寶膳餐廳

营业中

休息中

疫情持續，這一天，和他浪漫行港島，換一換心情，來南區逛逛。經過此西餐廳，決定在這一間吃晚飯。餐廳座位大概可坐50人，只有一層。點了晚餐set dinner，先上餐湯餐包，羅宋湯不是罐頭湯，材料充足。小食是芝士煙肉焗美國蠔，$68，有兩隻，加了煙肉令口感及味道提昇。香煎盲曹伴芝士焗扇貝，$178，我們都喜歡海鮮，他很滿意這魚，煎得很香。扇貝大粒，芝士仍焗住鮮味。雜菌豬仔脾意大利飯$168，豬仔脾很夠肉，意大利飯汁剛好，不會太濕，兩者配得很好。他說美食要配點美酒，點了一支house wine，$198，完全是絕配，帶出肉的香味，很好的推薦。最後有我最喜愛的甜品，味道好像是Haagen Dazs，但朱古力好像再更出色一點，忘記問是從那裡來。整體都很滿意，他說這樣來一趟不錯。（再度上文，可能餐牌或許已變更，只供參考）

鴨脷洲，除非你喺果度住，唔喺一定好少嚟。其實有咗地鐵之後嘅鴨脷洲已經非常方便，熱鬧不少。今晚就嚟呢度搵食。位於鴨脷洲大街嘅寶膳餐廳，西餐格局，亦有情調。打開餐牌，鋸扒，意粉嘅大路西餐嘢。炭燒美國安格斯肉眼扒 $218 (套餐)網紋加上炭燒香，未食已經對住肉眼扒流口水。五成熟的肉眼扒又腍又juicy，口感鮮嫩，份量又夠多。加配薯條稍粗身，香脆熱辣辣，口感不錯。酥炸軟殼蟹配海鮮番茄忌廉意大利飯 $168除咗大大隻酥炸軟殼蟹，仲有魷魚，蝦，帶子等海鮮襯托，非常豐富。炸軟殼蟹香脆，油膩感不強烈。意大利飯飯粒分明，番茄忌廉汁充份融入飯粒中，鐘意食意大利飯的應該會收貨。香煎法式鵝肝多士 $98大大塊鵝肝煎得香口，入口即溶，連埋下面嘅脆多士，就算再邪惡都會忍唔住會食。朱古力心太軟配雪糕 $68切開心太軟有澎湃又令人看得治癒的流心。熱辣辣心太軟配凍冰冰雪糕，冷熱共融，十分享受。最後以一杯有水準的咖啡作結。

之前一直路過尼間西餐廳🍽，有啲興趣晚餐係點樣🤔～今日特登一嘗～叫左個鵝肝多士，龍蝦🦞湯，牛仔骨，海鮮意大利粉，肉眼扒⋯⋯我朋友表示鵝肝多士入口即溶好好食～龍蝦湯我個人覺得略嫌偏濃，但味道鮮香。🥩牛仔骨，同肉眼-肉嫩多汁，年紀大啲都咬得到～開理枝紅酒🍷🥂尼間餐廳嘅價錢相對其他西餐廳並不貴，但水準比得上總括嚟講，價錢大眾化，比得上高級餐廳水準，用餐環境雅靜，服務態度親切有禮～有機會會再嚟🤤

依家無得去旅行，但我哋仍有一個選擇係周圍去，睇下我哋都愛嘅香港。話就話係全世界人口第二密嘅島，但假日去又唔算太迫太多人，而估唔係五臟俱全。沿住海怡海濱慢行，再穿過邨黎到鴨脷洲大街，成個過程係舒服。呢邊都幾多嘢食，今次食西餐。問番店主呢間都開左十幾年，裝修都幾特別，播放嘅音樂亦令環境提升咗唔少。防疫下有膠板隔開，座位亦都舒服。想食邊款都有啱嘅選擇，完全唔難揀芝士蒜蓉焗紐西蘭青口，68元，非常夠味，而且唔會過乾，青口鮮味仍有，啖啖肉，芝士唔會搶。加拿大厚切牛仔骨，158元，上枱個陣已經勁驚喜，睇到佢嘅油脂同厚度。以為會好唔均匀，非也，勁juicy，肉汁鎖得好夠，面亦煎得好夠，每啖咬落都好豐富。無論配佢哋自家製嘅芥末或點薄荷，都係好match！寶雲酥美國芝心豬鞍架，178元，中間係有加左芝士一齊整，以為會好漏，完全唔會，反而提升咗味道。切開一半，唔會好厚，小口食，上面酥香配肉搭上係好夾，醬亦帶到肉味。點都要一個pasta，漁夫海鮮意大利粉，178元。大蝦彈牙，有魷魚，大大粒帶子，唔係全熟，好食！青口再出現，呢個pasta好大碟，兩個人再叫兩個小食都好夠！正！法式焦糖燉蛋，36元。都係要留一留

