小曼谷海鮮燒烤屋

营业中

休息中

呢間九龍城小曼谷喺香港九龍城真係數一數二嘅泰國菜👍🏻👍🏻地鐵站一出行一個街口已經到👍🏻👍🏻約咗幾個朋友嚟食正宗嘅泰國菜，晚餐7:30時間已經超級爆場，等咗一陣位就有得入座我哋見到餐牌，乜都想食🤣🤣拼盤 BBQ Platter B（豬肉、雞肉、雞翼全翼、泰式臘腸、雞腎、牛肉六款口味、串燒燒得嘢味配埋沙嗲醬汁👍🏻👍🏻）黃咖喱雞肉（咖喱汁淡淡椰香味，雞肉亦都很多舊、我哋仲配埋蒜蓉包同泰式烤餅👍🏻👍🏻每一啖都吸晒啲咖喱汁，超好味）泰式馬拉盞炒通菜（馬拉盞通菜炒得非常之爽脆，辣到可以自由配搭，可以小辣可以加辣，我哋嗌咗小辣味道啱啱好亦都唔會太鹹）香葉辣椒炒豬肉碎（香葉炒辣豬肉碎非常之好味餸飯一流😬😬但我都係鍾意用生菜片包嚟食👍🏻👍🏻）仲有，我哋叫咗椰青同椰汁冰椰青係食泰國餐嘅別飲飲品😂😂整體嚟講氣氛好好，逢星期三仲有人唱live，食飯吹水一流

最近多左去九龍城食野😬今晚就去左小曼谷海鮮燒烤屋食泰菜🤗晚上7點幾來到經已座無虛席，等了一陣就安排入座‼️我地分別點左生蝦刺身🍤生蝦真係超級新鮮搭配了辣椒🌶️蒜片口感鮮美彈牙🥰點埋泰式辣汁😍係幾開胃的前菜🥰香燒扇貝都幾大粒燒至剛剛熟嫩👍上面鋪滿泰式干蝦仔及加入牛油搭配的醬汁更是為這道菜增色不少😊泰式燒盲鰽魚🐠原條燒至皮有點焦燶😊打開魚皮聞到泰國香料味道😊肉質細緻解嫩😊加入餐廳自家製泰汁食份外味味😍最後必點生菜包🥬豬肉和泰國香料炒至乾身😃香氣陣陣🥰以新鮮爽脆生菜生菜包住一齊食口感豐富☺️餐廳除左泰式特飲仲有泰國啤酒飲提供😌夏天一邊食辣一邊飲啤酒好爽😊

小曼谷海鮮燒烤屋琴日食唔到「聯發」去咗轉個彎食「小曼谷」，九龍城出名勁多泰國菜食，唔一定要食拒絕輪椅人士入去嘅「聯發」！呢間「小曼谷」門口都係有一級，又係出動我塊斜板嘅時候，入到去老闆娘熱情招呼我，呢度下午茶都只係$49，加小食都係$29，我哋就叫咗2個下午茶食！1.冬陰牛腩湯河粉 配泰式冰奶茶$49（9.5/10）呢碗湯河係用咗冬陰功做湯底，牛腩都有7舊，每舊都好淋身，入面仲有生菜同秀珍菇，再配埋泰式奶茶就掂哂，其他泰國菜餐廳大多數泰式奶茶要加錢，呢間唔洗加，仲唔會好甜，正！😋😋😋2.泰式豬頸肉炒飯 配泰式龍眼冰$49（9/10）呢碟炒飯炒得好香，炒到d飯粒粒分明，將雞同蔥一齊炒，仲有成10舊豬頸肉添，再配埋泰式龍眼冰掂哂，其他泰國菜餐廳大多數龍眼冰要加錢，呢間唔洗加，仲唔會好甜，入面仲有成約10粒龍眼肉，正！👍👍👍P.S：臨走老闆娘影咗我塊斜板相，佢話佢要幫餐廳買返一塊比其他輪椅食客方便入嚟食野，呢個行動值得讚，塊板其實唔係好貴，你哋少少改變令其他人方便d，咁先係配得起「無障礙環境」呢5個字，「無障礙」唔係口號，要大家一齊努力！2人總共價錢$98個人口味總評分：9.25/10@mi

