小娘惹 (已結業)

吼，我感到非常無敵委屈😢 個老闆娘由我拎飛等位到叫野食全程係到串我😖。我自問全程超有禮貌，但老闆娘係都要用言語串我🤷🏻‍♀️，委屈到一個點呀，我一直都冇反駁佢，但佢堅持仲要串到我叫好食物話說，故事就咁嘅，我一開始排隊拎飛等位，冇諗過咁快有位入但我的朋友還沒到，所以老闆娘一叫我張飛嘅號碼我就立刻講我未人齊可以給下位我可以企出面等候，然後老闆娘就話我可以坐住先我可以幫朋友叫埋食物，然後我就話我唔知我朋幾耐到達我唔想hold住個位不如俾下個先，然後老闆娘話呢到唔俾hold枱有冇攪錯之類，然後我話所以我可以企出面等可以叫下個入，然後老闆娘開始發瘋，唔知佢痴咗邊條線，老闆娘話佢而家俾優惠我入去坐我唔要，佢而家優待我係我唔領情之類（我心聽到O哂嘴呀喂🤷🏻‍♀️），然後我話我唔知我朋友幾耐到我繼續係出面企得嫁啦⋯⋯ 之後老闆娘相繼又叫過我張飛三四次，次次老闆娘態度都係好唔滿意咁，近乎反白眼咁🤷🏻‍♀️ 之後我朋覆我立即到，然後老闆娘又叫多次我號碼我就立刻上前話入得，之後佢都俾我入，我亦知道我入座呢刻我未齊人，我亦同時同佢講我朋5分鐘內到，然後我就找位子坐下，坐下了不到1秒老闆娘命令式問我食什麼，我就話我剛

我超鍾意食喇沙呢間星級大廚小店經營！親民價錢👍🏼只做Lunch,原本開11:30但今日要12:00先開到門！好彩我我排第二個跟住後面已排十幾人！生意做唔切老板娘都唔會黑口黑面仲不停講唔好意思！👍🏼除左喇沙超正肉骨茶都好得個湯回甘👍🏼我地飲哂兩個湯都唔口渴👍🏼仲有杯咖啡都好好飲👍🏼我就係鍾意幫襯小店😄我一定會再去😋😋😋

話事同事要去過海拎野 梗係要搵好野食上網見到呢間舖頭啲相已經好吸引 一於試試佢佢開12:00-15:30 但見到上網啲人話 兩點就賣晒 我地個日1點3去到 已經見到人山人海 拎飛都仲要等十幾張枱 佢入面真係好細等都等左九個字先入到去坐 入到去坐先係第一關 嗌野食已經同我地講冇晒叻沙 可以轉白咖喱湯底俾我地🤦🏽‍♀️🤦🏽‍♀️ 覺得有少少搵笨 等左甘耐先話俾我地聽湯底賣晒 冇計啦 唯有食白咖喱湯底嗌完足足等左九個字有多先有得食 真係等到花兒也謝了😢😢不過一上到黎 見到好靚聞到好香佢個湯底好濃好厚 好香椰奶味又有少少辣有三隻蝦 幾隻螄蚶 真係好鮮味👍🏽👍🏽👍🏽個chum chum 麵底有兩種麵加埋 一個係油麵一個係米粉 索晒啲湯底冇得輸😋😋😋下次一定要食到咖沙湯底溫馨提示:如果大家係趕時間 就唔好去食 因為真係等好耐 不過慢工出細貨 要食好野就真係要等等👏🏽👏🏽

週日下午2時到，等位，2:34入坐，3:11先有得食⋯⋯睇住後面後入坐後點單既一模一樣肉骨茶+喇沙，早15分鐘已經上桌⋯⋯我就唔明，肉骨茶、喇沙各前後2個，喇沙就算啦當你要一碗一碗咁煮，肉骨茶唔可以一齊煮2碗？一碗碗煮都算，點解全部比晒後面先？每桌黎一樣唔得？因為熟客？定係因為我地個樣似好相與？門口位超窄我都算⋯⋯我無覺得好食得過馬來亞xx綠野景致xx，（但友人覺得好食少少）無乜驚喜，剩係食到一肚氣，個老闆娘明知我黑面有怨，上菜時一句「唔好意思」都無。公平啲講，最尾佢發現我地有隻蝦無食，就問係咪「霉」，然後解釋佢地唔知，叫我地講佢就會換比我地，然後講左句：「對唔住」。我唔想做第一個比喊既人，所以OK啦⋯⋯

見到open rice 寫到呢間小娘惹只開幾個鐘，趁着放假就走黎試下。佢地開12 點，我地一行三人十二點多小小黎到，餐廳都已經坐左大半人喇。不過大家都好禮讓，響一個擠迫嘅環境，客人都會起身讓其他食客經過。野食方面，專登每人叫唔同既野，等大家可以試下唔同既野食。巴東牛肉飯，帶甜小辣，牛肉唔會黏牙又夠林，好好味海鮮喇沙，湯底唔算濃，椰汁味唔多。碗入面有米粉加油麵， 但話會見到既螄蚶就失左踪海南雞飯，兩隻醬汁都不錯，油飯唔算好油，雞無果層啫哩，不過都夠滑！

