寶峰冰室

营业中

休息中

給我一個一般般的晚餐西冷牛扒份量很薄，但並不是很好味整體而言，無太大特色，價錢尚可。但環境一般，坐得不舒服，想吃清淡點不妨幫襯，否則元朗太多美食選擇，無咩事應該不會再幫襯

星期六周圍都人山人海天氣咁熱 難得搵到間吾洗等位既餐廳 即刻衝入去都幾多款選擇 除左普通茶記野仲有全日套餐（all day breakfast）😱只係$4x仲有野飲～抵當然同張相係有d出入既👇🏻多士 熱辣辣脆卜卜 好味！腸仔 烚既冇乜味炒蛋 夠滑身👍🏻正煙肉 香口 吾錯茄汁豆 正正常常總結*50蚊可以食到allday breakfast有埋大大杯凍檸茶仲想點😂😂 質素一定冇其他西餐做得咁好既，但我真心覺得吾差 可以一試！

介紹反，呢間野係朗屏附近算係乾淨。裝修又ok，當然價錢相對上係貴少少。午餐一個都要50-60蚊左右。佢既午餐會有海鮮餐既，虎蝦或鰻魚啦都要80-100左既。除左海鮮餐，佢既午餐同你平時係茶記食既無咩分別。我最喜歡佢既下午，蕃茄麵，麵底可以揀，菜都可以揀牛肉/豬潤/叉燒。再加個面包同2樣菜。如果想食靜麵唔要面包都得，就會平反十蚊，甘就可以冇甘飽

晚餐諗唔到食乜就來呢度 食過幾次 印象係早餐份量好足抵食叫左一個魚柳芝士焗飯個獻汁唔知係咪太多粉 表面一層白色怪怪的但味道係正常 魚柳係炸完再焗 都幾香口另外叫左瑞士汁雞肶煎蛋配意粉 雞肶算幾入味 但肉偏鞋 餐湯只有羅宋 如果有得揀忌廉湯就好

星期六做左成日嘢都未食lunch.行左好耐都諗唔到食咩好，最後行行下比我發現左喱間寶峰冰室。其實好奇怪嘅係點解所以餐廳都咁中意改名做冰室嘅🤔但明明食嘅係茶餐廳嘅食物🤐由於唔中意食飯嘅我，所以叫左常餐C，有生炸雞中翼米粉（蕃茄湯），餐肉同炒蛋多士😋簡單但滿足嘅一餐。

今日返工前去食個早餐，去咗元朗朗晴邨樓下嘅寶峰冰室，點左份芝士蛋治，佢分蛋炒得好香好滑，配合埋芝士，熱辣辣嘅炒蛋將塊芝士做到半熔嘅狀態，入口每一啖都有芝士同蛋，非常咁好食，佢仲有唔同種類嘅早餐，下次再去試吓其他款式

約了幾位好友，專誠走到元朗區，看電影，在元朗區逛街走走看。看過電影後，有點餓，想找過下午茶。正正在戲院對面，看到此冰室，走過馬路後，來到門前，店員說有座位，於是就決定進去。簡單的餐牌，有著多種下午茶選擇，我們三人選了各自喜愛，不用等多久也陸續送上。雞腿薯條，雞腿煮得味道剛好，雖沒有肉汁，卻不覺乾，薯條炸得香口，脆而不乾，還有點點的薯仔香，沙律份量可惜不太多。鮮茄汁豬扒意粉，意粉煮得不太乾，也不太軟，混和醬汁變得硬度剛好，豬扒煎得香，稍乾，口感卻柔軟，整體還不錯。白汁雞肉焗意粉，意粉或許焗過，變得稍乾，混合醬汁後中和稍乾的口感，雞肉沒有過熟，可惜口感太軟，失去咀嚼感，雖焗過，醬汁份量多，整體不會太乾。只是一般的茶餐廳，食物整體也不錯，仍有改善之處。

位置不錯，於街角轉角。雖然附近有出名既永順豬扒麵，亦有小弟偏愛既學利餐廳，但寶峰都有佢既特色。裏面裝飾有心思，以香港舊情懷作主軸。近幾年開既茶記都走咗呢條賣情懷，老香港既路線🤔餐廳照明足夠，全落地玻璃都可以直接採光，環境舒適度不俗，位同位之間距離都闊，畢竟唔係旺區餐廳😃早餐選擇同其他茶記一樣多樣化，食物質素中上，叫咗魚柳拼腸仔蛋🌭🐟魚柳炸得香，腸仔同蛋都係熱既。茶啡沒走樣，沒苦澀。唔駛等太耐就有得食，合格。

真係非常之抵食既早餐，份量大，價錢平，唔怪得咁多人去食啦，食完个早餐，下午完全唔使食，飽到不得了，去到晚上才食嘢到得，地方係坐得迫，但衛生還可以，所以每逢放假都會去食，早餐去到11点 ，之後就要食其他我試過晚上食 ，價錢都唔貴，个羅宋湯好好飲，焗飯又好食，晚上人唔多，坐卡位慢慢食都舒服，set dinner都係五十幾蚊，抵啦，有湯有飲品，其他茶餐廳都要依个價錢啦，加上賣相同味道都唔錯，值得去幫襯既希望可以keep到水準

