小曼谷海鮮燒烤屋

营业中

休息中

返娘家探阿媽, 回歸九龍城, 小曼谷向我揮手! 仍記得之前常來吃的! 每次都難決擇, 因為太多款式了! 今晚以魚做主題, 見其A+B 淤鮮組合好吸收, 選配左泰式燒盲鰽和燒脆皮白鱔。前者魚質鬆軟, 清香, 配醬汁好好吃。後者皮超脆, 重膠原且非常juicy, 魚肉質地彈牙, 少少鹽香已帶出鮮甜, 可不用汁配! 點都想叫個咖喱, 首次點青咖喱鴨胸, 咖喱微辣重椰香, 鴨胸鬆香, 連茄子, 豆角等配菜都好新鮮。有咖喱就要有烤餅, 點了芝士烤餅, 淨食已冇得輸, 芝士特濃, 硬脆鬆香, 燙手的熱度再沾上青咖喱, 好味窩心上心頭! 成日都食炒椰菜苗, 今晚試點新既, 食左個鐵板豬頸肉者椰菜苗, 真係者者聲咁上菜, 菜鮮甜, 豬頸肉唔算太肥, 而且都軟身, 但始終係者者款式, 唔怕肥但求好味既就叫啦! 還點了個泰式蟹肉煲仔翅, 味唔差既, 可能係太多年港式碗仔翅經驗, 感覺它較糊狀, 質感稀番d 會更岩口味! 整體依舊好食, 現場依舊熱鬧, 一到7:30pm 就爆人! Live band 亦好聽, 上菜都好快👍 保持好態度好水準😊 十分推介!!

香港地泰國菜好易食到，單是有「小泰國」之稱的九龍城就已經有排食。去完旅行返嚟咁耐都無食過泰國菜，今晚就由我帶路嚟「小曼谷海鮮燒烤屋」開餐。其實呢間我都未幫襯過，只不過見網上評價唔錯，即管試下。餐廳走中高檔路線，店內地方很大，寬敞闊落，應該有過千呎，裝修新潮型格，有別於一般傳統泰國餐廳，每晚 9pm 至凌晨更會有 Live Band 演奏。餐牌選項甚多，除了有主打的海鮮燒烤外，還有不少新派 Fusion 菜供應。既然餐廳以海鮮燒烤做主打，咁就先嚟個海鮮孖寶 ($228)，可以喺 A、B 各選一項。牛油蒜蓉燒大蟶子，蟶子賣相唔錯，味道好鮮，食落爽彈，而且肉質亦夠嫩滑，最特別係蟶子面頭加咗鹹香脆身的炸銀魚，雙重口感，配搭吸引。鹽燒鮑魚：鮑魚燒到啱啱好，肉質柔韌富彈性，但又不失軟腍，食落有鮮味，咬下時內裡嘅肉汁還會馬上爆出來，真心覺得好味。凡惠顧任何食品加 $98 就可以點一客冬日限定的小曼谷泰式煲仔翅，當然唔可以錯過。翅底以老雞熬足十多小時，入味而口感十足，材料有裙翅、蟹肉和冬菇絲等，吃時可加些芫荽、芽菜、浙醋、 胡椒粉，能起畫龍點睛之效。泰式鹹魚炒椰菜苗 ($82)：選用了泰國椰菜苗，色澤

勁耐無食泰國野，首選當然係九龍城既小曼谷啦！今日同朋友叫左好多好野食！個椰青椰汁好甜，椰肉好滑，見到餐廳入面有電視介紹取椰肉既片，話呢度既椰青係有別於一般其他泰國餐廳，質素好高！咖喱都好好食，薄餅係勁脆！我一拎上手，仲差點辣親，好好食！之前食過幾次都無碗仔翅，今次一於試下，好大碗好足料！生蝦同冬蔭功都係好新鮮，蝦肉係彈牙，好鮮味！我地食唔晒，仲打包左湯返屋企！炒菜都好入味，我地都對呢餐好滿意，食得好滿足。

