小城知味 (德福廣場1期)

营业中

休息中

今晚約定九龍灣工作的朋友去做Facial，變靚前，要先食飽飽。朋友六點放工，就在德福這邊的晚餐吧！朋友是地膽，由她帶路吧！來到這家中菜的餐廳。門前有電子餐牌，有粥粉麵飯，價格還算實惠。由於晚市剛開始，客人不多，我倆可在內堂就座。下單後，先去洗手間，回來即見食物來到。羽衣甘藍菜肉餃　朋友看到羽衣甘藍，心中躍躍欲試。聽說這種羽衣，有神奇的功效，抗癌，美容，消脂，降血糖，護眼集於一身。這款餃子皮較厚，內裡就是羽衣甘藍＆肉餡。不過對我來說，煮熟後都變為菜肉餃子了！一碗六件的餃子都包得很工整，全部完好無缺，無破損或爆皮。　雖說是菜肉餡餃子，但羽衣甘藍的口感十分明顯，難怪可以用作減肥。風沙單骨雞翼　單骨雞翼，要趁熱品嚐。過後點算二人的雞骨，共十二條骨，即是六件雞中翼。只需38個大洋，抵食。招牌香煎美國牛坑腩蔥油撈麵　　其實朋友想單點一碗蔥油撈麵，最後點了牛坑腩撈麵。　牛坑腩肉當然嫩滑，不過配上伴碟的辣菜脯，味道會更好。　這個辣菜脯較脆口，醃制時間不太長。撈麵本有炸蒜，再淋上特制甜豉油拌勻，更美味。　而撈麵的鹹水味不重，仍嚐到原本的蛋味。可能這就是撈麵的秘密了！竹笙鮮菌豆腐煲　　對比重口味撈麵及風沙

✿╮❤╭✿ ✿雜感女生 好味日記✿ ˚*•✰。小城知味．來碗熱湯。✰•*˚ ✿✿舌尖上的德福✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 近日又因工作關係，來到了德福 OT到晚上，和朋友一起到開張不久的「小城知味」吃DINNER 這裡的套餐價格比較親民，最喜歡就是這裡的老火熱湯 誰都知我是個湯怪，知道有靚湯即點 這裡的套餐加15元就有白飯、飲品 加20元，就包括老火湯，貼地親民 今晚的木瓜排骨湯非常濃香 黃豆提味，豬骨煲至腍身，連蜜棗也融化了 先來一碟西蘭花炒蝦仁 西蘭花清翠又爽脆，彈牙大蝦仁令朋友吃得不亦樂乎 我最愛甜椒，夠脆夠甜好味 小食點了一份韓辣醬炸魷魚 香酥可口，點不點韓辣醬都令人回味 最後上場的就是主角——蘿蔔牛筋腩煲 蘿蔔入味，汁香濃郁，牛筋既大件又香滑 腩肉均勻，汁香淋漓，勁撈牛香汁汁，白飯可以來多碗了 餐飲：一杯提神咖啡，一杯清心檸檬意米水 我飲了一口朋友的意米水 真心後悔：我應該點這一杯！ 檸檬清香，意米好吃，足料養生又好飲！ 下次來，識點了！ 小評： 味道：★★★★☆

响九龍灣，發現多咗唔少新食店開張，見呢日又唔算勁肚餓，希望簡簡單單食個晚飯就好，睇過門口的餐牌，感覺很合心意，所以入去試試吧~入到店內，食客可真不少，唔知係咪同樣都係入來試新嘢呢？雖然座位排得比較密，要坐得親近 D，不過燈光很猛，座位也排得很整齊，加上一直播著台灣歌曲，感覺也很親切。店內提供主餐單和晚市套餐，價格十分親民。於是我們各點了一個晚市套餐，加配 白飯、例湯、飲品。而飲品都唔係一般的凍檸茶、凍檸水... 之類的東西，而是多款豆漿選擇。椰汁豆漿 (熱)椰汁味好香，同豆漿好夾，而且是甜甜的滑滑的。夠薑熱豆漿果然係好夠薑，平時飲開的薑味飲品只係得個味，而呢杯係有一片片薑浮在表面，而且薑味濃郁。山東蒜香蝦蝦肉無論聞落食落都好香，蒜香同埋葱是非常入味，用來送飯真係好搭配。鮮菠蘿糖醋魚他知道我一直喜歡食糖醋魚，呢次見到就立刻點俾我食。糖醋魚軟硬適中，配埋菠蘿同埋煮汁，味道酸酸甜甜，十分開胃，也是送飯又一之選。

