小二鍋仔米線 (已結業)

睇到open rice有8個好評,特意黎試下,真係令我失望........叫左個HKD35.00既(十餸米線). 好SMALL同好小餸都不緊要,重點係D餸唔好食唔新鮮,好似擺左好多日咁."牛腩"好鞋-勁唔掂.豬腸唔入味,菜都唔多條.唯一湯底同豬皮可以合格,冇得同出面D米線鋪比較, 仲有個度門(明明係"拉"開既)佢SHOW個"推"字出黎....真係吹脹..唔好好改善好難下次會再黎.係呢個地點如果唔低食,好快會消失....

係o岩o岩開o既時候,lunch time都成日黎食 但依家就成日叫外賣呢間d外賣好快到 ! 又唔貴又大份 真係好抵食今次就叫左 [[ 豬腸,豬頸肉,豬潤 ]] 米線 少辣 凍檸茶個人認為凍檸茶唔好飲 好酸豬腸,豬頸肉,豬潤 係超食推介

以前我會係一個外賣狂...依家就要左扮食家...要多多外出消費喇~~今日難得老公偷到時間同我食個晏,就食米線啦~一向都有幫襯開"小二"既外賣,其實佢D野都幾好食..但點解平時坐唔滿人?講真...依條街都幾得意,冇野行,但多食肆,唔係住依頭會唔會專登黎食一食野丫...難怪D舖成日執啦~~~叫左:<<魚腐鮑片泡飯>> $26好味!! 泡飯配菜有酸菜有肉碎..感覺似潮州泡飯...個湯都幾濃,而且份量都頗多~<<牛腩豬腸辣雞絲薯粉>> $28 老公叫既係小辣,加埋佢比既蒜蓉....好香夠麻夠辣~豬腸較為林左D...雞絲唔係手撕,佢係雞肉黎既~牛腩都幾林~薯粉份量都幾多~<<糖醋雙拼>>$20味道OK,甜味較重,如果再酸D會更好~<<凍奶茶>>$5 X 2茶濃唔太甜~好!是日消費:$84.總括:係近期既新食肆中,佢係我心水之一...野食唔算貴~味道又OK~可以不彷一試^^

與女友2人點了2碗薯粉及1個小食!魚腐牛肉豬皮薯粉 魚腐幾好食,但得2個小左D,豬皮好大塊,吸左辣湯,正!!薯粉幾彈牙,好食!豬潤煙鴨胸薯粉豬潤好新鮮,值得推介!!但煙鴨胸是淥的,如果是煎會更香口!糖醋豬頸肉都幾厚肉,甜甜酸酸幾好味!依度D麻辣都幾出色,出色在於佢做到"麻" , "辣"感覺但一D都唔油!! P.S 原來薯粉係冇酸菜ga!

翠林成條街D食店都轉得好快~好似幾個月又轉手.又收得早.往往坐爆場既都係一D老舖.,有一班熟客撐住!依間米線舖唔係第一次行過,可惜收工番到佢都已經收左.今日有機會試試...$16 米線底再加餸,要豬腸墨丸腐竹,中辣.豬腸唔肥,好淋,墨丸唔粉,OK!腐竹係一般來貨,冇特別!最讚係湯底,好濃,夠味,而且中辣都幾辣,又夠麻!份量太多...食唔晒~~以前唔會特別打食評...今次希望為依間水準小店打打氣!

老實講,我對米線真係麻麻...唔係我女朋友鍾意食,我一條友真係唔會去食.今日又係我女朋友話事...又米線我既牛腩豆卜豬大腸烏冬,豬大腸同牛腩都忟都幾好味,可惜係烏冬分量小左D..得一個烏冬對我黎講真係唔夠食...女朋友既魚皮餃豬皮牛肉米線佢好鍾意個湯底...一向好蒜蓉既我地,一碗都已經用左一小碟生蒜,要再問待應叔叔"再來大大碟..."牛肉都幾"林"味就唔太夠,豬皮索左d湯又幾好食...小辣都已經好夠美中不足....待應叔叔有點"o羅梳"..問完要唔要飲野,轉頭又問..食食下又吹下水咁....

