影片
港铁宝琳站 A1 出口, 步行约13分钟
继续阅读
营业时间
星期一至日
12:30 - 23:45
公众假期
12:30 - 23:45
公众假期前夕
12:30 - 23:45
以上资料只供参考，请与餐厅确认详情
有一日同朋友倾起以前喺墨西哥Backpacking时候喺街边扫street Taco嘅体验，佢就推咗啦依间店，绝对冇嘥咗我由元朗过嚟嘅时间🤩🤩🤩Taco 🌮 最好直问老细当日推荐，由佢厨师发办。馅料配置我就唔多作描述，食过正宗墨西哥街头Taco嘅朋友，自然会睇得出分别。重点系tortilla. 一上碟就发现系正宗用玉米粉做嘅皮，唔止好软绵仲好有嚼劲；有烧粟米嘅清香仲可以吸收人肉汁。（细心去观察，老细系会将块饼浸入肉汁后先上碟）老细话佢系揾咗墨西哥人开嘅工场帮佢定制，去还原番正宗嘅口感。加埋个最惊喜嘅菜式烧粟米 🌽 先80蚊。抵食要好食想食正宗墨西哥街头Taco嘅朋友，非常推荐来试一试
继续阅读
收工同朋友过嚟食晚饭，虽然系小食店，但出面都有啲堂食用嘅枱，所以环境方面唔洗担心。最推荐大家试嘅就一定系必试嘅世一烧粟米，初头见到条粟米，见到落咗好多芝士同味粉，仲以为会好重口味，好腻，但系食落就发现，完完全全系另一回事！烧粟米到用咗芝士、牛油同辣粉，食落第一啖，你第一吓食到嘅系粟米嘅甜味，然后芝士嘅香味就会开始慢慢涌入你嘅鼻腔同味觉，食多几啖，啲少少辣嘅辣味粉都可以帮你中和返芝士同牛油嘅香味，所以成件事绝对系甜而不腻！ 一条粟米梗系唔够啦！我哋之后仲嗌咗个古巴三文治，入面嘅肉完全唔老，熟度啱啱好！冇谂过呢种三文治系可以一下就轻松咬开，食落就更加惊喜！唔知道老板同老板娘用咗啲咩酱汁，绝之就系好好食，超级推荐！我啲朋友个个都好喜欢！赶住食lunch开工，买呢个就一流啦！ 话明墨西哥菜，就当然唔少得nachos啦！我哋今次呢个就系嗌tacos拼盘包埋嘅，上面加咗芝士、焗过，十分香脆！佢哋仲好贴心咁一次过提供两种酱比我哋点，有佢哋自己整嘅牛油果酱（唔中意食牛油果嘅人都唔洗担心，个酱系完全冇草青味），不过如果实在系唔喜欢牛油果，都可以点佢哋提供嘅ranch酱，一样系十分之好食！（佢哋配酱料嘅时候啲份量完全唔手软，个ranch酱多到，我食晒啲nachos又点唔到三分一，为咗唔浪费，我仲拎咗返屋企点薯片用🤣）
继续阅读
🔸香烤牛肉taco $45Soft taco盛起烤牛肉、guacamole、salsa，味道清新怡人，层次丰富。芫荽嘅香气好明显。烤牛肉有些少厚度，越咀嚼越觉得肉味浓郁。🔸马勒当拿烧原条猪腩肉 $68 猪腩烧得好均匀，将啲猪油逼晒出嚟，食落唔肥腻，但瘦肉部份又劲juicy。阿根廷青酱蕃茜味道好重又不失蒜香。🔸将军烧春鸡（半只）$68鸡肉嫩滑多汁，鸡皮辣劲十足。食得出混合咗唔同辣椒同香料，味道丰富。📍将军 (将军澳)将军澳宝琳路8号景林商场地下KL5号舖
继续阅读
这天到朋友家作客，不知不觉聊天到半夜，饥肠辘辘的时候，朋友取出墨西哥玉米饼及脆片，顿时觉得朋友很体贴！朋友说它们本是温热的，不过她考虑到我们的晚餐太丰富，所以默默收起了这道美食。我们品尝的是招牌拼盘套餐，猪牛鸡Taco各一件及脆片。我觉得这几个墨西哥玉米饼看起来很娇小，但其实份量颇多的。玉米饼包裹著的肉类真的不少，而且它们的酱汁是牛油果及豆类制作的，所以是挺饱足的！脆片方面，它很香脆，调味不重，适合配搭著牛油果酱一起品尝！
继续阅读
首先要赞就系佢将春鸡已经起咗胸骨！攞住只髀大啖大啖食。超正又劲好味😋另外，佢既牛肉Taco，牛肉Juicy,配埋佢哋既酱汁（特别系牛油果酱+蕃茄粒粒）而且真心抵食$45。
继续阅读