小時光 (已結業)

今日放假，去官塘區搵女朋友吃飯。知道依間野午飯時間多人，所以早左半個鐘去等位。行上去一樓（見到有人坐電梯），記住要入去拎票。等左半個鐘度就有位，全自助型式，要出去排隊買野食，自己拎餐，自己拎餐區同收野，唔錯👍👍👍野食方便都好多款野食，套餐大部份都係五六十蚊，包杯熱飲，凍飲就加2蚊，特飲就原價平十蚊。係收銀叫完野食，會有個牌俾你，食物準備好就會震提你出去拎野食。都唔係等左好耐，只係等左幾分鐘。野飲叫左杯$35“溥苛“朱古力拿鐡同埋特濃朱古力拿鐵，跟餐每杯平$10。值得推介，好好飲，唔太甜但好夠味.海南雞飯，一般般啦，太油。本身跟油飯，係我自己轉白飯十分推介既鹽酥雞飯

又係一次無心插柳既情況下黎左觀塘開餐。諗住閑日上去幫襯會冇咁多人 . . 點知錯哂 . . 門口有成10人等緊位, 好在我一個人, 只係等左五分鐘就有位了, 檯椅都係好似細個時候既學生檯椅咁, 要有心理準備唔太好坐。睇相吧 . . 好多人慕名而來!冇真係拎出黎睇 . . 感覺有趣等拎餐好似去左lab咁大熱天時一定係食冷麵中左伏 . . .

去之前睇過唔少有關小時光既服務同食物投訴，所以一早將期望值降到最低，諗住食下氣氛算，何況食物唔算貴。好彩今次服務都OK，食物可接受，反而氣氛就差D。沿路行去小時光，真係幾隔涉，不過咁多情侶(多數係女既捉住個男既)同疑似文青都係經呢條路遊走工廈之間，地點唔太難搵。夜晚8點幾去到，多人到連門口都入唔到，唯有係門口等，又熱又焗等左十幾張枱，終於有位坐。我同朋友分別叫左台灣魯肉便當同韓式芝士鮮茄牛肉烏龍麵(個caption寫住「當韓國女生遇上港男的感覺」，差D唔想叫)，野飲叫左凍朱古力泡沫咖啡同焦糖榛子咖啡。食物好快到，但野飲都等幾耐。魯肉便當比想像中好，牛腱幾腍，係鹵雞翼太乾同唔入味，聽過人投訴D飯係凍既，不過可能今次多客，冇呢個問題，整體味道不過不失啦。魯肉飯好細碗，不過鹵肉拼盤都幾飽肚，加埋杯野飲同兩塊餅，都夠飽既。韓式烏龍麵小辣，雖然係幾惹味，不過我地唔食得辣，中伏，好彩叫左凍飲姐。反而飲品不但賣相精緻，仲出乎意料地好飲，尤其朱古力泡沫咖啡 餅乾用黎點咖啡好好食。飲到落底仲會有驚喜，好可愛呀!裝潢相當有心思，可惜高峰時段，氣氛就冇乜。諗住嘆慢活cafe扮文青，首先要吹住熱風排好耐位，流

有懷舊氣氛。。。仲會放左勁多漫畫係到架。。但都係男仔漫畫多。吾岩睇。仲會有座鋼琴係到，都見到有人彈。但野食方面呢。。。就真無中下啦。。吾知飲麵果d好無食啦，因為我嗌小食。薯條一d都吾熱架。叫起司薯條。但有點辣的原來。哩個桃味乳酸沙冰就吾錯啦！吾會太甜哩個係朋友嗌的。普通。但係就比較特別啦。哩個芝士餅就吾錯啦。吾會太軟，芝士味都足夠。位置吾會好迫，坐得都算舒服。吾會太嘈。係1個岩慢慢坐下傾下計的地方呢。總括黎講都係可以的。