我至愛既食物入面....有外賣既選擇唔多....今日都係叫番米線~~同同事一人一個:鮮牛肉,辣雞絲,冬菇米線(中辣)+凍奶茶- 牛肉幾滑,口感唔錯,雞絲有辣有唔辣,分別在於佢混左麻辣汁去撈......而冬菇就一般而且......魷魚,金菇蘿蔔米線 - 同事既~值得一提...好多外賣都會浸湯上...但依度會分開.....起碼我唔駛怕上到黎冇晒湯丫...

不嬲都有叫開依度既外賣,平時叫外賣都OK快送到...今日就例外同D同事黎食,但LUNCH時間都要等下位.....一行3人每人一碗:魚腐鮑片泡飯 $26 - 個泡飯係我order既....唔錯有酸菜有肉碎..感覺都幾豐富!魚腐鮑片依個配搭清清地...冇咁多肉~牛腩豬扒薯粉 $27 - 同事叫的,佢話薯粉唔同出面食個d,似瀨粉..都ok既,豬扒都幾"林".水餃芝士丸薯粉 $24 - 同事叫的,評語都係ok既....我覺得佢叫d太普通啦...芝士丸?打邊爐都食到....講真...野飲+$5唔係貴,但比預期中佢d奶茶係幾好飲,有茶仔水準~糖醋雞翼 - 好好味,似出面生抄排骨....但酸得唔"確"喉今次冇影相..下次先UPLOAD番上黎....

上個月食完新墟"麻酸樂"個碗似嗽水既豬潤米線之後....近一排對米線都冇乜興趣.....今日就試下依間...有下午茶...叫個豬潤米線+中辣.....豆漿正.....!!!d豬潤簡直蚊比同牛比lor...依d好爽好大塊好抵~~$25~~

好耐都冇行過石排頭路....今日去卓爾居...順便睇下有咩新野~~~本來想食翠林....太多的士哥哥,冇位!隔離開左間"小二鍋仔米線" ....叫左個豬扒,牛腩米線...老實講...味道真係一D都唔差...豬扒係預料之外咁好好味.....好淋服務好好,有招呼....值得一讚!!下次會再幫襯

前日同左老公去左試新野~我叫左豬腸,鮑片+薯粉 ,凍奶茶老公叫豬潤,墨丸+米線,豆漿嘩....一黎成鍋上...大大鍋,好有體頭.依到d薯粉唔同出面食個d....依d幼身d,彈牙,有賴粉feel~豬腸淋,夠味.豬潤唔錯,好爽!! 墨丸好好食..唔似出面好"粉"個d...依種應該係貴價小小既貨~~好味另外佢又比左一兜仔蒜蓉我~原來係加落湯到,我叫左小辣,唔知點解佢冇紅油,但都做到麻辣效果,可以連湯飲埋~~好正...而奶茶個到....好冰凍....都算濃味..good!

石排頭路雖然不是很長,但食店卻開得成行成市,這間米線店就是最近新開的,雖說是米線店但早上還有早餐供應的,日前北上坐小巴前就先來這裡吃個早餐。可能還是新開業關係,暫未有太多客人,畢竟其周邊的小餐廳開業經年,每間都有其熟客嘛。坐在全店最涼的位置,點了較輕盈的茄蛋治+凍奶茶作為早餐,平時通常看著晨早新聞等吃,今次是看著Eason演唱會,不俗!廚房由一位妙齡女郎主理,最有趣是我點了三文治後,她才拿錢去買方包回來,那等於我的麵包是新鮮的哦 三文治的蕃茄有點生,所以味道不夠甜美;雞蛋煎得尚可,油份雖然多了一點但應有的蛋香還有,可以煎得滑溜一點更好!牛油份量不少,只是欠缺牛油香而已。凍奶茶徒具外表,茶味真的沒有!!相信是茶葉配得不太好的關係吧,牛奶是用上黑白奶,份量是ok的,只是沒茶味的凍奶茶怎會好飲???店主快些改一下茶葉配搭吧!!除西式早餐外還供應糯米雞,相信都是來貨而已,有機會試試其十餸米線更好。