又到德福去，這次跟家人一起吃晚飯，因此選擇了老人家比較喜歡的中式料理。餐廳環境舒適，我們比較早吃晚餐，所以餐廳裡客人不是太多。這間餐廳有一張晚餐的菜單，有數款小菜，我們選了鮮菠蘿糖醋魚，價值＄68。可加＄20配絲苗白飯、師傅靚湯及飲品。我覺得加配的＄20組合很抵。足料靚湯，當然沒有家裏的好喝，但喝完不會口乾，而且尚算清甜。白飯大大碗加上味道正常的飲品，只是加＄20。我們還點了骨膠原豬軟骨蔥油撈麵（＄72）及招牌足十兩美國牛肋骨湯麵（ ＄178，有點貴）。撈麵是分開上的，豬軟骨是煮到近乎溶化的那款，不錯！接下來的是珍珠菜肉雲吞，＄58一共12隻，接近$ 5 一隻，是一口雲吞來的，味道都不錯。風沙加骨雞翼，份量都多，配上花生，很有趣。我們再點了甜品，是豆漿湯圓及薑汁湯圓。湯圓口感細膩黏口，每碗有5粒。豆漿味道比較淡，我比較喜歡薑汁的那一款。

我10月21號第一次幫襯, 唔駛等位, 店內環境都好舒適, 我地叫咗幾款餐, 其實都係開早巿冇耐, 同隔離果間舖一樣(應該係同一集團同一個廚房), 又係話賣晒, 炒麵冇晒(我地要兩份炒麵餐), 叫我地轉其他餐, 但轉個頭隔離枱點餐, 佢同人講話冇晒炒麵轉咗米粉, 咁點解你要我轉其他餐而唔係問我轉米粉得唔得? 中式早餐其實冇乜種類揀, 離不開係粥/炒麵, 蒸/煎珍珠雞, 仲有粢飯, 最憎就係去到餐廳話呢樣賣晒果樣賣晒, 同埋樓面人手安排好有問題, 侍應唔多而且唔熟手, 熟手只係一至兩位. 第二次去係10月28號, 今次去到都唔駛等位, 上次試咗炒麵今次試粥, 今次樓面仲亂, 只得一個熟手, 其他人原來係隔離舖調過嚟幫手執枱, 落單要搵返駐場既侍應, 同埋今次落單後上菜都好慢, 而且枱號又錯晒蒸珍珠雞 - 唔知係咪太多人催上菜, 有隻珍珠雞係未熟既, 咁都可以攞出去比客人食, 好過份腸仔通粉配煎蛋 - 冇乜特別, 通粉個湯清到好似滾水咁, 同連鎖快餐店比簡直失色炒麵配煎珍珠雞 - 炒麵份量好多, 味道唔差, 煎珠珠雞都可以, 面層口感明顯有煎過皮蛋瘦肉粥配蒸珍珠雞 - 個粥幾惹味, 幾好食

德福平台附近一直都好多好嘢食，今次就試左呢間主打中菜既小菜館~豬軟骨湯麵，好細心咁樣將啲豬軟骨同埋啲麵分開咁上，唔會將兩樣既湯汁撈埋~豬軟骨非常淋同入味~燒汁煎牛舌配蔥油撈麵， 大大塊煎牛舌，非常香嫩，加上香口既蔥油撈麵，真係冇得彈~撈麵仲可以配上香辣菜脯享用，味道更上一層樓~黑椒豬手煲，上到枱嘅時候千祈唔好掂嗰煲，呢到用嘅煲非常耐熱，就算食完個煲仲係熱嘅~ 有大量嘅豬手煮到骨肉分離，啖啖都係肉，正~

冇諗過喺德福都有抵食嘅餐廳晚市小菜最平四十零蚊就有一個，仲平過出邊啲茶餐廳～炸魚皮$18炸到脆卜卜，好香口，咁大碟好抵食跟餐碗湯都幾大碗～唔會太鹹，啱啱好香煎魚餅 $38上枱嗰時啱啱炸起，勁熱，記得攤涼下先食，魚肉幾彈牙，唔錯風沙單骨雞翼 （10件）$38呢個真係好惹味單骨食起上嚟好方便，唔會炸到過晒火～魚香茄子煲 $48茄子份量都幾多，炆得幾腍，如果鹹魚味再出啲就更好XO醬翠玉瓜豬頸肉 $58食落無乜辣味，同有啲過鹹，不過配飯食都OK。豬頸肉口感頗佳茶記價錢，但服務同環境衛生當然好過茶記好多，德福廣場嘅平食之選

