富金軒酒家

营业中

休息中

今晚來油塘探朋友，在其樓下的酒樓晚餐。這家經常有超值套餐， 所以大家對這家都OK。就座後，先看看今日優惠！係龍躉及斑腩喎。蒜蓉蒸斑頭腩表面很多蒜蓉覆蓋著斑頭腩頭腩下方，則以雲耳墊底，而且油的份量亦不少！先夾一件魚肉，撥開蒜蓉，噢，是魚背鰭位！但有很多魚鱗未刮淨呢！邊食邊吐出魚鱗，大煞風景，背鰭位有很多膠質，加上肉質不錯，總算拉回不少分數。下方的雲耳吸收了整碟的精華，更是不可錯過！加上雲耳木耳之類，是降血脂好幫手，個人喜歡伴著蒜蓉一同吃，蒜蓉都是對健康有益呢！這碟蒸班頭腩下油太多了，無論如何都要多吃一口雲耳和蒜蓉中和一下。翡翠炒龍躉球看到大大塊金黃色魚肉，就記起Gigi姐飲食節目內，講及如何將大魚扒慢慢煎香。這碟雖然不是大魚扒，可是質素比得上節目中的大魚了！龍躉雖未成球，其凹凸有緻的魚肉紋理，已教人垂涎欲滴！魚肉煎得剛剛好，肉質結實彈牙唔硬。鮮味略遜，幸好外在少少鹹的芡汁搭夠。我更關注厚厚的魚皮～骨膠原！！！！！魚皮的彈性有如橡皮糖，要咀嚼多次呢。幻想下皮膚充滿著骨膠原，骨膠原，骨膠原……墊底的西蘭花吸收了龍躉芡汁，真係一滴精華也不會浪費。HKD 138享用這款魚魚套餐，實屬超值！

今晚又來油塘晚膳!周未黃金時間, 由於未有卜枱, 8位要等10分鐘方能入座.又點左特价菜牌, 再加牆上海報的特價菜, 8人晚餐好快上菜了.瑤柱雲英雞HKD 38全隻雞, 斬件切好, 平攤在碟上, 上枱好靚!雞骨附近的肉是剛熟的, 雞肉滑滑,長輩們都表示好味道!今天假日係HKD38, 平日HKD 18炸,真係平過自己煮!金牌脆皮雞半隻(孖寶HKD 108 其中一款)天天特價的孖寶, 與炒斑球一起叫的半隻雞斬件切好, 平攤上碟.SIZE好似比雲英雞大.但脆皮雞好似過熟!雞骨髓已經是熟透, 没有粉紅色了, 而肉質比較乾,雞腿肉照計係無得輸啦, 也要用少少力去咬.其他部位肉質, 就更乾更老.可能之前的步驟煮得熟, 後面淋油/翻炸時, 令肉質更硬.按餐牌价格計算, 金牌脆皮雞是比瑤柱雲英雞更貴,但對比2款的肉質, 便宜的瑤柱雲英雞好味D.下次點菜要小心D.

今晚家人來油塘晚膳, 原來呢間平日晚市有多D優惠!豬仔腳好入味,但我比較關注 ~ 豐富的骨膠原雞 叉燒 燒鴨 : 每款份量有女性手掌咁大叉燒比較嫩滑, 而雞&燒鴨OK真係粟米魚肚羹嗎?食開魚肚係滑LUT LUT的, QQ的.但呢鍋的魚肚, 表面口感較鞋口, 一D都唔滑.似豬皮多D囉長輩想食鹹菜炒豬肚, 懷舊下喎.鹹的主力是味菜, 如果味菜再切細D, 鹹味可以分佈均勻D忘了几錢芝士伊麵OK開邊蝦球比較鹹班仔一條, 一般酒樓水準,可能佢遲上菜, 加上半場食得太多, 來到呢PART已經好飽.唯有夾硬食左佢今晚係平日, 個場唔太多人,我地果枱與另一枱客之間, 相隔1-2張吉枱(註: 我好怕又迫又嘈吵的餐廳)呢餐真係好抵食, 價格取勝食物價格大眾化, 先可以吸引更多消費者

好耐冇飲茶啦呢日心血來潮想去飲下午茶之前同屋企人食過屋企附近既茶樓覺得幾抵食就去左呢間我同朋友兩個人都嗌到成枱都系其實呢間野D野食都冇咩特別不過不失賣相都OK不過其中一樣藥膳雞腳要提一提之前唔記得去邊間茶樓食過幾好食所以就嗌下 諗住應該相差唔會太多點知唔好食有藥味 但一D都滲唔到落雞腳到另外D雞腳煮得唔夠耐所以好難咬呢個同正常既鳳爪相比下更加難食雖然呢個點心唔好食但其他整體泥講都唔差最後每人都系食左$60到都幾抵食平時得閒都會再去食下既

