影片
天气突然转冻，梗系去食火锅啦。之前系杂志睇到介绍，有任食一人一锅，所以慕名而去试下。首先，要拣你想食咩牛，有三个level，当然愈贵愈靓，我就拣左最贵嘅雪花肥牛，真系好滑，就算放耐左，都好好食，贵都值。之后就可以拣汤底，汤底有5-6款㨂，为左试新野，就拣左椰子汤底。来到都闻到椰子清香，亦夹到食物嘅味道。最后你就可以剔你要嘅食物，选择都算多，亦都算新鲜好味。不过，最衰系辣椒豉油唔够辣，如果要加辣椒就要比$10。
继续阅读
本人非常热爱打边炉，因为约埋三五知己一齐去食，大家一齐滚下滚下，非常之热闹。同埋打边炉通常都会打好耐，所以大家可以倾计倾好耐。呢间嘢之前系团购见到，感觉一人一锅都几新鲜啦，同埋价钱几抵，所以就同朋友一齐买左几张来玩下。本身本着一个团购嘅餐厅会比平时质素低啲嘅心情去食，纯粹觉得好平又可以任食。点知发觉食物质素都几高个㖞。汤底方面，我拣咗醉鸡锅，汤底都几落足心思，都几惹味嫁。食物方面都几多选择个㖞，除咗比较大路嘅肥牛片、猪肉片、杂丸等等，仲有出面少见嘅猪肺、黄沙猪润、糖心皮蛋等等。而且佢仲设置咗一个自助区，放置左好多蔬菜，鱿鱼牛柏叶肠仔等。就以肥牛为例，唔会话成旧都系肥膏，质素已经好过普通酒楼火锅嘅好多。👍🏻👍🏻👍🏻佢仲有一个自助酱料吧，有好多配料可以攞，辣椒蒜蓉葱花沙茶酱豉油麻酱等都一应俱全，值得一赞。🎉收费唔贵，坐得又舒服，食物质素又几好，就算之后唔做团购优惠，我都会在返嚟帮衬。大家都可以黎试吓！😋
继续阅读
打边边一向系我至爱，一人一炉就比较少食，今日同男人揾食时见到，试下啰。价钱明码实价，下面已经写明「落楼$148」，呢个我钟意，次次任食d餐厅都唔写明，加呢样果样最后唔平。入到去已经好多人，店员话上楼上啦，上到去环境唔迫，唔会一大阵打边炉味（走果时出奇冇一身臭味👍）店员好似好细个咁，好有礼貌有笑容，同埋都几靓女😂👍我饿到爆炸，唔客气勒，先order汤底，男人要醉鸡，我叫沙嗲，等既期间去拎饮品，饮品种类唔多，不过任饮冇所谓啦，酱料方面有少少唔好，得蒜，辣椒同葱，豉油有辣椒油同普通豉油，个碟好细只，不完豉油都冇乜位落其他，同埋豉油好淡😭搞到我要问店员有冇咸d既豉油，好彩有。汤底方面，我个沙嗲又系好淡，但男人话佢果个好味，入面既鸡超滑。入场会送既刺身，都算新鲜既。出面有好多自助料。皮蛋好正👍不过都几滞叫送系以「几粒/几条」咁落，我觉得几好，食几多叫几多，唔会order一份食唔晒。有好多特别既丸，虽然唔系只只好食，但一般任食唔会有既佢都有，唔错👍鱼片好新鲜，同埋最惊喜系有九肚鱼😍平时散叫先有，果次食过觉得超正，估唔到148任食都有，好开心👍总括黎讲呢间打边边真系好正，可以试下😂👍
继续阅读
很久也没到过新蒲岗，今天旧地重游，睇吓附近有乜好食，经过一轮考虑后，选了小宝哥，因他价钱吸引，又可以试吓一人一炉火锅放题。今天不用等位，我们一行四人可即时入座，每人拣选了自己的汤底后，可到自助区取食物。菜有三款，菇类又有三款，其余丸类、猪红、猪皮、豆腐、腐竹山根等可任食。猪牛同水饺就要落单才送过来，不用等太长时间，呢𠮶价钱食到呢啲食物已经好抵，原来饮品也是无限添加的，有茶厅食料，另有竹樜茅根水、黑芝麻豆浆，非常好饮，总括来说就非常超值，值得日后再去。
继续阅读
因为我就住系附近，所以自从发现左呢间餐厅之后耐唔耐要打边炉都会黎呢间。一人一锅呢点试过就知好正，又唔使怕抢左人地旧肥牛，而且可以叫自己钟意既汤底。唔使次次都屈就其实唔好食 + 最后会变成一样汤底既鸳鸯。我最欣赏呢间餐厅既地方系佢既简单 - 简单既意思系，佢提供既野会令你可以简单地打边炉。首先，可以选择既食物一定会有，而且你填几多份量，就会黎几多份量。去开既其他任食打边炉酒楼/餐厅，通常你都要同厨房斗智斗力。你写十碟肥牛佢系绝对够胆死只系比六片你，即系一碟。呢D 情况系会令你怀疑其实系唔系只可以填剔拣一碟而唔可以填数量。呢间唔同既地方系，你叫几多，佢真系会比几多你。我第一次去唔知情既时候就曾经「身受其害」。因为平时好少会去面店食云吞面或者特别走去八方云集之类既地方食水饺，而屋企得两个人又唔会自己包。所以我通常会系打边炉既时候多叫云吞水饺。因为通常酒楼都比唔齐，第一次去既时候我以为呢间都系咁，结果两个人食，四样饺我每样填要八粒。结果所有野如数黎齐。一份全盒咁大碟既水饺拎上黎既时候真系呆左一下。同理，佢仲上左六碟肥牛，四碟猪肉，八条响铃等等等等。结果系到后来再拎过黎果D 怕食唔哂而直接叫佢收返......我觉得呢一点系呢间餐厅既最大特点，打边炉唔使斗智斗力，想食咩就有得食。你会觉得自己比左出去既钱真系值返咁多。好多时D 酒楼既所谓任食火锅根本就比唔到任食既满足感你，呢方面呢间系做得好好。最后讲讲食物质素方面。配料其实唔会好顶级，只系普通火锅料，肥牛冇特别靓，但唔算差，似返一般自己屋企打边炉会买既果种质素。个人觉得呢间既云吞好好食，值得一试。汽水方面有D 怪，有只好少见既百事忌廉...啤酒系金狮。有竹蔗茅根水可以成jar 拎。汤底我只试左麻辣，建议唔好第一次去就叫大辣，我以为佢既麻辣又系普通香港酒楼果D唔辣既所谓麻辣，结果果次辣到我到最后唔系几食得落，而我平时自觉算系几食得辣。酱料已经包埋，都系一般酒楼会有既酱同配料。
继续阅读