小排檔懷舊車仔麵

营业中

休息中

車仔麵，我隔中都會食下。今次食下依間小店既車仔麵，地點係石硤尾，比較少去既地方。依間車仔麵有少有既乾撈。👨‍🍳👩‍🍳食物質素：🍜六寶麵餐 （$48）牛柏葉，爽脆，唔韌。豬大腸同金錢肚，夠淋，入味。🐥雞翼尖，咖哩汁，香口，配湯粉或乾撈都可以。麵分量十足，仲有豆漿🥛送。菜圃好辣，鐘意食辣😋既朋友可以一試，真係又愛又恨🥰，但豆漿可解辣。而乾撈有分豬油或麻油撈，都幾特別。餸種類都算多選擇🤗。依到唔同時間都有唔同套餐，可以參考牆上。除左車仔麵，仲有生菜魚肉湯同碗仔翅。

車仔麵品嚐過不少，但甚少地方，可以讓你選擇用豬油撈。在石硤尾白田購物中心地下，有一間小店，名為小排檔懷舊車仔麵。空間不大，裝修地道。這裡的車仔麵，除了可以單點，在不同時段，亦有不同的優惠套餐，大食如我則選了，最抵食的六寶麵，可選一款指定的麵 ，及六款不限價錢的餸，48元，再送豆漿一杯。最有趣的是，除了清湯，更可選擇用豬油或者麻油撈麵，我當然選了用豬油撈油麵。車仔麵，上菜當然不會太慢。用豬油撈的麵，散發出豬油獨有的香味，味道滋味。六款餸，個人推薦醬汁魷魚，滷水糖心蛋及豬腸。魷魚爽口鮮味，豬腸亦相當入味，火喉控制得剛好。喜歡撈麵的朋友，一定要來試下，味道不錯，值得一試。個人推薦可在豬油撈麵中，再加點麻油，會更香。小排檔懷舊車仔麵人均消費48元。地址: 石硤尾偉智里1-3號白田購物中心地下G21-38-39號舖簡單的飲食隨筆，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。

石硤尾舊區多小店 但做到又平又好食既呢間車仔面一定有份！星期六11點幾黎到 鋪面唔大但乾淨企理 車仔面選擇豐富 連銀針粉都有！今次揀左六寶 $48（八蚊粉面+六個餸 送豆漿）芝士腸 牛坑腩 時菜 溏心蛋 糖心羅白x2羅白好入味 香甜又無渣 同埋食得出重薑味 所以叫左兩份！牛坑腩入味又腍 溏心蛋岩岩好 配埋冬菇湯底既米粉 正❤️👍🏻見到佢有雙拼魚肉碗仔翅 下次黎一定再試！

一黎到門口已經見到好多明星合照，睇黎質素相當有保證牆上面已經寫哂唔同既餸，圖文並某，果然細心仲有唔少套餐可以選擇，仲有肉燥飯食添平時係車仔麵店一定係用紙落單，但餐廳一復常態，電話掃一掃we code，就可以網上點餐落單，我同朋友都一人叫左一個六寶面餐，一次過就可以食到六款餸，仲有飲品送添呢碗有蘿蔔、糖心蛋、豆卜、魷魚、豬皮、酸齋，我就最欣賞嘅係蘿蔔，因為佢真係好淋同好甜，索哂車仔麵嘅湯底呢碗我就叫咗大辣，仲加咗d辣菜甫添，食落真係幾辣，食嘅時候真係要小心，因為辣到我頭殻頂出哂汗

講起香港的懷舊食品代表，我覺得車仔麵絕對可以打入三甲以內，麵與配料可供自由選擇，最啱鍾意民主的人，選自己喜歡的麵與配料外，連湯底也可以自選。經過白田邨附近，原來近白田購物中心都好多食店，看到這間門面光光猛猛的車仔麵店，車仔麵以剔剔紙自選，當中有一個套餐十分親民，是48蚊自選六寶麵餐，可選6餸麵加豆漿一杯，店員十分友善有禮貌，還問需不需要加菜圃和蔥，不食蔥的關係選了菜圃，原來加入了很多的指天椒，不吃辣的可以不加。牛坑腩、牛栢葉、溏心蛋、醬汁魷魚、長洲大魚蛋和生菜，配米粉和沙嗲汁其中最好食的是溏心蛋，半流心的入口即溶，大魚蛋夠晒大粒，魷魚牛栢葉乃經典之選，牛坑腩夠入味。芝士腸、豬大腸、溏心蛋、咖哩翼尖、豬皮和生菜，配米粉和沙嗲汁芝士腸似係用金妹牌好好味，豬大腸夠淋味道較淡，溏心蛋當然好，咖哩翼尖和豬皮也是較淡，可能是醃得未夠時間。大多數的車仔麵店，都會配以豆漿，這間小店也不例外，豆味清香夠甜，凍凍的解辣一流。懷舊小店已越來越小，希望車仔麵的文化可以延續給我地的下一代。