太耐無食泰國菜，忍唔住要過黎九龍城呢邊搵下啲泰國餐廳食😋見到呢間門口都有人排隊咁，一於我都黎試下先😎🍖串燒拼盤B $122各有1串雞全翼、地道燒臘腸、豬、牛、雞和雞腎。燒得好夠味，而且燒臘腸我都係第一次食😋勁香又夠油🫢另外雞腎爽脆👏🏻🍲青咖喱雜菜 $108有各種不同既菜係入面，都吸哂青咖喱既汁😳好惹味，用黎配薄餅一流👍🏽🍝泰式鮮蝦炒金邊粉 $108份量好夠，而且鮮蝦隻隻都鮮甜爽口👍🏽仲要大大隻👏🏻夠哂開胃🤤🥤珍多冰 $42椰香奶滑，仲有新鮮芒果肉係入面😳口感豐富，值得一試😆🥤泰式冰奶茶 $34黎到呢度點可以唔試吓佢哋既奶茶，又香又甜。係傳統泰式奶茶嘅味道👍🏽餐廳裝潢都好有泰國風味，而且坐位都算寬敞。店門前既大型招手公仔真係好吸睛🤩食物都好足味😌

九龍城係泰國餐廳集中地，朋友介紹呢間有live 唱歌，咁特別就去試吓餐廳仲有戶外座位，見到好多主人帶埋寵物黎食飯，而餐廳亦有8-10人大卡位，好適合大夥兒聚會，不過記得先訂枱餐廳菜品種類非常豐富，而且份量多沙嗲串燒，我哋點咗牛肉同雞肉，肉質鮮嫩，配上濃郁既香料和沙茶醬，十分惹味黃咖竰牛腩一上枱咖哩香氣撲鼻，牛腩處理得好淋，帶椰香既黃咖哩汁送飯/蒜蓉包都一流菠蘿雞肉炒飯，味道清新，咸鹹適中，菠蘿和雞肉配搭剛好泰式飛天炒通菜炒得爽脆又惹味泰式鮮蝦炒金邊粉炒得香氣四溢，口感煙韌嘅金邊粉配上蝦仁，花生及芽菜等其他配料，酸甜開胃，口感豐富招牌海南雞，雞肉非常嫩滑，搭配上特制既醬汁，如果無骨就更好

終於有時間約友人去九龍城食泰國菜啦！全場爆滿，等位都等咗陣先有位坐，環境大又舒適，餐牌款式選擇多[ 串燒拼盤B $122 ] 一盤串燒有 雞全翼 (1串)、地道燒臘腸 (1串)、豬 (1串)、牛 (1串)、雞 (1串)、雞腎 (1串) 燒得香口夠哂惹味，每串肉質嫩滑厚肉，熱辣辣香噴噴，要埋個沙嗲醬一齊食就好正即叫即炸嘅 [ 泰式鐵板蠔餅 $138 ] 份量超多好大碟，香噴噴熱辣辣，炸得好酥脆，濃郁嘅蛋香味，大大粒肥美蠔仔好新鮮，仲配埋個辣椒醬，食得更惹味聞落超香蒜蓉味嘅 [ 牛油蒜蓉燒扇貝 (兩隻) $118 ] 口感鮮滑爽嫩，又厚肉又肥美，鮮甜好味[ 鐵板豬頸肉煮椰菜苗 (馬拉盞) $118 ] 豬頸肉入口鬆軟、香口又惹味，仲唔會乾身，椰菜苗夠入味，食落充滿泰國風味開胃小食有 [ 泰式酸辣鳳爪 $98 ] 份量好多，酸酸辣辣，無骨鳳爪爽口彈牙，食到停唔到口。份量超多，超大兜嘅 [ 炸蝦片 $24 ] 勁香脆，好味到停唔到口食泰國菜，飲品當然就揀 [ 椰青 $49 ] 清甜口感，飲完仲可以食埋啲椰肉就最正；另一杯係 [ 珍多冰 $42 ] 清涼解渴好飲小曼谷海鮮燒烤屋九龍城太子道西39