近期興改名為冰室，見裝修不錯，入去食早餐試試，價錢合理，叫了一份番茄湯豬扒米粉， 超級大塊嘅豬扒，再加火腿炒蛋厚多士， 加一杯熱奶茶只需要$35元， 塊豬扒超級大塊，大過塊面 ， 肉質可以環境唔錯，雖然坐位比較迫，但比起其他茶餐廳的裝修還好，光鮮好多，亦沒有一陣油煙味，上菜速度正常，服務員態度還可本人認為豬扒早餐係最抵食， 所以有好多客人都叫這個餐奶茶几好飲，如果可以大杯d會更好， 因為佢隻熱飲杯比其他餐廳細值得再幫襯

中午到夜晚8點都未無野落肚，行過茶記又唔想食個碟頭飯咁頹，咁橋有間冰室可以叫個常餐食下。叫左個G餐 鮮牛肉拼叉燒茄湯通 跟炒雙蛋厚多士 凍奶茶通粉都好大兜，而且雙併黎講叉燒比左好多，都有七八舊切得偏厚既叉燒，常餐黎講肥瘦適中，唔會舊舊都好柴口。牛肉片調味比較好輕手，大部分容易入口，得一兩舊有筋。番茄湯夠料但係味道可以再濃或者再甜多少少，不過都係個人口味既問題。厚多士烘底飛邊是常識，炒雙蛋正常發揮。凍奶茶除左偏甜之外，表現尚算正常，有唔少茶記可以再難飲。成個常餐份量都好足，坐得都舒服，上菜時間夠快，待應姐姐有禮貌。食到8點半入座率有四五成。總結：呢間冰室就唔係伏既，至於50蚊叫唔叫抵食就見仁見智。如果再食茄通的話，我會試配淨叉燒/拼豬潤。

星期天早上和爸爸首次到寶峰冰室食早餐。1. 早晨扒餐L ( 焗豆拼脆炸魚柳，厚切牛油多士，炒滑蛋和腸仔): 炒蛋幾滑，魚柳普通，不過腸仔太鹹。2. 早晨扒餐F (焗豆拼煎薄牛扒，厚切牛油多士，炒滑蛋和煙肉): 這是爸爸叫的，牛扒太鹹，全塊都很鹹，結果他吃不完，他的炒蛋沒有我那份滑，煙肉也有點乾硬。3. 奶茶: 茶香不夠，麻麻地。值得一讚的是店員服務有禮，雖然工作忙碌，依然保持笑容。

雖然豬隊友好懶，但係佢知我一向最重視係早餐，所以當一齊放假嘅日子，佢都肯陪我好好地甘食個早餐嘅。豬隊友難得肯行多兩步，我地就去左呢間食早餐。其實服務就真係冇乜ga la，座位pat pat快有，pat pat慢就冇，冇人帶位嘅。不過我地都好好彩好快有張二人檯。例牌一個叫雞扒，一個叫豬扒，熱飲☕️各$36。價錢唔算太貴，又唔叫好平。不過個餐上到黎，我同豬隊友都o左咀。嘩！塊扒甘大塊同甘厚嘅？！味道方面ok ge!最估唔到佢塊雞皮都係超脆口呢個早餐食完，lunch都慳返🙈

話說有一晚9點左右去幫襯，準備入門口之際見門口掛咗休息牌，即刻望吓門口寫住營業時間到10:30pm，好照入。入到去坐低，冇人埋嚟招呼(當時只有兩三枱客都已經食到7788)，三個阿姐一個呆企，另一個響度食緊宵夜，仲有個行來行去唔知做乜)，睇完餐牌叫阿姐埋嚟寫嘢，叫咗個包湯連飲品嘅焗海鮮飯晚餐。一分鐘後阿姐送上飲品，再過約一分鐘阿姐埋嚟講話冇晒湯(佢話頭先唔記得咗講)，即刻無名三把火，心諗你落單時唔講，我已經飲咗杯飲品兩啖，如果唔係都可以取消個餐。ok，既來之則安之，當豪咗個湯俾佢，靜待焗飯嘅來臨。再等咗唔夠3分鐘個飯已經送埋嚟，心又諗唔駛6分鐘已經焗好嘅焗飯好極有限，一望果然中復。個飯表面睇落水汪汪，一睇就知未焗夠時間，再用匙更攪吓，成個飯得兩舊青口、兩片魷魚圈、同埋一舊得兩隻手指咁大塊嘅唔知乜魚柳，飯食落一d都唔熱，明顯唔係即叫即焗。最後只食咗1/3即閃人，又多一間可以blacklist嘅廢店。

趕時間唔好去食，員工多但唔知自己做咩，完全唔知點prioritise, 等半個鐘外賣我都食完返左屋企啦…Really ridiculous to see some people come later than you (even after you ordered your take away) have finished their meal before you get you take away. Finally need to wait for more thab 35 minutes for set lunch, really incredible and unacceptable when you see the staff's attitude.