小王牛肉麵 (已結業)

由於太掛住台灣實習既時侯，每日都會食既早餐店同蛋餅，所以出門既時候總會特別留意下周圍有冇好味既蛋餅。-今日經過德福，岩岩好見到小王牛肉麵下午茶竟然有蛋餅配珍奶，就諗住入去試試。-🔶芝士火腿蛋餅 ($38 + $6 額外配料)蛋餅一上枱既賣相已經唔太好，冇左平時台灣蛋餅會有既醬油膏，而且配料都比較少。咬落去好淋而且唔太熱，冇太大層次。食左一半已經好失望呢🥺-🟤珍珠奶茶（跟餐）落單時表示需要走甜，但黎到既第一杯冇走到，需要再提醒店員先換到杯奶茶。但第二杯既珍珠量明顯少左好多，再次失望左-最後埋單先發現要加一，總數$48💸💸💸性價比不太高，想食台式蛋餅既朋友可能要失望喇。忍唔住都想寫返個食評，希望以後搵到有水準既蛋餅啦～

朋友未先入去坐，叫咗一口雞超鹹食住先，食食吓唔正廣東話亞姐走埋講，我地有限時㗎喎，一問之下限幾耐呀？限一個鐘，我頂，入坐前無講限時，叫嘢食無講限時，朋友仲未到，佢同我講星期五周圍食嘢都限時㗎啦，我話入坐前有講一定唔會入嚟食嘢囉，超鹹難食的一口雞，食完會腎虧🤬🤬🤬

因為我無乜點打食評，但係我今次實在係不吐不快，所以我都係長話短說。太耐無黎食野，竟然連Menu轉左都唔知。等位唔算太耐，等左陣就可以入座。睇落去依家個Menu好似加左好多新野，但係其實感覺比起未轉Menu之前少左好多選擇。雖然整體野食質素無話唔好食，但係整體服務有待改進。例如：D阿姐出菜全部都係啞既。P.S 跟住呢樣野係我既私心評論：未轉Menu之前有我獨愛既蜂蜜綠茶，轉左Menu之後竟然直情無得飲唉，咁我唯有齋飲水算。

餐廳座位寬敞, 疫情下人流不多, 店員沒有安排客人坐得太近, 安心用膳。晚市套餐包涼菜, 湯羹, 小菜, 飯和甜品, 選擇甚具彈性, 如包飲品更完美。一人套餐 $98 + 10%1) 台式涼菜: 涼拌茄子2) 湯羹: 台式酸辣湯3) 精選小菜: 欖菜肉鬆四季豆4) 白飯5) 甜品: 藍莓奶蓋布丁涼拌茄子份量不少, 茄子皮爽肉軟, 正常水準。台式酸辣湯用料豐富, 有木耳絲, 蝦, 冬菇, 肉絲, 豆腐乾等, 味道酸辣開胃。欖菜肉鬆四季豆爽口無渣, 肉鬆拌洋蔥少鹹惹味, 配飯同吃味道剛好。白飯滿滿一碗, 忘了要求少飯, 無飯香, 質感少少黏口。藍莓奶蓋布丁賣相稍遜, 士多啤梨份量不多, 加上忌廉除了多少少點綴外, 對味道一點幫助也沒有。布丁質感算滑, 但偏向實淨。布丁上的藍莓醬味道過於死甜, 蓋過布丁本身的味道, 打了折扣。提外話, 一般來說, 賣花的總會讚花香, 就算花不香, 也不會刻意提出, 但這店卻有一個非一般店員, 竟主動告訴客人這裡的食物麻麻, 令人感到尷尬。你們有遇過這樣的店員嗎?

今日因為要去上堂，時間緊迫，經過德福二期就是但入咗呢間餐廳😂下午茶時段，食個台菜😋叫咗個一口雞滷肉飯，嚟到都有少少愕然！因為都幾大碟吓！！！😂下午茶有lunch嘅份量，幾好！滷肉都好多，飯又好多，雞又好多！😂滷肉貌似煮到入晒味，但我覺得唔算太入味，只有少少滷水汁味，不過撈飯還算可以。一口雞，即係鹽酥雞，幾好食，唔太咸，幾香脆🤤台式檸茶，冇乜茶味。好一般。另外特別一提，下午茶要加一。

朋友放工約我喺附近食飯咁岩佢想食牛筋 我地就去左食小王其實小王嘅牛肉麵唔係真係太好食個湯嘅甜味係來自糖 而唔係食材牛嘅鮮味都唔係好食到但係牛肉同牛筋就ok嘅 煮得夠稔 唔會話咬唔到我同朋友仲叫左碟粉皮辣辣地其實幾好食嘅牛肚口感都ok仲有碟熗炒薯仔絲食落口第一下真係好正好辣 但好香d薯仔絲又夠幼夠入味入味得黎唔會太稔仲好食過某灣仔名川菜份量都唔少 幾抵食最後我地係清左碟薯仔絲 但無食哂碗麵服務同環境都ok嘅 下次會再黎

工作完在附近找找地方吃午餐。這層都有很多唔同種類的餐廳，這間就剛好吸引了我入去。有午市套餐，前菜有2款，有蒜蓉青瓜和麻醬粉皮！跟同事都同樣點了半筋半肉麵，超濃湯，正👍🏻👍🏻牛肉口感都讚，完全不靱，很易咬開，牛筋都很入味👍🏻餐飲仲可以飲珍珠奶茶🧋不用加錢。加一後$70