這天報了名參加一個 training，目的在於建立自我價值及製造正能量。中午我們就到了這裡吃飯，「香妃雞」，肉質比我想像中滑，不錯「金銀蛋浸莧菜」，可以清一清味蕾的小菜「咕嚕肉」，炸的蠻鬆，合格「蒜子浸娃娃菜」，這個我覺得味道太淡，可以調味重手一些「南乳排骨」，南乳下得足，好下飯「雪菜火鴨絲炆米」其實間唔中抽時間上一下這些課程，也是一件好事，對訓練自己的 EQ 也有幫助呢！

新開的酒樓就黎試下！首先叫了我的最愛，又燒包普普通通啦，叉燒好似冇乜汁咁馬拉糕，其實我中意一太舊，感覺好係抵D，呢個太細啦，我覺得味道淡左D，可以甜d燒肉河粉，都係不入味，本想6叫飯但畫錯左=.=，炒米粉點解可以咁難食，所用既米粉太大條，炒得不乾食，冇味，係水煮米粉多Dx湯餃我覺得麻麻地，原因又係冇乜味，湯味不濃又唔好味，個醋落左去變得好奇怪總之覺得呢間野D野食好似冇乜味咁！

我0地已經搬0左2個月啦!!!見同蝦子餅來來去去都係附近飲茶,今日試試坐車去油塘個屋苑商場試試。。。黎到門口個支客話未有位,又唔係好多人咪等一陣囉!不到5分鐘就有位勒 ...見到要搭檯 已經麻麻地(出面個支客要人搭檯應先響嘛!),最後張8人檯坐有3家共7個人和7個茶壺,淨係放茶壺都滿座!!!心情真的會影響食慾,見呢D情況,"渣渣淋"叫D野填飽個肚就算啦 ~先係服務員開錯茶,再望望價錢,大中小點(小點 $12, 中點 $17, 大點 $20 )同我上星期六去老尖 The One 煌府差不多 ... 人0地起碼唔使搭檯同有維港海景丫!想叫叉燒飽 ... 看到"搭檯呀姨"果籠"黃琴琴"既叉包就即打退堂鼓,最後叫左 ...山竹牛肉 .. OK, 但加果皮會好味D。鮮蝦腸粉 ... 也不錯, 粉皮好有米香, D蝦當然係雪蝦啦!馬拉糕 ... 哇 ... 呢樣十個劣呀,糕底濕晒 ,真係好差呀 ~鮮蝦菜苗餃 ... 也 OK, 菜/肉/蝦份量合比例,係鹹左少少少少!唉 ~ 下次都係出翻老尖穩陣D喇!**呢間食店我係連相都唔想影,快D食完快D走人**

做完家務，真係好疲倦，所以今日近近哋，响屋企附近嘅酒樓飲下午茶。三個人食了八樣點心，味道大致上ok，埋單$146,價錢合理。值得一讚嘅係上菜快，唔使等好耐已有點心食，冇乜要求嘅話，此店係不錯嘅選擇。五香咸肉糉，包得夠實，糯米質感軟糯，略嫌餡料偏鹹。雜錦湯河，有扎肉，豬頸肉、魚片同肉丸，湯清味淡，大大碗，抵食又好食。雞翼湯麵，雞翼皮脆肉嫩，麵質爽口彈牙，不過鹼水味重，唔係太鍾意。珍珠糯米雞，這款點心做得不太好，糯米過乾兼生米，口感一般。餡料唔多，但味道過鹹。鮮蝦菜苗餃，外皮煙韌，蝦肉彈牙，但鮮味欠奉，調味太鹹。香滑麻蓉包，包皮搓得唔鬆軟，質感好韌，麻蓉餡料又太甜，味道嘛嘛。香茜牛肉腸，粉皮太厚唔滑溜，餡料偏少。鮑汁扣鳳爪，炆得軟硬適中，鳳爪好入味，如果個汁鹹度減番少少，味道會更佳。

三丁友係油塘打波前 走入新開張無耐 格局幾高雅既"富金軒一試店外有廿多人等位 可能是假期 也可能是新開張 入座後方知酒樓不是想像中大 所以要稍等要如廁既話 仲要走出門外既單格廁所 真不方便午市價格為 優點11/小12/中17/大20/特22/頂26 茶位6 是日"雞絲粉卷較為好之外 其他點心都好細碟 質數亦好普通 "同區既金海洋 味道 份量同價格較為合理)本應點7個點心 最後炸春卷同炸雲吞沒有出現 (埋單2中3大點)追了3次單 都話Check下電腦先 奇怪是從來無人主動回應係漏單定是賣晒 真係耐人尋味 無咪出聲 咪要客白等 ***新店食物水準仍須改進 服務既不足仍要大大改善