小王牛肉麵 (已結業)

二人行下午茶时段这间店不是很多人所以就入去了，叫了个半筋半肉面卖相不错，点知喝了一啖汤之后发觉有酒味，我是一位孕妇不可以再食这碗面，查问侍应是否加了黄酒之类既调味料，佢答我冇加酒不过加了药材，我话咁我吾要啦可否换过其他食物，他犹豫了一会先答我ok. 佢地个餐牌应该加番药膳这个字落去，如果我食不出有药味又饮了这汤出了事怎么办？ 另外，叫了两杯珍珠奶茶冇珍珠，侍应话停左，我问咩叫停左，佢话煮紧需时，最后我答佢走珍珠不要紧. 但系个侍应词不达意话停左我真系'R'哂头，仲以为当日冇珍珠供应。…查看更多

好耐冇食过台湾牛肉面、听闻呢个好正宗，真系得半筋半肉面-粗面，有口感，牛筋，好滑，牛肉，just fit texture! 汤底，香唔油，啱啱好！鸭舌-呢个一般，可以不吃。胡椒粉肠锅-呢个...ok la.一句讲哂，净食牛肉面…查看更多

因为一田大减价嘅关系，同左个朋友扫完货之后，开始觉得肚饿，喺荃湾广场行咗一阵，行到呢间铺头闻到好香嘅味道，于是同左个朋友入去试吓。入到去我就叫咗一碗原汁牛肉粗面，而我个朋友就叫咗碗半筋半肉粗面。原汁牛肉粗面：碗面都好足料，都有五旧牛腩。佢啲面嘅软硬程度都做得咁好，而佢啲牛腩忟到好淋，咬落去完全冇黐牙，而且佢个汤底好稔咀，相信佢哋个汤底肴左好耐，几经辛苦先喺朋友个碗度拎到一旧牛筋食，件牛筋做到入口即溶。但系我觉得碗面贵左少少，如果平返少少咁就perfect 喇 !!!!…查看更多

今次点左一碗半筋半肉面（粗面）。牛筋真系煮得好软熟，食落去嘅口感就好似食花胶，咁当然佢冇花胶𠮶种黏口嘅感觉，但入口质感的确系相当贴近花胶，而份量大概就系一个汤匙咁多； 牛肉嘅质素一样系属于高，都系煮到好软身，食得出汤底嘅味道已经入肉。论牛筋同埋牛肉呢两样食物嘅软熟程度，系非常之适合老人家同小朋友食用，当然佢地嘅味道都系好好啦:)另外我自己都好钟意呢一碗面嘅汤底，汤底好清，面头几乎系无油需要我去撇走，而汤底好似有一啲药材嘅味道，又有d似带有肉骨茶嘅香味面条亦都够弹牙，无话食到碎湿湿嘅面条不过最败笔嘅系条菜佢唔系唔新鲜爽口，而系上菜时嘅摆位太求其喇，零零舍舍系好似离开群众，比食客嘅感觉好似师傅煮得好无heart，求求其其就上菜咁，有d可惜。:(然而单论美味程度，呢碗面确系值得得到一个笑脸嘅…查看更多

放假食得午餐黎都两三点，见呢间唔使等位，即刻入去医肚。盐酥鸡扒肉燥饭，鸡扒好大块，但如果切得细件啲就好喇。牛筋面汤底浓，牛筋都唔算好难咬，有得拣粗面或者幼面，我就拣咗幼喇。盐酥鱿鱼酥， 十分香口，细细条易入口，送酒一流，可惜呢度冇酒😂前面果杯系珍珠奶茶，奶味重，后面果杯系黑糖xxx(唔记得😂)，唔好睇佢咁浅色，都几重黑糖味。…查看更多