影片
呢间嘢好食嘅程度 系我几乎晚晚喺度食， 餐牌上 除咗牛我几乎试过晒， 太多嘢好食但 只能够拣三样嘅话 第1鸡，第2煲仔饭，第3 三文鱼头 鱼腩煲。鸡黎讲佢88蚊半只(1人餐系4份1鸡+饭+饮品+菜$68) 我经常都一个人 ko半只(老板娘话我大食,我就话太好食), 我本身都尽量介饭但系 佢嘅葱油鸡或者口醉鸡 攞黎送白饭 真系一流， 另外以一间餐厅仔嚟讲我觉得佢用嘅米 真系好靓， 好有饭香， 老板娘话米 固之然唔差但最紧要嘅系 佢哋用靓电饭煲煮出嚟， 冇半个钟定八九个字系煮唔到一攀出黎。 口水鸡汁（超正） 系比较接近深圳食到𠮶种 比较惹味,对我嚟讲唔辣， 葱油鸡汁（ 同外面差不多）但唔会太咸（ 其实仲小咸过口水鸡）， 仲有近排先有嘅 醉鸡汁（ 好味而且唔会有酒嘅苦味）比其他汁少左好多油腻感觉但会贵DD, 老板娘话用黄酒成本高啲但酒既味道唔会咁抢。 最紧要当然系讲只鸡， 只鸡88蚊半只应该 好难有同价位好食得过佢， 其他我食得比较多嘅就系尖东 好x沙x 既鸡， 滑黎讲 输 好x沙x 少少，但其实都好滑， 举过例 就算musea稻x, 佢嘅 口水鸡都可以,但去到背位就太鞋，系 唔会想食(出面大部份都系)， 但系呢一间 完全冇依个问题（ 好x沙x 既鸡本身系我心中都系数1数2）， 但系鸡味 （ 老板娘用嘅鸡真系几靓），饭香 ,汁，价钱 全部系完胜。仲有佢啲鸡系蒸出嚟所以会好食少少 ， 而家出面比较少用蒸 因为麻烦， 所以只鸡攞出嚟嘅时候有啲好似水晶咁嘅物体令我谂起细个喺伦x酒楼食过嘅鸡都系咁,好怀念。钟意食鸡嘅朋友 一定要嚟食唔好畀佢嘅门面 影响咗 觉得佢系一间普通嘢，因为 我最初都畀佢门面呃左。
继续阅读
叫咗个粉皮同埋凉拌木耳啲配料一流🩷 好味！麻辣汁都岩岩好（我叫左中辣）好怕啲凉皮好硬好彩呢间好林好好食 又入味💕之前喺呢间食过啲凉拌素菜都超级好食的💗💗好啱我呢啲钟意食川菜 但又唔钟意返大陆嘅人食咗一半先记得影相🥲🥲🥲
继续阅读
个个都北上消费我就坚持留港消费🥲但讲真我又好钟意食川菜同埋辣嘢🌶️香港试咗好多间都食唔返细个间屋屋企人返乡下食𠮶只味🥺最近新搬来附近屋企附近嘅商场见到有一间自称「食好嘢使乜上深圳？」见到理念相同 就试吓佢😋叫咗几样嘢老板娘同我讲要等一阵话下次可以WhatsApp落单就快啲～仲好贴心咁问我食唔食芫荽同埋葱（佢话因为有啲客唔食 所以问清楚）咁我就好钟意食，所以冇走到～商场行到返屋企都系一段路可能啲嘢可以凉拌所以都冇变质同埋一打开盖好香😍$28嘅凉拌拉面都好大兜🥹今时今日香港咁嘅价钱 我以为系拌菜size 搞到仲叫咗好多嘢食😝呢个贡菜超爽口😋香港真系好少见🙂↕️再加埋佢啲凉拌嘅汁真系一流❤️酸辣粉好特别系圆形一片片🔴🌶️口感好烟靭😍凉拌素羊肚丝呢个又系好特别🤩老板话系用豆制品去整口感弹牙，非常好食👍最后呢个叫海茸原本我系想买海带苗多口问吓呢样系乜嘢老板娘话可以叫做海带苗始祖😆真系冇后悔到🥹因为呢样又系其他地方见唔到口感淋啲 同其他凉拌麻辣汁好match🤤总括而言 全部凉菜都好好食🤤真系唔洗北上 都可以食到又平又地道嘅川菜🫡打完都觉得自己有啲似打手😅 但系绝对唔系 冇收钱😆见到呢篇嘢又钟意食辣嘢嘅人，一定要去试吓呀
继续阅读