寶哥味館 (放題店) (已結業)

又黎Happy Friday~同事們一齊去左食餃子放題向公司附近，35蚊位，任食餃子、蔬菜、面真係好抵向油尖旺食一餐，35蚊都未必得事前有同事講過呢度既清湯真係清（淡）我地一上去坐底就放左粟米、蕃茄落去煲住做湯底即刻有晒味啦餃類都算多，也算ok面類也不少，0岩晒我地女士食餐簡簡單單如果怕只係食菜類咁都可以加十蚊要碟牛，都好新鮮食完個個都攬住個肚走

睇完openrice,就去試吓,三個人剛剛可以試晒和牛,豚肉,海鮮拼盤,覺得和牛,豚肉幾好味,幾新鮮至於海鮮就細咗小小,不太吸引,其他火煱材料任食不錯,還可以鐵板燒.任食材料不是太多,都ok啦!服務度幾好.埋單DBS有9折!埋單後送咗一張coupon70元,下次用.

For all-you-can-eat at under $150 this wasn't bad at all, especially the Japanese pork. It's probably the best all-you-can-eat quality I've had, and the mini grill at the top was pretty cool - Korean BBQ and hotpot cravings satisfied all at once! I'd stay away from the seafood though. The razor clams we had tasted chalky. Also gets quite busy, so I'd book ahead.

喺雜誌見到介紹呢間放題, 而男友又好鍾意任食, 所以放左寶哥入我地geh試食list~~喺大廈樓下有2個waiter 企左喺度~一踏入大廈門口就問我地去幾樓~~最後由寶哥的waiter帶我地上去~因為男友已經book左枱, 所以喺lift度waiter都同我地講多次d收費原來dbs 叫set有9折!上到發現得好少人, 當時都係8點幾9點, 真係少得好過份!好快就安排就坐..下面篇食評都講晒有咩食, 好詳細~~我主要都係想讚下d waiter~!佢地見到我地杯野就黎飲完, 會主動過黎加滿一次都唔洗我地叫佢地黎男友心急, 個火煱都未滾就想放野食waiter行埋黎, 叫佢唔洗咁心急等多1,2分鐘, 好快得佢geh語氣唔會令你覺得佢係話緊你反而係關心~~~食完d碟又會好快幫我地收起!因為我地點左個沙嗲湯底, 去到中後期浮左好多油我用佢地個網隔返d油, 仲放落我個碗度成個碗都油淋淋, 我自己都唔好意思..但waiter幫我收時, 面上一點不悅都無~~~仲俾個隻新碗我!雖然佢地有時企喺門口度傾下偈但你揮手叫佢地時佢地係可以即刻應到你!反應極快!!到埋單時, waiter問我地d野食得唔得點解會識佢

琴日同朋友仔出旺角行街街, 一邊行一邊諗 "今晚食咩好"響 openrice 見到呢間火煱館似乎有好多個 good good 喎~既然大家都未試過, 又諗唔到食咩好既情況下....一於試下啦!!!呢個 "火煱鐵板燒放題" 響旺角區黎講, 其實一 D 都唔平架~等到另一個朋友仔出黎, 就一行 3 人出發!!呢間舖既位置都幾隱蔽, 門面係一棟極度唔起眼既大廈之餘, 佢既廣告板都收得好入囉...所以都搵左一陣, 先搵到正確地點~大概 6 點 4 左右上到去, 有 3-4 枱客仔食緊...坐低之後, 望望餐牌, 分類係： $328 (A5 和牛併盤)一級精選和牛片 $158 (特級和牛併盤)和牛肉 / 和牛粒 / 牛峰 / 牛舌 $158 (特級海鮮併盤)中蝦 / 帆立貝 / 響螺片 / 鮮帶子 / 龍躉腩 $158 (至尊黑豚併盤)日本黑豚 / 澳洲黑毛豬 / 豬扒 / 肉眼根**湯底免費, 任食 2 小時 **每人送：三文魚壽司一客(2 件)另外再加 $8 / 位 - 醬油, 10% 服務費每人要揀一個併盤 set, 類似大家樂果種 1 人火煱 (併盤料只有一碟, 唔會 refill)唔夠

星期五時與一斑朋友去了太子寶哥味館,我是第一次食寶哥,因為是朋友提議食這間,朋友book了7:30.我在屯門返工.放工後,立即坐西鐵轉鐵,估唔到這樣快到.因為事前上過網,因為平時無去太子,我是路痴.我要望清楚地圖點去.,我去到寶哥是7:35.有幾位朋友到達,坐了係度,其他朋友開始來到,因為食火鍋,原來有壽司.仲要是三文魚,感覺都幾特別食物都幾好食.牛肉唔錯.佢又可以鐵板燒牛肉,食物種類都幾多,又係自助形式,飲品有2款.一款是夏枯草,另一款是酸梅湯,我只係飲夏枯草,壽司都不錯,三文魚看上去都幾新鮮,湯底都ok,至於服務就一般,大約每人食了166元.今次是13位女仔一起食下火鍋今次亦是食火鍋以來.最飽一次,可能食下野又傾下計,呢間店都幾好食,可以再來

