小城鎮 (已結業)

上月二人聚餐，友人團購了Little Town，每位$138，有5道菜+甜品自助餐，聽落都幾抵食呀~看到個地址同個景好熟，發現以前都曾幫襯過，而加只係改左名，再度重遇你，食物仲係味一樣的水準呢。 沒去幾年，裝潢依然，以懷舊火車站為主題的餐廳，紅磚牆上有不同城市時間的掛鐘，陳列了舊式蒸汽火車模型，木架上的懷舊擺飾，車輪造型的吊燈，火車售票處造型的收銀位，甚有復古味道。 任食甜品櫃，大約有5款甜點。 餐牌，有前菜、小食、主菜、指定甜品、餐飲及任食甜品。 羅宋湯及多士，羅宋湯內有好多菜，少許牛肉，不俗。 蕃茄手工肉丸，肉丸口感鬆化，配上濃郁的芝士蕃茄醬，味道香口惹味，配上大量薯蓉，口感軟滑，幾好味呀。 小城鎮炸雞翼，有6件，份量不少，口感香脆，味道不俗。 招牌豬肋骨，唔算好大件，肉質帶點嚼勁，燒汁酸酸甜甜，香口又惹味呀。 西班牙海鮮飯。 海鮮有鮮蝦、魷魚及青口，青口大粒肥厚，肉質鮮甜，鮮蝦爽口，魷魚口感爽脆，個飯微辣，味道濃郁，不過飯粒較諗。 Beileys tiramitu雪山(兩人一份)。 用大酒杯盛裝，tiramitu口感濕潤，咖啡味濃，有酒香味

雜牌軍學做餐廳的结果如下：炸魚薯條：炸魚未入口已聞到拿味.明顯入貨有問題。歺後肠胃不適.跟餐咖啡要另加$4，苦澀又要扮有奶泡（浠泹泹的），香味當然欠奉。卡邦尼海蝦燴飯：吃到酸味，雖不是唔衛生的那種，而是雜菇未處理好加飯煮的情況。雪蝦2隻+仿煙肉粒數粒。跟歺檸茶是最正常/好味的项目。葡汁雞焗飯：黃汁焗飯跟歺奶茶：嚇人之作。味道跟「午後红茶」一模一樣，即怪香精味。返熱咗，味仲要更突出。此種質素在假日及晚市要加一服務費，難怪門堪羅雀。

是日出 job, 約附近朋友食晚餐，佢介紹左呢間。裝修幾cozy , 柔和燈光，歐式佈置，暖暖的格局，甫一坐低已經覺得好 relax , 我的 happy friday 呀！環境舒適，食物又如何？等我一一回味吓 ：煙三文魚蜂蜜醋沙律$68上層是滿滿的煙三文魚，下層係新鮮沙律菜，再配上粒粒乾提，細膩甜美。欣賞佢的沙律汁，係蜂蜜醋，酸酸甜甜，加上陣陣蜂蜜味道，好香，精神為之一振。呢個價錢，抵食。白酒忌廉燴青口$78白酒忌廉汁係落足料炮製，好濃好香，調味適中亦食得出有好香白酒味。青口一客六隻，部份青口肉略嫌細隻左少少，話咁快食完，浪費左D咁正的忌廉汁。巴黎牛柳粒扁意粉 $76牛柳粒好得，有咬口有牛味又唔韌，牛柳粒最忌 overcook, 佢火候控制得幾好，完全好易咬。扁意粉的質感亦唔錯，唔會太淋啱啱好。唯獨偏乾，冇乜汁，早知留返個青口白汁來撈意粉啦⋯⋯香煎比目魚扒配香草忌廉汁$128極具驚喜的一道菜，一上枱便香氣四溢，連隔離枱食飽飽的也很感興趣。比目魚皮煎得金黃，薄薄一層卻非常香脆。下面是雪白的魚肉，充滿油香，嫰滑可口，果然係皮脆肉嫩呀！魚皮上舖了蕃茄沙沙，好開胃，但其實比目魚唔使額外調味都

呢日放工搵埋係鰂魚涌返工既閨蜜，尼到北角呢頭食飯。佢就介紹左小城鎮，話性價比好高。小城鎮位於大街旁既明園西街，行過唔為意好容易miss 左。店內燈光微暗，用上木枱同磚牆，格局似小酒館。我地一行三人，叫左個二人套餐，另外再加個長通粉。套餐前菜可揀湯或沙律，沙律份量唔少，雜菜湯仲好足料tim!另外仲有塊蒜蓉包跟埋。小食我地揀左雞翼，足足有6隻，調味岩岩好,肉質都嫩滑。西冷牛扒要左8成熟，但邊位生左少少，有D咬口，薯條同配菜都好有誠意，有調過味。燒雞份量好大，一個人食一定食唔晒。香草味好香，肉燒得岩岩好, 唔會韌。呢個係另叫既大蝦卡邦尼長通粉，蝦肉好爽，長通粉炒得al dente, 加上芝士同煙肉鹹香十足。套餐包埋飲品既仲有埋甜品，好完美。