由於上次在鰂魚涌一次嘗過頂班喇沙的滋味後念念不忘，於是乎又不自覺來到鰂魚涌尋味，不過這次是要去這間名叫小娘惹的小店。環境的確細小，目測四百呎小店放了超過二十人桌椅，真係香港獨有風貌-_- 食物種類不多但各具特色。由於來自同一個區，所以亦點了跟上次那店一樣的菜式，純粹心癢想比較下，並不代表誰比誰好。其實餐牌選擇不多,但每樣都好想試!!先來肉骨茶，由於並非我既最愛，所以先給他品嚐，豬肉口感不錯，不是死實的，湯底味道濃郁。藥材味較重，醬油就稍為平凡。加上幾片生菜，放進煲裏共食，平衡肉骨茶的重味，整體還是出色。到了我最喜歡的喇沙出場，先試湯底，椰奶香，辣度，香料的配合均是水準之作。配料亦不失禮，無奈何沒有上次那種驚為天人的感覺。由於喇沙的湯頭是放了很多材料及時間和不同次序去做成的，所以出來的湯是各具特色。只能說在我而言不是嚐過最好的，但其他人或許會覺得最好也不定。唯一肯定是這個喇沙的食譜是有誠意兼很有功架的。不過這個深海魚蛋口感彈口,有魚味,也是不錯吃!整體而言對這店印象頗好，只能嘆句既生喻何生亮。還望不是一山不能藏二虎，而是客似雲來，各顯神通。最後結論的是我會比較推薦這家的肉骨茶, 下次要再

位於巷仔, 小店坐位唔多, 所以午餐時段確實一位難求第一次黎, 先試檳城白咖哩湯米粉 $60本身想食喇唦，但見到隔離枱個白咖哩湯米好吸引，所以決定跟風。湯底充滿椰香，完全係我最鐘意既沙嗲王白咖喱味，湯底唔係濃稠果種，食晒成碗都唔覺heavy。內裏有雞絲 蛋 豆卜 芽菜 大量乾蒜，但講到最有驚喜一定係白魚蛋，魚味濃又彈牙。米粉偏鞋身，但未至於口感好粗糙。第二次黎決定試招牌娘惹海鮮喇沙 $68 湯底鮮味濃厚，帶椰漿香，加左我最愛嘅螄蚶，令湯頭增鮮不少，螄蚶唔係熬到無晒味，仲帶淡淡鮮味，不過湯底唔夠熱 (今日同事食完同樣遇到呢個問題)，希望餐廳可以多多留意湯既熱度。每碗有三隻蝦，唔新鮮，無蝦味之餘，仲有一隻係霉☹ 內裏仲有魚片 蛋 豆卜，拌以傳統的摻摻麵 (米粉+油麵)。雖然霉蝦扣左啲分，但佢地嘅喇沙確實係唔錯。

「小娘惹」，寧靜小巷中散發獨特魅力，總是那麼牽動人心。 ❤️夫妻檔用心經營星馬菜 踏入小蘇豪海堤街小巷，眼前泛起鮮豔桃紅色招牌，古南洋風格的兩扇窗框，仿如年輕貌美小姑娘向你親切招手，細看原來正是夫妻檔用心經營的星馬菜小店，由大廚老公用心烹調，老婆親切招呼來賓，用愛為食客締造舌尖上的享受。 提起「娘惹」二字，大家都會先聯想到「娘惹菜」，「娘惹菜」是糅合了新加坡、馬來西亞、印尼和泰國特色的佳餚美食，腦海自然會浮起Laksa喇沙、肉骨茶、海南雞飯等身影。無錯，以上種種正是「小娘惹」的招牌鎮店菜式。 👨🏻‍🍳Master Chef Kelvin。用心製作30年 「小娘惹」的靈魂人物正是美國星級大廚Harlan Goldstein之得意門徒Kelvin，Kelvin大廚曾任職多間五星級酒店及高級私人會所。2018年，正是Kelvin師傅入廚第30年，大廚Kelvin功夫紥實，擅長於烹煮星馬菜及新派西菜，更自家獨創Secret Recipe，全港獨有的美味佳餚令人一試便愛上，難怪各大媒體爭相推介「小娘惹」！ 星級大廚最大的魅力是甚麼？答案是二字：「堅持」。Kelvin大廚一直秉承對味道的執著

有人話堂食梗係好過外賣啦, Agree! 但太多人等位唔知等到幾時, 估唔到買外賣都有驚喜!食物賣相好緊要, 絕對唔係hea煮, 未食都已經加分! 兩隻大蝦大大隻; 湯底又濃郁; 仲有隻隻連殼螄蚶!🦐🍜🦐🍜🦐🍜🦐🍜

