影片
以上资料只供参考，请与餐厅确认详情
是晚又来到街坊价良心外卖店寻味买晚饭，一家四口子点左三份炒野加两样小食，由于外卖人数众多，店家话要等等先有，可以到附近商场hea一hea先返黎拎。大概半个钟左右就有啦，拎上手热辣辣，啲鸡翼香到现场就想啪一只🤤⭐招牌炒米粉必食炒米粉，炒得又香又干身，放漏左都唔会一盒油！大盒又足料，好多𩠌一齐炒㗎。⭐咸鱼鸡粒炒饭想食重口味就要点咸鱼鸡粒炒饭，同样劲香，咸鱼落得多劲惹味，好正！⭐扬州炒饭因为咸鱼太香，最后先打开盒嘅扬州炒饭就无咁香🤣咸鲜霸度嘛。扬州炒饭绝对唔差，甜叉烧小朋友劲钟意食。⭐手打牛肉饼呢样又系无得输，真材实料牛肉饼，爽口弹牙好好食。浸住嘅猪骨汤重蒜重芫茜味好正，汤都唔晒饮哂呀。⭐炸鸡中翼即叫即炸鸡中翼，大只又香脆，食落有啲似越式牛油鸡翼，总知就系正啦🤤不得不提个辣椒酱，超辣！爽！四口子都食唔晒三盒炒野，留低带饭听日食唔好晒😆
继续阅读
📍寻味 (元朗)元朗大陂头径26-36号丰年楼地下A2-1号舖如果唔系朋友叫我帮手买外卖上去佢屋企真系唔会识！佢推介得嘅，元朗国美食一定系好嘢！👉🏾招牌米粉呢个炒米粉真系一绝，劲多配料丰富，有椰菜、叉烧、火腿、蛋，食落口感层次分明，劲有镬气，令人一口接一口！👉咸鱼鸡粒炒饭呢个减鱼鸡粒炒饭味道清新，米饭粒粒分明，鸡粒嫩滑，鱼香四溢，口感唔腻！👉霸王花粟米排骨汤呢个汤虽然系𩠌，但系佢完全唔Hea！呢碗汤清甜可口，汤底清澈又滋补，同阿妈煲嘅靓汤系一模一样样！👉🏾手打牛肉饼净食呢个手打牛肉饼真系一流，肉质鲜嫩，口感丰富，食完好想再来一份！👉🏾炸鸡中翼5只呢个炸鸡中翼金黄酥脆，肉质多汁，味道香浓，每一口都有酥脆嘅口感！👉🏾卤水鸡中翼呢个卤水鸡中翼色泽诱人，肉质鲜嫩，卤汁味道香浓，入味得嚟唔油腻，值得一试！回头:YESYESYES！等嘅期间同老板娘倾得好开心，知道佢好专注想做好美食带俾街坊🤤🤤值得一提佢附送嘅辣椒酱一定要食，因为又系自家制系超级香同埋佢所有嘢都好好食我谂呢个都成为咗我嘅元朗必食清单❤️❤️❤️
继续阅读
元朗街坊必食自家小店即炒小粉面🥢寻味位于丰年楼！每晚行过见好多人买衬今晚来到买外卖！一睇价钱好抵食几十蚊就有交易啦！全部即叫即炒，所以等候需时～下次打定电话落单再攞我叫左几款外卖好好食👍🏻唔知大家有无食过呢间寻味？⭐️招牌米粉⭐️咸鱼鸡粒炒饭⭐️手打牛肉饼净食⭐️自制猪软骨⭐️炸鸡翼同老板娘倾偈原来连辣椒油都系自家制辣椒油新鲜制造冇任何添加剂！小店非常值得支持！重点抵食又好味！唔知食咩好推介来寻味📍元朗大陂头径26-36号丰年楼地下A2-1号
继续阅读
招牌米粉（走辣） $50呢个米粉真系获得全屋一致好评！炒得干身之余油又少，里面有午餐肉条、肉片、炒蛋同蔬菜丝，配料丰富又齐全。味道层次够晒丰富，每啖都食到镬气，真系相当唔错，推介！咸鱼鸡粒炒饭 $55一开盖就闻到阵阵咸鱼香气飘散出嚟，超级诱人！炒饭粒粒分明，完全唔会痴住一旧，鸡粒同咸鱼份量够足，咸香惹味，送饭一流，值得一试！自制猪软骨（二人份）猪软骨份量真系超级足！每件都大大嚿，肉质鲜嫩软淋，咬落去带啲嚼劲，酱汁浓郁入味，咸甜适中，无论单食定系捞饭都正到爆，两个人食啱啱好！蒜香焖鹅饭未开盖已经闻到浓浓蒜香同酱香！鹅肉炆得非常稔滑，皮软肉嫩，皮下脂肪甘香但一啲都唔腻，酱汁咸甜适中，渗透晒入每粒米饭度，再配埋爽脆嘅配菜解腻，成碗饭食到完全唔剩，超满足！
继续阅读
呢间外卖店已经听好多人讲话佢地嘅炒米粉系好正，次次食饭时间经过都有好多人排紧队，我打电话黎order 30分钟有得拎，唔洗企定定等好方便😝◾️招牌炒米粉 $50 份量非常多，配料有葱、红萝卜丝、大量午餐肉同埋鱿鱼，成个米粉嘅镬气好足，劲香，又唔会太油◾️咸鱼鸡粒炒饭 $55黎到门口已到闻到啲咸鱼嘅香味，米饭粒粒分明，炒到好干身◾️手打牛肉饼净食 $36第一次食手打牛肉饼，食落同潮汕牛丸系一样的，爽口弹牙◾️炸鸡中翼 $30 炸鸡翼有蒜香味，但鸡翼入面唔算太入味，如果腌耐啲会更好
继续阅读