小巷弄

营业中

休息中

好掛住蚵仔大腸麵線所以即日就搵間台灣野食，一定要過口癮！😍最中意台式餐廳有野食而且有齊台式手搖揀，最重要啲野食係平！靚！正！我點左碗綜合麵線即係包曬大腸同蚵仔都只係35蚊！！我好中意飲佢個湯底好濃郁個芡汁，係似碗仔翅既味道，大腸係滷水味，如果大家未食過台灣野我大力推薦，我本人係一食就中意左😹小食我中意食迷你葱肉餡餅，裏面幾juicy唔怕乾箏箏，而且細細件做小食好啱，唔驚食完飽左食唔到正餐，飲品輕芝士奶蓋綠茶好好飲，唔會好甜，2種味道平衡曬唔會好濟，跟餐仲可以減8蚊，抵飲😋😋

北角匯又有新食店😋經常去個頭既我當然要去試吓～仲要係賣我最鍾意嘅台灣菜😍晚飯時間去到見到9成滿，好彩都唔使排隊就入得，但遲少少到既就要等下餐牌選擇多，兩個人食叫咗兩款麵食加一款小食連飲品，好夠飽！整體質素都唔差小巷弄半筋半肉牛肉麵。 7.5/10筋同肉既比例啱啱好！牛肉軟稔易咬又入味👍🏻麵質都煮得剛好，唔會過熟係湯底層次唔夠豐富，可以改善😌鹽酥大雞排麻辣拌麵。 7.5/10鹽酥雞好脆好香！ 麻辣醬拌麵有啲辣，嗜辣既朋友可以試。麵底係同牛肉麵既麵底一樣，但拌麵既效果更佳😆蚵仔煎。 8/10好少台菜店有蚵仔煎食架！ 小巷弄既蚵仔煎仲要同記憶中係台灣夜市食到既一樣😍一定要試！金桔檸檬愛玉。 7.5/10少甜既味道剛好，唔會太酸～芋香珍珠奶茶。 7/10芋香味濃，但記得叫少甜！🌝下次想試埋其他台式小食😍全部都好似好吸引～

開o係豪宅基座商場o既台灣o野，靠近商場正門，內裡都係木色系為主，唔少台式餐廳都採納呢隻小清新style！雖然以牛肉麵自居，但其實佢仲有好多其他特色o野食，而且有下午茶餐，$30 幾$40 連埋飲品，天口興一於入o黎涼下冷氣嘆番個tea。手抓餅係台灣夜市名物，自然唔叫唔得！有兩隻口味，可以揀牛肉香蔥或者起司蛋(跟餐都係$40 無加一)，試o左前者。一大卷o既蔥油餅，餅底煎至脆口，裡面o既牛肉原來用上牛展，填入多多椰菜絲，再加o左隻類似泰式辣醬o既醬汁，吊味得o黎又少少辣咁～見到隻蘸滿滷水汁o既雞脾，相信無人可以抗拒唔流晒口水……隻滷水大雞腿(跟餐$35) 上檯時可以感受到o個股熱力不停攻出o黎，非常新鮮熱辣！醬汁深沉o既顏色味道濃甜，雞脾肉又肥美，讓人很回味。上面兩個餐都可加錢配個小碗湯米粉(加$12)，或者好似我地配下小食又得。炸花枝丸($16/3 粒) 被炸至金黃色，過口癮一流，最重要係瀋上鹽酥雞o個隻鹹辣粉，特別有風味～餐飲朋友健康d 寫o左杯杏仁茶(凍飲加$3)，我就偏好珍珠奶茶(凍飲加珍珠共加$8)，呢間d 茶味好出，茶底帶點薄荷氣息。

紅燒牛肉麵！牛𦟌堅韌無比，需要𡁻至少50下才能𡁻爛，d筋𡁻完痴牙。蘿蔔大件但不入味，不腍。湯底算ok有味，麵質為粗麵，除兩條菜外沒有其他配料。蚵仔大腸麵線！這麼大碗麵線，蚵仔只有5粒，大腸兩件，勁肥，內裏腸臟未洗淨，全碗還有未煮開的粉漿。麵線內有芫茜，上枱時有整條芫茜痴在碗底。紅豆芋圓愛玉仙草凍！全日算吃得入口的食物，好難整得難食，但只是沒什麼味道，糖水太淡。正常但不出色，四樣食物好象分開一樣。全店冷氣不夠，建議改善