雖然係黃店， 但人多咗幫襯， 就越嚟越差， 有位中年女侍應， 態度差， 尤其對門外排隊人士， 呼呼喝喝的，食物水準不過不失，其實不算特別好吃，40元一份早餐，只可說正常價錢， 整個鴨脷洲沒有什麼選擇吧，其實黃店多的是，這店不吃也罷。

Came here earlier this evening. I was surprised by how full it got. It seems people care enough to actually make reservations here, so you could consider it. However, provided you come early enough, walk ins should be okay too.The choices here are all pretty western. They have some set meetings choices, but also some individual things you can order. Some choices are oxtail with risotto, steaks, seafood, pork knuckles... etc. I got steak with rice, while my friend got a seafood pasta. Both were

呢排6點後不準堂食，都無咩約朋友出街聚舊所以呢日就約左朋友出去食lunch鴨脷洲大街小店比較多，好多都係開左好多年既茶餐廳/中茶館。再加上居住附近既好多都係老人家，西餐廳真係5隻手指都數得哂～今日就同朋友去左其中一間開左好多年既西餐廳，價錢唔算平但係都幾高質👍🏻燒紐西蘭西冷牛扒 - $96 (set lunch)是日餐湯係忌廉蕃茄湯～有d驚喜既係呢度唔係比紅湯白湯你2選1個湯好好飲，仲落左好多新鮮既蕃茄粒，少少酸酸地都幾開胃餐包係蒜蓉包蒜蓉味好重，個包脆卜卜好好食👍🏻牛扒都幾大塊，但係小弟就略嫌薯菜少左d，如果可以多番少少就好喇～牛扒好淋，好多肉汁👍🏻佢d燒汁調較得好好～不過小弟叫5成熟，朋友叫7成，朋友個塊牛扒d肉竟然仲紅過小弟個塊之前有聽過唔少人都話餐廳既服務態度好差～小弟去試之前都有d擔心會唔會同其他人一樣比錢買難受不過好好彩小弟就無遇到唔好既服務態度，相信有機會都會再次光顧😊

平日好少去鴨脷洲，所以對附近嘅食肆同物價都唔多清楚。今晚有街坊帶路嚟幫襯一下區內餐廳 - 寶膳，聽街坊講平日都會嚟呢度食早餐 / 晚餐，佢係區內算唔錯街坊街里總帶啲感情同回憶，但對於我呢個街外「客」嚟講，我就只針對於食物同埋想要少少服務。是日晚餐 - 香煎龍脷魚，香草雞扒，羅宋湯 or 餐飲羅宋湯自家製羅宋湯，材料豐富，蔬菜味道濃郁酸酸甜甜，配蒜蓉包，非常開胃香煎龍脷魚以為係坊間嘅急凍魚柳，上枱先知係原條龍脷魚，即時覺得性價比超高！條魚煎得好香脆，魚肉都幾多，鍾意食魚嘅朋友一定唔可以錯過！！香草雞扒雞扒厚身，外皮香脆，肉味豐富，香草令本身冇乜味嘅雞扒增添味道層次。配新鮮瓜菜伴碟，整體幾清新。寶膳屬於家庭式嘅街坊小店，店內唔算大，街坊幫襯閒談，氣氛熱鬧。價格方面算中上價格，唔係附近街坊嘅話，未必會成日嚟幫襯。今日到此一遊，算見識過喇！

南區比較少高質既西餐大街呢間都應該獨市西餐咁濟難得閒日有時間黎食lunchd lunch set 超豐富多到選擇困難症發作如果佢開係我番工既地方就好揀左98蚊既牛扒價錢好抵 但質素一D都唔失禮好食過lunch去食Ouxbaxk牛扒切得靚 冇筋 有牛味大大塊juicy既扒配新鮮熱辣既薯條真係好惹味同行亦揀左碟意粉意粉彈牙唔會冧 亦係我鍾意既口感D蜆份量都好夠呢間餐廳雖然做街坊生意 收街坊價錢但水平絕對唔失禮12:30前埋單有折架 超抵食

