小灶子 (已結業)

其實平時好少何去荃灣！今次係真係咁岩黎探朋友，所以黎左呢邊搵食！由於唔太熟路都係上左openrice 望望！發現有呢間小店，有得食all day breakfast，所以就試下喇！枱上面就有張紙比我地自己寫食乜！我地要左德國腸茄芝味意粉$55 同荷蘭班尼迪蛋$68，仲另外叫左柚子蜂蜜＄45雞翼因為我真係好鍾意食egg benedit！佢既流心蛋不過不失！holland sauce 調味幾好！因為我自己都整過黎食仲有沙律菜伴碟！雞翼唔知仲咩無左張近相！個雞翼我地對佢充滿期待！但原來唔算好特別！可能味道甜一點會更好！意粉其實好難唔好食！反而我覺得佢份量好足夠！大大碟！出面好少何比咁多腸架！果然抵食！

好耐冇去過荃昌中心搵食，原來已經開左咁多食肆，有日本野，小食檔，米線等等。見到有間食all day breakfast，細細間舖，得6張枱，咁岩有位，所以入去試下。枱上面有點餐紙，自己有填選野食同飲品。我地要左egg benedit同carbonara，飲品揀左凍mocha同香蕉奶昔。egg benedit 既流心蛋唔夠流心，中間蛋黃有啲熟。荷蘭醬味道唔錯，唔會俾醋味蓋過。反而透明杯裝住既沙律菜有驚喜，菜新鮮，而且有芥辣味既柚子醋好開胃，好岩夏天食！煙肉煎得好香口，唔會太硬。Carbonara 意粉味道一般，忌廉唔夠，而且意粉太淋，冇口感。蒜蓉包應該焗左一段時間，因為已經唔脆，加上淋身。兩杯飲品配餐，只需半價就有。如果以原價四十幾蚊，呢個水準就唔值。

今日去荃灣做野，順便試下呢間隱世小店。佢地午餐都幾多選擇，有沙律，全日早餐，漢堡同意粉，仲包埋飲品，正！我就揀左個吉列雞漢堡。真係幾豐富，除左個包之外，仲有沙律同脆薯角。沙律菜好新鮮，配上日式沙律汁，開胃醒神。個漢堡幾厚下，有菜，蕃茄，吉列雞扒同芝士，醬汁係蛋黃醬，咬落多汁到漏，非常滿足。我聽講佢地咖啡幾好，就試下。叫左杯豆花咖啡，跟餐要加＄１４。呢杯咖啡好驚喜，啜入口感覺係豆腐花，但又滲透著咖啡香，而且係越飲反而咖啡味越濃，好特別。埋單係＄６４，超抵。下次來想試下意粉，好似好吸引。

放工約左幾個好姊妹dinner，荃灣好多輕食cafe，未試過呢間，所以就趁機試試！柚子蜂蜜雞翼，好濃柚子味，甜甜的開胃菜岩晒！煙肉薯角，不會炸得過油，新鮮即整熱辣辣腸與草批，pizza是脆的，都是熱辣辣，但略嫌配菜少，吃到一半會覺得dry 松露忌廉龍脷意粉，黑松露味好足，魚亦煎得夠香，但意粉偏油煙三文魚忌廉意粉，2款意粉外形好似！但呢款味道偏淡，意粉亦是偏油。飲品都幾吸睛檸檬幻影我點的士多啤梨latte，無乜士多啤梨味，咖啡味唔算濃，亦唔會太甜，味道一般。抹茶牛奶（熱）抹茶牛奶（凍）甜品係香蕉朱古力蜂蜜pancake，呢個組合唔會輸！味道正常，唔算過甜或好漏，略嫌蜂蜜味唔夠。整體來說食物味道正常，4個人食到好飽，每人埋單都係$100左右算幾抵食！可能因為鋪頭位置唔易搵到，而且細細間。