接阿妹放工，好耐無和她食飯，附近食埋晚餐果名好特別，是否入左個市鎮環境舒適、唔錯，阿妹話食這間吧先上醒胃的沙律，鮮甜爽口，好香柚子味香草燒雞，肉質嫩滑，好新鮮扁意粉煮得爽口彈牙，好味道豬肋骨焗出惹味，一碟兩大排，簡直超足料，每節骨都好多肉包住，肉嫩香口，太好食香酥薯角，配疏菜，好好食西班牙海鮮飯包括大大隻青口，大蝦仁，魷魚等等，飯香美味加熱水果茶：裝有多類生果～士多啤梨，火龍果等好香好道，飲一啖，口腔散發香氣多款美食任你選擇

同朋友響北角搵食，咁岩見到呢間幾靚幾特別嘅西餐廳就衝左入去食，抱住一試無妨嘅心態，希望冇中伏。入到去我會以為呢間餐廳係食環境嘅，因為佢成個環境好歐陸風情😆而且係以火車做主題，好多火車同埋木製嘅裝飾，感覺上似返咗去六七十年代嘅美國咁樣，好有懷舊feel，好啱飲返兩杯啤酒食小食。環境係幾靚，但係重點我好肚餓，同埋我不飲酒的，都有啲擔心佢啲嘢食會否好食，見到有啲晚餐精選，於是我和朋友點了一個二人餐，包左小食主菜餐湯甜品同埋飲品，多謝承惠$398 加一。餐湯方面係兩碗周打魚湯，味道唔算好濃，唔算好多料，不過不失。小食方面我哋揀咗小城鎮炸雞翼，新鮮炸起趁熱食最正，一份有六隻，不過我略嫌佢細隻咗啲。主食我哋叫咗10安士安格斯西冷牛扒配薯條，我哋叫咗燒汁和六成熟，首先要講下佢啲牛扒真係煎得幾好，六成熟啱啱好，而且食得出塊牛扒好靚，出面煎封鎖住肉汁，切開中間粉嫩！容易切，咬落去亦都唔痴牙好嫩口，叫人一口接一口！牛扒配嘅薯條亦都非常出色，佢係切到粗長方形的薯條， 出面比較少見，外脆內軟，食完呢份牛扒餐好滿足呀！👍👍😋跟住嘅主菜就係佢招牌嘅豬肌骨，佢係配係薯角，有兩大塊豬肋骨好巨大, 切開每人起碼食到六七

同朋友都係港島東嘅人，晚上去完國貨公司買中式月餅，喺KFC轉彎經過一間光亮的Cafe，我哋就決定喺度晚餐傾吓計。Cafe主打西式菜，室內有有關火車嘅裝飾，價錢亦相宜。我哋叫咗個二人餐B $398 2位。有餐湯有沙律，二人餐之中我們選了七味粉炸雞髀菇我第一次食炸雞髀菇，感覺好特別，有啲似黃金豆腐，炸粉有味道，配上雞髀菇本身嘅香味，感覺好似食緊肉，但係有食緊素。好特別。主菜可以選兩款，我哋選咗10oz 安格斯西冷牛扒配薯條 五成牛扒醃左味，牛扒本身亦有足夠嘅肥膏，所以咬落去一啲都唔會老。燒香草法國春雞配魷魚圈燒春雞肉質好嫩，廚師燒得皮脆肉嫩，再臨上蜜糖漿，配合得非常好。百香園水果茶傾計傾到好口乾，加錢要一件水果茶，市面依家越來越多台式飲品店，試吓呢間嘅水果茶，一端上來好大嘅一杯，我們立即狂影相，水果茶入口味道舒服，唔會太甜唔會惹痰而且好大嘅杯，啱晒慢慢一邊傾計一邊飲。時令鮮果奶凍及草莓奶凍裝飾得好靚，香滑入口即溶，size唔係好大，啱哂啱啱食飽野我哋。—————————————如果喜歡我嘅文章，請喺下邊襟個心俾我，鼓勵下我繼續寫食評。多謝你。❤️

平時好少嚟北角，咁岩嚟呢邊做野，順便搵下周圍有咩好野食，想食西餐，搵左間近地鐵站既小城鎮，即管試下叫左個set lunch，有湯，有主菜，有野飲，大蝦卡邦尼意粉超多料都夠creamy, 但食食下嫌有啲甜，加左$18要 夏威夷果仁咖啡，甜到飲左兩啖就頂唔順。

