富豪雪糕流動車

营业中

休息中

以前細細個，屋企附近長期會停泊富豪雪糕車。聽到富豪雪糕車嘅音樂，就會扭媽媽買雪糕比我食👶🏻只要乖乖地，媽媽收工就會帶雪糕返屋企比我食💕大個左之後，越黎越少見到富豪雪糕車。所以每次見到雪糕車都會停低買返杯回味一下。▪️橙冰橙冰嘅味道充滿住童年回憶，大概只有係富豪雪糕車先會搵到😊味道酸酸甜甜唔會有藥水味，而且夏天食真係消暑一流！夏天食橙冰嘅好處係夠凍，唔會好快就溶哂▪️雲呢拿味雪糕雲呢拿味雪糕好重奶香，雲呢拿味唔算好重，食落香滑冇冰粒，水準依然！📍富豪雪糕車尖沙咀天星碼頭對出巴士站(各區流動)

身為香港人一定有食過雪糕車嘅雪糕，每逢聽到雪糕車悦耳悠揚嘅音樂都一定會周圍搵吓佢係邊。識我嘅人都知其實我對甜嘢冇乜特別嘅衝動，所以就算平時聽到雪糕車嘅聲都只係會睇吓佢喺邊，但係好少會嗌黎食。今次故事發生嘅地點係位於馬鞍山郊野公園，當日我同朋友一齊行山，由西貢行去馬鞍山，因為天氣比想像中酷熱，所以比預期中行得辛苦。喺臨近山腳嘅時候忽然有人大嗌「嘩！有雪糕車呀！」我哋成班行山小隊就好似鹹魚翻生一樣，即時加速去搵雪糕車喺邊！餐後感：平心而論同平時雪糕車冇乜分別不過當你知道山腳有雪糕車嗰時嗰種心情真係難以言喻。雖然佢真係好普通，但係帶黎嘅滿足感真係畢生難忘⋯⋯

流動雪糕車可以話係屬於香港人嘅回憶，而家好似越見越少咁，所以每見到都會忍唔住買黎食。細細個黎遠就聽到雪糕車嘅音樂，好似通知附近嘅人呢到有雪糕賣咁。款式唔算多，黎黎去去都係果幾樣，不過傳統同經典就係咁，幾樣足矣。🔷珍寶橙冰 💰9JUMBO ORGANE今日好熱所以忍住唔食軟雪糕，食杯橙冰涼一涼，係偏甜嘅橙冰，個味有啲似芬達。由於天氣太熱所以都唔會「不」唔到啲冰，係小朋友好鍾意嘅口味，間唔中食下就會好開心嘅回憶。

-香滑軟雪糕🍦（$12）好耐無食過富豪軟雪糕啦☺️最近天氣咁熱🔥咁岩見到有雪糕車就梗係要食🤪軟雪糕好綿滑又甜*\(^o^)/*食完消暑解渴😚不錯👍-Name🏠:富豪雪糕流動車Location📌:深水埗/尖沙咀/旺角/其他地方價錢💰: 香滑軟雪糕（$12）

今日行街時見到架雪糕車，突然間好想食，於是走去買咗杯軟雪糕同橙冰。雪糕車啲軟雪糕真係同便利店嗰啲唔同，雪糕車嗰啲總係滑啲，同埋杯軟雪糕一定係好高，最頂個尖會彎一彎。好香雲呢拿味，同埋好滑。企喺雪糕車隔離，聽住佢啲音樂食，一定會諗返起以前小學放學嘅時候，日日都會見到架雪糕車停喺學校附近，勁多同學排隊去買。雪糕車除咗軟雪糕之外，另一款值得推介嘅一定係橙冰。杯橙冰「硬掘掘」，用枝木雪條棒要出力先「筆」到嚟食，食落好甜，正。

今日和細佬一家去到尖沙咀聽升學講座，聽完後去取車，細佬見碼頭有架雪糕車就不停叫我們暫不講升學之事，不如我們食個軟雪糕先。隨即就走去雪糕車買軟雪糕，雪糕車的軟雪糕一向都是軟雪糕中的皇者，因為它的軟雪糕質地真的比一般街買到的軟雪糕軟滑好多，還有一種牛奶味，這種味道不其然會令人想起童年時候，常常扭媽咪去雪糕車買軟雪糕的情景，所以我們每一次見到雪糕車，都一定會走去買黎食。我的侄女都食得不知幾開心，雪糕車不但是我的童年回憶，還是我們每一個香港人的童年回憶。

香港人不論老少相信都會幫襯過雪糕車叔叔買雪糕 ，小時候只有去海洋公園玩或途經尖沙咀碼頭才有機會食到。今日經過沙田排頭村對出( 由港鐵站通往新城市中央廣場位置) 居然偶遇雪糕車，當然趁機要幫襯下，支持本土美食。雪糕車上供應 : 香滑軟雪糕、果仁甜筒、蓮花杯、珍寶橙冰四款產品，而首選當然是香滑軟雪糕 ；職員會從雪糕機唧兩圈半軟雪糕在一個非常香脆的甜筒上，雪糕質感較輕，似 mousse ，入口幼滑 Creamy ，帶淡淡的牛奶味 ；甜筒質感似薄片餅乾，脆卜卜，很好味。其實食這個軟雪糕味道不是重點所在 ，而是那份童年的快樂回憶 。

