影片
相关文章
今年生日由于系喺疫情期间，海洋公园又唔开、昂坪360又停驶，终于比我同家姐谂到去边啦！我哋就黎咗龙鼓滩嘅小榄烧烤乐园，生日黎系可以免费烧嘢食咖！仲可以免费升级，用海边烧烤炉🥳海边烧烤嘅环境真系好靓，撞正天气好仲可以睇埋日落同magic moment添☺️如果系情侣黎到一定好浪漫🌹呢度有大量丸、肉排任君选择，正常烧烤会有嘅食物都有齐晒，另外都包一人一罐嘢饮，同另外一人送一支水。比完钱就会比叉、碟、同换嘢饮嘅劵比你，蜜糖同其他酱料都可以自由斟。烧嘢食放题🤤仲可以食食下落沙滩行吓影吓相，真系好写意，虽然冇得去主题公园，但呢个生日都好满足😋
继续阅读
黎得小榄就紧系黎里个超大型bbq场， 又有位泊车 又有小朋友岩玩既游戏 同 playground， 天气一冻冻地就当然今日就约晒我成班朋友 过黎bbq先啦， 剩系带个人黎就得 乜都唔洗买。 仲可以自己拣位坐， 钟意坐边就坐边， 任烧任食， 款式多就一定。 价钱真系无得输 仲平过自己买野， 超野味香辣鱿鱼， 食左劲多， 烧干小小就食得点小得鸡翼 都有几只味， 蒜香， 土匪， 香辣我自己就最钟意香辣， 够晒入味所有平时会烧既 猪牛鸡， 蔬菜应有尽有。 剩系猪扒我都食左3块， 想唔饱都唔得， 面包法包， 海量既丸。 而且烧既时间够晒长， 夜晚黎烧到几点都得咁济。食饱同小朋友 去玩完返黎 又可以再食过。 每逢转冻都一定会黎几次， 烧返够皮。 下次又会再黎， 希望唔好无晒位啦
继续阅读
又要有车位泊，又要近巴士站，地方又要大，娱乐设施又要足够，食物质素又要高，位于屯门小榄烧烤乐园就比到所有你。当时入去5:00到，人唔算太多，所以可以先烧一转先，再等埋其他朋友。食物方便其实肉类，蔬菜都非常足够，款式又多，我就最钟意佢哋嘅土匪鸡翼同埋麻辣鸡翼。麻辣鸡翼好香口，奄得非常之入味，鸡中翼size啱啱好，烧到外脆入边仲有好多汁。入场费包括一包冇酒精饮品，同一支水可以去小食部到拿。叉烧粒亦都系我食过最好食嘅，肉质鲜甜，叉烧酱非常入味，仲要啖啖肉烧得好香口。食咁多肉食下啲蔬菜类，牛油粟米每次我烧嘢食都非常钟意，亦都系小朋友最爱，烧到咁上下落大量牛油，令到成个粟米非常甜。除咗烧嘢食娱乐设施都好丰富，有一个大球场，有好多夹公仔机，可以令到小朋友唔使咁闷。今次已经唔系第一次嚟，比百零蚊可以玩到成日，老少咸宜，所以每年我哋都决定会来一两次。
继续阅读
老爷奶奶返嚟香港，话好耐未试过bbq，咁岩天气转凉，梗系即兴整个bbq啦!我都几钟意呢度四四方方够晒大， 够开扬又有瓦遮头。每人有一支水和一样饮品， 餐具干净企理，蜜糖唔够可以自己再添， 仲有埋一卷纸巾和少量手套供应， 非常贴身。肉类，丸类选择非常多， 我随意样样都攞啲， 样样都想食， 拿拿下已经拿左一大盘了。第一时间梗系烧返只麻辣鸡翼食下先啦! 今次已经系第二次黎，鸡翼size适中，腌得好入味，麻辣唔会太辣， 水准依然keep得好好。食得肉太多，食返啲粟米去平衡番先。 平时烧嘢食大多数啲粟米都系雪藏的， 而呢度啲 粟米放在室温，看起来不是雪藏而且仲好新鲜， 味道非常鲜甜。台湾肠依然系我嘅最爱， 只有呢度先有独一无二嘅台湾肠，皮脆肉汁多而嫩，岩晒我口味。面包有法包同普通方包， 老板一啲都唔吝啬 ，随意任你攞。雪糕可以另外比钱买， 款式都多，啱晒大人细路既口味。 呢度无论地方价钱食物，我都好满意， 下次必定会再嚟。
继续阅读
同女友人WK前日(7-12-2019 Sat)晏昼行街买嘢,买完按原定计划入屯门BBQ,我哋friend到冇讲边间都有共识谂住呢间,我哋去到6:40pm去到,成人价钱每位$150.00,同样包1支700ml唔冻嘅蒸馏水同1罐汽水,开炉费$40.00,包2包炭,后来我至知,其后每包$20.00.拣好位开炉,攞嘢就烧得,我食咗:1. 肠仔好咸呀!只有咸冇其他,唔系厨师牌鸡肉肠,厨师牌系咸但好食.2.-3. 蒜香鸡中翼&鸡扒OK冇问题4. 香茅猪扒香茅超浓,本身钟意香茅味,但太浓反而唔好食.5. 红肠唔好食.6. 芝士肠同上次一样烧完个皮完全唔脆,冇乜芝士.7. 粟米系甜,好味嘅.8.鸡臀切到好薄,亦腌得入味,有啲辣,但可接受.第一round完全唔记得攞丸同其他疏菜,第二round都系继续攞肉.9. 咖哩鸡全翼鸡锤好厚肉,可惜有啲辣,味道唔系咁啱BBQ.10. 叉烧粒好甜.11. 香茅鸡中翼??味道都系超浓,一般.12. 咖哩鱿鱼正常OK.13. -14. 墨鱼丸,贡丸正常冇问题.15. 猪肉丸???唔错.最后一round,WK攞菜同方包16. 青灯笼椒正常冇问题.我冇食:黑椒牛扒,WK食,佢话好食.一口牛,翠玉瓜,金沙骨,多春鱼2.41分总括:嘢食偏咸同浓味,令人好口喝,一罐饮品系唔够,我哋都另外再买嘢饮.上次嚟系3年前嘅事,开炉费同炭嘅价钱亦有啲调整.而2013年更加有车厘茄,前日就冇.环境:南望向北大屿山公路夜景,嬴晒啦.卫生系4.5分其他:同之前一样,冇沟水嘅蜜糖可以俾客人自己refill,重有辣酱,辣椒油同豉油自己攞.
继续阅读