小曼谷海鮮燒烤屋

营业中

休息中

朋友住九龍城，我第一次搭鐵去宋皇台行去B2出口就到，超方便！餐廳有戶外枱，又有live singer 係度自彈自唱，好有feel好正呀💯可惜當時超～～～～多人，只可以坐室內😭❌😭❌最好食係個油酥餅，就算乜都唔點都已經好香好有口感✔️加埋黃咖哩根本停唔到口🤤咖哩雞啲雞就麻麻地，唔太入味而且有啲鞋口。生菜線新鮮好靚好襯微酸辣d 肉碎✔️串燒好惹味，唔會燒到太乾太硬口感十分好，有咬口但唔鞋，nice✔️

這天去了影九龍城日落，衙前圍道日落，基本上這星期每天都會有過百人站在馬路中心影相，場景都很壯觀，然後朋友和我吃生日飯，就很隨意選這間，原因是因為好評很多，那時6點多已有一條小龍，還好早排要不是真的有排等.雞串燒，很正路的雞串燒味道.忘了是什麼翅，好足料吃完已經有飽肚感帶子，略為少少乾.好像還有一個咖喱+簿餅.因為枱子小所以都要盡快清理枱上食物.芒果沙冰是好喝的，但青檸梳打更勝一籌.我們隔離枱比我們叫多了兩碟澱粉質，我當時滿以為她們（兩個女人）會吃得完，沒料最後都是剩差不多3/4敗走. 其實這間餐廳的份量蠻多，所以2人食叫多點小食會比較好.

每次黎親九龍城食泰國嘢，都一定係揀小曼谷架啦，因為佢地座位比較闊落，仲有幾間分店緊有一間有位既，而且食物質素一直都保持住高質，所以今晚又帶左屋企人黎幫襯啦泰皇咖哩法包軟殼蟹呢個係每一次黎都一定要食既，泰皇咖喱非常濃郁，用黎點麵包同軟殼蟹都一樣咁正鐵板豬頸肉炒通菜泰式炒通菜一向都好出名，原來加埋馬拉盞炒又另有一番風味，用鐵板上夠晒鑊氣，一啖接一啖真係食到停唔到口呀泰式乾炒豬肉片河本身鐘意食濕炒河多d既，但屋企人就比較鐘意乾炒，所以就試下啦，估唔到都幾有驚喜，即叫即炒熱辣辣，而且配料十分多，非常豐富特飲飲品方面，我地點左椰皇沙冰，芒果椰汁沙冰同埋珍多冰，我最鐘意就係椰皇沙冰啦，飲得出真係用新鮮既椰子肉攪拌，椰子味濃郁，十分有誠意

小曼谷海鮮燒烤屋九龍城太子道西398號御太子地下1-3號舖又到左農曆新年啦，每年新年最開心就係可以同d親戚朋友見面一齊團拜，今次既見面地點揀左係九龍城，有朋友極力推介呢間<小曼谷>,所以就決定直接打黎book位啦，我地大約7點半黎到已經全場full晒，睇黎朋友真係無介紹錯泰式蟹肉煲仔翅熱辣辣嘅煲仔翅真係真材實料，一梳梳完整既翅，望見已經流晒口水，而且仲有蟹肉同埋花菇，每一啖都咁滋味，雖然呢個係1人份量，但我地3個人share，每人都分到1碗，大家淺嚐一下唔錯牛油蒜蓉燒紐西蘭青口青口既size 都幾有隻，即叫時焗食落好重牛油既香味，連埋蒜蓉一齊放入口，真係最夾架啦泰皇咖哩法包軟殼蟹呢到既咖喱永遠唔會令我失望，香濃既黃咖喱裝滿係法包入面，切出黎每一舊都沾滿左咖喱汁，真係食到停唔到口呀，軟殼蟹亦炸得非常鬆脆，而且份量都幾多馬拉盞鐵板豬頸肉炒通菜呢個絕對係必食既Item, 馬拉盞炒通菜本身已經好惹味，再加上用鐵板上就更加吸引，呢個全檯人都讚好呀泰式乾炒豬肉片河炒河整得好乾身唔會太油膩，除左豬肉片之外，仲有d紅蘿蔔，炒蛋，雜菜一齊炒，非常滋味

工又要返又未請到假，都要去寫食泰國嘢當返咗鄉下，咁今日就嚟到九龍城嘅小曼谷。首先就梗係要飲返支泰啤啦，拎返少少泰國既feel 先。再黎就係泰式生蝦，蒜片辣椒同生蝦既配合，加上佢既泰式辣醬，惹味之餘又有泰國果隻香辣，勁過癮椰子雞湯必點，酸酸咪咪椰香味十足，份量仲好多，兩個人都飲幾碗！雖然冇泰國街頭果啲粉仔，不過都有蒜茸薄餅。再加埋個青咖哩，其實配白飯都唔錯。仲有鴨胸係中間，好嫩。最後再加埋個芒果糯米飯，直情平時係泰國會食既野都食晒，返左泰國咁。嘆完啤酒再叫多個椰青，真係好透心涼 ！正！