每次經過太子道西也會見到小曼谷門口的吹氣公仔在揮手，去過很多次依然覺得小曼谷算是九龍城最出名的泰國菜頭三名，食物好味份量又足這次一行八人點了超豐富的八人套餐冬蔭雞湯，泰式蒜蓉包冬蔭功喝得多加了雞的湯真不錯泰皇咖喱大蜆最吸引就是這個咖喱配撘白飯或蒜蓉包一流泰式酸辣鳳爪味道真的偏辣是個令人開胃的前菜豬頸肉通菜炒河本身怕會太油膩但感覺又不算太差火喉控制得很好泰式拼盤(蝦餅、魚餅、春卷、雞棗)一次過滿足了不同願望可以試遍各種炸物原來圓形像扎肉球的叫做雞棗平時比較少聽到原本是明爐蒸烏頭轉了烤魚比較特別魚肉也很嫩滑小曼谷五星燒雞燒得剛剛好味道不錯蝦膏豬肉碎炒飯炒飯乾身粒粒分明這套餐即使八人食也覺得份量多啊泰式鮮蝦炒金邊粉把花生粒拌勻一下子清了一碟金邊粉甜品有四件椰汁糕四件千層糕千層糕非常軟糯而且即製暖笠笠很香椰汁糕就較清爽任君選擇

🌳鮮菠蘿雞肉炒飯菠蘿炒飯簡單又好味，仲有肉鬆可以撈埋一齊食，基本上次次食泰國菜都會想食🍍🌳青咖喱雜菜有雜菜同薯仔，薯仔俾雜菜好味😋唔會太粉，煮得入味🥔青咖喱椰香味十足，無論單食定係配烤餅一樣好味🌳泰式原味烤酥餅&蒜蓉包烤餅同蒜蓉包係為咗青咖喱而點，配青咖喱真係絕配😙我地忍唔住瘋狂點咖喱食！烤酥餅口感鬆軟，蒜蓉包香脆🍞兩者難分高低，全部都要😏🌳泰式龍眼冰龍眼味突出，滋潤養生嘅感覺，又唔會過甜🌳芒果椰汁沙冰芒果味香，唔係假甜味🥭沙冰消暑解辣🍹餐廳仲有駐唱歌手表演，都幾有氣氛🎵🦥小曼谷海鮮燒烤屋 (九龍城)九龍城太子道西398號御太子地下1-3號舖

😳：九龍城要點去？😬：🚇地鐵宋皇臺站就係啦！😳：嚟九龍城要食咩？😬：泰國🇹🇭菜！開左地鐵🚇後，去九龍城食泰菜方便左好多。由B出口一行上行人路，已經有一堆泰國菜館任君選擇。今次同朋友聚舊，兩個人叫左三個餸+各一杯飲品，完全食唔晒！食物全部都好足料，叫左豬頸肉，嚟到起碼20片以上，仲有大大碟馬拉盞通菜，鍾意佢唔會太咸太辣，惹味得嚟唔會過左龍，仲有你睇吓個蠔餅👇🏽鐵板上，上枱時仲「渣渣」聲架🤤P.S.利申返呢餐…係自費嘅🥺

