寢宮

营业中

休息中

星期五朋友叫咗我去諾士佛臺，話幾個同學都好耐無見，不如大家飲番杯，再互相update下近況。去到附近join埋一齊行，原來係樓上bar。入到去環境就當然比較黑啦，不過裝修都好有心思，設備又多。有pool table又有得掟鏢，不過今次掛住傾計，下次去先玩啦。點咗杯嘢飲先，menu都有好多唔同嘅cocktail，不過我都係飲返我飲開嘅Cosmo，調得幾好，酒精唔會太重手，味道酸酸甜甜，可以慢慢飲。點咗個snack platter送酒，幾款都好食，推介雞翼條，蒜香味十足。炸魚、芝士球都唔錯，夠脆夠香口，都係啱晒配酒。

之前朋友生日, 去左呢間寢宮食個飯順便摸下酒杯底傾下計呢度環境同氣氛都唔錯架~音樂唔會太嘈或者太靜, 播既英文歌大多數都好適合唔好以為酒吧唔會有好野食, 又唔好以為得薯條雞翼呢啲行野原來呢度有扒鋸之餘仲有多款特色小食, 絕對係晚餐既好選擇我就叫左份豬鞍配鵝肝, 朋友就揀左酥皮焗羊扒豬鞍煮得好淋, 應該係slow cook, 啲肉唔會死實實, 好鬆軟鵝肝入口即溶, 豐盈既油脂香味係個口入面揮之不去, 諗起都流口水...不過都係少食為妙....ORZ朋友個酥皮焗羊扒都唔錯, 酥皮好鬆脆, 唔會整到淋哂羊扒同樣都係好鬆軟, 醃得夠入味, 唔錯飲品選擇都幾多, 黎到酒吧當然要飲下酒啦呢度既Cocktail都幾特別, 大部份都幾啱女仔飲架~

幾個朋友落咗去飲野，見到酒吧環境好靚，有好多野玩。可以打下枱波，又有得掟鏢，同朋友傾下、玩下又飲下，好快就過咗1晚。見到有推介嘅四大美人，不過未試過，我都係飲返平常飲開嘅Cosmo同埋Mojito。Mojito調得唔錯，薄荷味道足，少少糖唔會過甜，加上青檸汁，飲落好清新。點咗幾款小食，黑松露芝士薯條大大碟份量唔少，上面鋪滿芝士，鹹鹹香香，送酒一流。蒜辣雞翼條係單骨雞翼，好方便食，上面滿佈炸蒜，非常香口，又有點點辣味，又係好啱用嚟送酒。所以我最尾都飲咗2 round。

好有格調既一個bar and restaurant，都比較少人係度食dinner，我地今次主要係食野。snack黎講呢度幾好食，價錢吾貴，幾大份。不過佢個dinner set就有少少奇怪，貴得黎我好似叫小食仲抵食。飲品都吾錯，鋪有snooker，空間感夠。

諾士佛臺好多次都無發現呢間酒吧，由於呢間酒吧係樓上鋪。後來就係網上見到覺得都幾唔錯嘅，到依加先約到人去一試究竟。入到去呢氛圍令人放鬆，環境都幾大，座位舒適，最重要係唔會有煙味，空氣流通，唔會覺得焗。同埋呢度準確嚟講係一間餐吧，提供多款西餐料理，不過我地就食咗嘢，就無叫到嘢食，一人叫咗杯特色cocktail，四個女仔一人一杯四大美人cocktail。我杯杯都有試飲，發覺全部都重果汁味，酒精比例唔多，有啲朋友覺得幾好飲，但我就覺得可以更重酒味，飲落開心啲。不過總括而言都係一個氛圍幾好，令人幾Enjoy嘅酒吧，特色cocktail打卡又靚，都幾值得一試！

朋友帶我去咗食西餐，入到去先知原來係酒吧。不過睇餐牌又唔似普通酒吧咁得小食供應，都有提供幾多款唔同主菜，幾種肉類都有，睇餐牌就覺得同一般餐廳無分別啦。點咗2個套餐，包埋沙律同埋餐湯，份量好夠，食到好飽。慢煮西班牙黑毛豬鞍配鵝肝成道菜嘅味道都好豐富，鵝肝煎得香脆，無overcook導致漏晒油，好香好食。黑毛豬鞍係厚切，肉質夠嫰，一D都唔硬，唔使花好多氣力咀嚼就可以食完。朋友食香煎大蝦配辣椒蒜香意粉，睇落都炒得幾夠鑊氣，應該都唔錯。呢間酒吧就算唔去飲酒，淨係食飯都係好好嘅選擇。

今個月公司飯聚搞搞新意思, 揀左去呢間「寢宮」佢雖然係酒吧形式, 但食物方面都幾高質同埋多款揀唔會黎黎去去得薯條同香口小食佢地既主食有好幾款唔同既扒類我就揀左慢煮西班牙黑毛豬鞍配鵝肝話明慢煮, 件豬鞍當然非常鬆軟啦果然不出所料, 真係鬆軟得好過份呀....佢鬆軟得黎又不失肉味, 唔似得其他餐廳咁落重鬆肉粉搞到無哂肉味鵝肝亦都煎得外脆內軟, 入口即化, 係幾唔錯黎得酒吧當然要飲下酒啦我另外加左杯Melon Margarita杯Melon Margarita個種青色係非常鮮明, 入口帶好重蜜瓜味酒味唔算太重, 好易入口, 好適合唔太鐘意酒味既女仕飲

