小台場日本料理 (已結業)

經友人介紹.黎呢到食飯.我地1行7個人.叫左13樣野,味噌煮鯖魚定食 $38 鐘意食魚ge人一定要試啊.d魚入曬味噌..正啊.刺身 我唔鐘意食刺身,所以唔知好唔好食,甜蝦 煙三文魚蟹籽沙律 $35 沙律都好好味..唔似我地平時食個d沙律咁什錦天婦羅 $48 平時唔係好鐘意食天婦羅 ,不過友人叫左食.炸個d野同食蝦分黎嫁.幾好食..日式叉燒鴨胸炒烏冬 $30 好好味啊. 唔知用d咩炒.好似燒汁ge味道.日式野菜薯餅 $30燒八爪魚丸 $28 豚生薑燒燒定食 $38咖哩吉列雞塊飯 $38 甜咖哩,唔係好辣..還可以炸雞軟骨粒 ,炭燒豬頸肉 ,燒魷魚筒 ,燒鯖魚 最後而且會送甜品.大菜糕.食到我地極飽啊.雖然店舖細小.不過坐得都幾舒服.好有日本風味.而且服務態度好好.價錢都中等..

晚上七點，要同女友去醫肚，就諗下食咩，咁我就用左十分鐘時間上網搵下有咩好食，再用三分鐘時間打去訂枱。準時去到就見到已經留左枱(係門口望入去見到每張枱都有人)！一入門口侍應小姐就好有禮貌咁歡迎我地，一坐底就有兩杯熱茶送上！掂呀！我地二人叫左一個松花堂定食(唔記得係咪呢個名，總之係108果個)，再加一個power set (我地要左豬軟骨拉麵+日式炒飯) 再加 燒飯團。上菜速度適中，差唔多食完就上食完就上。定食﹕1. 刺身有五款，只有三文魚同埋海膽有兩件，其他三款(吞拿魚，墨魚，有一款唔記得左)得一件，幾新鮮，仲係厚切，若然能夠再大塊d仲好(貪心)2. 前菜係連藕，小小辣幾惹味3. 天婦羅係即叫即炸，炸漿唔太多岩岩好，唔會食落去一口都係粉，抵讚！4. 燒墨魚丸好味，好大粒！超多木魚花！正！5. 金菇ok6. 煮鯖魚，第一次熟食，之前都係生食，感覺好唔同，而且無乜腥味，送白飯岩哂！7. 生果就得兩件雪梨，略為少左d....Power Set1. 豬軟骨拉麵﹕d麵幾煙韌，個湯底有3款(豬骨、沙嗲、泡菜)我揀左泡菜，有點可惜係只係個湯有泡菜既辣味，係幾好味，若果可以有幾舊泡菜就更好！豬軟骨好入味

今日去左呢間小台場,初初行過見佢咁細間唔知得唔得呢,跟住就入左去試下食啦,一入去叫鹽燒三文魚頭,點知個服務員好有禮貌咁講,唔好意思呀,我地無燒三文魚頭,我心都一沉,唉.........我既至愛呀,算啦唔緊要食其他啦,之後就叫咗個牛肉定食同埋滑蛋雞定食,再加個炒牛肉雜菜,等左小小時間因為佢都幾多外賣,個牛肉餐真係好好食,另外我老公就真話個雞好好食,haha 真係估唔到,之後個牛肉炒雜菜就麻麻地,又有生果送,心諗我下次要叫多幾款先得,宜家太飽啦,而且我一定會再去,因為佢個介錢合理又好食,真係唔錯,只係等得耐少少啦,其他都ok,而且個個都好有禮貌又食得好開心

唔知仲以為我係妹!早幾日lunch終於去店鋪試,今晚巳第三次幫襯,今晚先知原來上月先開既,先講鋪面有點細,服務一流,今晚試左燒墨魚丸,味道一流,咁既價錢真係好抵食,細囡食左三文魚刺身,好大片好新鮮,最驚喜係最尾甜品有半邊橙同啫喱,個橙好有心機切開一件件,三次試食都好滿意,會繼續試＇＇仲有佢午試任添飯好啱男仕呀!