黎到九龍城食泰國嘢，今次黎食小曼谷都有好唔同既體驗。可以話係平靚正黎形容。首先叫咗個椰子雞湯，勁足料，椰香勁重，仲有個蠟燭擺底加熱。keep住個湯既溫度。就已經知道佢誠意滿滿。小食拼盤都唔話得，有魚餅蝦餅春卷同雞棗，全部都炸得好好，油而不膩，未去到泰國都可以止住思鄉情。泰式生蝦，每一隻都有辣椒，同蒜頭伴住黎食，有蝦的鮮甜，又有泰式既味道。冰鎮住上枱可以保持住佢彈牙既口感青咖喱煮鴨胸，再加埋蒜茸薄餅。 鴨胸鮮嫩，青咖哩亦濃郁，再加上蒜茸薄餅，三者一齊食配合得天衣都無縫。最後加埋個芒果糯米飯，就真係飽晒，滿足晒，返左轉泰國。

食泰國野就梗係黎九龍城啦, 之前朋友推薦呢間小曼谷, 食過幾次都保持水準,所以總結幾次食過既野介紹俾大家以泰國野地方環境算靚, 光猛衛生，座位都好寬敞雖然多人食,但勝在位置夠多,禮拜六都唔洗等好耐就有位今次去仲有人唱LIVE依間燒海鮮出名,當然要圁海鮮啦✨海鮮孖寶 ($258 A+B)A牛油蒜蓉蟶子加咗蒜蓉同埋炸魚仔燒,好香口,肉質亦都唔會太靭B牛油蒜蓉燒扇貝扇貝味道好鮮甜,好新鮮,生熟度啱啱好🤫✨海鮮孖寶 ($258 A+B)A.鹽燒東風螺估唔到份量都幾多,食極都好似仲有B.鹽燒鮑魚肉質爽口彈牙,軟硬適中，有咬勁泰式原隻燒魷魚$165去幾次都會叫燒魷魚,夠大隻, 肉質新鮮, 燒得剛剛好, 彈牙得黎仲帶點焦香泰式生蝦串燒拼盤B (6串)雞全翼.泰式臘腸,豬,牛,雞,雞腎果然係燒烤屋,燒既熟度好完美平時泰式串燒通常都係雞牛豬,依度多D款臘腸串燒好特別,有D似台灣腸串燒拼盤C極上燒安格斯牛柳粒 (4粒) 鮮海蝦串(4粒) 燒帶子(3粒)串燒加左蕃茄仔,令顏色好靚帶子同海蝦都鮮甜又juicy牛柳粒都好好味極上燒安格斯牛小排 $268第一次係泰國餐廳食牛排,估唔到又幾好食wor肉質鮮嫩多汁，味

今晚同朋友去了九龍城，喜歡泰式口味嘅朋友當然就喜歡高間超就腳嘅餐廳，在大馬路旁一望就見，可能係疫情放寬了，多了很多人出來搵食，今晚就安排座在餐廳露天位置，雖然是話露天其實是餐廳一個凹位，個人感覺更加私隱😜！當然串燒都係必食，有燒得皮脆肉嫩嘅原條珍寶腸外，還有燒牛肉串，配上香濃沙嗲汁入口味道更濃郁！今次加埋這個小曼谷燒雞扒，燒雞扒夠晒大塊之餘，燒得十分香口，雞皮上沾滿了蜜汁所以燒得十分香！雞肉亦十分入口香口，加上師傅已經切件上，食時加上小小醬汁，厚切入味，正！而主食就係點了份泰式干炒豬肉片河，同平時食開嘅金邊粉又係另一種風味，干炒鑊氣十足，河粉彈牙入味，薄薄嘅肉片嫩滑軟熟，加埋爽口芥蘭，全部都夠晒味道！見到飲品有榴槤沙冰於是點了，入口榴槤味道濃郁香滑之餘，沙冰上面還有新鮮榴槤肉，對於喜歡食榴槤嘅朋友又多一個選擇！這裡總是我食泰菜嘅首選！