因為趕住要Happy hour去飲返杯，飯都嚟唔切食，一於就去果度食埋。食飽再飲過，真係滿足。我地聽嚟過嘅朋友講話呢度嘅set dinner 好大份，兩個人食都得，細食嘅我地就只點咗一個set。蜜棗中東羊肉 $318，我地睇到個名幾特別，食西餐成日都係食牛扒有啲厭，所以想試下羊肉。味道有特別嘅香料味，羊肉都煮得幾好，唔會有太重嘅羊肉騷味，又煮得幾淋。唔錯。追加一份小食只需加58蚊，我地加咗一份香蒜辣椒炒牛柳粒。小食反而更讓我們驚喜，牛柳粒好味，調味有少少辛辣，好惹味，最重要係口感軟淋入味。推介！呢度嘢食質素都唔錯嘅，食完休息陣，有人邀請我地去玩beer pong，我地便樂意接受邀請，場內都有幾多玩樂設施。

聖誕新年大時大節就梗係要搵D舊同事聚一聚選擇咗去咗尖沙咀，聚散都相對方便有人提議咗寢宮，上網睇資料見到裝修都好有特色所以大家都confirm去呢度食飯兼聚舊餐牌選擇唔算好多不過主菜都有豬肉、牛肉、羊肉、鴨肉、雞肉同海鮮揀點到總會總會有一款係鍾意食嘅我今次點咗魚柳肉質都處理得好好，唔會煮到乾晒點埋個番茄蓉嘅汁，味道清新用嚟送酒都好match其他人點咗西班牙黑毛豬鞍、肉眼牛扒、羊扒佢地都話味道有水準，份量好足夠其實幾個人都係出黎主要都係傾計環境好relax，所以都適合我地攤喺度慢慢傾有機會會再嚟食過

平時吃完飯，就要再搵地方飲野；今日就選了一間BAR吃晚餐，可以不用走來走去。*沙律+餐湯沙律配上沙律醋，很新鮮；酸酸地醒一醒胃。南瓜湯很CREAMY，很濃味。*香蒜辣椒炒牛柳粒（+$58）牛柳粒很夠淋；香蒜辣椒味較濃，有點辣，個人覺得偏辣。*慢煮西班牙黑毛豬鞍配鵝肝（$328）用慢煮方式煮的黑毛豬鞍，鎖住了豬肉的肉汁，超JUICY；肉質結實，又不會太硬；旁邊的焗配菜，脆肉瓜、茄子等，都焗得超夠熟。

今晚係尖沙咀放工，屋企又冇飯食，所以我就喺附近睇下有啲咩好西食啦！😍😍咁岩見到呢間原來除咗飲嘢之外都有西餐幾吸引，就上咗嚟食啦😊😊其實真係完全估唔到啲食物咁高質素！佢嘅dinner set都有兩版咁多，有排有魚有意粉等等唔同嘅西餐，對於選擇困難症嘅我，都真係幾難揀架，乜都嘗試吓！😆😆因為琴晚食咗牛扒，所以今晚就揀咗一個法式波菜魚黎食，另外加$38-$58就可以有個小食，我就揀咗香蒜辣椒炒牛柳粒🤤🤤因為病咗唔可以飲酒，所以餐飲就叫咗一杯Shirley Temple🤧但我見到佢有好多特色嘅cocktails 好想試呀，唔緊要留返下次！跟餐會有湯同沙律，湯係南瓜忌廉湯，南瓜味濃稠，飲得出煲左好耐，因為味道十分之甜🥰另外個沙律都好豐富，大大碗有四五種沙律菜，食完個湯同沙律之後都有少少飽🤣🤣之後好快個牛柳粒就上咗枱啦，哇個賣相好靚呀，每一粒都大大粒，我急不及待即刻試下，牛柳粒整得啱啱好，超級容易咬，簡直想一粒接一粒咁食🙊🙊而且調味都做得唔錯，蒜蓉炒辣椒，好惹味啊！如果有一碗白飯就Perfect😂😂😂到最後個菠菜魚就要等多小小時間，上枱嘅時候好有驚喜，因為見到除咗菠菜魚之外，伴碟嘅種類都有好多，有