星期日一個人出開荃灣，看看OpenRice app有什麼「收藏」了的咖啡店，就是在昌寧都已收藏了兩間不同的咖啡店，最後選了這一間「小灶子」。食物及飲品都是自己在點菜紙上選的，看著點菜紙不同的選擇，其實都不知可以怎樣選，不過在食店上面貼有這些食物的相片，由於自己想吃蛋和窩夫，於是選了一款「比利時窩夫」，看相片其實都不算太吸引。飲品方面，沒有espresso，於是選了美式咖啡，但卻沒有留意到，原來點飲品的上邊有凍及熱兩個欄位，自己只是很自然地（大意地）便剔了靠近飲品名稱的那一格。先來的是飲品，卻是一杯有冰的凍美式咖啡，由於自己心裏想著的其實是一杯熱美式咖啡，於是立即問店員是不是只有凍的美式咖啡，店員說可以換一杯熱的給我，但我又想都不要浪費吧，於是照要了這一杯咖啡，自己另外拿了一隻杯子將冰都拿出來。之後自己再看看點菜紙，才知道自己剔錯了，不過店員竟然都願意更換，很欣賞。一會，比利時窩夫便上桌了，自己簡直嚇了一跳，因為實物實在比店裏張貼的相片好看很多、豐富很多！連坐在自己旁邊的女士看到，都立即問我這個是什麼來的，大家看到都覺得非常吸引！這個就是將貼在食店上邊的相片：實在是「圖片只供參考」。美式

又再一次入荃灣，當然想試下d特別野食。上網睇左想試好出名嘅肉餅，不過驚好肥膩，最後放棄。第2選擇其實係同今次主角同一商場嘅食餃子店，可惜太多人排隊啦，唯有轉戰第3選擇。企係門口有d猶豫，因為得一枱人食，不過最後都行左入去。簡陋嘅小店，只得幾個位，裝修都冇太特別。餐具，水都係自助形式我地揀左1個意粉同批，再加左20蚊有湯，飲品同雪糕首先係周打蜆湯，只屬一般。之後就係意粉，菠菜蓉嫩雞胸意粉，略嫌油份多左dd。跟住就係新嘗試，橙與鴨批，喜出望外，原來橙同鴨一齊食個味道又幾特別，值得推介雪糕就唔好有期望啦！不過整體都唔錯，要支持多d小店

放假起身總係想食返個靚早餐，所以我都好鍾意放假去搵唔同嘅all day breakfast試下，特別係小店，價錢平啲又會有特色啲。呢度嘅全日早餐有幾款，不過最大分別就係在於可以揀比利時窩夫、西多士、或者pancake。我就揀咗pancake嘅全日早餐，有兩款腸、煙肉、炒蛋、沙律菜同pancake。因為蛋嘅份量都幾多，所以成個餐都幾飽。另外跟餐加左香蕉奶昔，跟餐都要加$30，有啲貴。唔算好大杯，賣相幾靚，不過香蕉味唔算濃，下次會選擇叫其他飲品。

真隱世食店有d難搵 問下人點去食左個波菜意粉同all day breakfast Um... 不怎麼樣絕對難食既波菜麵$5x首先無味然後好油窩夫all day breakfast 窩夫無味 但全比蜜糖你點黎食 鬆軟度唔錯其他材料大份既 味道average $7x 算抵食總括：唔特別想推薦

My Order:抹茶牛奶平日下午茶時間，選了這間自家經營的咖啡小店。店內有許多小擺設，播著歌伴隨陣陣咖啡香。看得出小店老闆悉心經營，讓人在咖啡店內可以忙裡偷閒。由於不是太餓，只點了一杯熱抹茶牛奶，有拉花和淡淡的?茶味。喝到最後清楚看到?茶的量很多，絕不偷工減料。看到牆身貼著各式各樣ALL DAY BREAKFAST相片很豐富，下次有機會一定要試!

諗住食過all day breakfast, search 到荃昌有呢間小店，是日星期一當天開十二點，由於尚早所以等左一陣先可以安排入座，待店員準備好才order!店內不大只有兩張4人枱同bar枱4個位！除左all day breakfast 仲有set lunch, 未有野食睇下店內裝修及自制的貼牆menu, menu的圓片好吸引，最後點左兩個餐，由於當時並不多人所以可以慢慢品嚐我們的食物，亦可以慢慢坐，慢慢hea!

