壽司郎 (啟德零售館2)

营业中

休息中

通常見到壽司郎都一大班人排緊隊今日平日去啟德零售館行竟然可以直入壽司郎實在太開心不過呢間壽司郎感覺上就冇出面嘅咁多款式有啲新出既都未必食到但可以唔使錢就直入到去食 咩都抵哂今次嗌左啲平時既食物都係保持水準 不過不失

啟德分店新開咗唔係好耐，主打周邊住嘅family客，無咩特別應該都唔會特登走過嚟食。晚市嚟講，比起同商場嘅其他舖頭都算好好生意啦。當日around 18:30拎飛都要等35張枱，最後19:25入座。今日係見鵝肝壽司又復出所以去食，一如既往，水準一流，好香嘅鵝油配甜脆嘅焦糖係好好送飯。以下係每次我必嗌嘅性價比之選：焦糖鵝肝壽司 $17 （期間限定）香葱赤蝦壽司 $12炙燒芝士三文魚壽司 $12吞拿魚蓉軍艦 $12甜蝦軍艦 $12南瓜天婦羅 $13啟德店嘅壽司感覺比其他分店新鮮，如果早啲around 18:00 直情唔洗等位。最後兩個人盛惠$222 ，食咗15碟，超抵玩！