壽司郎 (MOKO新世紀廣場)

营业中

休息中

第一款：鵝肝壽司 鵝肝入口即化，醬汁甜鹹平衡，炙燒香氣加分，口感濃郁但稍油膩。適合喜歡重口味的人。 評分：7/10第二款：炙燒玉子壽司 玉子厚實又嫩，焦香加上美乃滋很濃郁，但醬料稍多，甜味蓋過玉子本身。甜口愛好者會喜歡。 評分：8/10炙燒蝦壽司 蝦肉鮮甜彈牙，炙燒香氣濃，搭配醬汁很豐富，但對清淡口味的人可能略鹹。 評分：8/10

今次去壽司郎，發現佢哋做緊個超抵食嘅推廣$17三文魚壽司（增量33%）！平時呢個價錢可能只係食到普通size，而家竟然可以食到厚切版，真係忍唔住要試吓。 一上枱，已經見到塊三文魚明顯比平時大塊，厚度十足，油脂分布均勻。 今次仲試咗其他幾款特價壽司～

最近我再次光顧壽司郎，呢間餐廳因為新鮮嘅壽司同多樣化選擇而深受食客喜愛。作為一名壽司愛好者，每次嚟到呢度我都期待品嚐到最新鮮嘅食材。今次我最鍾意嘅菜品仍然係「花之戀」。呢道壽司用新鮮嘅魚卵、鮮蝦同埋細膩嘅花瓣裝飾，每一口都帶住海洋嘅鮮味。魚卵嘅口感彈牙，搭配上柔滑嘅鮮蝦，真係似係享受一場海鮮盛宴。每次食到都能感受到食材嘅質感同新鮮度，呢個就係我點解對呢道壽司情有獨鍾。另外，軟殼蟹壽司亦係我嘅另一個最愛。軟殼蟹外皮炸得金黃酥脆，內裡蟹肉鮮嫩多汁，搭配上醬油同芥末嘅調味，簡直係完美享受。呢道壽司嘅口感變化好大，既有酥脆，又有柔軟嘅蟹肉，令人一口接一口，停唔落嚟。雖然壽司郎嘅服務唔算特別，但我唔太在意。餐廳會加收10%嘅服務費，但考慮到食物嘅質量同新鮮度，根本唔會影響我嘅用餐體驗。畢竟，食材嘅新鮮同美味先至係最重要。總括來講，壽司郎仍然係一個值得推薦嘅地方。即使服務方面有啲不足，但美味嘅壽司同新鮮嘅食材令我願意繼續光顧。下次我會再帶朋友嚟，讓佢哋都品嚐呢啲美味壽司！

見到最近出咗排球 少年系列，有啲興趣去食，但係原來係附送壽司上面嘅立牌，就係紙牌一張，見到都冇乜興趣攞走….食物方面其實主要都係叫開平時食開嘅嘢食，不過今次仲叫咗呢個紅酒鵝肝壽司！本身都抱有幾大期望，因為之前嘅鵝肝壽司都幾好食，但係呢個紅酒鵝肝壽司唔知點解好似有少少怪味，當時以為係咁嘅味係正常，但同朋友後味傾返覺得，真係唔知係唔係我哋自己唔啱口味？😂😂 個味道真係唔係好夾 酒味係有嘅但又唔係幾香 個口感都係一般般，雖然呢個價錢冇得同以前食開嘅貴價鵝肝比較，但係壽司郎之前出嘅鵝肝壽司好食好多仲叫咗吞拿魚3味，但係碟壽司未嚟到我哋張枱已經炒咗車，啲吞拿魚「跌咗出街」，店員非常Nice，即刻幫我換返

入到店環境明亮，座位安排都舒服。服務員態度親切，招呼都好周到🥳🥳😍😍食物種類都超豐富，壽司菜單琳瑯滿目，每一款都好吸引。🍣🍣我最鐘意嘅三文魚壽司，魚肉新鮮嫩滑入口即溶，油脂豐滿!!價錢方便都好抵食，性價比超高!!🌟海胆乌冬🌟炸蝦天婦羅烏冬🌟鰻魚壽司🌟三文魚🌟鹽醋漬鯖魚🌟蟹柳沙律軍艦🌟飛魚子軍艦🌟三文魚子海苔包

見佢今期限定好似幾特別排隊都照去食不過11月尾食就期間限定差唔多冇晒最特別係焦糖炙燒鵝肝壽司鵝肝都幾大舊$17蚊一件食到鵝肝好滿足估唔到同焦糖又幾夾好重油香 忍唔住encore另外梗係要食炸軟殼蟹壽司真係每次都必叫大大隻 仲有蟹高添帶子壽司都好大件香蔥蝦壽司都好好食令我叫咗炸白子壽司不過麻麻哋 食落好淡 要點豉油先有味最後梗係要食返個甜品炙烤芝士檸檬蛋糕幾好食檸檬味幾香 夾埋芝士蛋糕唔錯如果可以唔使排咁耐隊就好啦

今日出左旺角行街，本來冇諗住食壽司郎，因為見到條隊實在太難排。。。但係諗咗好耐都唔知食乜好，最後行到8:00pm, 見到Apps寫等30組，我諗應該唔會等好耐掛，所以最後都攞咗飛，結果等咗大概半個鐘入得。-蝦三味壽司正正常常，本應我會連埋貝三味一齊嗌，點知佢寫冇得供應，但係唔知點解隔咗三個字之後又出返嚟，唔通係未溶得切雪？😂-生。三文魚呢個魚味同埋個滑度都比普通嗰個好食。-蔥蘿蔔蓉三文魚腩我覺得呢個好好食，好多魚油，我嗌咗兩碟- 炸天婦羅組合食咗先記得影相，應該係有兩隻蝦，兩舊番薯，兩嚿冬菇，仲有一塊唔知咩葉下面仲有兩張圖，都係啲正常俾小朋友食嘅嘢冇乜特別。最後特別想講一講，旺角呢一間嘅BB凳係黑色嗰張，超級唔好坐！