今晚約左2個好朋友食飯吹水,天氣咁凍最佳飯局當然就係打邊爐啦住係附近既朋友仔話呢間有鐵板燒又有火鍋,有得玩又有得食,咁就要試下先得~入到去有d意外唔多人呀我地每人叫左...一set和牛,一set黑豚同一set海鮮,3set入面最好味既係牛牛set,燒完之後仲好juicy,好味~所以係最快食曬其他set都算新鮮比較特別既象拔蚌,醉雞,扇貝任食,叫餐仲送兩件三文魚壽司(打邊爐送壽司好似有d 9唔搭8..)同埋d丸呀,菜呀,菇呀一般火鍋料,d料排得幾整齊,最討厭有d任食既火鍋店排到d料好似打完仗散曬咁,見到都唔開胃,呢到就幾乾淨整齊,抵讚甜品涼粉(無糖無奶唔好味),紅豆糕一般,反而個大菜糕唔太甜幾好味,我食左幾個,hehe~野飲就試夏枯草,唔太甜幾解渴,同埋可以減下熱氣呢度埋單唔貴質數以任食黎講都算幾好,以後想烚下烚下又多一個選擇喇

尋晚又約左3個朋友仔食飯，原本試新樓上cafe，點知星期初打電話已經full booking，跟住諗住呢兩日會凍，所以建議食火鍋 ( 抱歉我實在係火鍋怪 )，因為好少出旺角會揀火鍋，所以搜尋後覺得好似都ok喎~~問實朋友仔後就試下呢間。7:30$158/位，我地叫左兩set 和牛、1set黑豚同1set海鮮，湯底係沙嗲湯 ( 個鍋面會有塊鐵板仔用黎鐵板燒~~I like it )。和牛︰有牛舌、牛粒、和牛片同牛脊(好似)，都好好味，脂肪分佈均勻，係牛粒有個別會多少少肥膏，一人份量計都算合理 黑豚︰有切條豬扒、日本黑豚同澳洲(好似係)黑豚肉、豬爽肉?(我估應該係豬頸肉)，薄薄地好好味，原本以為豬扒燒完會乾同柴皮，但又唔會喎~~幾多肉汁下，不過最衰冇芝麻醬啦~~如果唔係配埋應該更好味 海鮮︰有兩隻蝦、3件魚(應該係星斑)、2隻蜆、2隻帶子(都幾大隻吓)、不過我地掛住鐵板燒，所以有少少忽略左佢地，不過d蝦都幾好味，我地滾左好耐好好好味，其他都ok新鮮~~帶子︰散叫要俾錢試，話係日本貨見佢寫住$55，反正我地有4個人，叫左一客，黎到都有6件，都好大件，連埋海鮮盤總共有8件，一人兩件~~goo

昨天，路經太子，在「牛陣」及「寶哥火窩」之間選擇，因為只得我跟老公兩個人，選任食火窩會比單點的抵食。看過菜牌後，決定到「寶哥」。約10時入座，9:30pm之後是宵夜時段，每位$88任食，或$158任食+澳洲和牛一碟。我不太餓，認為兩人分享一碟和牛就夠，問店員可否一個人算$88，一個人算$158？她說可以呀。$158餐附上的和牛，分別有牛粒、牛肉片、牛脷及牛膏，灼好或燒好後油香溢滿，味道不錯！這裡的任食是自取形式，生肉、海鮮及蔬菜選擇不算多，約20款，熟食約8款。似乎店方貴精不貴多，海鮮選擇是星斑腩、鯖花魚及象拔蚌任取。冬菇、腐竹、生根都跟其他單點火窩的質素差不多。竟然會有花雕雞，每碗兩三件，企理精緻。酸梅湯／夏枯草任飲，汽水也不貴，$12/3支。爸媽喜歡吃牛肉，一直想帶他們吃和牛火窩。如光顧太貴的火窩店，他們會不高興，即使由我埋單。看來，這家「寶哥」是個理想的地方，一定吃得飽，埋單又不會「肉痛」。

環境幾好,有卡位,唔會大迫夾!兩個人分別叫左和牛同海鮮拼盤,牛既份量雖然唔係太多,但牛味十足! 海鮮呢魚,蝦,蟹,帶子,響螺片,帆立貝,新鮮!放題火鍋料都係大路既貨色,不過不失,refill得都幾快,蔬菜荳品類較多.仲有即炸天婦羅,熱辣辣,幾讚.烚下烚下之餘又可以玩下鐵板咁,可以一邊等火鍋料滾一邊反下d燒烤食物,食埋甜品既涼粉,馬豆糕, 飽到行唔郁!價錢算是公度,服務都幾好~

幾個朋友睇完食評去試吓, 食物都新鮮ok 又可以鐵板又可以打邊爐都唔錯^^ 環境係舒服唔會好迫唔知點解個煲等好耐唔滾,連嘢牛肉都到埋都未滾只係暖 個待應取咗個煲去換,話個煲用得耐唔平, 之後換咗都係一樣, 搞咗好耐, 最後要cover 個蓋加隻筷子督係個蓋孔頂住先滾得起, 真係吹漲我地坐坐下都唔知食到2小時, 個待應一句夠鐘就熄爐!!!!都算啦我地都食飽咗 叫佢添返d 酸梅湯及夏枯草飲比我地飲完走啦, 佢話夠鐘後無得加ka啦, 加就要另比$$ 唔係呀化, 你話多人係到等位都話吖,都無人等位, 添多一杯都唔肯, 早15分鐘唔好講last call 係要計到咁足就放個鐘係枱到計時啦