尖沙咀有小韓國🇰🇷九龍城有小泰國🇹🇭一場來到九龍城冇理由唔食返餐泰國菜呀見到呢間咁多食評梗係要一試啦最後揀咗豬頸肉配海南雞飯同咖喱炒蝦配薄餅。每個餐都個送一個冬瓜湯，個湯細細碗、望落去平平無奇，以為一般茶記餐湯貨色啦，點知一入口就停唔到口，冬瓜嘅清甜配埋辣辣哋嘅胡椒，即時醒胃有啲似胡椒豬肚湯嘅味道，估唔到一個送嘅餐湯都咁surprise。令人想再飲多碗我哋另外加咗鳳爪同串燒。鳳爪辣度十足，但酸度略嫌唔夠，作為前菜開胃都唔錯嘅。串燒加上袐製沙嗲汁，豬串燒比雞串燒好食。呢個咖喱蝦超正好有喺泰國先食到嘅味道！個咖喱食到停唔到口，又甜又辣，大蝦夠彈牙，無論配薄餅定飯都係一流薄餅熱辣辣，煎到好香脆，配埋咖喱食到舔舔脷配油飯反而爭啲，配返普通白飯就更加索汁，真係咖喱汁都撈埋。果然食泰國菜唔可以唔食咖喱！因為個咖喱實在太出色，豬頸肉海南雞飯被比下去，但個豬頸肉都唔弱呀，煎到香脆可口，配埋個汁送飯一流海南雞就普普通通，唔太突出。奶茶、龍眼冰中規中矩，都係普通泰國餐廳嘅味道。食緊飯途中已經盤算緊下次一定要再嚟，希望可以多啲人一齊嚟叫多啲餸試多啲啦

𝟘𝟞.𝟘𝟜.𝟚𝟘𝟚𝟛《宋皇臺好評多泰菜😳?!》𑁍 小曼谷海鮮燒烤屋 (九龍城) 𑁍📍九龍城太子道西398號御太子地下1-3號舖📍咁啱經開附近見佢有成800幾個好評咁多😲我抱住「應該唔會全部都係打手嘅心態」入咗去試👻整體嚟講唔算伏，價錢唔算貴，但真係冇乜特別兼唔係特別好食🎃𐂂 泰式海南雞飯 ($60)飯嘅份量都算足夠嘅，不過感覺上唔係好夠雞油味🍚雞嘅份量就真係偏少，雞肉都算滑但就冇乜雞味🐔呢個價錢嚟講感覺有啲似唔抵食😢𐂂 泰式鮮蝦炒金邊粉 ($60)金邊粉除咗有啲濕之外，味道同配料都係正常範圍之內😼唔算特別好食或者岀色，正正常常咁😗𐂂 泰式炸蝦餅 ($98/3件)價錢少貴但的確炸得幾酥脆，蝦肉都幾結實🦐不過就冇乜蝦味😂如果唔係有人埋單的話，自己基本上唔會嗌🤨𐂂 泰式蒜蓉包 ($48)夠脆嘅但唔夠蒜茸味🧄𐂂 泰式奶茶 跟餐送的~幾好飲幾夠甜！就算少咗甜都唔會淡哂💓𐂂 冬瓜湯都係跟餐送的~幾清甜🫶🏻感覺唔係好似味精湯🥣꧁評分꧂🍴食物: 3.1/5💰性價比: 3/5🪴服務: 2.5/5✈︎ 店鋪資訊✈︎💸人均消費: $100內🈶加一服務費🔖餐廳分類 🔎 #hkfoodieat_九龍城 #hkfoo