泰菜總令人聯想起九龍城，門面濶大加上搶眼汽球人的《小曼谷》更是吸引，是我們飯局聚頭的老地方，尤其泰菜癮起🤣🤣。環境舒適，有少量戶外座位，交通亦算方便。有現場 live band 表演，可惜環境略嘈，未能好好欣賞。泰式生蝦刺身 $118，頭盆來說，認真高檔 😊😊。冰鎮保持新鮮，值得一讚。生蝦夠大隻，夠新鮮，肉質鮮甜彈牙，入口涼浸浸，加上特制泰式酸汁，好好味，是一件接一件。鵝肝多士 $90，蒜蓉包香脆，蒜蓉夠多，好好味。鵝肝夠大件，炸漿略厚，可按自己喜好，撒點鹽花，味道更佳。泰式煲仔翅 $98，湯底味道不錯，夠熱加分。味道軟預期理想。排翅軟諗，冬菇絲、蟹肉先味道配合得宜，二人一窩亦相當滿足 👍💖豬、牛、雞、沙嗲串燒 $48，沙嗲醬惹味不辣，經烤燒過的肉，份外香口。小妹最愛豬肉串，口感最理想。鹹魚炒芥蘭 $72，家常小菜，泰菜味道一向偏濃，點鹹魚炒菜就最好不過，不會比下去。泰式鮮蝦炒金邊粉 $88，材料豐富，鮮蝦大大隻，芽菜加強了爽口度，飽肚實際。熱龍眼水 $28，味道比預期優勝，溫補滋潤。到《小曼谷》用餐，印象由始至㚵都是那麽美好 🤗🤗

今年既聖誕飯局食西餐食到厭，所以去九龍城食下泰國野，即刻諗起小曼谷門口隻吹氣公仔😂泰國野梗係唔少得食串燒，除咗雞牛呢d肉類，白鱔都唔錯，燒到外皮少少脆，魚肉爽脆👍🏿青芒絲荀殼魚，其實唔知咩魚，不過脆脆地辣辣地，幾開胃，多人食可以share!另外豬手飯都係我既favourite！豬手好淋，膠質超強，唔會太膩，豬皮真係好正！蟹肉煲仔翅有d似酒樓既翅，都幾多料！馬拉盞炒菜超香，個人覺得椰菜苗比通菜好食啊😋

泰式蟹肉煲仔翅一大煲熱辣辣的，煲仔翅有蟹肉，夠哂出位，肉絲及香菇好香，魚翅爽口，有紅醋，芽菜及芫茜配搭，味道會更香。泰式生蝦 
冰鎮保持肉質爽口，鮮味足夠，連生蒜同辣椒一齊食，夠惹味。泰式馬拉盞炒通菜
馬拉盞鑊氣又夠哂惹味。泰皇咖喱炒蜆
蜆肉厚實且新鮮，咖哩味漂出陣陣椰香味，唔會好辣。食咖哩點少得簿餅呢位最佳拍檔-原味烤薄餅，沾上咖喱非常好食另外叫左兩串串燒-翠肉瓜&雞腎，翠肉瓜燒完都好juicy, 雞腎好香口。再黎一杯芒果沙冰，夠哂地道！叫左咁多野食都係$600，真係超低食！

好朋友下星期要出國一年交流，今晚約左佢farewell 。 記得我地讀大學時期做part time 賺到人生第一份糧後，我地黎左小曼谷食大餐。 所以我倆好有默契咁挑選左依間餐廳食晚飯。-鍾意小曼谷既食物款式選擇多，價錢又唔貴，味道好正宗！ ❤️泰式生蝦刺身 基本上每次食泰國菜都是必點菜式。冰盤上的生蝦肉身透亮新鮮，味道本身清甜。搭上蒜片及紅椒一併吃，辛辣感刺激味蕾。 最正既當然不少得那個泰式酸甜醬汁，開胃又惹味。-我地點左個A+B $228自選食物優惠套餐。 ❤️ 泰式燒盲鰽 掀開金黃色的魚皮，就是白滑嫩口的魚肉肉。 魚肉鮮甜不腥，點泰式酸甜醬更味美。-❤️ 脆皮白鱔可以用四個字來形容：皮脆肉嫩😍。魚皮有點厚度，經燒炙過份外香口有口感；白鱔厚身肥美、爽彈濕潤。 兩款魚都很出色，火喉控制得好好。-❤️小曼谷泰式煲仔翅 用瓦煲盛載著魚翅，可保持溫度。煲仔翅湯底質地濃稠，啖啖香菇及魚翅。 可額外添加芫茜、芽菜及酸醋提升鮮味。-❤️黃咖喱雞肉 一直很喜歡小曼谷的咖喱！是有一種獨特的香氣，令人一試愛上及難忘。在別的地方是不能找到相同的味道。 咖喱口味不辣帶微甜、質感濃稠；用上鮮雞件，夠鮮夠嫩。-❤️泰式