在石硤尾上完堂，心血來潮想食車仔麵，車仔麵是童年回憶，想當年讀中學的時候，就會同成班同學到學校樓下的大排檔食車仔麵。路過這間車仔麵，雖然是小小的店舖，但裏面光猛整潔，看似傳統，但很新穎。在車仔麵價目單上，點餐以自助的形式，食物的選擇非常多，我們都選擇了六款車仔麵套餐$48，包一杯豆漿，感覺非常抵食。兩碗都非常大碗，牛腩汁車仔麵非常惹味，配上不同類型的配菜，連花枝丸，魚蛋，都特別大粒，非常彈牙，麵質也非常煙韌，食完真的飽到上心口。

好少黎石硤尾呢邊，係OpenRice見到有車仔麵食，又係附近，一於試試。我嗌左套餐，六餸車仔麵，有細豆漿，都只係$45，性價比已經贏左。我覺得最出色係魷魚，好入味，而且個醬汁係啱我口味。糖心蛋都好食。但我覺得略嫌失色係湯底，可能因為我自己好重口味，帶咗小辣加腩汁加沙嗲， 都覺得唔夠濃味，同埋米粉煮得淋左少少，但整體係ok嘅。咁嘅價錢我係會再食

走進石硤尾這舊式屋村， 勾起了不少小時候的回憶，除了舊村景點及人情味外， 這裏還不乏平價親民的餐廳。我覺得這間車仔麵好有heart，除左提供點餐紙外，還有電子化點餐，只需掃描QR code，手機落單話咁易，方便又快捷。我推介六寶車仔麵 $45 ，有六個餸，扺食之選！ 我點了秘製牛坑腩、秘製金錢肚、滷水雞翼、滷水溏心蛋、醬汁魷魚、糖心蘿蔔配幼麵。特別推介︰ 滷水雞翼 - 滷水味夠香濃，雞翼滷得好入味。 醬汁魷魚 - 魷魚爽口彈牙 ，獨門醬汁夠惹味。糖心蘿蔔 - 蘿蔔嫩口無渣，清甜仲好勁薑味。

第一次到石峽尾的白田村，食店不多，我們隨意地走了入這間車仔麵店快速醫肚，店內環境十分細，只得十個位，但食物款式卻不少，$45仲可任選6款麵及配料，仲配細豆漿，十分抵食。6 款送選了陳皮魚旦，牛柏業，魚肉，豬腸，豬皮及時菜，麵底點了頗為少食的銀針粉，配上沙嗲醬。份量大大碗，鍾意豬皮同牛柏葉夠爽，豬腸處理得乾淨，沒有一陣腥味，陳皮魚旦可以再濃味一點就更好。另外就點多了一個3 送麵，要紅腸，蘿白，牛坑腩配粗麵，鍾意他們又甜又淋的蘿白，牛坑腩夠入味，但可以再淋一點就更好。邊食邊看著牆上的相，原來這間小店是有免費派麵活動的，自發性去幫助長者，又可以不浪費食物，很欣賞。

今日學校假期，帶亞仔到附近嘅學校周圍睇吓，去到中午唔差唔多學生放飯時間，立即搜尋一下附近有咩食食個快食午餐避免人多擠迫！搜尋到白田村附近就有呢間好多人讚嘅車仔麵，跟住地圖行過嚟有少少迷惘不過最後都搵到！他們的科技結合值得一讚，自己手機落單，簡單又方便！我們都應該與時並進吧店舖細小但係已經坐了一半學生哥，而且牆上貼滿他們特色的車仔麵餸菜，搞到我有少少選擇困難！除咗電子科技結合之外他們嘅車仔麵亦都選擇有點與別不同，就係一嚟就嚟一個自選六款餸菜嘅6寶車仔麵，簡直滿足晒貪心嘅我！車仔麵餸菜選擇也很多，亦有很多店主的能手餸菜，每樣餸份量都不少的，面大大碗，鋪滿餸菜！而且湯底也很好！咁多人讚真係值得支持！

。小排檔懷舊車仔麵。星期六同朋友去開石硤尾､剛巧經過白田商場､有點肚餓嘅､見到有間幾有特色嘅車仔麵店､店外還貼了不少藝人與店舖合照，於是便入去食個lunch。進入店內，發現牆上有很多食物相片，有许多選擇。使我一入店好似已經知道選擇什麼餸料做我的是日車仔麵。我同我朋友都叫了六餸車仔麵，都只是$45（仲包一杯豆浆）如果想大杯d的朋友，只係加$2就得啦。講到車仔麵，我揀左沙嗲醬做湯料的銀針粉。其實而家好少麵店有銀針粉㗎。而我朋友選了淮山麵，我也忍不住试了，感觉十分驁喜。原來他們的淮山麵好滑好易入口，這個小妹十分推介👍👍推介自選餸💕👍酱汁魷魚👍 汁多爽口👍陳皮魚蛋👍 好味弹牙👍長洲大魚蛋👍 大大粒。配。自家製辣菜甫 自家風味，好特別在店内，你會發現有很多街坊幫襯，這裡充滿人情味，好大原因是老闆很友善以及懷舊的車仔麵餸菜。下次經過石硤尾，我一定會再返黎幫襯，懷舊一下