今日食晏黎左呢間食 六個人十二點幾即刻有位 揀左個胡淑紙包雞腿飯 個飯有驚喜 飯面頭既汁有胡淑 未試過咁食又幾好食 都夠味 個雞一開頭食落去又好似無乜味咁 但係食食下食到啲有胡椒雞汁又幾正 肉唔算太鞋 最後撈少少雞汁送飯 正 跟餐有杯熱既羅漢果水 成個餐$58 正路價錢 可試

聽聞尼間食馬來西亞🇲🇾新加坡🇸🇬菜既小店主打喇沙湯、肉骨茶、海南雞飯價錢又親民中午時間已經要排長龍。今日有意過黎食，因為為假期既關係好彩吾洗等位不過12點多已經無咩位剩，店內大概可容納十幾二十人左右門口設計已經好靚小小的開放式廚房位置假期同星期日開12:00-15:30時間真係岩岩好朋友叫左個《金榜去骨海南雞飯配椰子🥥雞湯香茅油飯》$65朋友大讚好吃而且椰子雞湯好香我食過件雞都好滑而我點左個《招牌娘惹海蝦喇沙》$68外貌已經好吸引一黎試左啖湯超濃郁好夠奶味而且吾會太辣好易入口入面除左2隻大海蝦仲有豆腐卜似係小小既蜆肉同半隻蛋配埋個湯好入面海蝦又鮮甜大隻食食下仲發現老闆採用左2隻麵底黎煮，食落有多層口感好特別好快食晒吾夠喉，係我食過最正既喇沙最後老闆娘超好客仲請左我食佢獨家自制無添加既《椰皇奶凍》杯裝$28因為趕時間打包食奶凍放左好多椰皇味道超濃而且好滑食落口感好重，吾會似出面既咁稀，係好濃郁既口感店內全部食物都無添加又足料而且價錢親民推介

真心必食推介！！今次首推呢個肉骨茶！真材實料好好味好好食，有非同凡響感覺！份量十足，肉又夠淋，食後有念念不忘好想再嚟食多次嘅衝動！！誠意必食推介！！第二度必食推介一定係班蘭脆焦糖燉蛋！！呢個甜品真係一定要食！！好多時我會冒住抄牌嘅風險都要食咗先算！！（因為我係一個司機，所以通常都係買外賣攞走，但係呢個燉蛋係無得外賣而必須堂食嘅，想食嘅時候炒牌都會搏一搏，最多食快啲！！）佢嘅好食程度直頭好食過好多甜品鋪頭，味道濃郁，加入班蘭香味令燉蛋更清新，我最鐘意係面頭果層焦糖脆脆更係焦點所在！極好食嘅究極推介！！跟住就嚟講吓呢個海南雞飯，好味之餘啲雞係非常之滑！又嫩又滑，個組合都非常之掂！！有椰子燉雞湯同羅漢果茶跟埋，個湯好好飲，明顯真材實料無味精，羅漢果茶都唔錯，無糖關係真實飲到羅漢果嘅甜味！！仲有個紅色醬同豉油，同個雞好夾！！最後要講呢個椰青奶凍，佢應該用咗好多椰青肉去做，因為有好強嘅椰青味，一入口就Feel到！需然我好鐘意個燉蛋，但呢個椰青奶凍都好正！！試完燉蛋就要試呢個！！我經常去到邊食到邊，食到有正嘢就一定會講！由於鋪頭嘅菜式仲係好新，好多嘢都未食過，下次食完再有正嘢到時再講！！

糖廠街的美食區又添一間餐廳。與其說是新添，不如說是改頭換面。餐廳Bistro Lobby的店位要放售，所以該店的老闆及老闆娘決定租下附近另一店位，改做娘惹菜。店名簡單，小娘惹，裝潢亦帶幾分東南亞色彩，湖綠的店面蓋上桃紅的招牌，點亮了窮巷單一的色調，有如調皮聰明的女生，一鬧木訥憨厚的老先生。隔著那扇窗，佇着老闆專注下廚的身影，流着老闆娘匆忙送餐的腳步，在狹小的空間裡，他們為客人送上一份用心。這晚，我點了一個海南雞飯，配上一客椰子雞湯和一碟生菜，加點一杯山楂蘋果茶，90元。茶先上，剛喝一口，山楂、蘋果和茶味道的比例適中，山楂不會太甜，蘋果不會太假太跋扈，茶味最後溢出，舒服熨帖。生菜緊接而上，嫩綠的菜葉上跳着炒過的蒜粒，看似平常，卻又實在點綴了生菜的單調。雞湯來了，碗子只裝着湯和椰子片，我趕快舀起一口送到嘴裡，椰子的清甜平衡了雞的鹹重，湯體柔和，輕輕拂過舌頭，撫平一天的辛勞。主菜終於大駕光臨，和餐牌上的圖片一致，碟上盛着去骨的海南雞和雞油飯，邊上放著纖幼的菜芽作裝飾，簡潔大方。我先嚐雞。雞皮滑溜，雞肉鮮甜，帶着應有的薑蓉香氣，實在誘人。但我更欣賞它的醬汁和雞油飯。很多號稱出色的海南雞飯，雞都