啱啱喺泰國返黎無耐就已經好懷念泰國嘅味道，所以今日去咗九龍城食小曼谷，佢門口有隻吹氣公仔係咁招手，好易認😆嗌咗個四人套餐，再加一個午餐同二個餸，每人都係大約$200，好抵食👍🏻泰式生蝦刺身生蝦新鮮爽口，夾上蒜片同辣椒再點上泰式生蝦醬，味道酸酸辣辣又刺激🌶️泰式鮮蝦炒金邊粉呢度嘅炒金邊粉味道偏甜，有芽菜豆腐乾雞蛋花花生碎同彈牙嘅蝦仁，金邊粉炒得乾身有鑊氣豬肉碎生菜包味道酸酸辣辣，帶有金不換嘅香氣，再配上新鮮嘅生菜，味道清新又開胃冬陰功湯呢度嘅冬陰功湯用雞肉、香茅、檸檬葉、秀珍菇等等大量嘅香料而熬製，湯底濃郁，酸辣嘅味道大大刺激味蕾泰皇咖喱炒海鮮配薄餅有各式各樣嘅海鮮，大蝦、花甲、魷魚、青口，黃咖喱醬加入雞蛋，味道濃郁，最適合配搭薄餅泰皇咖喱炒花甲配蒜蓉包份量超級多，花甲大隻冇沙，亦都係用黃咖喱再加入雞蛋，超級下飯嘅一道菜泰式酸辣鳳爪酸酸辣辣嘅鳳爪加上洋蔥生菜蕃茄仔，非常開胃嘅前菜鮮菠蘿海鮮炒飯炒飯內加入雞肉、提子乾、紅蘿蔔、青豆同菠蘿等配菜，再配上豬肉鬆，口感非常豐富馬拉盞炒通菜辣辣地有鑊氣📍小曼谷海鮮燒烤屋 (九龍城)九龍城太子道西398號御太子地下1-3號舖人均消費：$200食物：⭐️⭐️

早成個禮拜訂位食七點，去到安排側舖最入面，要求換位先可以坐出少少。身後條走廊位得一個身位好窄捧餐好危險！******************************咁其實訂位係為乜？？ 本舖都坐唔到，又迫又唔係特別好食，三個女仔無飲酒埋單成千二蚊我平時行過見到咁多人先諗住試下! 真心唔明，九龍城咁多選擇點解要食佢！？******************************嗚嗚，對唔住啊吳老闆，我下次唔敢試新嘢啦，食左廿幾年，都是你最好😭

朋友啱啱係外國返黎，食厭左西餐，一於就同佢一齊去食泰國菜啦。呢間小曼谷之前都有食過，質素唔錯又多選擇，泰國風味十足。 🍴泰式炸蝦餅(小)$98蝦餅好大舊 好滿足🤤小份嘅份量都好足夠喇出面炸得極香脆 入面口感介乎軟同彈牙之間食得出有蝦味👍配埋必點嘅泰式辣醬酸酸甜甜 冇得輸 🍴鐵板豬頸肉炒馬拉盞椰菜苗$118由於鐵板上嘅關係 一上枱就好香好吸引蒜 馬拉盞 蝦米香味隨住煙湧上黎😲椰菜苗平時都比較少食 炒得勁有鑊氣勁惹味豬頸肉都有好多 食到最底仲有好多塊 🍴泰式鮮蝦炒金邊粉$108金邊粉炒得夠乾身 口感軟糯又有彈性芽菜同花生碎脆脆嘅口感 超加分味道係酸甜為主 好味☺ 🍴椰青$49原個椰青上超正 椰青水清甜 真係好有泰國街頭feel要將入面嘅椰肉都挖晒出黎食😆 🍴椰汁西米糕$58冰冰涼涼嘅甜品椰汁糕香濃 下面西米層帶有少少黏軟係好有泰式風味嘅ending☺

又黎到九龍城食泰國菜，呢間餐廳CP值唔錯，晚餐仲有駐場歌手🎤唱歌，超好feel。泰式炸蝦餅🦐每次食泰國菜一定會叫😋好大個，入邊係滿滿既蝦膠肉，炸得好酥脆，點埋泰式辣醬好惹味青咖哩豬🐷青咖哩一入口椰奶同咖哩味重，夠辣同有後勁。泰式原味烤酥餅食咖哩點可以少得烤餅，好酥脆，浸入青咖哩到，索滿哂湯汁好好味。串燒拼盤B有雞全翼、豬、泰式臘腸、牛、雞同雞腎，第一次食泰式臘腸，出奇地好好味😛有油脂感，點埋醬更正。泰式千層糕好煙韌香甜，一層斑蘭一層椰汁，味道好濃郁。