細細個好期望見到雪糕車，因為可以食一杯凍冰冰軟林林的雪糕，而家已經冇咗呢種感覺。今次見到雪糕車買咗杯雪糕，好彩買嘅時候冇人排隊，回頭一看竟然成條人龍。但全都是遊客，可能雪糕車已經不再吸引香港人了。咁多年冇食，估唔到而家要雪糕已經要差唔多10蚊。而且雪糕比以前矮左好多，轉個頭就溶了。

呢2日超級熱同曬，喺街一陣都唔得，就算過馬路都要喺商場外面等紅綠燈～偷啲冷氣用🤣SOGO外面東角最近長註富豪雪糕車，簡直係救星，我呢2日經過都有幫襯，一次係招牌：香滑軟雪糕～ 一咬就入口即溶！好流質既味道，完全冇冰塊既口感，好似飲緊Vanila既飲品🤣 最緊要係個筒好好味，脆口一咬就碎，俾雪糕滲入，正丫！第二次係甜筒，硬雪糕，比我想像中遜色少少，要咬先溶到，牙都震埋😅 整體來說，都幾好，消暑涼品！👍🏻👍🏻

講起雪糕，尤其係軟雪糕，不得不提就係富豪雪糕車，雖然唔係成日都搵到，但係近排夏天放暑假，出街發覺周圍都好多富豪雪糕車👍🏻👍🏻我每次都會買來食，我覺得$10一支唔算好貴，因為佢真係值得！佢嘅招牌軟雪糕味道好特別！雪糕一出嚟唔會好似甜筒咁，又唔會太流質，食落去入口即溶，又唔會好似其他雪糕，食落好似食咗啖冰咁～ 最好食係佢支筒！依家好難搵到呢隻味道嘅筒～ 好脆，一咬就食到！軟雪糕食到最後用咗裝咗喺筒，之後再連筒一齊食，超級好食，超級滋味👍🏻👍🏻

食完午餐仲有時間，就走左去旺角shopping 偶遇富豪雪糕車😍 就同同事幫襯下食個軟雪糕！咁岩又天氣超級熱，真係會令人差啲中暑所以最啱就食雪糕我地都叫咗軟雪糕 招牌嚟㗎嘛，梗係首選！其實我覺得其他都真係麻麻地，得軟雪糕係好食🤣🤣雪糕車老闆好有禮貌，不過我諗佢都好辛苦！我接過軟雪糕之後，即刻食落口！溫度啱啱好，唔會溶咗，亦都唔會凍得滯好硬超級爽，入口即溶！加上係咁熱嘅天氣之下，簡直係降溫良藥！我同同事都食得好滋味！一見到富豪雪糕車一定再食

約咗朋友去西洋菜南街買嘢，經過旺角D岀口，百老匯門外面有富豪雪糕車，就同朋友去咗幫襯！其實我都知道呢度固定間唔中會有富豪雪糕車 但係朋友想回味一下童年回憶，所以就同佢一齊食！我地都叫咗甜筒~ 因為最好食🤣 仲要咁熱既天氣簡直係爽😍 雖然雪糕車老闊就黑口黑面咁，但都冇損我地既興緻 雪糕好滑好有奶味，好濃，唔似有啲雪糕太硬或太「水」味，佢係軟身，入口即溶 而筒，我覺得係最好食既筒，好脆身，夾雪糕一齊食更好食，外脆內軟，好有口感！

近排天氣好熱，一出户外就暴曬咁熱嘅天氣，喺外面行緊路都想有冷氣吹住。上次喺旺角行下下街，發現咗豉油街附近有富豪雪糕流動車 超級開心，因為流動車好難搵，可遇不可求行到過去嘅時候已經好多人排緊隊，我梗係唔輸蝕啦我叫咗佢嘅招牌香滑軟雪糕，我覺得其他例如甜筒，雪糕杯，都冇佢嘅招牌即整軟雪糕咁好食老闆超級有禮貌，見我身水身汗排得耐，就比多兩圈我 太感動，有時就係咁，遇到好嘅人同事，真係會令自己一日都好開心富豪雪糕除咗好足料之外，雪糕都好好食，我覺得係奶味重少少，所以佢同其他雪糕與別不同

記憶中第一次來香港那年是98年，資訊不發達還沒有google導航地圖，一切僅賴著一張大大的地圖在街邊尋路問人、還有一本超厚像是教科書的旅遊書，走著走著看到難得一見的「富豪雪糕車」，內心真的相當澎派開心的小跑步去買來吃。▲第一次碰到這傳說中難得一見的雪糕車，是在尖沙咀天星碼頭為了看幻彩詠香江時碰到，這次則在旺角朗豪坊巧遇，香港現在一共有14台雪糕車在港九新界行走 (營業地點←請點)，想吃還是得碰運氣。▲價目表販售的商品不曾改過，但是價錢逐年高漲，現在可使用八達通付費▲倒轉時光回味著那年記憶的雪糕，一如往常的美好，入口濃綿香甜的牛奶味，搭配脆口帶有焦香的麵粉烤後的味道，實在是滿足到嘴角不自覺上揚，還是那麼的好吃。

今日同朋友行經tst 打算shopping ❤️點知邊我見到架雪糕車即時d同年回憶翻哂黎啊！！！記得細細個果陣每次經過都會叫屋企人買黎食！！！印象中佢以前係好似賣5個幾架而加加哂價嚕。。。不過唔緊要， 我食既係回憶，回憶中既味道估唔到過左咁耐，味道都無變， 仲係咁好食！ good 又真係一直都可以維持到水準啵同朋友一人一個， 而個雪糕應該都無人未食過啦掛， 懷舊既雪糕真係買少見少！！！襯而家仲有既話， 得閒經過食多幾次先