小泰閣 (已結業)

自從限聚令後好少同同事出去食飯，變咗試啲以前唔會幫襯開專做外賣嘅小店。呢間小泰閣之前都成日經常見好多人買，所以就試下啦，佢有泰式飯，麵同埋一啲港式變奏嘅口味例如呢個酸辣撈金邊粉。因為我係蒜蓉，金邊粉同豬頸肉嘅愛好者所以呢個撈金邊粉就啱哂我口味$40大大碗（男士唔夠飽可以叫佢多麵), 啲肉多到睇唔到啲粉，做緊要好惹味，唔係出面某啲餐廳，成塊好似用油浸或者就咁淥熟嘅豬頸肉咁求其。推薦酸辣控嘅朋友可以試下

老老實實,32蚊一個肉碎飯都算係平。當係醫飽個肚係ok平。不過你話你係泰國菜,咁就死得。我極度懷疑寫食譜個老細係冇去過泰國食過地度既Pad Gaprao.肉碎飯係最最最基本既泰菜,但係你隻汁酸,十足越南撈檬個汁,而且冇辣,冇九層塔,冇醬油,蛋冇燶邊都算,米飯爛。色香味全冇真心攞命,我係泰國住左2年,我好認真咁講,呢間店既肉碎飯,係最廢,沒有之一。當然,你要少油少鹽少糖少辣,主打健康的話,咁既話就無可口非。口味呢樣野係因人而異，不過你話你係泰國菜,咪笑死人啦Anyway,公道D講句你要少油少鹽少糖少辣又鍾意酸,你一定鍾意。

第一次寫食評，特別想支持一下小店!男朋友係附近返工，介紹呢間雞飯專門店話好好食，難得今日放假就專登去左買外賣同佢一齊食😋叫左一個霸王雞飯一個香辣肉碎飯霸王雞飯一打開已經見到好多荽茜，蔥同辣椒仲有附送泰式既辣醬同甜豉油佢既甜豉油同出面唔同 特別加左香茅 食落更香🤩將甜豉油倒落啲雞到再點佢既辣醬 再夾埋荽茜同蔥一齊食🤤🤤成個味道超豐富同滿足🤤🤤🤤再講講佢啲雞屬於偏瘦 個人幾鍾意因為好怕好肥既雞食到一大啖皮下脂肪又或者好厚既皮🤢雖然啲雞係瘦 但佢都可以keep到一啲都唔鞋雞胸肉就算係肥雞都有可能會鞋自己本身好揀擇唔鍾意食雞胸淨係鍾意食雞髀😆但呢隻雞就算雞胸都做得好好 所以連唔鍾意食雞胸既我都覺得好好味😋整體黎講好滿意 會好想心思思再食😂男朋友既香辣肉碎飯係佢既至愛 佢已經食過好多次😂我試左少少😋 同出面既泰式肉碎唔同佢係偏乾身，少汁雖然食落唔會太乾但個人會鍾意多啲汁可以撈飯😆除左肉碎面頭仲有隻煎蛋但佢既特別之處係除左香辣仲有酸辣嗰種酸我諗應該係加左青檸所以食落都幾開胃 而且價錢平好多糧尾無咩錢又想食餐好一定要叫佢🤣但我掛住食忘記了影相😝最後附上一張我男友之前食既黑蒜蔥油雞飯照佢啲黑蒜同蔥油都

上篇提到筆者最近經常幫襯【尚心咖啡】，欣賞它的海南雞飯，但是這個cafe 只有飯。最近天氣炎熱胃口不太好，只想吃些湯粉……筆者就會轉移到另一間小食店【小泰閣】一到中午這條街上的幾間食店必定大排長龍。【小泰閣】只做外賣; 店內佈置簡約，最抵死是貼上上這幾張poster。【小泰閣】從名字上已經知道主打泰國菜。出名菜式有雞及白咖哩。飯、麵兼備，分為青咖哩、冬陰功、酸辣撈金邊粉、白咖哩、雞類、豬腩類……選擇相當豐富，另外價格有吸引力，難怪午市吸引不少客人。雖然出名菜式有雞及白咖哩，筆者兩者都試過，但味味道不令人回味，特別是白咖哩……從賣相到味道都大跌服眼鏡。相反試過兩款湯粉味道都不錯，就介紹下【小泰閣】的湯粉。【泰閣招牌雞湯河$40】雞件件份量多而且不太肥凡比較健康。雞肉尚算嫩滑不太嚡，雞肉入味加上辣椒更加惹味。河粉爽口掛湯效果佳，浸在湯內也不會吸湯又不容易斷。餐牌上沒有這個【船河牛腩$40】，但牆上掛有poster，又話每日限量而且慢煮3小時相當吸引，不過眼見沒有太多人叫這個船河河牛腩。這個【船河牛腩$40】話有牛坑腩及牛肋條，表面不太懂得分，但只知道牛肉份量多而且肉質軟腍，牛肉入味加上辣椒