今次回港其中一個目標就係要食工廈cafe,老實說我未去過荃灣，心裏想像既同現實很不同 (唔係好似火炭啲工廠大廈）。間野其實係響間舊式商場入邊，都幾難搵入面仲好細喔不過食物質素都幾好，個all day breakfast我地當做晚餐，價錢來說其實非常合理。我本人幾欣賞佢個滑蛋omelette 做得好靚，杯抺茶latte都做得有板有眼(杯野係我朋友叫）Pizza意粉都幾正常除咗地方細其實都冇乜咩問題，事實上影完相都發現啲相可以呃下人響荃灣來講我諗都算唔錯，不過唔需要特登去朝聖

荃豐中心其實隱藏很多美食小店，今日同友人試試尼間餐廳，去之前都知道餐廳好細間，大既十個位置多啲，驚要坐得迫又要排隊，我地lunch時間1點去到，唔full，位置雖有啲迫，但感覺菂菂式幾溫馨。Cafe主力賣all day breakfast，亦有pizza 同pasta 。法蘭西吐司：很喜歡食吐司，夾雜著黃桃醬，酸酸甜甜的，不會油膩，蛋幾香滑，沙拉有黑醋作配搭，分量夠多，仲有煙肉、薯角，值得一試，不錯👍熱鮮奶綠茶：拉花很靚，抹茶味道香濃，可惜泡沫較多，分量較少，而且可以再熱啲。班尼迪蛋：分量頗多，有沙拉、薯角，一碟有2個班尼迪蛋，蛋下面有煙肉、生菜同包，一切蛋漿就流出來，正！食落唔會dry，除左蛋汁本身都有唔知啲咩汁係蛋上面。熱棉花朱古力：好好飲，朱古力味道好濃郁，但有啲太甜，熱啲更好。

在商場看見它的宣傳易拉架就一直很想試, 終於在昨天試了。它位處商場的內巷,平常也沒什麼人會走進去, 隔壁的都不是食肆,而且門口亦很小不顯眼,真的有點難發現它。 發現了隱世 cafe,環境是很不錯的,整個格調都以舒適為主,可惜食物質素和味道就沒想像中好,可能是我沒選到店家最出色的菜色吧。 我選了愛爾蘭煙肉卷, 來到面前只有煎蛋是熱的, 賣相和味道也不錯,可是烤蕃茄已經涼了, 主調煙肉卷卷着2塊沙律菜,味道很一般。 另外4小片麵包倒是弄得很脆挺好吃。 all day breakfast 再加一杯飲品大概七十多元,算是正常吧～ 希望店家繼續努力,看得出是有用心經營的。

聖誕節最後一日假期，相約兩位好友小聚，同住在新界區，好友推薦到荃灣cafe久仰小店的全日早餐賣相出色，用料豐富，果然名不虛傳呢！一早做定功課，入座就馬上點選心儀的西多士all day breakfast 兩件西多、香腸、煙肉、薯角、沙津菜同炒蛋！全份早餐最正係個炒蛋，估計用上兩至三隻雞蛋，炒得恰到好處，上菜時仲有蛋汁，抵讚而且成份早餐分量十足，正呀！檸檬幻影係檸檬汁加上花茶的特調飲料，跟餐加十多元就有得飲，用嚟呃Like一流啦！三個女仔點上三個早餐，搭配三杯飲料，已經擺滿整桌，夠晒吸睛絕對會再嚟呀！

呢間小灶子 cafe真係盞鬼，o係商場入面有D格格不入，因為佢實在太有feel，仲要係食輕食！餐廳最大特色就係有多款all day breakfast ，可惜女仔４個胃口細，只能點２款。最後我地叫左英倫熱香餅同egg benedict，估唔到咁精美，熱香餅好鬆軟又好香！如果可以多塊煙肉同埋多Ｄ沙律就好啦～～至於benedict真係豐富，麵包上面Ｄ料多到爆，一切蛋漿仲會流曬出來～～好滑～其實我地仲有叫雞翼，不過忘記影相，得返Ｄ骨，但雞翼就無ｏ羊特別～飲品我叫了綠茶latte ，可惜味道不夠濃份量都太少＝［［下次乖乖地只食全日早餐算