富苑茶餐廳 (已結業)

11-5-2013(六）是日上午十一時多，在家附近隨意吃個午餐，最後選了 富苑茶餐廳。一進店坐下，看見廚房的櫥窗掛上很多燒味，好！那就叫一碗 叉燒湯米粉. 吧！叉燒頗厚身，但偏痩，肉質很硬身；又欠缺肉汁，很乾身，要咬嚼多下才能夠吞下；湯底淡淡沒味的，與米粉的寡味相映成趣。另單叫一個蛋撻，不是剛出爐，已放涼了很多；是牛油撻皮，厚身且沒有牛油的香味，另蛋味亦欠奉，差！埋單$33，填飽肚子便算了。。。

九點零鐘兩個人行荃新天地,唔知食咩好, 又唔係太肚餓諗住去茶餐廳食算, 經過呢間咪入去囉, 見到D快餐, 晚餐大約三十零四十蚊, 一個叫咗個快餐"鴨腿湯飯" $32 包嘢飲, 凍飲加2蚊, 見到餐牌常餐 (餐蛋飯 $30) 都OK吖, 因為唔太肚餓, 唔想嘥嘢, 點知落咗單隔咗陣個阿姐走埋嚟講, 餐蛋飯冇嘢飲架吓.想轉都落咗單, 算..睇吓佢個餐蛋飯係咪值, 點知蛋又咸, 午餐肉又乾,一路食一路望住個餐牌, 覺得佢D定價都好怪, "牛奶麥皮+多士"又係$30, 餐蛋, 腿蛋又係$30, 但時菜班腩飯, 豉汁雞球飯...等等都係$35但包嘢飲喎..梗係覺得個阿姐攪錯, 到俾錢嗰陣問個老闆娘, 點知佢仲答得妙, 老闆娘: 吓, 6點後冇餐架喎....我: 咁我個FRIEND叫嗰個又有? 老闆娘: 唔知呀, $74蚊啦...(鴨腿湯飯+凍飲$34 & 餐蛋飯+熱飲 $43) 既然食咗, 唔再問落去, 但以後都唔會再去囉!

五點幾才食完下午茶，晚飯食又唔係，唔食又怕餓親，掙扎一會，還是隨便的找間茶記吃個簡餐。碟碘飯當然吃不下了，目光就放在餐牌麵食的那一欄。想好，就牛腩燒鵝麵。牛腩是硬硬的，像要考驗我的牙力；燒鵝雖不韌，卻毫不香口，很是一般；麵條呢，未算爽口。飲的又是凍檸茶，甜甜的，對我來說是沒有問題，但恐怕很多人會不喜歡。放下廿九蚊，帶點失望的離開。幸好剛才的下午茶是令人滿意的。

五月中旬投完票後，趕到楊屋道街市買海線做椰汁海鮮雜燴，之前要找點吃的。來到這裡吃件庵列多師，吩咐烘底，伙計驚奇地說烘什麼？多士不焗又怎成多士，偶點點頭，笑言師傅你定未見過叫烘底最後還是凍冰冰的多士了。庵列薄而乾，蛋漿少得可憐，這屈水之作，實在難吃得緊，多士反而不錯，烘得夠香鬆，加了不少牛油，可口。走前見伙計推出蒸瀨尿蝦及炒蜆，這裡是可以買料加工的，只要用心去找找，其實海鮮街市附近，總有不少可提供加供海鮮服務的。

逛完街，我和老公打算在茶餐廳吃完下午茶才離開荃灣。不知是否天氣已轉涼的關係，沿途見到的茶餐廳大都打開大門，而我們所揀選的富苑茶餐廳也是。我點了西多士及熱奶茶；而老公則點了午餐肉+煎雙蛋+牛油多士及熱奶茶，感覺味道如下： 西多士： 有花生餡，味道ok。午餐肉+煎雙蛋+多士： 午餐肉和煎雙蛋的味道沒有什麼特別，而多士則沒有多大牛油味道。熱奶茶： 茶味有點澀，奶味普通，麻麻地。

原本想往嘉樂冰廳下午荼，不過見到要等位後，便轉往隔壁不遠處的(富苑茶餐廳)，這餐廳也是我第一次光顧，要咗個下午茶餐，西多加凍奶茶，原本18元，凍飲加2元共20元。西多士：西多端過來時，看買相炸得不錯，上面還有厚厚的牛油，那多士炸到非常熱，用餐刀塗兩吓，牛油已平均溶在多士上，還嗅到陣陣牛油香味，再加點糖槳，用刀切開一格格，用叉將多士往口裡送，味道唔錯，還感陣陣花生香味，原來中間夾層是已塗上花生醬才炸的，水準唔錯，非常好吃。凍奶茶：茶味不濃，奶味唔夠香，甜度適中，很普通的奶茶味道，OK啦。