近期吃了不少泰菜，不過對小曼谷情有獨鍾，所以今晚又來到了。　泰式鮮蝦柚子沙律$98，除了生蝦和柚子之外，還有脆脆的椰絲條和花生，酸酸甜甜，令人胃口大開。泰式煲仔翅$98，是新出的產品，內有魚翅、冬菇絲、雞𢇁和蟹肉，味道鮮甜，可以配上芽菜、芫茜和醋，層次更豐富。香葉辣椒雞肉炒河$78，辣味頗重，鑊氣十足，河粉爽口彈牙，是一道另類的選擇。生蝦刺身$118，蝦肉鮮甜爽口，配上辣度強勁的醬汁，就是一道惹味的刺身。榴槤冰條$38，原來是用榴槤果肉雪凍而成，每一口都有濃郁的榴槤味，值得推介的一道甜品。芒果糯米飯$78，糯米飯暖暖的，配上椰漿和芒果，味道更佳。泰式青檸梳打$36，酸甜味道適中，是吃泰菜的不二之選。

今日約左朋友入九龍城食飯，太子道西面街果間小曼谷海鮮燒烤屋系我至愛。門口個充氣公仔在風中揮手，6點幾就開始有人排隊。菜牌中間一頁有個教泰文小tips,邊食邊學，搞搞新意思。泰菜款式超豐富，實在系花多眼亂！泰式煲仔翅，話系一位用，但其實好多，足夠兩人份，足料有誠意，質感細膩，口感極佳，淋上紅醋，酸酸咪咪很開胃。明爐香檸汁蒸桂花魚，蒸魚的鮮嫩，泰式香檸汁的精髓，佢結合得好好，魚肉系蒸魚的質地，鮮嫩，酸酸辣辣很惹味，好開胃吖！呢個就係泰式特色，非常好！食泰國野點會唔食咖哩？我地點左個咖哩雞，尤其喜歡佢地既咖哩汁，有椰香的元素，永遠冇得輸，不是死咸，而是多種香料的咖哩汁，雞肉嫩滑，正！加上薄餅，好味到一個點，薄餅香酥散發濃郁的牛油香，點上咖哩汁，包住雞肉食，超好味！主食我地點左泰式金邊粉，不會太多油，金邊粉爽口，大蝦，豆乾，蛋絲，味道好，份量足，抵食！

好耐無去九龍城食泰國菜, 今次黎到就食番呢間小曼谷, 應該無人唔識佢架啦咁耐無食, 都係一如既往既抵食, 見到新出煲仔翅$98, 所以就加左一煲黎試啦! 一煲都夠幾個人share, 入面有冬菇/肉/翅等等, 都幾好味, 自己仲可以加醋/芫茜等等, 當一個湯share都唔錯!另外, 串燒好好食, 唔會燒得太乾, juicy, 隔黎個汁very good! 豬/牛/雞之中都係牛肉最好食!另外海南雞飯都好抵食, $78 但份量超多, 海南雞好滑, 飯都夠香!

聽著現場的女聲演唱，悅耳得令人感動。歌聲繞樑，美食香氣同樣繞樑。2020年依始的第一個上班日的晚餐，就在小曼谷海鮮燒烤屋中這樣舒適的氛圍中渡過，感到放鬆又幸福。把焦點放回在食物上，食物的款式眾多，應有盡有的。不論是情侶兩人來撐枱腳，還是三五知己來聚餐，也是十分合適的。點了菜後，食物不消一會便上桌了。泰式蟹肉煲仔翅煲仔翅本身的味道已經很具鮮味，再加上少少醋來吊味，美味更突出。海鮮孖寶A+B海鮮孖寶的配搭有超過十款選擇，如果想吃燒海鮮，點這個套餐就最划算了。牛油蒜蓉燒大蟶子，一份有三隻。大蟶子味道鮮甜，肉質爽彈，吃得出是新鮮貨。燒蟶子上配上了炸銀魚，脆脆的咸香令人對這燒蟶子更難忘。鹽燒鮑魚同樣美味，新鮮貨固然是非同凡響，簡單而美味的調味方式更是錦上添花。小曼谷炒米粉炒米粉的配料中有鮮蝦、扎肉、蟹柳、甜椒、洋蔥和雞蛋等。這炒米粉的味道有點像星洲炒米，炒得夠香夠惹味。泰式馬拉盞炒椰菜用馬拉盞落鑊來炒菜，香氣提升讓炒菜味道更突出。炒椰菜新鮮，口感帶爽脆，加上少少辣味，味道更具層次。一頓美味完整的晚餐，又怎能少得一杯可口的飲品和美味的甜品呢？椰汁冰又幼滑又可口，再來幾件甜美的椰汁西米糕，為這美味的

2019將結束，2020馬上來到這晚來到我最愛的泰國餐廳大吃一頓平日晚上到來，店內幾近坐無虛席 幸好預先訂座泰式蟹肉煲仔翅一人份量也夠兩人吃，湯底濃而不膩更有不少翅跟蟹肉，暖暖胃亦不錯鮮芒果海鮮炒飯菠蘿炒飯食得多，原來鮮芒果也不錯，很清甜配上炒得乾身的炒飯，海鮮也多，很對味馬拉盞炒椰菜苗幾乎見到每枱都有點，椰菜苗新鮮又爽脆馬拉盞好夠味，每次黎都必點泰式燒馬友以海鹽包住再拎去燒，海鹽有效保持魚肉水份更能另到魚肉更嫰滑，吃起來具鹹鮮