今次走到去北角同舊同事食Lunch，舊同事們介紹我去小城鎮，佢哋話餐廳坐位舒適，而且食物選擇都多，仲有all day breakfast 全日供應，又真係相當吸引喎。我好喜歡食all day breakfast， 所以點了香煎牛扒全日早餐，單睇餐牌就知道好豐富，一上擡時真係好多料，有大大塊的牛扒、炒蛋、茄汁豆、多士同菇菌類，好大堆頭。味道都很好，非常不錯。舊同事一位叫了黑松露香菇比薩，我拿了一塊吃，味道甜甜的，餅底似餅乾香香脆脆的。另一位舊同事就叫了香煎比目魚扒配香草忌廉汁，呢個製作需時，約20分鐘後才製作完成。舊同事說魚肉很滑，香草忌廉汁夾上薯蓉一起食，非常香口，好美味等耐一點也值得的。飲品方面，我叫了一杯latte ，奶味很重，咖啡味也剛好，很不錯。兩位舊同事點了水果茶，水壺托底的 蠟燭台是心形的，好美啊～美中不足的是水果茶比較酸味重一點，應該是生果酸所以令到茶都帶了酸味。整體上餐廳都很質素，食物份量及味道都很好，怪不得舊同事介紹我嚟小城鎮食飯啦～

小城鎮喺北角明園西街, 由北角地鐵站行出嚟其實兩三分鐘就已經到好方便。 餐廳都幾大可以容納到好多人， 好彩我哋之前都有book位， 如果唔係分分鐘冇位坐。餐廳裝修都幾別緻， 以鐵路為主題， 牆上又掛咗幾個唔同地區時間嘅時鐘， 即使只係同男朋友食一頓西餐， 都可以引發出唔同嘅話題。今次我哋叫咗幾度菜式四人餐前菜可以揀沙律或者湯， 餐湯係羅宋湯, 落咗好多蔬菜喺入面非常濃郁， 另外有配咗半塊 蒜蓉 多士， 非常香脆非常香口。小城鎮炸雞翼雞翼炸到金黃色，不論大人或小朋友都喜歡吃唯一美中不足的是味道有少少過咸。香烤德式豬手配酸菜及薯蓉德國咸豬手的外皮烤得像中式燒肉，外層可做到又脆又煙韌之餘，豬手的肉質仍然保持嫩滑。雖然外表看來好像有點乾身，但其實入口肉汁豐盈，鹹香惹味，並且佐以酸椰菜，幫助消化。香煎比目魚扒配香草忌廉汁整條魚連魚皮都煎到脆卜卜，比目魚肉質嫩滑，輕輕煎已經煎出比目魚的魚香鮮味。另外又配以香滑的薯蓉，令人回味無窮。四人套餐仲包括咗甜品㖭， 係時令鮮果奶凍， 鮮果奶凍有好香嘅奶味亦都非常順滑， 奶凍上高仲有啲火龍果同埋藍莓， 仲有唔可以睇小嘅係佢嘅伴碟，佢個伴碟都做得好靚， 有百香果

叫左個蜆肉意粉， 一半嘅蜆係唔開嘅， 另一半係唔熟加唔新鮮。 食完覺得唔舒服.... 檸茶唔好飲都算喇....但野食唔新鮮真係會食壞人😠 其實之前都食過一次喇沙粉， 雖然都唔好食 但未至於會覺得唔舒服😠

今日遲放工，所以女友過左黎揾我食飯，然後誤打誤撞入左叫little town既西餐廳。入面地方寬敞，磚牆以紅白為主，掛滿各式各樣裝飾品，非常鐘意餐廳掛上六個不同國家既鐘，包括悉尼，倫敦，法國。令我逐漸回想早前歐遊既種種經歷。我同女友各自叫一個set，再share食。我地加左$18嚟一個超值升級，多左個雜菜湯同蒜蓉多士。配料包括薯仔，磨菇，番茄都大大粒，味道濃郁。蒜蓉多士外皮香脆，入面軟熟。值得+$18升級。終於到主菜出場啦！女朋友叫左欖油蒜片鮮蝦扁意粉。一上菜蒜香味撲鼻而來，仲有三隻大蝦，哈哈哈非常鮮甜。意粉唔會煮得太稀爛，軟硬程度啱啱好。作為扒王之王既我當然要試一試佢哋嘅肉眼！塊扒足足有10安士，足足有我兩隻手掌咁大。肉味非常重，加埋薯角真係飽到上心口。另外叫多左一個墨西哥辣烤雞pizza，餅底脆口，材料除咗烤雞仲有紅椒黃椒青椒，辣度十足，非常惹味。最後叫咗杯焦糖朱古力享受今餐餘下嘅美好時光。以為焦糖加朱古力會好甜，但呢杯甜味中等，質感亦非常順滑。今餐可謂食到非常飽，埋單只係$440，但原來佢哋仲有個晚市二人套餐，$400都唔駛，北角難得有一間食物分量多但味道保持質素嘅西餐廳。