平台覓食第3回@小城知味九龍灣偉業街33號德福廣場1期平台 P8 & P8A 號阿妹上班要很晚才回家，那家中小孩的晚餐就落在我身上，我唯一能幫忙就是帶他們出街吃。好抵，一個食送主食都時5，60多元左右。要了時菜菜心$20,肉碎釀金磚$38， 彩椒野菌炒雞柳$48及西蘭花蝦球$68只要另加20元便配飯，例湯同飲品了。南北杏老瓜湯，正氣呢！平日沒機會喝飲到好感動。時菜要了全走比較健康，只要原汁原味。豆腐好大盤哦，嫩嫩滑滑又軟，還有肉碎襯托，好有家常菜feel,獨立看成是小吃或伴飯都一流。西蘭花同蝦球都好爽口，快炒又能保持蔬菜營養，簡單小菜越見真章。雞柳搭了3色椒同菌，肉菜平均因我講究健康，有營之選。幾道食送好吃得讓晚上進行限飯令的我把白飯扒光光了。粉麵粥品都只要30來元，是商場價比最高的餐廳。比較特別是更有拉粉膠同豆花甜品。更找上海小食，假日當下午茶或早餐著實不錯哦！豆漿好多花款，青瓜(冷)薑(熱)味等，忍不住點杯熱薑豆漿，唔會死甜喝到豆香且很暖胃，喝下不久身體開始暖和，對打秋意，組合也夾不會怪怪的。2個人4個食送，配飯同飲品和湯，每人只花了百來元，自己買材料弄也要差不多成本呢！已列入常規

星期日中午去九龍灣搵食，經過德福商場見到改變好多，有啲新食府林立，見到有間舖頭個名我好鍾意，而且地方又乾淨，裝修又雅緻，所以行咗入去食午餐。原本想食套餐，小菜加20蚊可變成套餐有廚師靚湯、白飯同飲品。不過服務員介紹可以選擇招牌十足美國牛肋骨，廚師用原條美國牛肋骨經過處理，再送給食客，仲可以選擇薑蔥撈麵或湯麵。睇圖片已經有氣勢，我決定叫一碗試一試佢。果然好介紹，湯味濃且香，牛肋骨啲肉 嫩滑又淋，而且湯麵吸收濃湯後特別之味。不過睇少咗依一碗麵，佢都幾大碗。冇食早餐嘅我，都食唔曬。 如果下次再嚟要約埋朋友一齊，因為好多嘢都未試過。

上次黎食泰菜，路經此地，見到好多人排隊，今日去試下，雖然人多，但係都好快入到。裝横不錯，樓底高，素色為主，感覺不錯。晚市有不少套餐選擇，+$20 配絲苗白飯和師傅靚湯。今日例湯係冬瓜豬骨湯，豬肉很嫩，湯很清甜，呢個老火湯很足料，仲有章魚。加$20就有飯、湯和飲品係超值。鮮菠蘿糖醋魚 $68，加左甜椒和菠蘿一齊煮，pineapple超甜，魚肉切成小塊炸，容易入口，魚肉扎實，配酸甜汁非常好下飯。鹽水金磚$28，椒鹽豆腐也十分出色，豆腐冇老到，仲滑lulu。風沙單骨雞翼$38，賣相很吸引，炸得很酥脆，肉嫩嫩的，好入味，相當juicy。蘿蔔牛筋腩煲 $68牛筋好滑，牛腩好稔，配搭講究，配芫荽、芹菜吃，更加美味。腩汁香濃，蘿蔔先係重點，超甜的。多+$5 轉 紅棗蜜。熱豆漿

本想食隔離既泰國菜，可惜多人等位，老人家同小朋友又肚餓，又冇book枱既情況下就入左隔離間野，就係呢間啦！原本都冇咩人入去既，但可能見其他地方都full,所以諗住試下呢間！真中伏，點解差到咁，難食到咁！湯好咸，飲唔落口，跟住個碟竹笙豆腐完全冇味，個蘿蔔牛腩勁重藥材味，啲牛腩仲要咬唔爛既，仲要漏單，漏左個西蘭花炒蝦球，同樣無味超級唔好食，最正常應該係得野飲同飯！一個字差黎形容

呢日嚟到九龍灣德福廣場一期， 見家人想食下小菜， 就揀咗呢間新派小菜館—小城知味。入去餐廳俾人感覺闊落舒適， 光猛得嚟不失典雅風格， 牆上中西合璧嘅浮雕為餐廳環境增色不少。秋風起，唔一定食臘味，見秋冬推介有秘製羊腩煲， 期間限定喎，一於叫一份試下！細細份羊腩煲估唔到都幾足料， 入面有大大嚿蘿蔔， 唔少芹菜絲,蔥絲, 薑絲同辣椒碎作調味， 作為主角嘅羊腩雖然唔多羊脂， 但肉質鮮嫩， 羊味香濃， 仲有幾嚿係羊筋， 女士可以趁機補下骨膠原 ( 養顏功用信不信由你啦😂)真心推薦龍湯浸竹笙什菌！ 食得出 多種菇菌同竹笙用上湯餚製多時， 令菇菌鮮味十分突出，竹笙將上湯完全吸收， 加埋白飯做湯飯滋味十足， 食下食下唔知點解仲有啲黑松露香味😂👍最後唔少得甜品， 黑芝麻湯圓一啖一粒， 糯米皮軟熟， 黑芝麻味香濃， 幾欣賞薑汁湯底唔太甜，唔會搶咗湯丸嘅甜味👍👍餐廳開業不久， 見滋味小菜餐牌比之前其他較早期食評post 出嚟嘅多咗好多唔同款， 款式更多元化，一家大細嚟食多幾餐都keep 住有新鮮感✨