呢次喺壽司廊嘅用餐體驗真係令人回味無窮！我試咗極上大吞拿魚、三文魚同炙燒芝士鮮蝦，真係每一口都充滿驚喜。極上大吞拿魚入口即溶，三文魚鮮甜多汁，而炙燒芝士鮮蝦更係香濃得來唔會過膩，真係一試難忘🍣🦐仲有蝦三味同魷魚，啲蝦新鮮彈牙，魷魚亦都好有嚼勁。三文魚腩嘅油脂分佈均勻，入口即化，真係好滿足。大海螺配檸檬羅勒，清新嘅味道令味蕾大開，飛魚子軍艦亦都係一個唔錯嘅選擇，啲飛魚子喺口中爆開，口感幾好🦑🍥最後，當然唔少得甜品！壽司郎經典布甸同卡達拉娜，兩者都係甜而不膩，完美地為呢餐畫上句號。食完之後，真係好飽，但係心情好滿足，絕對會再次幫襯❤️🍮🍰

搵位度：抵食度：🌟🌟🌟好食度：🌟🌟🌟🌟壽司郎大家都知係要排隊等等等等，今日好彩11點幾星期六喺旺角11點呢淨係排四張枱都入到，大概15分鐘左右。呢邊個場就親子friend小朋友，甚至喺出面個公園仔玩都比較放心，亦都有呢啲圖畫俾小朋友畫下。咁佢優惠一期期，今期呢係拖羅三味，不過大拖羅呢同佢啱啱開店嘅時候真係爭好遠，淨係叫咗一碟就算數，反而貝三味同埋烏賊三味啊咁呀抵食性價比高好多。同埋叫咗個今期嘅綠茶蛋糕，我覺得就普通啦，不如都係食DIY爆抹茶粉芭菲好過。

無論假日，定係平日都大排長龍，今次6:30等到差唔多8點，終於輪到我食🥹🥹每次食壽司都一定會叫三文魚、帶子、芥末章魚😋雖然等咗好耐，但係啲壽司都非常之新鮮，好味👍🏻👍🏻今次仲叫咗南瓜天婦羅，壽司郎好好有提供天婦羅汁，另外一間出名嘅壽司係冇㗎🤫最後仲叫咗個烏冬暖吓肚🤣 30幾蚊都算足料呢一間分店環境OK都好乾淨，服務態度又好好，不過真係好多人排隊，下次要試吓網上預約攞飛

新出的甜品，總共有三款，不過牛奶布丁好像售罄了，和朋友一起點了兩款不同的，菠蘿椰子雪糕蛋糕？沒有想像中好吃，還點了桃味雪葩芭菲，價錢方面和平時大致相同，但和B小町聯乘的立牌設計得很漂亮！！！這個因素很吸引係！

每次打電話嗌佢哋嘅外賣， 繁忙時間個電話都永遠唔通個電話係掛起左永遠都打唔通。已經唔係一次，起碼都5、4次。呢間旺角分店真係唔得。投訴完之後之後亦都時常發生，呢間嘅管理層真係差。

上網見到壽司郎新出咗一啲單品，好吸引！第二日即刻去咗朝聖😝！好在晏晝去嘅時候早少少，唔洗排隊，直接入座，過多陣已經開始要拎飛🤓。-🍴蜂蜜牛油味卡達拉娜🧈($22)出品仲會有個迷你卡樂B薯片包裝，好鬼得意👻！卡達拉娜面頭會有一層焦糖，食落嘅口感同其他卡達拉娜都係差不多，口味完完全全就係還原咗同薯片一樣，好神奇🤪，甜甜嘅蜂蜜牛油味，整體偏甜！-🍴北海道粟米忌廉可樂餅🌽($17)眾所周知，壽司郎嘅炸物都係即叫即時炸出，可樂餅都唔例外🤣。切開可樂餅，中間嘅粟米忌廉填滿晒，而且就會見到粟米粒，味道係粟米忌廉湯嘅味道，估唔到都幾好食🤭！

壽司郎 (旺角)旺角太子道西193號MOKO新世紀廣場3樓350-351號舖都係貪佢有泊車優惠，所以嚟試吓。呢間壽司郎唔算大間，相對座位比較少，可能等嘅時間就會比較長。我哋一口氣都叫咗唔少壽司，發現有驚喜係佢個蟹腳蟹膏壽司，呢一款係期間限定一定要試吓，覺得佢都充滿着蟹嘅香味配合埋蟹膏真係一流。

去商場行街，經過呢間壽司郎分店，因為下午茶時間唔算多人。比餐牌吸引咗，下午茶有多個選擇只需$40。排隊大約15至20分鐘左右已經可以入內。可惜以上下午茶只適用於星期一至五，由於當日係星期六嘅關係，冇得以下午茶嘅價錢購買。但係因為都想試吓個拉麵同埋天婦羅，所以散嗌。豚肉拉麵有驚喜，湯頭濃郁同偏厚身。雖然拉麵唔算多，但豚肉有兩塊。價錢算係合理。天婦羅散叫都係20幾蚊，係有五至六件天婦羅，當中包括炸蝦，冬菇同南瓜等等。炸粉薄薄包住唔同嘅材料，天婦羅炸得脆身。另外，點咗一個個名很有趣嘅壽司，叫做壽司郎沒有人氣三味。三味包括小肌，醋靖魚，同埋生八爪魚壽司。鰻魚壽司，雖然價格相對較貴，但同樣發揮出色。