今天約了朋友聚會，地點是朋友選的，事前完全沒有概念是一間什麼樣的餐廳，所以一進餐廳看到那些裝潢設計覺得很特別。我們一早預約好座位，坐下不久也陸續有很多人也是預約好而過來的，看來這裡很受歡迎。因為不想麻煩，就決定點二人套餐好了。點菜後，餐湯就馬上來了，旁邊加上一片蒜蓉多士。小食我們選了七味粉炸雞脾菇，雞脾菇炸過後不會變乾，還保持著水份，配著中間的沙律酸酸甜甜，很好吃。主菜可以選兩道，第一個來的是安格斯西冷牛扒配薯條，一端上來份量真是嚇一跳，滿滿的薯條及配菜，牛扒也是厚厚的，而且烹調時間剛好，咬起來很嫩及充滿很香濃的牛肉味👍🏻另外一個我們選了燒香草法國春雞，份量當然也是一樣很大份，除了燒雞外也配著魷魚圈，這個要說醬汁很特別，像是磨菇醬卻有點甜味，配著燒雞十分搭配。最後當然是餐飲及甜點，我們都加$8選果汁，果汁很大的一杯👍🏻甜品同樣很出色，朋友選鮮果奶凍，而我就選柚子芝士蛋糕，芝士蛋糕很清新，原本已經很飽但吃上去也不會膩。整體來說，套餐十分豐富，兩個人食的話絕對足夠，而且食物也很用心，加上環境氣氛良好，怪不得這麼多人去。

約了友人在他公司附近晚餐。原來北角都有很多食店的，見到這間店牆上掛滿很多懷舊火車及其他裝飾，就吸引我們入內。一入內，就聽到很多懷舊的英文歌曲，勾起很多中學時上英文課的情景。上英文課時，老師常會播英文歌給我們，邊聽邊學英文的，很懷念......內裡座位不算多，但很寬敞、舒適，再有懷舊歌襯托，令人很 relax 我們點了「精選二人晚餐B」，有前菜、小食、主菜、甜品及飲品，非常豐富！前菜各點一款，是日餐湯及廚師沙律。餐湯味道不錯，蒜蓉多士香軟，友人愛吃廚師沙律，尤其那特別的醬汁，好味、開胃 小食~七味粉炸雞髀菇！初初以為是薯角，七味粉不太辣，雞髀菇入味！招牌豬肋骨配薯角，沒想到有咁多 ribs！醬汁入味、豬肋骨惹味！10oz 安格斯西冷牛扒配薯條(燒汁)，5成熟，肉質嫩滑，不點醬汁也很好味 餐飲檸檬茶，大大杯，很抵呀！茶味不太濃，又不太甜，好飲！很驚喜的甜品，時令鮮果奶凍！非常有心思，奶凍不太甜，好味！過了一個輕鬆的晚上，很滿足的一餐

今日和先生來到北角一間非常特色的小城鎮。覺得此餐廳特色的是餐廳以火車站式主題café，火車站式既牆身再加上車輪裝飾，令整間café都帶有歐陸式既vintage感覺，令人感覺耳目一新，夠特別。餐推介菜式有: 豬肋骨，燒法國春雞，安格斯牛扒等。我們要了精選2人晚餐B$398前菜要了廚師沙律及是日餐湯各一款。廚師沙律沙律有芒果肉，橙肉，車厘茄生菜。沙律因有芒果肉及橙肉，帶㸃酸甜，味道不錯。是日餐湯。餐湯味道濃厚。小食要了小城鎮炸雞翼，顔色帶金黃，非常香口。主菜可以每人揀一款，我和先生都要了:10安士安格斯西冷牛扒配薯條。七成熟黑椒汁。安格斯西冷牛扒牛肉味夠濃，帶㸃𡁻口。㸃上黑椒汁，我喜歡再㸃多少少茄醬，帶㸃酸酸的味道，非常惹味又好味。配菜有南瓜，薯條及西蘭花。其中南瓜輕輕炸過，又腍又香口，薯條大大條，份量很多。跟餐要了個檸檬水及+8蚊要了個蘋果汁。我喜歡檸檬水酸酦甜甜的味道。今晚以非常嫩滑香甜的是日甜品，時令鮮果奶凍及草莓鮮奶凍，𤔡今晚的晚餐加上完美二字。