~台灣魯肉飯便當&蔓越梅紅茶 $55&$28～美味指數：6.5/10抵食指數：7/10小時光嘅環境同食物presentation都幾有特色，入左餐廳後真係好似去左一間間課室！至於食物方面，魯肉飯便當賣相好吸引，而且鹵水亦算大碟，有雞全翼、雞蛋、牛腱同豆腐，又有一小碟前菜（辣菜脯，芽菜，小棠菜）。不過，魯肉嘅量同汁就比較少，如果有多d送飯會好d；我地一致認為鹵水味道偏淡，豆腐有少許怪味同比較乾硬，所以食物味道方面有改善空間～蔓越莓紅茶就酸酸甜甜，都幾開胃～而且仲有一小碟蔓越莓比客人自己DIY放落杯飲品～～紅豆奶茶(凍) $30～美味指數：4/10抵食指數：4/10外型幾討好，奶茶係用lab器皿裝，紅豆和冰就用另一個杯裝著，客人可以逐少將奶茶倒落個杯到飲！可惜奶茶質素麻麻，既沒有奶茶應有的甘香紅茶味，口感亦唔滑... 身為奶茶專家既 Kiwi 認為呢杯紅豆奶茶唔太合格⋯～大大香酥雞湯麵 $48～美味指數：6/10抵食指數：6/10炸雞扒都幾大件，咬落唔會乾，d雞肉又幾滑，但外層嘅粉醬就厚左少少。至於麵質就偏向'淋'身，份量適中，而湯底就係一種好熟悉嘅味道~整體嚟講不過不失～

星期五lunch time 超多人排隊的小時光，一行三人在這裡享受了45分鐘屬於我們的小時光。在眾多套餐中選了鹵水拼盤，當中有牛，雞蛋，雞翼，豆腐同蘿蔔。所有都煮得好入味，最好食的是牛，好大塊+厚，接著的是煮得好淋的雞翼同蘿蔔 因為怕有點太咸的關係，特地叫了白飯(肉燥另上)，中和一下味覺。雞蛋和豆腐味道相對一般，以$55來說，超抵食啊！$55，好大塊雞扒!! 炸得外表鬆脆，但雞肉依然嫩滑非常，值得一食 如果可以配多啲沙律菜會更好食素的朋友表示，估唔到麻醬冷麵會有蟹子花不少時間去夾走蟹子，蟹柳同火腿，價錢$60的麻醬冷麵。。。味道一般，不太值就是了。。。

畢業一年，最想念的還是讀書時的無憂生活慕名來到小時光體驗下back to school的感受一到門口已經覺得可愛到忍不住要 “哇”一聲湖藍色的門，長頸鹿，M&M，仿木板的牆，舊舊的可愛信箱一切拼湊出童真與懷舊，讓人忍不住想走進看看裏面的餐桌椅都是矮矮的課桌椅兩旁大的小的書架上放滿舊舊的知名或不知名的漫畫甚至有一架舊式鋼琴安靜的呆著看得出來店主對小時候記憶的無限眷戀和愛惜餐點是自助式的，點完拿著電子牌等，震動了再取餐仿若回到了舊時代的食堂於是突然發現，原來我們成長過來的那段時光，轉眼便鋪塵變舊了...招牌肉燥便當裝載長頸鹿杯子裏的熱飲鉛筆造型的木筷淳樸木製的匙羹和托盤每一個小細節都讓人賞心悅目便當的分量很足一整顆鹵蛋、鹵雞翼、蘿蔔、鹵豆腐、鹵肉感覺就像學生時代裏，食堂阿姨夾滿滿的菜給正在發育的學生哥炸雞排比巴掌還大，熱熱酥酥脆脆哪一個學生不愛這種炸物？yy一時思念獅城，在吃台灣菜的地方點了新加坡的喇沙...別笑我，我已經自己笑了自己-v-少了花生和椰汁的喇沙..吃起來就是少了那個味好在一大盤新鮮沙律搭救，yy還是吃得飽飽的um...以後在台灣餐廳還是吃台灣菜吧（笑）小時光，店如其名般有情

