寿司九州市場

营业中

休息中

☆附上當日影片手機版(有可能)看不到, 如要睇片可坐定定在大電腦前收看☆由(一田 )翻新過後帶激了一、兩間開業食肆，這間位置於一田上層寿司九州市場便是以日本餐為主店舖、 店舖以一貫木糸作為主調，分區內有卡位 /吧檯/ 面積闊落。。。餐牌以ipad形式落單快捷方便， 當日入座是平日客人不多所以直入絕無難度、 套餐方面大致有六至十款可以揀， 點選餐後由輸送帶直接運上 、人手上除了帶位/沖茶以外侍應差不多完全不需兼顧樓面~午餐方面我就選擇套餐不用頭痛, 內裏食材分別有:三文魚/油甘魚/三文魚腩/千尋海老/三文魚卷/熟海老/醋鯖魚/飛魚子/鰻魚/ 另外前菜有沙律/墨魚軟骨/麵豉湯~問心套餐其實未必每一款都合乎自己要求, 今次亦唔例外 、偏偏自己最不喜歡的鯖魚就列入套餐之內， 不過自問冇理由遷就一棵樹而砍伐整個森林、 所以最終還是剔選~在自己的飲食文化中如果沒有特別要求、最好還是選上套餐, 吃畢全餐飯後感除咗自己最憎的醋鯖魚外， 三文魚腩應該算是最為可取~由於一田百貨週邊裝修還未成熟 ,故此多間食肆進駐還有一段日子、在寥寥可數下這間日式店都可為不過不失， 至少現在好過在超市內立食硬崩崩壽司。

此店為峰壽司的姊妹店, 裝潢帶有日本居酒屋的味道。平板電腦落單夠方便, 但操作上不夠流, 畫面常自動跳回主頁。種類分得有點細緻, 每類得幾款, 需要來回往返頁面, 有點煩之餘亦予人款式少之感。油甘魚壽司 + 帶子壽司 $52飛魚子軍艦 + 蟹羔醬軍艦 + 海胆軍艦 $68葱粒吞拿魚細卷 $28火炙鰻魚壽司 $38整體來說, 壽司質量算不錯, 海胆軍艦好creamy, 之後encore咗一次。蟹羔醬軍艦的蟹羔有點鹹, 葱粒吞拿魚細卷的吞拿魚份量不多, 有點遜。鰻魚味道濃郁, 口感不錯。

Sushi Kyushu Ichiba 壽司九州市場/7分 蒜味三文魚（Lunch set） $78/7分 壽司盛？（Lunch set） $98/新城市廣場裝修得簡直是面目全非，連吃開的餐廳都不知道被遷居到哪了🤦🏻‍♀️只好隨便找一間來吃～這是峰壽司旗下的餐廳，雖然店面裝潢與峰壽司大為不同，設有榻榻米的座位，但一看menu便知道相差無幾🤣這裏的Lunch set相當划算，只需$78-$138左右，包炸墨魚咀、面鼓湯和沙律/這次我們叫了一份我最愛的蒜味三文魚和一份壽司盛（忘記這個set的名字了😂），有三文魚、油甘魚、醋鯖魚等。蒜味三文魚一如既往的美味，而且蒜香更使三文魚更惹味。而最令人驚喜的是壽司盛裏那件面頭鋪上三文魚，裏面夾有牛油果的壽司，味道非常match，一口吃下去，實在太滿足了！！/IG: foodcityyy

沙田新城市三期已經裝修了一段時間，雖然2018年10月尾已經重開，但過咗個幾月先有時間去行，發覺開咗一間新的壽司店，原來係峰壽司品牌旗下的姊姐分店。峰壽司就食過唔少次，呢日就試下呢間望落好有九州屋台風味的新店。星期四近7點去到，等咗大約10分鐘先有位。呢間舖係自助落單的，每枱設有一個Pad既用來落單又可以當Menu。而食物就會用兩條運輸帶運送到客人的卡位。雖然呢間比峰壽司多咗好多可以自己燒的磯燒食物﹐但因其中有人感冒，所以無點了，主要就係食壽司，點咗大家都like的三文魚、八爪魚、鰻魚、北寄貝、費城卷、腐皮壽司等，另外，仲有牛肉烏冬、枝豆、北寄貝沙律同一款叫吉備奈子的炸魚仔。壽司飯和魚生片都新鮮，而熟食的牛肉烏冬就比較細碗，而且牛肉有d過熟同靭。比較特別的係炸吉備奈子，如果無圖，實在唔知係炸魚仔呢，魚仔炸得好脆，粉漿很薄，魚的味道有少少回甘(可能係原條連頭同骨炸的原故)，但加咗檸檬汁同點埋沙律醬一齊食，味道又幾好，係配啤酒好選擇呢 !三文魚肥美新魚 ; 北寄貝則較細片 費城卷($46)內的芝士與魚生味道很夾火炙特大海饅魚壽司 海饅肉質有質感，不會梅爛，燒汁惹味，而且燒得很香