最伏外賣店 -》味精飯盒見到好多人排隊中午時分佢個海報都幾吸引好大個海報寫白咖喱豬扒飯當然我係排隊啦收錢個阿姐西口西面好似好巴閉咁比完錢個客都有啲唔gur不過諗住算啦，食個飯姐呢個飯咁都要$40下次真係唔洗$ 送俾我都唔食打開個飯盒見到啲豬扒乾到零光澤，應該係超劣質嘅急凍豬扒中間唔知打有幾多化學野同味精真係唔知想點呢個飯個白咖喱好似係甜白汁咁好難食最伏外賣店

今日午餐試新野，之前見到招牌寫住小泰國，以為食泰國野，可是，行到舖頭才發現是雞飯專門外賣店😆是次揀左招牌之一黑蒜葱油雞飯😋，仲要包飲料-無糖綠茶，都算抵食。賣相都幾好，好香的黑蒜味，雞係無骨，啱晒懶人，好夠味，好食👍🏻

📍小泰閣，九龍灣🔸冬陰公雞湯河💲42⠀⠀⠀⠀🔺⠀半年前已經經過這家泰式外賣店，生意一直很好，今天終於試到了！🔺湯底夠酸夠辣，但椰汁味欠奉，不過整體不錯，很夠味道喔！湯底附有兩塊蘿蔔，不算很入味，也不會太硬。裡頭也有少量金菇。河粉不是港式粗身那種，而是有點像金邊粉！幼身的！雞件方面有驚喜！首先份量真的很多，吃得很飽！其次，居然是一家去了骨頭的，吃起來非常方便！味道方面不過不失，不算很滑，但也不會粗糙。整體來說，這個質素絕對對得住這個價錢！還會再幫襯的👍🏻🔺⠀⠀

今日唔知食咩好，一路行係九龍灣街頭。見到門面細細間，我諗緊咁細間可以有咩食呢？個名寫泰字，我以為係泰國食物，原來唔關事。入到去真係店好細，得兩個位，通常都係買外賣。今日買左個牛腩河，佢地用左幼唧河粉，所以好啱咀細嘅女仔，姐係好啱我，味道唔錯，又有少少係辣的，平時出面牛腩河無咩味道。佢地每次都會配埋低糖綠茶，好似標榜健康，飲落真係無咩味。我幫朋友買左雞飯，味道都唔錯。但我覺得雞可以多番少少，可能我好鐘意食雞。

最近參觀完展覽，想隨意走走，看有什麼特色小店，填飽我的五臟廟。途經一家小店，門口聚集了等叫號碼的客人。心想：看來找到啦。入店一看，愣住，只做外賣，人流為何這麼多？好奇心驅使下，叫了一個雞扒湯河來吃。價格很親民，而且還附送飲料，難怪有那麼多客人。外賣到手，打開一看，料好多，搭配調味料，很正宗的泰國風味。雞扒的肉質鮮美多汁，可以媲美中價餐廳的水準。意外發現，這家店還可以用八達通付款，太好了。不想收零錢，現金的人又一好消息。

係九龍灣區返工既朋友，唔知你地有冇行經宏照道發現到呢間打正旗號專賣泰國雞既小店？之前有同事講開呢度轉左手開左間新既泰式野，仲試過話味道不俗，咁當然咪執輸搵次跟埋佢去買。舖面唔算特別大間，可能主要以外帶為主，係等候取餐既幾分鐘內都見唔少人黎幫襯。先講返個MENU先，除左招牌雞之外，仲有其他系列譬如泰式雞絲，冬蔭公，青或白咖喱，酸辣撈，特盛及船河之類，價錢由34起到45不等，跟餐包是日飲品一杯。招牌雞飯，皮薄嫩滑，雞油飯就夠硬身煙韌但入口略嫌唔夠油香，可以有改進空間咁多樣選擇之中，特別鍾意佢地既冬蔭公雞湯河。一來酸酸辣辣就最岩自己口味同埋會幾開胃，份量OK唔會湯多過粉，雞肉鮮嫩白滑。湯底都幾濃郁，數得出既草菇、洋蒽、香茅、南薑、香葉、蒜頭、指天椒、冬蔭功辣醬都齊晒。揭開蓋後，一陣又一陣既香辣氣味迎面撲鼻，真係難以抗拒。趁熱咬一啖雞肉再加一口辣辣地既湯，感覺非常暖胃之餘，即刻精神晒!唔太鍾意刺激口味既都仲有好多選擇，我都有試過佢地既招牌雞湯河，不過講到惹味方面當然比唔上冬蔭公正，總言價錢同份量算係合理，不妨一試