觀塘多了一些新餐廳 全部都各有特色 今次揀了位於觀塘工廈的 小時光 與朋友相聚一下位置方面其實唔難搵 但入到工廈要去到間餐廳就唔容易 尤其是晚上工廈的正門已關閉 都不知道怎樣走 不過停車場的看更叔叔好友善 問我是否要去小時光 教我怎樣去入正題！ 餐廳裝潢是台灣學校 員工都穿上校服 而且有矮矮的木枱木櫈 好懷舊 不過枱櫈真的有點矮和窄.....不是個個都坐得舒服呀叫餐方式是自助式 自己去收銀台叫餐再自己拿返枱 價錢方面，都只是4x-6x(不包括飲品)我們叫了台灣牛肉麵 和 鹽酥雞飯！台灣牛肉麵: $45 好大碗 材料充足 牛肉都入味但有些較"鞋"口 湯底好濃厚 不錯鹽酥雞飯: 雞炸𣎴錯 不會炸老了 鹽味剛好！但整個飯比較乾 如果配點肉澡更好！飲品方面 我們分別點了 菠蘿梳打 和 水蜜桃梳打 一致評價:淡！ 但我見其他飲品好像幾好！這間餐廳不會像cafe可以坐好耐 因為有點嘈 難傾計！總括是一間不錯的餐廳 值得再去

曾於早期小時光試業階段時摸門釘，呢個週末終於可以一嚐台灣古早滋味，感受懷舊慢活小時光喇﹗星期六的中午12點幾來到仲有位，未駛排隊住，café面積比想像中大，座位都幾多，配合台灣國小課室設計，café的枱枱櫈櫈全部都係大家曾經非常熟悉又好懷念的班房書枱同櫈，四周亦擺滿懷舊的玩具、小鋼琴，仲有好多好多舊漫畫，十足十以前課室咁，就連店員都著埋國小校服，非常認真，充滿那些年的感覺~Café係自助形式點餐同攞餐，坐低之後店員就會比個餐牌你睇，揀啱就可以去櫃枱個邊落單架喇。睇睇menu飯類麵類的款式都唔少架，價錢都非常相宜，約$45-$60左右，飲品就另外收費既~要細嚐台南風味，台式滷肉便當就夠哂地道，台味十足。配料豐富包括有金錢牛展肉、豬面肉、滷蛋、豆腐同蘿蔔，款款夠哂入味，加埋滷肉飯，真係古早味濃。不過個飯本身完全無飯味，而滷肉份量亦略少，所以滷肉飯味道略淡。另外，點咗夜市香酥雞便當，炸雞扒size大過塊面，用上巴西雞扒，夠哂厚切，外層炸得非常香脆而唔油膩，內裡肉質鮮嫩，十分香口好食，大大推介﹗不過白飯同樣無味，如果香酥雞扒可以有D醬汁點下送飯就正嘞﹗飲品都有唔少選擇架，有台式特調、蘇打系列同

曾經有一碗超好味又好抵食 (NTD25) 既滷肉飯擺響我面前，但係我無去珍惜，到無左既時候先至後悔莫及，塵世間最痛苦莫過於此。如果個天可以俾個機會我番轉頭既話，我會……以前經常出trip去台北，成街都滷肉飯，價錢平到d錢跌左都唔覺所以唔識得好好咁珍惜滷肉飯，轉左工無咩點去台北先發現其實有d掛住回憶中既滋味，但無奈香港冇咩好地道又抵食既滷肉飯…突然機會就來了！有日無啦啦見到觀塘工廈入面有間台灣餐廳未食過喎，就入去試下囉。星期日傍晚6點左右打去問需唔需要卜位，有位先生話唔需要啦你2位而家過黎walk in就可以了。門牌～ 感覺好台灣。店入面有好多隻長頸鹿公仔小小的門口，以前學校磚頭的感覺因為打完電話知道walk-in都可以所以完全放心行陣街既2人組去到小時光果陣已經係7點半左右，一入門口有個小小小小既等位area已經聚滿人，所以都係要等位的。等位area既牆上有呢一排好可愛既制…好忍手無去啪佢，所以唔知其實係咪仲work。如果有人試左可唔可以話我知？一望入去是這樣子的～小小的空間都擠滿了人。出面冷氣嚴重不足，已經開左風扇不過都係好焗，再入面近收銀會好一點。所以如果你或朋友或男女朋友好易燥底