本身我自己都好鐘意食峰壽司，知道呢間餐廳係峰壽司出自同一集團就入黎食，叫左推介的九州市場海鮮丼，刺身唔新鮮，每件刺身都切到有少少爛，海膽唔新鮮，入口會苦。另外叫左個白蛤x2，唔新鮮，燒完後海鮮汁變墨綠色，舊肉燒完爛的，食入口係臭。。。仲有個係一盤的酒煮貝類鍋，冇特色又冇乜味此外，店員服務態度麻麻，叫極都冇人應，按枱上ipad上”呼叫店員”按鈕，都冇人會來，放食物同茶壺上枱面好似去左茶餐廳一樣，放係枱角就算。

特登入沙田行下街 見到3期裝修緊好多店鋪都無左見一田都反新左所以就落去行下睇下野拉一落去就見到呢間九州市場 男朋友即刻被吸引左因爲我地由中環入到沙田其實已經中途叫好肚餓睇個餐牌有磯燒🦀二話不說就揀左e間做今晚晚餐埋位坐底旁邊有條輸送帶方便運送食物 另外有部自助機揀選您要點既野食 好方便 呢個係另外散叫蟹殼呢個就咁食會覺得好重口味下次一定要加個飯配搭先最壽司其實仲叫左其他 由於太肚餓 相機都食吾切 我地就食左另外仲嗌左一碗麵一碗飯魚生飯個碗食一次夠 同出面日本餐廳差不多拉麵好幼 好有口感走個時跌左隻公仔🧸返返餐廳好彩搵得返 好彩d員工都無即刻掉左d員工都好nice ar

晚上6時多時間尚早印象中沙田新城市廣場3期裝修後開了新的日式餐廳於是特地過未來 新城市變了樣門口仍未有人排隊稍稍看過餐牌應該還好只是覺得餐牌的字體及設計都非常熟悉 入座後發現原來是峰壽司集團 現在大部分連鎖店都是換個名字 其實內裏 都是賣一樣的藥 不過 壽司連鎖店除了明將之外其他都不會太特別差 也有由九州直送的新鮮材料的餐牌 點了以下的菜式覺得擺盤 不漂亮 但食材是新鮮的 可能感覺跟峰壽司 差不多所以沒有很大期待 食物算是正常可入口一般在香港 如果食材不是太差基本上日式餐廳一定是大排長龍的 集團式經營 還是質素穩定吧

一個字差魚生有骨、又唔新鮮、魚生又有魚鱗、再換都係一樣，級數俾一般壽司店還要差、其他野同一般快餐連鎖店差不多，我本人就接受不到，其他熟食就可以，如果你有期望一定失望

這間店開了一陣子，總是有人在等候。今天晚上終於和朋友來試了。一坐進去看見有燒海鮮的指引。這也是來到必吃的。店舖使用iPad來點餐，有海鮮，有熟食，有壽司。點餐後食物會傾運輸帶送到。着某某連鎖壽司店一樣。😛首先來的是玻璃蝦壽司，壽司會在紅色盤上面，經運輸帶送到。同時店員也給我們烤爐，用來燒海鮮的。個人應為因為我們坐的是二人枱，其實地方不是太闊，烤爐放在面前真的非常熱。。🥵🥵很想快點燒完就叫他們收走。我們叫了壽司，海鮮盛盒。有扇貝，花甲，跟着指引燒也很簡單的。燒熟了味道一般，沒有太大驚喜，下次應該不會再叫。叫了豆腐沙律味道一般。最好食是這個火龍卷了。包在裏面的炸蝦是脆的😋雞翼也很好味，但是有一點辣。不太喜歡辣的朋友要注意了。看來這間店熟食是比海鮮更好吃的。而且有一個要注意的地方，用餐時海鮮與壽司放在一起，感覺上好像衛生不太好。😖