任食任飲火鍋餐,有和牛餐......豬豚肉餐......仲有個海鮮餐添除咗以下食物外,還有天婦羅炸蝦任食,仲有酸梅湯同涼茶任飲添.......湯底都有成六、七種俾你揀嫁,可以鐵板燒埋Timd 和牛肉好正, d 安格斯肥牛都好好夠牛味好滑,d 雞翼只有單一條骨...方便燒同方便食,扇貝都幾新鮮,雞腎同 d 豬肉都好入味....熟食都好有水準.啲嘢食好新鮮,都幾ok嫁....大家不妨一試不過大家請注意喱個放題任食自助餐係有時限的(只限2個小時)

簡單介紹: 所謂和牛放題, 係比一碟和牛你, 而其他配料任食的. 絕非和牛任食啊...可以火鍋和鐵板燒. 場內有位師傳提供天婦羅炸物. 早前同朋友黎過呢間寶哥味館. 當時有汽水任飲. 任飲任食兩小時. 不錯的. 但今次去, 已改左汽水冇任飲了. 只有酸梅湯及夏枯草飲任...算啦. 不過食物質素都可以保持到. 除了那一碟和牛外, 其肥牛及其他配料都任食. 送三文魚壽司2件.五花腩和雞腎用鐵板燒黎燒係好好味. 其他沒有什麼是必食的, 但記得去到要點天婦羅炸蝦, 即做都好OK~服務質素就差了一點, 樓面服務員不足. 叫飲品加單等都要叫好多次.

最近見到BLOG友的介紹, 話呢間店唔錯啵 !!朋友又鍾意打邊爐, 一於去試下...BK左6點半,收工後即去食 ~~由於時間尚早既關係,得幾枱客仔 入到去每人可先揀一個拼盤, 我就揀左 和牛拼盤, 朋友就揀 海鮮拼盤 ~加廿蚊仲可以任食和牛添, 不過我地冇加 ~~再揀一個湯底, 我地要左沙嗲味 ~~湯底黎到,上面仲有個小鐵板可以燒野食 ~~而且每位仲送 蟹子熟蝦壽司兩件,..如果有魚生就好了每人一個拼盤之外, 仲可以出去拎打邊爐的食物 同熟食, 汽水涼茶任飲 !!有埋炸天婦羅添..連生蠔, 象拔蚌都有 ~~醬料加十蚊就任拎 , 有成十幾款醬料 !!而且排得好公整又乾淨,一讚 先講下D拼盤：和牛粒 ,作打邊爐的料真的麻麻, 都係放在鐵板燒燒熟佢較好味但D和牛粒有D UN , 不過D薄牛肉燒到佢熟熟地又幾正 !!同埋就嫌佢塊鐵板好痴底......唔夠油咁, 又冇油比我地落 一放D野落去燒就痴晒板 ..呢樣唔係太好熟食方面：款式唔多, 有炸餃子, 薄餅, 炸雲吞, 熟蝦, 牛舌, 牛展(朋友話呢款好難食)不過佢有即炸天婦羅就好好味 ,係你面前炸的~~不過每人每次限拎兩條 ~~打邊爐材料：款

冇下次呀~~~~個晚同女友去試下寶哥, 因見到宵夜$88/人, 上去坐卡位都舒服, sofa好大, 但全埸得個3-4枱客, 之後waiter sell我地食和牛主餐,但最平都要$158, 佢就話佢地出名係和牛喎, 我半信半疑架, 之後女友話試下佢d野先啦, 如ok就下次先再叫貴d啦, 咁就食$88啦, 要左沙爹湯底之後我出去攞左1碟火鍋料, 有d都好少食到架, 但唔多野食啦, 之後等左廿分鐘個湯煙都唔出喎,雜誌都睇完啦, 叫收銀個男人尼睇下啦, 佢有禮貌咁話沙爹係耐d架,食住出面d野先啦, 但我心諗我係尼打邊爐,唔係尼食個d野架, 但女友都出去攞左沙拉食, 之後再十幾分鐘後有件waitress過左2次尼禁我個爐蓋之後行開左啦, 佢第3次尼我問佢做咩, 佢話個爐熱架, 我就話打邊爐唔係要熱,係要滾呀~~~佢就話咁幫你換個煲啦, 之後佢好快返尼,個煲係熱左d,但都未滾架,佢就一手攞左我隻快子插入個爐蓋出煙孔啦, 我火都尼啦, 我話你做咩呀, 佢仲傻下傻下話塞住快d滾呀, 我即話我未食都滾啦,你攞我隻快子我食咩呀, 佢先講唔好意思,攞過對俾你啦喎~激死我～～～之後又另一個waitress尼禁