寶湖茶餐廳

营业中

休息中

間茶餐廳雖然細細地，真係好抵食，以此價錢有此食物質素，今時今日都幾難得。推介以下食物︰早餐︰熱香餅+吉列魚 ($21) ==> 兩塊大大件的熱香餅配炸到香噴噴的魚柳，11:30前到可以當午餐食tim...午餐︰碟頭飯 + 中湯 ($30-35)，d 飯有d 硬之外，其他都ok... 每日有幾款選擇，一定有一款係咖哩xx !中湯︰用料十足，好味, 最緊要無味精!凍奶茶︰正!下午餐︰記得要試魚柳包、咸牛肉/午餐肉潛艇

2月1日, 正值下午茶時間, 我地一路行下行下, 行到黎d橫街, 見到呢間都幾熱鬧, d餐都啱食, 廿零蚊醫下肚~::: 星洲炒米 + 凍檸茶 ::: $25 + $2唔見佢有點炒過, 因為d料還料, 米還米… d蝦全部都同米粉分開, 亦唔見有叉燒~ 味道還ok, 沒有濃濃既咖哩味, 米粉有d淡~ 係下午茶正常份量, 唔大碟. 凍檸茶亦係中規中矩~::: 熱狗 + 凍奶茶 ::: $20 + $2熱狗包係豬扒包的質地, 烘得又香又脆. 腸係司華力腸大大碌, 開邊平鋪喺個包度, 感覺就係啖啖都有腸! 其他配料仲有番茄生菜同沙律醬, 都幾豐富! 雖然唔係好正宗既熱狗, 但都幾好味~凍奶茶水準都中上!冇乜特別, 勝在做街坊生意街坊價, 下午茶選擇都多, 有炒粉麵, 三文治, 公仔麵通粉等. 環境都幾乾淨. 難得喺橫街都有人幫襯.

星期五happy friday lunch去食同事推介既咖哩系列好正豆!我食既係咖哩魚片撈丁(連火腿奄列ga)魚片份量唔多但都幾彈牙~但個咖哩同撈丁非常得!同事食既吉列豬扒超好食呀都!!!炸得岩岩好!!!!好鬆軟既feel,又夠味如果公司附近有間咁既餐廳就好喇!咁抵食又好味,肯定日日幫襯呀!

外賣尼寶湖 忙到要支援呢間野....正常堂食係三十蚊的但係午飯時間叫外賣就超級平二十蚊就有交易試諗下....三分二的價錢就解決到下午...你話幾平呢~~所以其實係午飯時段....佢呢度係超多人的....叫晒救命要支援咁滯~~~講到味道....呢間野都唔差嫁....好似我今次咁...就叫左個外賣飯盒有餐肉 羅馬腸 豬扒 同埋有黑椒汁雖然賣相就差d....但係勝在平均....食得下落口咁啦~~哈值得留意呢間野