第二次嚟呢間壽司店，食物質素ok，除咗壽司刺身外，仲有少部分浜燒，可選擇自己燒定幫你燒埋，我就當然揀俾人幫我燒埋。餐廳位置麻麻，位於新城市廣場三期，比較隱蔽，但依然有好多人响門外等位，我個人認為除咗質素，餐廳定價都係一個好大嘅原因，性價比確實係好高。淨係計新城市廣場，想食壽司，日本嘢，呢間係我首選。所有點餐全部經ipad落單，唔經人手，上菜速度亦好快，呢方面幾抵讚。個人認為餐廳應該增加餐牌上清酒嘅選擇，得三款清酒，而且只賣300 mL，呢方面希望可以有啲改進。

暗黑地獄日式料理🌚🌚都唔想講喇 睇下炭燒雞肉張相就明根本係鑊撈炒雞肉！！😐問店員係咪炒燶左佢話：本身係咁架😨😨Ok u win🙂🙃🙂呢碟cancer鑊撈仲要收我$68🌝🌚完全食唔落口！呢d service都真係趕客其他壽司都非常一般😒😒😒上菜速度極慢 等左成半個鐘先有一碟但點解 點解門口仲會有人排隊等位！！😨我真係睇唔透啊🤷🏻‍♀️🤷🏻‍♀️🤷🏻‍♀️🤷🏻‍♀️

沙田新城市廣場三期終於翻新完，見開咗間新日本菜，必然要試下。餐廳入面有多張高背卡座位，可以高談闊論都唔怕隔離聽到。每枱設有平板電腦落單，全電子化唔怕揾唔到侍應落單，而且仲設有一條運輸帶，輸送壽司食物到達卡座位讓食客自取，相當方便及衞生。中午套餐有沙律、麵豉湯、小食及壽司或便當，價錢算抵質量都不錯。壽司相當新鮮套餐:沙律、麵豉湯及炸雞鰻魚飯，滿滿既蛋絲遮蓋碗飯，鰻魚夠肥美。運輸帶下有粒紅色制，客人取食物後按紅制，運輸帶就會盛載紅盤會往返。食物經運輸帶會在指定枱號停下讓客人自取。

抱著試新嘢嘅心態，見到以燒海燒作賣點的店鋪，一人前就點個蟹肉蟹羔拉麵🍜拉麵質素 - 猶如一般即食麵的拉麵，差拉麵湯底 - 清湯只剩一般味精的味道主角蟹肉蟹羔 - 沒有燒烤過的味道及香氣，只有乾淨淨一舊舊沒有太多蟹味嘅蟹肉咁嘅價位換來咁嘅質素，應該無下次了。

今日突然想食日本野，中午時段，周圍都大排長龍，見到一田樓下呢間日本野無咩人等，就去試下先。見到menu 既set lunch 好吸引，中上價位，價錢由$78-$128，叫左1個壽司定食B，點餐後，唔駛5分鐘，就上左前菜-沙律、小食-墨魚軟骨及麵豉湯，墨魚軟骨熱辣辣，粉漿唔多，唔錯，沙律同麵豉湯味道一般。再等多5分鐘，主菜-壽司出場。貌相都好吸引，油甘魚壽司塊魚比較簿，如果可以厚少少比較好，其他壽司都算新鮮，味道唔錯。可能人唔多既關係，上菜速度都算快，下次再試下呢度既磯燒海鮮先。

平日下2點左右去食，叫左壽司定食A同B。個set送埋味噌湯、沙律、炸墨魚咀。呢三樣野正常，已經好食過啲壽司。三文魚算係正常，其他魚全部都好霉，無魚味，超市壽司質素。醋飯酸度都算可接受，但一夾就散，舊飯size同形狀不一，好明顯掐飯個條友係亂黎既...侍應大聲傾計兼無咩禮貌，上菜慢，最後係ipad㩒左賣單之後等左5分鐘先收到張單，比左卡之後又等左5分鐘。期間有個外國人想叫外賣，佢問左幾聲先有人行去櫃臺幫佢，三個侍應行到過去話唔識英文，搞左一輪個外國人仲問佢地manager係邊，最後好似外賣都買唔到直接走左....見到櫃臺成個臺面都係信用卡，睇得出賣單速度極慢。其實唔想哂時間寫咁大篇食評，但好耐無食過咁低質既野，燥左。