今日去開北角學野，諗住睇下附近北角匯有咩好食。一出北角站A1出口，過對面馬路去北角匯2期，就見到有間好似好新的餐廳。咦，台灣野，好喎，一於去試下先！一坐低覺得有樣嘢要大讚下間餐廳～佢個menu 前後共兩頁，已經過咗膠。只要用水筆喺上面畫野食數量就得，又方便，又唔使嘥紙，好環保呀。 menu上面除咗有粉麵飯類，仲有小食同埋多款冷熱飲。今日我哋叫咗個特盛台灣牛肉滷肉便當、蚵仔煎，同埋凍輕芝士岩鹽奶蓋烏龍茶。嗌完之後再靜心望下餐廳嘅裝修，微黃嘅燈光加埋藍色布藝梳化；地方雖然唔算大，但空間感都足夠，幾舒服。 好快飲品就嚟咗啦。為咗冇咁肥叫咗微糖微冰 一飲落口明白點解佢叫興芝士輕芝士 因為佢支芝士嘅脂肪咁唔太重唔係好rich好用嗰種味 而係淡淡地、鹹鹹地，又感覺到芝士嘅味道。加埋烏龍茶，感覺好fresh好輕型。話咁快特盛牛肉鹵水便當都嚟咗喇。入面有牛腱、豬軟骨、貢丸、花枝丸同埋滷肉碎。嘩個牛腱超級出色：炆得好淋，相信係慢煮牛，好有牛味。油脂分佈平均，加埋上面一層薄薄地嘅醬汁。一個字：好味豬軟骨同樣炆得好淋，肥瘦均勻，好啱送飯。每枱仲有一罌辣椒菜甫。如果鍾意食辣椒味，可以加啲落個飯度。貢丸好香冬菇

P.s. 地址係北角匯二期G01店小巷弄係新開張既餐廳，因為入面座位爆滿，於是我買左外賣返屋企食😀1. 小巷弄紅燒牛肉滷肉便當一見到‘便當’二字，我以為會好似台鐵咁，係紙盒包裝添😆不過膠盒既好處係，可以放入微波爐叮一叮先食！滷肉飯，唔會好油膩/好咸👍🏻紅燒牛肉好冧，好易咬，又入味，送飯一流👍🏻同樣地，滷蛋既味道都係剛好，唔會太咸。總括來說，成個便當都幾低油低鹽，味道恰到好處，岩哂著重健康既人士！👍🏻👍🏻2.綜合甜不辣好香，幾彈牙，點醬後辣辣地咁，唔錯！👍🏻小巷弄打破左我一向覺得台灣食物偏油膩既概念👍🏻😀

第一篇食評忍唔住要打出嚟，今日放工經過見樓上嘅燒肉滿座，就試吓呢一間新開嘅台灣嘢。首先一入去已經覺得唔係好對路，因為個冷氣好似壞壞咁，然後餐廳入面有吹風機，不過全間餐廳都幾焗。諗住快快手食完冇所謂，點咗牛肉麵、滷肉飯、貢丸湯、滷水豬大腸等等（冇影相，因為本身諗住簡單食，冇諗住寫食評所以冇影任何相），不過食第一啖貢丸湯已經知道出咗事，個湯冇味，粒貢丸又有雪藏味🙈其他嘢食味道都好一般。而重點係，個天花板嘅冷氣出風位不斷咁滴水，仲滴咗落去碟豬大腸入面😭 食完真係好後悔，台灣嘢食看似好簡單，其實要整得好食真係好難🙈 呢間餐廳都食物就係唔合格嘅水平🙅🏻‍♀️而且環境同服務都有待改善！

無得去台灣，剛剛見到小巷弄，就衝入去！好多台灣餐廳都喜歡用個弄字，一見個弄字就知佢咩料啦！二話不說就叫了鹽酥雞排，炸豬扒兩樣都配撈面，另一個鹵大腸就配麻🔥撈面，如圖大大件，雞扒超好味，唔乾，juicy,上面的調味粉也恰到好處，不過喊，至於面係粗厚實，因此十分飽肚，由於我自己太飽連鹵大腸面都食唔哂，炸豬扒沒有試講番鹵水大腸，入味淋滑鋪在麵上，佔了面碗三分二之多，真係自肥，我哋仲要加左三樣小食：台灣腸4條，媽媽至愛香脆可口，juicy多多都食到，仲有我至愛的地瓜條，上面應該係話梅粉？！仲有男人至愛（爸爸）的柯仔煎，佢自己都食左三分2和一般食開的豪仔餅唔同係有椰菜絲和登西，因此柯仔煎係透明的，爸爸👨都想抄考回家試煮。飲品方便，都係傳統珍珠奶茶🧋冬瓜茶等竽很多選擇，滿足的一餐