九龍城食泰國菜我鍾意去小曼谷海鮮燒烤屋，一直都未試過坐 outdoor ，happy Friday 一早滿座，坐戶外唔使等位，一於試吓！來了咁多次都撞唔啱有live Band，今晚坐 outdoor ，竟然遇上現場歌手唱歌，更加有feel!炸蝦片朋友飲啤酒，我就一於叫個蝦片嚟咬吓先！酥脆可口，食到停唔到口，估唔到咁大份！酸辣牛小排沙律🥗 $148估唔到坐 outdoor 座位係咁爽嘅！首先叫咗開胃小食，酸辣牛小排口味少辣，酸酸辣辣非常開胃，牛小排口感嫩滑，牛肉味道濃郁，沙律菜非常新鮮，清新爽脆，好滋味！鐵板豬頸肉煮芥蘭（馬拉盞）$108熱辣辣香噴噴，平時好少食蔬菜嘅我，都忍唔住食多兩啖，鐵板豬頸肉好惹味，豬頸肉鮮甜美味，馬拉盞煮芥蘭提升鮮味，鹹香層次非常豐富。泰式蟹肉煲仔翅 $108過時過節食煲仔翅，泰式煲仔翅特別受歡迎，煲仔熱辣辣上枱，材料豐富，蟹肉份量都唔少，蟹肉香味加上煲仔翅豐富口感，兩者十分之夾！珍多冰 $42今晚唔食甜點，一於叫杯珍多冰，小曼谷風情，為今晚泰菜寫上完美結局。由於現場有 Live Singer 唱歌，所以充滿熱鬧的氣氛。總括小曼谷服務態度有熱誠，很享受現場氣氛

係九龍城返工最好就係成日可以食到泰國菜，今次一行2️⃣人嚟到門口有吹氣公仔向我招手的「小曼谷」食晚飯==========🔹豬肉碎生菜包 $118幾乎每次食泰國菜都會點的菜式，我真係太鍾意食生菜包🤭豬肉碎份量豐富，生菜新鮮爽脆肉碎味道正宗層次分明，辣、鹹度恰到好處；肥瘦適中，油膩感不重==========🔹黃咖喱牛腩 $108牛腩有7️⃣-8️⃣件，部份帶筋膜，牛腩煮得夠腍配大量薯仔，洋蔥，紅椒同青椒咖喱辣度唔高，食唔到辣的朋友都可以點==========🔹泰式原味烤酥餅 (2塊) $48嚟到時已經聞到好重牛油香酥餅夠大片，食落夠脆身，蘸上咖喱汁更滋味==========🔹串燒拼盤A $81牛油燒粟米，翠玉瓜，冬菇，雞髀菇各一串粟米幾甜，翠玉瓜新鮮夠嫩冬菇帶不錯的菇香，雞髀菇彈滑蘸上甜甜哋的沙嗲醬好美味==========🔹椰汁冰 $34帶淡淡的椰汁香==========埋單連加一$4️⃣2️⃣8️⃣，平日晚上的「小曼谷」入座率都好高，果然係人氣店👍🏻

朋友話一路都想試正宗既泰國餐廳，今次就帶佢黎試試位於九龍城既呢間小曼谷海鮮燒烤屋，餐廳出名海鮮、燒烤、串燒等多款野食，款式多之餘，質素亦非常高質😍，餐廳環境唔錯，座位都好寬敞，推薦俾鍾意食泰國菜，又想同朋友聚餐既人！！🤩 ✨泰式燒盲䱽盲䱽經過鹽既醃製之後，唔需要其他調味已經好夠味道，外皮燒到香脆，而魚肉都好嫩滑，好推薦試試！🤪 ✨牛油蒜蓉燒扇貝扇貝味道好鮮甜，搭配埋牛油同埋蒜蓉既味道，入口層次分明。🤩 ✨泰式燒牛仔骨（$78）牛仔骨燒到啱啱好，肉質鮮嫩多汁，價錢都好合理，必嗌！😜 ✨鐵板豬頸肉啫通菜（$118）熱辣辣既豬頸肉同通菜一上臺就覺得好香，味道方面好濃郁！😉 ✨泰式鮮蝦炒金邊粉（$108）大大碗既金邊粉好有鑊氣，粉炒到啱啱好，唔會過乾，味道都好適中。鮮蝦鮮甜可口，好食！😝 ✨椰青（$49）凍冰冰既椰青飲落清甜爽口，好推薦！😍 ✨榴蓮沙冰（$50）濃郁既榴槤沙冰入口即刻feel到真正既榴槤味，啱晒鍾意食榴槤既朋友！🥳 小曼谷海鮮燒烤屋📍九龍城太子道西398號御太子1-3號地舖