今日行完肚餓想食意粉同飲返杯chill下 所以上左斜行左上去好近既諾士佛臺搵食😛醒目既我梗係起Op搵下料先決定去邊 最終遠離左地下一堆人煙稠密既酒吧 黎到呢間氣氛幾好環境靚 牆上面既畫都幾特別 呢度設計得有style 同埋呢度唔止得吧枱櫈 又唔洗坐到好迫 仲要有梳發坐 好嘆 桌球枱旁邊仲有個千秋位坐 黎到仲可以坐低影相📸️打下卡Jumbo Scallops With Tomato Pasta 帶子蕃茄意粉🍝意粉上面鋪左即炸既蓮藕芋頭同埋蕃薯薄片 又靚又香脆 上面放左幾塊蕃茄做點綴 presentation 幾好 意粉掛滿蕃茄汁 軟硬程度適中夠彈牙 蕃茄汁酸甜度調味適中 裡面收埋幾粒jumbo size既帶子 用料同擺盆上都睇到落足料Carbonara卡邦尼意粉上面鋪左即炸既蕃薯🍠同埋蓮藕薄片 又靚又香脆 下面放左煙腩 意粉掛滿白汁 軟硬程度適中夠彈牙 卡邦尼意粉好濃郁 食落好rich 呢個卡邦尼意粉絕對食得過Set Meal仲附上湯餐同沙律 餐湯係蕃茄湯 入口好幼清 味道天然 幾smooth 湯面仲有個靚靚拉花 餐湯都幾用心 唔錯沙律🥗絕對唔馬麻 有幾類新鮮蔬菜🥬 沙律菜之

又來尖沙咀吃晚餐今天想要喝一杯🤣happy hour一番諾士佛台肯定是同區最旺的酒吧集中地走過的時候 地舖每一間酒吧都會向你招手地舖是比較吵一點 想靜一點的環境我們到了樓上酒吧而這幢大廈有好幾間 我們選了「寢宮」這裡不錯 有晚餐set dinner也有酒喝如果一大班朋友包廂vip房相信也是不錯的有桌球玩有beer pong 有電視放球賽店員安排我們坐在圓桌高櫈最後點了兩個主餐兩個小食兩杯特色調酒🍸主餐跟餐湯「南瓜湯」跟沙津南瓜湯香濃夠熱又不過甜 沙津菜正常香蒜辣椒炒牛柳粒(+58)香蒜辣椒檸檬汁炒蝦(+$58)兩個小食非常出色！香蒜惹味辣度很有感覺😛牛柳嫩 蝦大隻爽口 慢煮西班牙黑毛豬鞍配鵝肝($328)香草芥末燒羊鞍配露絲瑪莉汁($318)各自配薯仔 翠玉瓜 茄子 紫薯蓉兩份肉份量蠻大的羊鞍較肥 肉少 沒有羊騷味黑毛豬肉質不柴 鵝肝雖不至於入口即化 但油脂香味強烈王昭君($98)成分: Gin, St.Germain, Fenne, Cranberry Juice楊貴妃($98)成分: Lychee Liqueur, Fresh Grapefruit, Tequila很適合打卡的調

常說放工一大樂事就是與好朋友在一間環境舒適、食物好吃的地方聚一聚，訴說一下今天的事。始終女孩子很容易受情緒影響。這天跟2位同樣愛吃的朋友到了諾市佛臺，我們想吃特別點，但又想靜靜的聊天，就到了這裡。餐廳環境很舒適，還有油畫，很有心思呢。說好了來喝點好的，當然要先點飲品。飲品menu上有個飲品叫「pantone1837」，如果不google一下，也不知到原來是指女孩子情迷的tiffany blue顏色。少女心發作，點了tiffany blue飲品，挺特別的，單看顏色已很治癒每次一看到黑松露薯條，都會點來吃。黑松露醬是最好吃，而且很香，我們還問店員多取了一個～薯條上的芝士都很香朋友想不到喝什麼，餐廳就給她送上了這個。（怎麼會比我的pantone1837還特別）我們點了2個主食，想不到份量也頗大的～而且也很有心思。法式菠菜魚🐟上的波菜和芝士完美融合，很香很滋味，魚肉非常嫩，很容易入口，而且還加了黑椒，吃起來更滋味。值得一讚是伴菜也非常有心思，是炸了的蔬菜，香脆但不油膩，還加了薄薄的蜜糖，有蓮藕、有芋條、紫薯、忍不住吃了很多。蔬菜也煎得很香，有薯仔、茄子、雞批菇，單單吃蔬菜都很滿足。另一樣是慢煮

是日突然被友人邀請一起去寢宮食飯，一開始感覺食店名稱非常得意，完全猜不透是食什麼菜式的，一上到去原來是一間酒吧。當晚我們三人叫了一個小食以及二個主菜，分別為黑松露薯條，慢煮西班牙黑毛豬鞍配鵝肝以及法式菠菜魚。飲品方面，因為是一間酒吧，所以當你想唔到飲什麼，是有一個叫做隨意～ 等佢地為你調配。主菜一上尼時，我們都嘖嘖稱奇，因為主菜的物量超多亦有十分多的配菜。最欣賞的是一塊蓮藕乾上會再加蜜糖～ 驚喜萬分！ 而菠菜與魚原來是非常的夾，再上面的芝士更是令整體加分不小。 西班牙豬的質感好嫩滑，食得出是慢煮烹調，食落的感覺是剛剛好。但唯一美中不足是那個汁，沒有那種酸甜度。 此外，酒吧入是有一張大的桌球，可供食客玩樂，不過是酒吧的音樂聲響有是過大，如傾談時需要大聲說話。