去左觀塘行街,順便食lunch,上網見到以台灣懷舊出名的小時光,二話不說即去了,太吸引,位於工廈的餐廳,雖然位置隱蔽,但好多人幫襯,去到時要等位,但都好快有位了。長頸鹿是賣點之一。搶眼的M﹠M可說是地點的指標。店內環境寬敞，入去已有懷舊之感,懷舊的綠色窗花、掛牆風扇、吊燈、書枱、玩具及擺設，像回到過去一樣，而且所有的都帶點殘舊，令感覺更強烈。呢個位置可說是等位之用。舊電視及木櫃,某些東西和香港懷舊差不多，最不同的是電話。閒坐睇漫畫。衣車,同可愛的長頸鹿公仔。懷舊玩具,洋娃娃、超人等，好想坐這個位置。餐枱椅都是木製的學校枱椅。到處都是漫畫。儲物櫃。輔導室,像卡位一樣可以自成一角,店員是穿校服的,即想起那些年。大量漫畫,像圖書館。小鋼琴。舊風扇。水吧位,像快餐店一樣先付款後取食物。彈珠機？如果飲某幾款咖啡,可用長頸鹿杯,好特別。餐牌。等取食物。木顏色的筷子,好有興趣呀。紫薯拿鐵,$35,用紫薯的,未試過,紫色的latte,賣相幾靚,香濃紫薯味,而且好大杯,仲有埋馬利餅，可慢慢嘆呀。台灣魯肉便當,$55。前菜。魯肉飯,幾香口,不俗呀。有滷水牛腱、雞蛋、豆腐、魯肉、蘿蔔及雞翼，滷水不算太入味,

星期六, 怕多人, 所以早少少黎, 12:00唔算多人, 但1:00pm就開始好多人, 可能附近工廈放工/lunch.環境裝飾都係小學讀書既味道, 而且仲有d舊時既家電, 電視機我記得細個有(右邊禁轉台個款), 仲有電話, 不過我家仲收埋左部再舊d. 果然令人想起以前......... 仲有超多漫畫 (你追看過既都係度)...店員係3個校服飛仔囉, 染左d 暑假先染得既色丫. 去挑下機先.呢度好自助式, 自行去購買食物, 拎住震機, 震就可以去取食物, 餐具都係自己拎既, 食完自己收野, 不過當日好多人, 店員會幫手收.要影相可以早d黎影, 之後先慢慢買野食. 最衰呢度冇set, 所以食物加飲品都 $9x, 算貴.....食記憶吧...R1. 台灣魯肉便當 ($55) :有個拼盤, 樣樣有d, 分量都幾多, 每樣都2件/以上, 可以同友人既交換其他便當.仲有配菜, 白菜有d苦, 辣蘿蔔乾幾惹味又辣辣地, 黃青椒普通.台灣魯肉便當 : 牛腱, 雞蛋, 豆腐, 魯肉, 蘿蔔, 雞翼.好入味又唔過咸, 仲好香五香粉加香料味. 牛腱唔硬好好咬. 豆腐, 雞翼 同樣入味唔老.反而蘿蔔, 雞蛋就唔

