小廚美食

佢出面劲大个poster贴咗烧卖关注组第二名既字眼，吸引到我去试一试。鱼肉烧卖$14蚊6粒，一食落口我就嗯佢嘅辣油明显同其他舖头唔同，好有麻辣嘅麻香，甚至系过咗好一阵𠮶种麻嘅感觉都依然仲喺度，麻得黎唔会太辣，的确系几特别。但系烧卖本身就一般，甚至有啲粉粉地，冇𠮶种软糯弹牙嘅感觉。对我嚟讲试一次就好，未必会再试第二次，$14 6粒对我嚟讲小贵。当时喺门口望紧餐牌嘅时候两个店员都系counter，买完两个店员都走咗入去厨房，好似避紧客咁，唔知系咪讲紧人是非，觉得好搞笑😅…查看更多

垃圾态度 食物普通本来想随便拮串烧卖，见到有舖头门口写烧卖关于组卖咩第二推介就行入去见到好多款烧卖，又孖宝，又三宝，随口问左个阿姐净鱼肉烧卖几钱？点知换黎态度极差嘅一句：「上面咪写左啰？几个字都睇唔掂啊？」唉，小店唔系大哂，你开得店对客，唔该你就注意下自己嘅情绪同态度啦，呢个世界无人要受你气㗎大佬，更何况个𠮶系俾钱买你野嘅客人而重点系你嘅烧卖都只系一般货色，唔明你凭咩咁臭串？卖贵人几成仲要受你气…查看更多

㖊日(22-11-2025 Sat)朝，同老公喺四喜（https://www.openrice.com/zh/hongkong/r-%E5%9B%9B%E5%96%9C%E9%BA%B5%E5%8C%85%E8%A5%BF%E9%A4%85-%E9%95%B7%E6%B2%99%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r506250）买完嘢后嚟到D2 Place买嘢，但有啲口喝，见地下有我想和你无所事事（https://www.openrice.com/zh/hongkong/r-%E6%88%91%E6%83%B3%E5%92%8C%E4%BD%A0%E7%84%A1%E6%89%80%E4%BA%8B%E4%BA%8B-%E8%8D%94%E6%9E%9D%E8%A7%92-%E5%8F%B0%E7%81%A3%E8%8F%9C-%E5%8F%B0%E5%BC%8F%E9%A3%B2%E5%93%81-r775352），于是嚟买，点知未开门，临走昤就开咗，但我哋唔买喇，反正都要返荃湾买嘢，返到嚟，谂起呢间有嘢饮卖，虽然只系冻饮，但因被佢吸引，所以都照买。我要$14.00嘅芒果爆珠(?)，老公要 $18.00嘅洛神花茶，老公话唔系饮管，老板娘话我𠮶樽要用至吸到啲珠珠，重同我老公讲，佢樽洛神花茶饮完可以自己加室温水/蒸馏水，放半个钟再饮，因为都好浓，可以冲多一甚至两次。真系抵饮。买完都即饮喇，芒果爆珠味道唔太甜，微酸，里面有爆珠外重有椰果。洛神花茶味道系好浓，亦饮得出有山楂味，但唔会嚡口。抵食系3.5分题外话:呢喥好多食评都话老板娘态度恶劣，但连埋今次，我亲身嚟两次，佢都好好人好nice。上次食评系2025年6月4日提交嘅呢篇:https://www.openrice.com/zh/hongkong/review/y-%E5%8E%9F%E4%BE%86%E6%9C%89%E8%B3%A3%E7%B3%89-e6068548…查看更多

买咗一份印尼捞面搭三粒烧卖1. 食个小食唔期望有咩服务，始终小本经营，不过可以有返基本礼貌，至少唔系欠咗你咁2. 三粒烧卖各自有一滴辣油，豉油都无滴，你想加辣油咩，请加钱3个大洋（$3）3. 捞面同烧卖冇得分开放都预咗，都系𠮶句，始终小本经营；但当知道加𩠌同就咁买一份嘅分别，只系在于可以唔使买六粒，而系三粒咁买，加𩠌其实冇平咗，确实系有啲错愕拣咗堂食，所以都系企喺度食埋先走，不过成个过程真系满满背脊骨落嘅感觉总结系唔会再食，亦都唔会推荐俾人…查看更多

放工身心疲累好肚饿，食个烧卖就啱晒啦平时都会走落去路德围食烧卖皇后但系食得多都想转吓小店估唔到今次食烧卖，店员会送你一个坏心情一直住喺呢一区，近排见到开咗唔少小店见到开咗间声称系烧卖关注组有提及嘅烧卖店第一次嚟到，见到门面好简单既然想食烧卖，梗系揾吓烧卖点卖我一眼就见到鱼肉烧卖$14有6粒心谂，其实都好贵，但系又好想食㖞之后仲见到有其他配搭，又有双拼，又有三拼我就同店员姐姐落单啦我话：我想要鱼肉烧卖，想问吓系唔系有得双拼呢？店员姐姐：上面咪有啰我：。。。。。。我望咗一阵，见到姐姐夹咗六粒鱼肉烧卖落个兜但系双拼的话，鱼肉烧卖同其他款系各样3粒我又再问：咁我而家可以点拼？第一次唔系好知点计。。。😅店员姐姐唔出声，咁我唯有自己再望吓佢嘅餐牌过左2-3秒，店员姐姐喝我：系咪双拼㗎！咪写左啰！我好无奈，我话：就咁啦，唔拼了其实都系想了解清楚，只系想食到一粒好食嘅烧卖姐🥲最后怀着一个坏心情，食咗$14，6粒，好贵又背脊骨落嘅烧卖营养同卡路里我都收到哂，坏心情就免了🤷🏽‍♂️虽然佢仲有其他款式嘅烧卖但系我应该唔会再去试唔系要店员好有礼貌，但系都唔希望俾人喝同闹😪😪不过又系一个锻炼EQ 嘅机会😪😪讲左咁耐，其实粒烧卖真系冇咩特别我连叫佢落辣椒油都唔想只能评论佢嘅豉油系ok 的完…查看更多