車仔麵經常食，但要食到又用心做又好食的車仔麵，不單只麵要好食，車仔餸更是不可缺少，其實食車仔麵主角係車仔餸，餸煮得好，成個麵就生色不少😊😋這𥚃的懷舊車仔麵隨了好吃，廚師仲好用心做好每一個餸，仲要係又平又好食👍想食周星馳電影食神中的醬爆牛丸，係昵到就真係比到滿足你，長洲大魚蛋，而家吳使去長洲都可以係呢到食到✌️套餐6餸一麵，仲有埋嘢飲，食到飽飽都係45元，懷舊車仔麵之中的先進，仲可以手機落單，服務同招呼仲係👍✌️like➕nice做到有獎狀既車仔麵，老闆仲係年輕人，一個用❤️去做好食物的like👍科制牛坑腩——夠焾又入味科制鳳爪——-味道隨了好味仲整得好爽口豬腸——-食呢個豬腸一食就知厨師有心機煮，好味夠口感又忟得適中，處理得非常好，一D豬腸既壓臭昧都不會有（好多地方做豬腸處理不好，好大豬腸壓臭味）呢到做得好食又做得好好👍👍👍👍👍糖心蘿蔔更是做得出色，一個普通蘿蔔都做得甘好味，食物完全唔覺得有味精。豆漿——豆味濃郁，又不會太甜😋仲有好多秘制食物，值得去食的一間用心做的懷舊車仔麵👏👍✌️😋一間好有人情味的小排檔懷舊車仔麵又係very like👍

小排檔懷舊車仔麵推介指數👍🏻👍🏻👍🏻👍🏻收工又係食野既時候同朋友約左白田食車仔面去到依間小店店面比較少$45套餐+ $2 轉熱飲車仔面套餐可以選6樣配料包飲品陳皮魚蛋都幾入味又香又Q秘製牛坑腩好入味又爽，口感十足魷魚又爽口又多醬汁記得落菜甫，好惹味雖然坐得不舒服但野食算唔錯啦

呢間小排檔車仔麵，我每次路過見到佢個選擇咁多，都好想去試吓。無奈地平時比較夜食飯，每次經過都打烊了！今日難得早左，見佢未收，終於可以去試吓啦！呢度啲車仔麵好多餸，好多都好特別。本來想試過豬手，但太夜冇貨啦，唯有下次早啲啦！叫咗個最抵食嘅 六餸任選車仔麵套餐，$45、不限價錢六個餸任選，仲送多一杯豆漿。好抵食！我哋揀咗牛腩、魚肉、甜酸齋、長洲大魚旦、肉丸同滷水蛋！樣樣都好食，牛腩好淋好入味。而且我好鍾意佢啲調味，相比起其他車仔麵，湯底香濃之餘又唔會過鹹。食完都唔會好口乾！實在難得！ 另外要咗碗台式滷肉飯，肥牛滷肉飯。肉粒好入味，唔會太油， 唔錯！ 套餐跟埋凍檸茶都係$39蚊， 抵食👍🏻街坊又多個選擇喇！

昨天和朋友暢遊石硤尾，剛好遇到某中學開放日，我們都參觀遊玩了一會，朋友說若我們去吃碗車仔麵，跟昔日校園時光無異，因為車仔麵是學生時代最愛吃的午餐之一。這中學附近果然有車仔麵店，一於嚐嚐學生風味的車仔麵。沒想到舊屋邨的車仔麵，居然受藝人垂青，店外張貼不少藝人與店鋪的合照，想必很不錯吧。這裡自選六寶麵餐才45元，還有細豆漿贈送，挺便宜的。豆漿加大的話亦只是加2元，我們當然要加大，夏日炎炎對喝的特別需求大。這裡麵底竟然有銀針粉，實在太棒了，常常只吃麵，我有少許吃膩，滑溜溜的銀針粉可讓我轉換口味。配料方面，我挑了蟹粉蟹籽丸，響鈴，酸甜齋，滷水糖心蛋，秘製牛坑腩及醬汁魷魚，配沙嗲汁與辣菜脯。沙嗲醬濃香極致，我和朋友都讚不絕口，尤其我的響鈴吸飽湯汁，更是滋味。若想辣得過癮，可添加脆辣的辣菜鋪，提升辣度，我超愛吃呢。蟹粉蟹籽丸一咬，脆脆的蟹籽傾巢而出，我用嘴巴一一接住蟹籽。甜酸齋是我近年喜歡吃的車仔麵配菜之一，酸甜齋口感煙韌，酸酸甜甜，格外開胃。滷水糖心蛋那流心的蛋黃甜滋滋的，十分誘人，蛋白細嫩，滷香十足，教我們如何不愛它。秘製牛坑腩頗合我意，毫不肥膩，肉質鮮嫩，醬汁充分滲透牛坑腩之中。醬汁魷魚是小