好耐無食過泰菜 今日去開九龍城 梗係要食番我嘅最愛嘅小曼谷啦🥰 牛/雞串燒 （$22一串）黎得食小曼谷 當然要食佢啲串燒啦😍連埋佢個香濃花生醬嘅沙嗲汁 簡直一流呀😘 海鮮孖寶 ($258 A+B)-泰式燒盲糟 (A)嘩 呢個泰式燒盲曹 個賣相都好吸引😎 魚上面鋪上一塵厚厚嘅鹽 🤔但食落絕對唔會過咸 ！🥰 而且魚肉好鮮 亦都好彈牙 完全唔腥 成條魚都好厚肉 差啲食唔哂😝 最重點係好少骨🤩-牛油蒜蓉燒扇貝 (B)燒海鮮入面 我最鍾意嘅就係燒扇貝🤪加埋牛油蒜蓉簡直係一百分💯 食落好新鮮 肉質唔會痴住個殼🤩生熟度啱啱好🤫香葉辣椒海鮮米粉 （$108）咁多款菜式入面 我最鍾意係呢一個炒米粉🤤 先唔講佢好足料 有好多海鮮😙佢個炒米粉底亦都超級入味 同埋軟硬度適中🥳 平時出去食炒米粉好多時候 都會炒得太乾或者太濕 小曼谷就拿捏得啱啱好😘

💬 自從有咗宋王臺站都未去過九龍城餐廳好近宋王臺站亦都唔難搵雖然冇book枱但係我地星期五晚七點前已經到餐廳所以都唔使等位-可惜餐廳當晚冇生蝦刺身亦都冇甜品🍹嘢飲叫咗椰皇沙冰同埋青檸菠蘿沙冰兩杯都走咗甜，青檸菠蘿沙冰味道好清新少少酸椰皇沙冰椰子味道唔算好出但係淡淡地都唔錯過咗七點之後餐廳開始多人差唔多坐滿-🥬 生菜包好香好好食而且生菜非常新鮮-🦪 海鮮孖寶叫咗蒜蓉聖子+蒜蓉燒生蠔兩個都加咗好多蒜蓉同埋炸魚仔所以好香口聖子亦都唔會太靭-🧈 見到附近幾枱都又叫原味烤酥餅好新鮮整出嚟好香牛油味同埋非常脆卜卜有機會想試吓配咖喱應該都好好食-🥚 最後叫咗小曼谷炒飯，係蛋包飯 煎蛋嗰種蛋去包入邊有蟹柳，扎肉，豬頸肉，蝦其實同菠蘿炒飯差唔多只不過係冇菠蘿同埋用咗蛋去包-💁🏻‍♀️ 各樣食物其實都真係幾好食 沙冰就唔算特別優勝 同埋嘢食上菜速度都好快我哋兩個人都叫得多嘢所以放到成枱都係因為冇限時所以大家其實可以點少少差唔多食完再嗌就唔會冇位放同埋嘢食可以熱啲雖然座位來講都有少少密 但係當晚有live歌手彈嘅結他同埋唱歌都有少少互動所以氣氛幾好 幾有人情味見到其實佢另外都有間分店就正正係隔離但係嗰間好似就

餐廳位於九龍城轉角位置，門口有個公仔揮手叫你入去，好搞笑。餐廳食物碟碟都好大碟，岩哂一班朋友黎食飯傾下計。泰式燒盲鰽，呢度的燒魚都好好食，用上大量鹽醃製，魚入面放入香茅同芫茜!魚上枱時熱辣辣，魚皮燒到脆卜卜，魚肉鮮甜嫩滑，唔會燒到好乾身，非常美味。泰式炸蝦餅，他們的蝦餅超大個，我地叫個細的份量都已經有6大舊!蝦餅外層脆卜卜，內裡蝦肉爽口彈牙，好有鮮蝦的味道，再點酸辣醬，味道非常正。泰式蟹肉煲仔翅，煲仔翅一煲都夠兩個人食，即叫即煲，夠哂惹味!煲仔翅材料都好豐富，味道好甜，好正呀。

這間餐廳每次食完都好期待再黎食，今次又約了朋友來食好野!餐廳座位幾多，而且仲有live band睇，食住泰菜睇live band真係好正!泰式蟹肉煲仔翅，自從第一次食完之後就愛上左這個煲仔翅，每次都係熱辣辣上枱，湯入面有竹笙、翅裙、蟹肉、冬菇，湯底味道鮮甜，再自行加上芫茜和紅醋，酸酸味味，十分開胃!泰式燒原隻鮮魷，燒魷魚又係每次必點的食物，這裡的燒魷魚燒得爽口彈牙，味道鮮甜，魷魚鬚的位置仲會燒到有點脆身，再點上酸辣汁一齊食特別惹味!泰式馬拉盞炒通菜，通菜的份量好大份，味道不會好辣，咸香得黎又有蝦乾的味道!鮮菠蘿雞肉炒飯，這裡的菠蘿炒飯用上雞肉、菠蘿、三色豆，再配上炒蛋，味道清清地得黎又有菠蘿的酸甜味，不錯!泰式冰奶茶，奶茶味道好正宗，甜度適中!