係，牛奶布丁開始液體化，而且一啲都唔冰凍，講得上係接近室溫。好奇之下望下甜品區，啲牛奶布丁一杯杯放哂喺雪櫃外面，唔怪得溶啦，好彩冇食到肚痛，奶製品應該小心處理。雞蛋布丁味道好少少，但都唔吸引。建議唔需要加飲品甜品🙅🏻*需加一服務費

今日和太太荷里活廣場看完電影後便往小王牛肉面食下午茶, 我們點了排骨湯面, 上湯蔬菜、肉燥鹵蛋拌面和熱薏米水。排骨湯面排骨食落啖啖肉, 口感十足, 配上少許黑椒食落惹味, 湯面面條爽口, 湯底清甜, 小棠菜食落爽口；上湯蔬菜菜心食落新鮮爽口, 配上的薑絲辣度適中, 蒜頭香脆, 口感豐富；肉燥鹵蛋拌面肉燥食落甜度適中, 鹵蛋蛋香美味, 拌面食落爽口, 醬汁食落醒胃；最後熱薏米水甜度適中, 薏米食落美味。餐廳座位舒適闊落, 食物美味, 價錢合理, 我和太太食了一頓好味台式下午茶。

跟朋友來到荷里活廣場睇戲逛街，下午茶時間就看看水牌有什麼餐廳可以坐下休息食個下午茶，最後和朋友決定去這間小王牛肉麵試試，因為之前見過其他分店已經想試，但因為實在人數太多又要排隊，而今次因為閒日非繁忙時段，所以不用排隊可以直接入座。 下午茶選擇不多，我和朋友的口味都一致，選擇了這款半筋半肉麵 ，加一杯特飲都是40蚊左右，價錢嚟講在商場店舖算是不貴了，味道還好，湯底很濃，略嫌肉太少筋比較多，麵質不錯份量夠，飲品方面~我選了洛神花，味道又不錯，可以一試。服務普普通通，正常。

今日去了荷里活小王牛肉麵，因早期食過都覺得好吃，所以今天午餐決定去吃，點了午市套餐半肉半筋牛肉湯麵，結果來了一碗全筋湯麵，詢問服務生時態度一般，說午餐只有一舊牛肉，我再努力發掘下終於搵到他們所講的牛肉是一小舊的，不是⋯是一小粒的，在我憤怒的情緒下，我說加錢換一碗正價牛肉湯麵，服務生說正價半筋半牛肉湯麵也是只有兩舊牛肉⋯那樣衡量下唯有硬食那碗一粒牛幾Pat筋嘅湯麵。在此經驗下想分享給大家，如果大家不吃牛肉，但又想去吃牛肉麵，此店真是最好推介～

香港既台式餐廳花多眼亂，但位於鑽石山荷里活廣場既小王牛肉麵，開業已有一定日子，主打台式牛肉麵一直獲得唔錯評價，今晚就要一試究竟！1. 台式牛肉麵小王牛肉麵選用較為扁身的麵條，入口彈牙，湯式有濃郁的牛肉及花椒八角味道，味道較為甘甜，不太肥膩。特別要提及的是牛肉部分並非牛腩位置，而是牛𦟌部分，比較失色。牛𦟌經高溫烹煮後非常入味，但數量不多，較為扣分。2. 一口鹽酥雞坊間鹽酥雞多以整片雞扒去骨處理，以一口尺寸制作較為地道一點，而且雞塊醃制有味，入口肉汁多，只是咸度高了一點，但整體不錯3. 蚵仔煎台式蚵仔煎較潮式蚵仔煎最大的分別絕對是蛋漿密度及配料的選擇。小王的台式蚵仔煎選用較細隻的珍珠蠔，混合少量蔥花，炸漿較薄，較潮式蚵仔煎軟身一點。味道方面，小王蚵仔煎口感爽脆，蠔仔有嚼勁，配搭魚露更出色。唯一不足的是蠔仔數量太少，若可吃到滿口蠔肉會更吸引！最後要提提自攜埋單流程比較慢，櫃面同事好像缺乏經驗，扣左少少分。

$56一碗正價半筋半肉麵全部是筋！反映後補回一片所謂肉！服務員說每碗是两片肉！「半」的意思是甚麼呢？餐牌上又沒有「全肉」可選！商品說明條例可用嗎？應該有下一次該冇下一次了!

第一次來，就試下d小食同嘆杯飲品。點左「蘋果桂花茶」，點知就出事啦。杯野飲充其量只係「桂花蜜沖水」，就係d桂花蜜加d所謂蘋果粒幾粒用熱水沖，上菜時連d蜜都冇攪勻。而且，說好了的「茶」呢？完全冇影，連少少茶嘅色同味都冇，覺得很受騙，懷疑佢地有冇違反商品說明條例⋯⋯早知杯野係咁嘅一定唔會叫呢杯