影片
营业时间
今日营业
10:30 - 22:00
星期一至日
10:30 - 22:00
*最后点餐时间: 21:15
以上资料只供参考，请与餐厅确认详情
最钟意喺一开门嘅时候就去食寿司郎因为一定唔使排好耐队😂今日嚟到先发觉有新款式试咗大吞拿鱼腩配葱花吞拿鱼蓉个人觉得好似之前大吞拿鱼腩好食啲慢烤黑毛和牛配红酒鹅肝忍唔住食咗两件，如果呢样可以keep住都有就好啦海胆忌廉可乐饼炸出嚟都好脆口，虽然浓郁嘅海胆味但系整体都几过瘾其实仲食咗照烧鸡配粟米沙律军舰同埋白象拔蚌双味呢啲就不过不失甜品仲食咗巴斯克烤芝士蛋糕虽然唔太识欣赏上面𠮶忌廉但系个芝士蛋糕系好食嘅😋
继续阅读
难得今天提早下班，终于有时间去排队食寿司郎！最近好想去日本旅行，但暂时去唔到，唯有嚟食寿司止下瘾啦。作为一名寿司控，寿司郎真系我嘅心头好，佢哋啲海鲜新鲜又多选择，今次真系食到好满足！吞拿鱼与生海胆海苔天妇罗配特制酱油吞拿鱼好鲜甜，海胆浓郁又唔会太抢，天妇罗海苔炸得脆口，配上特制酱油，味道好夹。一啖食落去，口感同味道都好有层次，真系好正！白鸟贝北寄贝贝肉爽口弹牙，满满嘅海洋鲜味，食落去好似将日本嘅海味带到嘴边。特大草虾天妇罗（淡路岛藻盐）草虾超大只，肉质结实，天妇罗炸得金黄酥脆，外脆内嫩，配上淡路岛藻盐，鲜味更加突出，完全唔使点其他酱都够晒味。茶碗蒸滑嫩嫩嘅茶碗蒸，里面有虾仁同鱼肉，暖笠笠咁食落去好舒服，系一个温暖嘅小惊喜。特选大吞拿鱼腩呢个真系今餐嘅高潮！入口即溶，油脂丰富，食落去好似幸福感爆发咁，绝对系必点之选。炸赤乌贼块乌贼炸得外脆内嫩，咬落去Juicy又唔油腻，系一个好开胃嘅选择
继续阅读
星期日既寿司郎系好多人，喺4点半拎飞都已经要等40张枱，但仍未系食晚饭既时间，都比较快有位，等左半个钟就可以坐低。寿司郎既种类比较多，而且好多都岩小朋友食，另外近排同日本既鱼怪合作，食某啲菜式都会送鱼怪小摆设，吸引到更加多人～都系比较钟意食呢到既蒸蛋，因为蒸得好滑，同埋都系热辣辣咁送到黎。好钟意点大螺贝，因为好爽脆～至少点两次另外乌冬都好适合小朋友食，星期日同屋企人食有小朋友有老人家最合适，不过5点令钟拎飞系最好，唔洗得咁耐又早啲可以食完～
继续阅读
见到寿司郎同水怪联乘，作为sanrio fans第一时间约frd去食😋不过虽然系平日夜晚，因为有水怪联乘都几多人，最后等左差唔多两个钟先入到去一黎到，我地就点左水怪限定menu：薄荷雪糕蛋糕同炸鸡块🍗想讲个薄荷雪糕蛋糕真系好食！好重薄荷味，几fresh下，同埋个雪糕表面仲有啲红色嘅草莓粉（？）啲粉有小小甜，增加左成个雪糕蛋糕嘅口感👍个炸鸡块都几好食，入面有肉汁，食落唔会好干👍不过整体个味道有小小寡，另外点左五味粉+胡椒粉，加完落去之后会更加好食～
继续阅读
呢次去寿司郎试咗几款近期嘅新推介，发现有啲真系几有惊喜！炙烧焦糖鹅肝 呢款新推介真系值得一试！鹅肝表面均匀洒上砂糖，经火炙后形成咗脆脆嘅焦糖层，入口先系焦糖嘅香甜脆感，随后系鹅肝浓郁嘅油香味。鹅肝质素非常好，细滑得嚟无半点腥味，口感同味道都非常出色，一啖真系满足！炸虾饼配他他酱 炸虾饼外层炸得金黄香脆，内里系结实嘅虾胶，咬落去弹牙有咬口，虾味非常浓郁。他他酱带有少少酸香，完美地中和咗炸虾饼嘅油腻感，令整体味道更加平衡。三文鱼 今次试吓最新嘅批次三文鱼，三文鱼油脂分布均匀，肥美得嚟又唔会过腻，入口即化，睇相已经知佢嘅鲜度同有几肥美。如果你系三文鱼控，呢款一定唔会令你失望微温甘甜红薯蛋糕 呢个红薯蛋糕真系几特别，食落去就好似一个暖暖地嘅红薯薯蓉塔，甜度控制得非常好，唔会过甜，啱晒怕甜嘅朋友。个蛋糕口感绵密滑顺，带住天然红薯嘅香甜味，简约得嚟又好满足。炙烧濑户内柠檬芝士蛋糕 呢款甜品有层次感，非常值得一试！上层系轻轻火炙嘅芝士蛋糕，口感浓郁绵密，但柠檬嘅酸香味正正中和咗芝士嘅腻感。每一啖都系酸甜平衡，入口清新，食完一件完全唔会觉得滞。呢款非常适合作为饭后甜品，为整餐划上完美句号！
继续阅读
您可能会有兴趣的...