星期日都有下午茶喎！而且價錢都唔貴飲品揀咗珍珠奶茶🧋珍珠係彈牙嘅但係稍為硬咗少少，茶味夠香唔錯金桔檸檬🍋感覺好清新酸酸甜甜，都幾好喎半筋半肉麵牛筋同埋牛肉都夠淋但係略嫌冇乜香味喱款粗嘅面食落去唔會硬，但係粗面就掛唔到湯湯底就望落去好似好濃味但係飲落去係偏甜嘅清湯感覺佢就寫係養生湯，都OK嘅感覺係冇味精可以飲吓台式滷肉大排飯小黃瓜有醃過味道真係好台灣滷肉偏甜冇乜香味豬扒有啲乾硬，冇蘇味嘅，份量少咗啲啲順帶一提啲姐姐態度都幾好喎！同我見到其他人評價嘅有啲唔同唔知係咁好彩今日心情靚定係佢哋服務態度改變左呢食物黎講呢又唔講得上好味但係飲品黎講又令到我有驚喜喎我覺得星期日都有下午茶而且個價錢又唔貴包杯台式嘢飲嘢食份量又ok而家喺香港黎講都算係好抵好抵㗎喇

午餐時段入座 見佢枱面得午餐Menu 點左三樣野 諗住問下有冇其他Menu睇下拉 佢話冇 跟住又好晦氣咁話另一個menu冇野飲送嫁 然後又拎個menu比我 🙄Fine 加左個紅油抄手跟餐凍檸茶得半塊檸片 珍珠奶茶係港式奶茶加珍珠 都算拉 跟餐送比你飲都係咁上下拉🤷‍♀️然後...紅油抄手係甜既..蚵仔麵線八方XX仲好食過佢...PS.其實以上所講既都算 我在意既係個啊姐將野食落枱果陣冇同我講“睇後“／“小心後面“ 而係用帶住藍色手套既手（仲要係有油喺手套上面）拍落我膊頭去示意佢喺我後面準備放野食上枱🥴🥴🥴..我想講 我岩岩沖完涼🤬 同埋 油跡喺灰色衫係好明顯囉😡😡

呢日約左朋友黎九龍灣德福廣場食午餐, 朋友話好耐無去過台灣, 好想食台灣野解鄉愁, 所以我地就黎到呢間小王牛肉麵試下。台式大排麵- 排骨大大件, 香脆肉厚, 肉汁豐富, 味道唔會過咸。- 麵條係採用較闊身既麵, 硬度適中, 唔會過淋, 湯底清清地, 配上濃味既炸排骨一齊食剛剛好。跟餐附送既配菜 - 青瓜同麻醬粉皮都好好食。 飲品面, 隨餐係附送金桔鮮檸綠茶 或 荔枝玉露。荔枝玉露- 有好清香既荔枝味, 甜甜地, 唔錯。小王牛肉麵九龍灣偉業街33號德福廣場二期4樓410號舖港鐵九龍灣站B出口, 步行約8分鐘

原本諗住食個普通下午茶，叫咗1個大腸麵線，真係估唔到伏到緊要，麵線無麵線味不特止，食落完全無麵線既口感，我完全覺得自己係食緊有味既鋼線一樣。呢一刻，我好懷疑自己，到底，係我太耐冇去旅行忘記咗麵線係乜嘢，定係我一路以嚟所期盼既口感，都只係自己幻想出嚟呢。Btw, 有圖有真相

上兩星期前，同朋友在九龍灣德福廣場二期分店食下午茶，叫了兩個牛根腩麵，食物上枱後，發現啲粗麵好硬，就告訴給個侍應知，點知個侍應話係咁㗎啦，你地落落單嘅時候應該改另外一隻幼麵，果隻無咁硬，咁我就話，你個餐牌都冇寫到有另外一隻麵選擇，而樓面亦都冇提及過，我地點會知呢，但一直個侍應都冇諗過幫我換過個麵，咁我話而家個麵咁硬咁點食，係唔係唔換比我，咁先至死死地氣換過個幼麵俾我，換到過嚟，要我自己將舊果碗啲牛筋牛腩，夾返落新果碗幼麵度，仲要催促我快啲，因為佢要攞返舊果碗硬粗麵走，成個過程，得到咁嘅服務態度，超級激氣，好似比錢受氣咁，希望貴公司好好地增值下班員工服務態度及質素。

記得以前0係呢邊番工時間中都會黎呢度LUNCH感覺良好架今日再黎到呢頭見好耐無食小王了就揀左呢度午餐點左~蚵仔花枝丸麵線黎到果陣已經見到有D紅蘿蔔絲夾起D麵線時真係打左個突同心目中既麵線好唔同食開既台式麵線都係比較幼身而且紅蘿蔔絲多到一個點唔講以為食緊紅蘿蔔絲麵加上花枝丸切到好細成碗加埋既花枝丸可能得兩粒既份量呢個真係好麻麻~鹽酥雞扒湯麵呢個個麵同湯係正常但個雞扒略嫌厚粉如果唔食個厚粉皮入面個雞扒又無咩味

為咗佢特登開Account🤦🏻‍♂️🪳🪳🪳今日去九龍灣見到呢間野 人少少諗住入去試吓 點知係碗麵度發現咗隻曱甴！啲麵即刻嘔返出嚟！真係太失望 服務態度又差 吾怪得知冇人食！

餐廳也很大，有卡位，有膠隔板。進店前也需要度量體温。幸好這次也有一個靠埋邊的位置，吃起來比較安心。服務人員也算尚很好，很快便來落單。我們點了招牌牛肉麵、珍珠奶茶加了$25小食：台灣腸。牛肉麵套餐跟了小食和鹵水蛋米半隻。牛肉麵的麵完全不好吃，有點硬身；牛根牛肉也尚算「林」，也全部吃掉；珍珠奶茶亦沒有奶茶味；小食是雲耳很酸不爽；鹵水蛋亦有少許「梅」；台灣腸算係最好吃的，有微熱。最後是食剩所有麵/珍珠奶茶/雲耳。