成日到觀塘都係行APM，都係第一次同朋友仔去工業區「覓食」。老實講，小時光都唔算好難搵。(只要你開google map，加上肯開金口問下保安叔叔)唔好以為工業區就人少冇人幫襯，少年你太年輕了 ！一入到店，真心好多人，好受歡迎。 等左一陣，終於可以坐低。坐定定一睇，嘩！！佢既裝修真係好有台灣中學feel 不但有木鋼琴同大大小小裝滿教科書既書櫃，似足課室，而且佢既格局都好特別，仲會有保健室。好有番學校放lunch既感覺。另外，枱係同我中學番學上堂用既一樣，可以比客人放袋或隨身物品，窗邊仲zip住唔同既漫畫書你可以邊食邊等，又可以食完再睇，飽飽地黎飲杯野再睇下書都ok！食物方面，我叫左個台式滷肉飯配apple soda，而朋友就叫左香酥雞扒飯配紫薯latte。台式滷肉飯對我黎講就普普通通，其實三式前菜配合得好好，酸酸甜甜得黎，又有d微辣，好開胃，令人食指大動。但好可惜對相地滷肉就唔太夠入味，令我有d失望。(係台灣食滷肉飯一定最正！)但足料大大碗，份量好多，男仔黎食都唔怕食空氣會餓。而食左d朋友點既香酥雞扒，又真係唔錯喎！雞扒炸得熱辣辣又入味，佐飯一流！加上外皮香脆，雞肉唔會乾，仲幾滑

朋友推薦所以就嚟試下，原先打算打去book位，佢話冇得book，我哋預7點零鐘到佢話可能要等一陣但最尾都唔使等，非常lucky 官塘本身我都熟路，但佢呢幢工廈原來夜咗要經停車場入去，路標唔算清晰，不過都唔難搵，見到m&m公仔就到喇 一入到去，哇！好有歷史痕跡嘅學校呀~ 佢連餐具都係鉛筆造型架! 仲有鐵甲萬能俠呀！我相信店主應該好鍾意長頸鹿，因為佢熱飲杯係長頸鹿花紋，仲周圍都有長頸鹿佈置或公仔。員工都著哂校服配合返呢度嘅環境，環境唔係華麗但好有古早台灣風味。點餐方面，佢呢度係自助模式嘅，點餐姐姐都係講國語架，好似去咗台灣咁呀 我哋2女1男，所以叫咗2個主食1個小食就夠皮喇~ 食物款式唔算多，飯有8款麵食9款，小食有老味同啲炸嘢10款樓下左右，仲有2款吐司。反而飲品種類好多喎，有拿鐵/咖啡/沙冰/特飲/花茶… 我哋分別叫咗和風牛肉丼飯/台灣魯肉便堂/鹽酥魷魚鬚/洋甘菊洛神花茶(熱)/草莓蘇打/抹茶紅豆，份量都算多，味道比較偏濃味，但貼近台灣味道。凍飲造型比較特別，好似做實驗咁。佢冇set餐，每款主食都有跟配菜或salad，咁都冇咁heavy 總結: 如果一大班人去就唔太適合喇，冇

呢間店聽好多人講入面環境好靚, 而且食物都唔差所以今日整完頭髮就同朋友去試下門口好多人, 不過等左15分鐘至20分鐘就有位...都幾快..呢間要俾錢買左野食先會坐到慢慢食...而一個麵或一個飯平均五十幾蚊又唔算貴既...點左杯紫薯LATTE同一個香酥排骨麵, 以一個女仔黎計係好飽...但香酥排骨咬落去好似食左啖面粉落口, 好似未炸好既口感 我就唔多鍾意, 酥炸本應是脆的!另外紫薯LATTE 會送兩塊馬麗餅, 但馬麗餅應該放左好耐...一咬落去係淋的...我寧願佢唔送好過...反而杯紫薯LATTE藉得一讚! 好香紫薯味同口感好滑...牛奶味都好重係真材實料的不過食完飯再飲呢杯野會飽到行唔郁