富豪機楊酒店大堂酒廊

营业中

休息中

一心諗住入嚟食吓好嘢，點知勁失望，款式不多，選擇又少，無下次…，甜品比想像差，咖啡無香味，難怪無乜人，食河粉又得幾款，除咗雪糕抵食之外，其他免提，想揀多幾款嘢食都無

Lunch buffet around $200 something each person. However , the food stop to refill at 1:30. And the area is crowded of people and mandarin speaking customers never line up. Food taste average. And don’t have lot of selection. Only salad taste goodDesserts standard also not hotel level. Bakery shop

本身諗住富豪應該ok,同埋有優惠有85折所以試下服務態度不錯,好好笑容環境好寧願..都幾悠閒可惜野食就真係好唔抵食...味道都一般,,好少選擇..都要咁既價錢..不值魚生好似唔太新鮮..羊架好韌..d野食唔太熱,,甜品反而比主菜好,朱古力cake gd呀!

昨天朋友大集會，友人安派哦們一行十四人，先去國際博覽館活動，晚餐提議到富豪酒店食自助餐，大班朋友又食又玩，原本是賞心樂事，然而哦對這間酒店的食物質素及出品不抱太大期望，這次都是因為有優惠券折後為$230一位，才會一試，既然已訂了檯亦即管去食，哦想或者這間就近機場，有遊客會來食，可能出品會比另外兩間好呢！事實並非如此，先講食物種類不多，而且偏多是配菜，如烤薯一盆，凈抄肉豆又一盆，肉類如牛扒及豬柳又乾有無味，壽司比大型超市出品更差，甜品當然無驚喜，每客敬送魷魚桶一隻，全無味道，無鮮味連咸味也欠奉，哦們笑道，廚師知道食物不好味，它是用來幫哦們填滿肚子，以這個價錢，倒不如去Novotel Hotel，晚餐正價還比這處平，食物質素及味道十分驚喜及滿意。

食物種類一般，而且refill得快，但細心看其實並不是有很多選擇例如沙律吧好像有好多醬汁，但卻竟然沒有粟米、水蜜桃等選擇而甜品則有朱古力噴泉、多款雪糕、及cake，但ｄcake都係生果蛋糕及moss，有少量的芝士蛋糕及pie、但只得大菜糕但無０者哩，連糖水都無至於海鮮則有青口及螺及小龍蝦咁大把、至於魚生則排餐死逐切有飯、但無粥粉麵肉類則不少，牛肉、雞肉、豬肉、鴨胸都有不過，味道則認真麻麻，所有肉類都無肉味，係魚生好一點但有一個南瓜湯，則是全場地雷至於甜品一般，但朱古力噴泉就真係幾得最後每人有一客焗帶子淡水龍蝦．．．比我出去燒野食吃得到的差一大截至於服務......不算太醒目，例如我們有幾個稍遲抵達的朋友，侍應竟打算把他們安排至另一僻處，在我提醒下，才願意把給我們坐在鄰近的空桌位置，其他服務也稍嫌慢了一點，不算差，但總久了點貼心好老實，咁０既價錢，還要是平日的晚上，我覺得應該可以好一點的

今日下午去食下午茶自助餐,無乜野好食,完全講唔上係五星級酒店既自助餐,又熱,唔明點解有人話好?如果夏天去食記得帶扇.

26 March 2006 (Sun) - 下午茶繼續我既遊車河，同朋友本想去下廸欣湖，但係發現要泊車喺廸士尼個car park 度，而且係要泊day parking，冇hourly rate parking，好貴，冇理由蝕比佢，所以走咗嚟機場酒店嘆下午茶！其實呢度我都黎過，嗰陣抵啲，因為有coupon，今次只係矛矛然咁黎，冇優惠，都幾貴，$118一位．．同朋友食咗個3:00-5:30既下午茶自助餐，但係冇乜選擇，我就食甜點多過咸點，又皆因自己既唔舒服未完全好返，所以食咗好少嘢，冇乜特色嘢可以介紹，但係呢度就坐得非常舒服，至於服務可以話係一般，因為只有一個waitress加一個經理，但係waitress唔知係咪喺4:00之後係休息時間，因為唔見咗佢，只係得返個樣似王菲但係勁黑口黑面既女經理，完全冇笑容，其實喺機場既酒店做應該幾他條吖，根本上就冇乜人，咁都黑口黑面？

邊d 香港地方至唔似香港, 即時諗起就係IFC附近街道或機場大樓附近, 個人感覺係沒有果種downtown'香港味', 尤其機場, 去得呢度唔係自己旅行就係送機接機, 同一個地點, 可以存在兩種人性感受:愁與樂, 去旅行既, 或係開心既樂, 送別親人既, 或係離別既愁, 但係, 仲有第三種, 就係做一個食客.空閒時間配合(週末), 免費交通配合(自己早前換左既免費機鐵飛,有幸首次乘搭), 優惠食券配合(富豪出既coupon), 差不多集所有有利條件, 令我做一個純粹食客來到機場, 由機場大廈沿通道走去富豪酒店, 唔駛上唔駛落, 近住通道出口就係呢度. 易搵.book左位, 由waitress帶領下, 坐個落地玻璃旁邊既大梳化位，窗外上有藍天, 下有一個露天停車場, 出面四邊全被建築物遮晒, 井型格局, view就係咁多, 但因酒店lobby入面有天井, 又大又靜, 餐廳半開放式, 感覺仍然可人. 完全relaxing, 呢餐足足坐左兩個鐘, 睇下景, 睇下報紙雜誌, 食下停下, 懶洋洋開心過左一個週末下晝. 下午茶buffet, 提供中西日式, 咸甜食, 麵飯蛋糕, 各式各樣, 岩晒擒