小妹第一次寫食評~之前都有看這店在openrice的好幾个評語同又見近日回憶起當年在日本曾經去過一間差不多的店子.所以昨天晚上就走左去試下.雖然路遠了點, 並下著小微雨和有点凍, 亦無阻我到這裡的決心.一入到黎我一個人被安排坐在角位之後點了tenpura set & fried dumpling,前菜味道唔錯麵豉湯不同於一般出面的,濃淡適中,唔錯~食物味道也算比想像中好,絕非一般便宜敷衍的貨色有當年那日本店的感覺,如果有時間我一定會再訪.

首先同哥哥仔講唔好意思,講得唔清楚誤會左另一油站,行遠左,本身巳經遠,大角咀一頭一尾都肯送餐!比著其他大角咀d外賣呀姐實黑面講返食物,我樓下都有兩三間日本野,但估唔到會比小台場跑贏,，叫左汁燒牛肉和風定食$38,牛肉份量多,前菜係薯容好新鮮,咖喱豬扒飯$38,唔辣,朱扒唔會好乾,好味煙鴨胸餃子拉麵$25,麵好彈牙,湯底濃,但唔夠湯,野菜薯餅$30,夠cremy樣樣都好有水準,個前菜薯仔沙律好好味!所有野食到同2個囡拍晒手掌,唯一要彈係d湯蓋爛左,漏左d湯出嚟!希望下次再會送嚟啦!我地呢邊好多人叫外賣架!

喺附近行街，所以就過嚟呢度食囉. 其實都來了幾次,都覺得能保持水準.我點了醬汁豬扒拉麵連炭嬈雞翼餃子, 老婆點了日弎雞扒炒烏冬.本人覺得這兒豬扒拉麵好食, 純粹個人喜好. 雞無論炸或焗或煎,都不會太乾, 入口好嫩滑. 其他如拉麵, 好爽好煙un及滑,整個set每樣由配菜到主菜都有心機同埋嚴緊.個人覺得以食物質素及價錢, 這間餐廳是值得推介的

有位住在大角咀的老朋友介紹在我地去咗一間叫小台場日式料理食晚飯,由門外看入面已坐滿客人,所以我地要等咗幾分鐘先入得去,大約等了一会我地入到去叫咗个梅花堂定食 + 松花堂定食 +曰式豬軟骨拉麵和三文魚剌身, 可惜店員講三文魚已經買完. 先講講个曰式豬軟骨拉麵个麵都幾彈牙...豬軟骨夠香口同湯底都唔錯个豬骨湯底好濃味, 好食到喊 梅花堂定食&松花堂定食這兩个定食可以講係超低食.先講定食个刺身都幾新鮮同天婦羅都炸得幾好 (師父炸功有水準)還有汁燒牛肉飯超好味 由頭到尾這兩个定食一啲都唔馬虎, 真係出色之作.這個質素真係超值 今次食得大多了..飽到燒夜都唔洗食!!

本人一向都喜歡周圍試食,由其喜愛日本菜,0甘有日下晝4點幾一條友行開大角咀,見到呢度新開左間叫小台場的日本料理,自己行左入去,叫左一個咖哩炸雞飯,再加多個燒雞亦,先來個飯,咖哩好香好好食,但可能我個人較為喜愛偏辣的咖哩,總覺得這裡的唔合我心水,by the way,都非常之有水準,至於個燒雞亦,呢個真係要一讚,真係燒得好香,雖然由我叫order至上餐,差不多成15分鐘,等到都有d忟憎,但食左一啖之後,起碼我覺得係用心去燒,唔會因為快出order而快燒,呢個真係值得推介要試,至於價錢都ok,算抵食(一個飯+一個小食),希望下次行過可試埋其他款式唯一美中不足係舖面座位較少,but食物的質素可列入自己的心水喜愛餐廳之一