九龍城出名有好多有質素的泰菜餐廳，同事經常讚賞這間泰菜，於是相約好姊妹今晚在這裏試一試，門口大大個公仔很吸引，我們揀了只有幾張枱的室外方便睇車見到餐牌有呢個泰式蟹肉煲仔翅一於叫你試試，煲仔翅做得出色，湯底不會太糊杰撻撻，打得剛好，不糊不浠，蟹肉同翅肉的份量也不少牛油蒜蓉燒虎蝦，份量有三隻，開邊蝦上灑上小魚干，食落香口，加上滲滿蒜蓉牛油味的虎蝦，好滋味，虎蝦尺寸適中，不大不小，食落啖啖肉呢排唔想食咁多肉，於是再叫多一個海鮮，炒糕蟹有多款煮法，我哋就選擇了蒜爆胡椒炒糕蟹，一上枱大大隻羔蟹已很吸引，打開蟹蓋充滿橙色的蟹膏，蟹拑很大，食落蟹肉鮮甜彈牙，再點上香濃帶點辛辣的胡椒汁就更上一層樓鹽燒馬友魚，大大條馬友魚，肉質鮮嫩，骨不多，最啱喜歡啖啖肉的朋友，用鹽燒過的馬友魚，帶點鹹香泰式馬拉盞炒通菜，充滿泰式風味的馬拉盞炒通菜，完全合格，醬汁不會太杰，通菜新鮮翠綠食落爽口

嚟到九龍城開餐一定離不開食泰國菜 呢間小曼谷海鮮屋已經開咗好多年 經常爆滿 皆因呢度嘅食物款式夠多 味道正宗 價廉物美泰國菜嘅範疇有好多種 例如蝦刺身，炒通菜， 串燒，咖哩，炒粉麵，甜品，特色飲品…… 呢到都樣樣齊 啱曬多心嘅朋友仔見天氣涼冷地 一於叫個小曼谷泰式煲仔翅試下 凡惠顧任何食品加$98一位泰式煲仔翅 其味濃香鮮美 口感豐富濃稠 當中加入鮮蟹肉，肉絲及香菇增加層次感 魚翅爽口非常 建議加少許胡椒粉，紅醋，芽菜及芫茜 味道會更香牛油蒜蓉燒虎蝦$158/3隻虎蝦隻隻都大個手板 用咗牛油蒜蓉燒味道特別香 蝦肉彈牙鮮嫩 夠新鮮 特別加上炸過嘅白飯魚 脆卜卜 口感不單調蒜爆胡椒炒膏蟹$490膏蟹成斤重 大隻又多膏 肉質夠結實 淡淡肉好滋味 用咗胡椒炒嘅方法零舍惹味 味道帶點香辣 越食越過癮 蟹膏快要爆滿 非常甘香鹽燒馬友魚$198馬友係我好鍾意食嘅一種魚 我鍾意佢夠肥 油脂夠多 多肉少骨 用咗鹽燒嘅方法來烹調 魚肉帶點鹹香 而且仲有陣陣香草味道 一點也不腥墨魚丸串燒及牛舌串燒/各$28燒過嘅墨魚丸外皮香脆 墨魚丸有鮮味 配上餐廳自家調配嘅泰式醬汁 別有一番風味牛舌 厚薄度適中 帶有趙口

一向很喜歡去九龍城食泰國菜，這間小曼谷門面幾靚，座位寬敞舒服，好適合和朋友聚會傾計👍餐牌上想食的泰國菜式樣樣都有。生蝦刺身生蝦新鮮鮮甜，冰鎮住嘅肉質清爽，一定要連生蒜同辣椒一齊食，醬汁超好味。肉碎生菜包生菜爽甜，肉碎惹味多汁，酸辣到適中，不錯👍冬陰功海鮮湯份量十足，海鮮都有好多，有鮮魷、鮮蝦、冬菇等，這個湯不會太辣，味道夠濃夠香適合我們香港人口味。泰式炒金邊粉雖然炒得簡簡單單，但店員捧來的時候已經香噴噴，有花生碎伴炒🉐酸酸甜甜，口感一流。咖喱炒蜆+印度薄餅這個黃咖喱煮得好creamy,賣相靚味道香，蜆肉新鮮，最鍾意陣淡淡的椰香味，咖喱不算好辣，好惹味，把印度薄餅沾上咖喱非常好食😋