影片
招牌菜
去完食正餐黎左呢度食甜品叫左个朱古力布甸好软心效果，同之前食过的心太软算是很不错了而且价钱便宜，只系三十五蚊！仲有个香蕉船，香蕉船外面脆不错！仲有好钟意个装修=)
继续阅读
两个人黎九龙城揾食, 唔想打边炉, 所以黎左呢度试. 八点半到, 全场full house, 都几旺. share左个煎鹅肝, 鹅肝煎得外脆内嫩, 加埋伴碟既苹果食, 特别好食. 有少少沙律菜, 唯一要扣分既系醋唔够香, 若果d醋再香d, 咁就一百分啦. 青口配粟米饱, 呢个配搭一流. 青口好嫩, 白汁味道够creamy又够味. 值得推介. 因为个青口汁实在太好味, 所以要求老板用番个汁加d angel hair煮个pasta出黎. 老板欣然答应, good service. 另外食左个waitress推介既大虾墨汁面, 鲜味十足, 而且d虾仲好爽. 因为食得实在太饱, 就连此店最出色既甜品都试唔到啦. 唯有等下次啦. 仲有要提既系佢地既服务非常好, 上至老板到所有伙记都好有礼貌, 又频频帮你加水. 小店既人情味果然系大舖头追唔到既.
继续阅读
个frien之前试过小店d甜品话好正, 寻晚就同班friend去试下....一句讲晒了... 好失望:环境方面1. 间餐厅好嘈﹐嘈到倾唔到计2. 入到去间餐厅有种"up" 味3. 个厕所好湿﹐又无纸服务方面4. 个戴大圈圈耳镮女侍应d服务态度好差5. 其他侍应就成日”睇你唔到“, 叫极都无人应食物方面6. 个南瓜忌廉汤劲难饮﹐有怪味7. 牛排好韧8. 朱古力布甸d朱古力太希﹐蛋糕太薄Conclusion: No Next Time, there are a lot of restaurants better than this one.
继续阅读
我同朋友都成日去小店食野, 因为本人好钟意食牛扒, 一般餐厅"淹"左既牛扒我就麻麻!小店有cafe deco既水准, 但山顶太远啦, 一想食牛扒就会去小店!!佢d牛扒就算8成熟(而家大肚唔食得太生)都唔会硬, 仲好鬼好味, 有肉汁, 我次次都系落少少盐就食, 原汁原味......一定要食! 有次老板攞碟牛扒出嚟话太熟, 即刻系我面前掉左落垃圾筒, 话整过俾我, 佢要个厨知道个客系唔会接受架! 个老板好pro!车厘蚬--又系好好食, 我本身唔食生蚝, 呢个蚬唔鯹,又大只, 唔系度度都有得食, 正!鹅肝--煎得好好味, 加埋佢d栗米包一齐食, 好鬼正!焗大蘑姑--有cheese同d肉一齐焗, 都系果句, 好味!茄干parma ham意粉--我每次去必食, 本身好钟意食蕃茄, 但茄干都几浓几酸, 我自己就好钟意食, 佢会落d蒜片, oilver oil一齐整, 好香, 好好味!desert: 心太软同香蕉船都好好味, 食心太软唔好"duk"穿佢, 要慢慢介开个顶, 慢慢食落去!可以叫餐, 一个汤, 包包+main course, coffee/tea, 价钱系main course+$30就ok啦, 抵好多!
继续阅读
住0系呢头咁耐都好少0黎, 今日同3 个同事0黎0左食lunch, 叫了个芝士焗吞拿鱼肠仔意粉lunch set - $30 一个, 冻饮唔洗加钱, 仲唔洗加一, 平到吓0左一跳!先0黎野菌忌廉汤, 好香, 野菌味浓, 够creamy 又唔会好漏, 非常唔错!白汁芝士焗吞拿鱼肠仔意粉... 卖相几「港式」, 份量足够. 意粉比想像中有咬口, 汁又唔系咁漏, 不过芝士略嫌㶶0左d. 吞拿鱼一般; 反而肠仔几得, 甜甜0地有d 似BBQ 时涂0左蜜糖的脆皮肠0既味道, 好好食!同事们0既蒜蓉汁煎鸡脾+ 火腿扒卖相一般, 闻落就好香, 不过同事们话两块火腿扒好咸, 餐厅老板(?) 走出0黎同我0地倾两句, 就连佢都话咸0左d @_@"环境一般, 几迫, 果然系「小店」; service 几好㖞, 餐厅老板(?) 好友善, 店员s 亦非常好好礼貌.唔错的一间0野, 相信会再帮衬. 好想试佢d 甜品!!!!!
继续阅读