我地一家三口已經係街彷唔係第一次幫襯。當日係父親節中午，入坐後叫咗兩個餐，當時樓面職員要求一定要叫3個餐。但我小朋友得幾歲大，完全食唔到一個餐。咁我地就對該員工講話我地唔係第一次黎食，之前都係一家三口叫兩個餐，該員工就話呢個係老闆嘅旨示。本來我正在睇緊餐牌仲可以叫咩食，該員工就話呢度係西餐廳唔係茶餐廳，只要你有占坐位就一定要叫一個餐。。。而該員工語氣也很差，我們只當時覺得不太好受便即時離開。。。

侍應全部唔掂，人多D已經唔知點安排座位！只識叫人幾點交枱！嬲到根本唔想幫襯！12:20未坐低，問你可唔可以12:50交枱！我話得，食咗即刻吞囉！二人枱仔中間仲要棟塊大膠板，令人十分唔舒服！根本唔知做乜要貼錢買難受！

我老媽子今午到宝膳叫咗燒汁雞扒意粉做午餐。午餐上枱雞扒皮全是燒焦的，但佢唔想浪費，心諗不吃皮也健康啲，切開一件件後，吃了意粉兩口，才覺因為雞皮焦了弄到燒汁上有很多黑色点点的焦炭並帶苦味，於是低聲找侍應換過另外食品。誰知過了兩三分鐘，一位似是老闆的高大男子拿著那点雞扒意粉在餐廳中央質問我老媽子為何見雞扒焦了不及早告訴他，而要切開一件件，佢解釋是想食和不浪費但之後見燒汁帶苦味故此再吃不下要退。他堅持我不應切了才退给他。之後他退回㕑房，隔離枱一位小姐也支持地說，吾切了的焦雞扒難道再给另一位食客嗎？誰知過了3分鐘，佢再拎碟雞扒出黎問我媽為什麼說他的雞扒和燒汁苦，話啲雞扒和燒汁都没有問題没有苦。之後他仍在說若有問題就不應切了一件件，还拋下一句叫我哋以後不要再光顧。母親真被他氣死，爆粗之後还他說，你這樣的質素，這樣的待客態度，請我我也不會再來!!!

這家是我的一個朋友很喜歡的一家西餐店，這天我們在朋友家打完麻將，便一同四人前往這裏吃晚飯。 我們大概6點半到達，那時候店鋪大概一半滿。 我們坐下之後店員也有立馬送上水和餐牌。我叫了一份三文魚配意粉，朋友叫了一份豬肋骨，也有牛舌和牛排。他們配的是薯菜，是焗薯仔。 我們還叫了一份芝士焗田螺。三文魚的發揮正常，意粉略干，汁不夠。豬肋骨的份量很足，吃的很飽，味道也好。牛舌也是很出色，不靭，燒的剛好～牛排的話正常發揮唄芝士田螺很好吃，這個吃法我是第一次吃的，感覺很不錯

今晚去食晚餐加意粉，意粉半熟好硬，老闆話這是意大利食法，有咬口，唔知好嬲定好笑，鄉下仔真的唔識欣賞，食左兩口，現在還頂胃，多謝指教，下次記得叫全熟！🤣🤣🤣🤣

朋友在黃竹坑附近返工，相約我們幾個姐妹一起Dinner，Girl Talk Night! 她介紹了我們去鴨脷洲這間小店Bowls Cafe食飯！對於我係新界人來說，人生真是無幾多次會去「鴨脷洲」>.< 不過好朋友聚會幾遠都要去嫁 ！跟餐加了沙律及蒜蓉包，份量幾豐富！蒜蓉包非常脆口，而且十分濃味。我地忍唔住，追加了多一份！點餐時，待應推薦我們點一份《白酒忌廉煮青口》！這個青口真是意料之外好食，比平日在其他餐廳食既略大，醬汁濃味，如果可以配意粉就一流。友人點了《德國脆皮咸豬手》，待應見我地唔知從何入手切，主動幫我地切好。(可能我地幾個女仔太吵了>.<忍唔往出手) 咸豬手不會太油，亦不會太咸，感覺有些相似金華火腿，比較乾身。友人點了《炭燒美國安格斯肉眼扒》，我偷吃了幾口，肉質嫩，牛味重。不過薯角不算多，勁快手比d姐妹食曬。而我就點了《扒大蝦蕃茄海鮮意大利飯》，這個飯都幾足料，飯內還有2隻蝦同其他海鮮，意大飯煮得熟而且入味，全晚菜色之中我既最愛！跟餐加點了《法式焦糖燉蛋》，焦糖厚身而且好脆。唯獨這個只是一人份量，只可以自私食！小店內有很多不少的藝術畫，都幾有浪漫