一家大細出嚟食飯，當然希望搵個坐得舒服又溫馨嘅小菜館啦， 呢日就嚟到九龍灣德福廣場平台嘅呢間新派小菜館- 小城知味。要填滿一家四口嘅胃口唔可以靠主菜，點都要點返幾味小食😆一端上枱麻辣香味撲鼻而來， 麻辣牛舌上灑上花生粒， 花生香味和辣汁驚喜地配搭， 呢個唔係一般醃咗就煮牛舌， 餐廳細心地將牛舌煎香咗，令佢外脆內軟，先再加上辣汁👍👍 真心推薦啲款麻辣小餛飩， 唔好睇佢細細隻， 每一隻都皮薄餡靚， 肉餡明顯冇加味精， 有新鮮肉汁流出嚟， 鍾意食辣嘅朋友點返啲辣油就更滋味啦， 一啖一隻， 十分滿足！跟住就到主菜啦！喺咁多個麵食之中，得呢款比餐廳稱為招牌菜，果然唔係浪得虛名。 牛坑腩肥瘦適中， 煎煮時間剛好， 香脆得來保持牛坑腩嘅鮮嫩， 牛味香濃， 食得出係靚牛肉。蔥油撈麵嘅質地都唔錯， 蔥油另上，食客可以自己調教口味💕餐廳開業唔係好耐，但明顯見到短時間內已經增加多咗好多菜式， 咁多滋味小菜就唔驚食厭啦！

晚上經過九龍灣, 見到平台都開左唔少食店, 除左泰國野之外仲有中菜。加上未食飯, 所以同男朋友入左其中一間食中茱, 叫做「小城知味」。個名都幾有詩意! 而且成間店好有空間感, 都不少人收左工黎醫肚! 晚餐的選擇仲好多！價錢都ok! 香蔥裡尋雞就是霸王雞的類似版，香蔥的香加上滾油，超級香口的！也好好送飯，雖然已經係夜晚九點幾，不過我都已經食咗成碗白飯。個雞夠哂滑，不過偏肥，惟有唔好食雞皮！不過好鍾意乾蔥的味道，半隻雞滿足哂我的胃口！加廿蚊有埋湯，白飯，仲有飲品，絕對夠哂飽肚！香煎牛坑腩湯麵個牛坑腩好滑, 平時食牛腩麵都食得多。本身對呢個都唔係太大期望, 不過又有驚喜！煎香左鎖住左肉汁, 切得薄片的牛坑腩十分有口感！又唔會太漏，同一般食到的麵有好大分別!龍湯野菌浸竹笙食到咁上下點可以唔叫翻d清清地？呢個竹苼好好食，而且只係三十八蚊！絕對親民！簡簡單單又一餐，最緊要就係質素都幾有保證。下次再試吓其他小菜！

德福近排開左好多新餐廳，呢間就好隱秘比較難搵，唔係行去平台個邊都幾難發現。新開關係店門外都有staff拎住menu招徠客人，睇過menu都幾有新鮮感，就決定一試～呢度既菜式我會形容為新舊交融，中菜通常俾人傳統既感覺，但係佢又加入左啲新興既元素，成件事就年輕好多～牛坑腩肉質好軟淋鬆化，好濃郁肉味又有油香，雖然價錢略貴，不過我覺得都值既，而伴碟係微辣既菜脯，我平時唔多食菜脯，不過呢度切到細細粒，少少辣加少少甜，加埋落撈麵度出奇地開胃，所以我都清晒！其實就似避風塘炸雞翼咁，係一道非常香口惹味既小食，有5隻咁多，份量都唔少，而且單⻣食起上黎好方便！每條竹笙都好肥好厚，好似海綿咁索滿晒鮮甜既龍蝦上湯，配埋其他什菌清清地又不失美味！本來想食羽衣甘藍菜肉餃，覺得幾特別係其他地方都未見過，但係店員話未有貨...有啲失望...於是就叫左麻辣小雲吞，麻辣都係我飛佛黎既，原來都有啲驚喜，真係幾重口味，食完條脷真係麻左，唔hea架喎！最後想食個甜品滋潤下，湯圓有兩款，黃色皮紫色餡個隻係蕃薯味，甜度適中蕃薯味都幾濃，幾有特色，另外就係芝麻湯圓，就正常味道啦，薑汁唔夠濃，再辣啲就好！