富臨皇宮 (已結業)

下午茶當午餐食，又平又多選擇！富臨皇宮，下午茶平到笑。蝦春卷，太多油。見到中間好像未炸好。燒鵝瀨，鵝未燒，湯冇味！炒飯：太濕，超難食。煎釀茄子：最正常的了，夠香夠味。一個字：平！如果冇要求，是可以的。

1月同男友親戚食圍菜，開咗房，有5圍。鴻運金豬件配素鵝 - 味道普通，脆，不過唔夠肥美同香。發菜好市大利 - 發菜蠔豉牛利生菜 - 呢個唔錯，味道剛好。碧綠蚌片蝦球 - 西蘭花蚌片蝦球 - 太淡，無厘味道。脆奶伴海鮮卷 - 唔知點解海鮮卷變蝦條？結果蝦條肉太少，普通街邊貨式。紅燒竹笙雞絲翅 - 味道幾好。不過翅好難話煮得難食。清蒸沙巴龍躉斑 - 生熟剛好，唔會太耐鞋晒。蠔皇海蔘扣鵝掌 - 味道太咸，鵝掌夠淋，但海蔘可能未發夠，唔淋，唔好食，好嘥。

公司迫清假，攞左日星期一，落街飲下茶hea下休息下，平日下午茶無乜人，一去到就有枱，雖然大把位，但都係要迫人撘枱嘅，是但啦，都係想坐下飲下茶啫。叫左煎矮瓜，炸兩，生煎包，鴨腳札，雙皮奶，全部係特價點心，價錢由7.8到14.8，好平，茶錢7蚊，再加埋一都係每人三十零蚊，仲平過食茶餐廳。食物質素一般，唔係話好好食，又唔係難食囉，矮瓜大大件，雖然係炸又唔係太油膩，炸兩入面條油炸鬼幾脆，生煎包香口，鴨腳札入而包住芋頭同豬肉，混左馬碲幾爽口，個汁入味，最意外係個雙皮奶，即叫即蒸等左超耐，上枱超級熱，有張保鮮紙包住，唔會有倒汗水，奶滑唔過甜，再去食先。

昨晚阿嫲壽宴， 一如既往都係去富臨擺， 所以都無乜期望。 一入到去又迫又多人， 成間酒樓都有宴客function。 最慘係我地隔離既公司春名， 有人係酒樓食煙， 煙味吹晒過黎， 向經理投訴3次，先有好轉。 我地好多小朋友， 又有初生bb, 真係頂唔順。至於野食唯一特別既係個伊面， 成扎金菇無炒開笑到我地， 我好後悔無影底佢

乳鴿山煎包波士頓龍蝦伊麵這餐食左8xx抵食有趣指數:3.5/10這個價位在做節旺季來説不過不失，味道中下，服務就不提也罷，其中最好食的係生煎包夠熱煎的味道都夠，另外波士頓龍蝦伊面亦叫穩妥，不太伏。

慶祝姨丈生日，點了龍躉兩味，又滑又鮮味、同點了海參鴨掌煲，海參絕無膽固醇，大人老少都啱食，鮮冬菇小棠菜配料熱騰騰的，色香味俱全，再加上一碟纓花蝦帶子炒飯，粒粒飯夠鬆軟，無油，纓花蝦好幼細，吊少少鹹香蝦味同帶子混合感覺清新。

熱辣辣跳舞鷄，除了外表吸引，可以拍照給大家分享，香味十足，真係色香味俱全，皮脆肉嫩，又抵食，都係$48堂食。好夠味道不需點醬油。雖然是手㧓，侍應好樂意幫我們把它撕下來，擺放得齊齊整整，真係唔唔話得啦！

飲茶食黎食去都係個啲蝦餃，燒賣，叉燒包…甜品選擇也不多，但今次係富臨呢個雙皮奶燕窩，比到我驚喜喎！雖然並不是真燕窩只是雪耳碎，但賣相好好，食落清甜香滑，很香蛋白同奶香。

真係好少去食富臨, 不過耐不耐都要同家人食下飯先得既, 所以我就應承佢地黎富臨食下飯, 當係就下老人家啦哇, 鮮活魚好生猛呀! 不過我地黎食點心, 見佢幾靚影左一影即係其實燒賣都正正常常既, 雖然肥膏有D多同埋肉有D韌, 但味道都OK, 賣相都算正常但幾十蚊個既呢個黑椒牛柳薯角真係想打人, D牛柳韌到無朋友, 而且又唔夠熟, 中間紅色既, 又唔切開喎, 搞到又大舊又少, 薯角仲要整到比個唔好食既獻汁整淋晒, 真係OMG麻蓉包就算係不過不失啦, 大家都見到幾厚皮...而且個面皮仲硬硬地不過D涵就算幾好食, 都叫做可以懷念下

今年做除夕團年飯提早了很多，一來為從歐洲回來的四家親戚洗塵，二黎好多人正日吃不了 決定加開多場。今晚在富臨訂了3圍，人才濟濟嘛! 當晚富臨全部爆滿，酒席、慶生、百日宴、公司晚宴等等，人手不足吧～訂了其中一種宴會餐，講講當中2款:翡翠蝦球珊瑚蚌炒西芹，這味相信大夥兒都吃過了!顏色鮮艷吸引，紅綠搶眼，而海鮮新鮮彈牙，口感不錯，略嫌有點生(餐後腸胃炎的不下7個)，芹菜好爽脆，索索聲，易咬無哂老絲，還是嫩綠。之後吃了仿肉翅，那翅的部份都頗多，有排翅及金絲翅，另外還是豬肉絲，火腿，加上紅醋，調味上來酸傑各佔一半，好入味 個羹好喝滿滿的入庭率

仲規仲矩的家常便飯：生炒排骨乾身不夠醬汁，但份量好足夠，食唔哂; 吊燒鷄皮脆肉嫩，做到色香味美，值得讚賞; 海鮮雜菜煲，熱辣辣送上又有爽滑粉絲、支竹、西蘭花夠𣺉、白菜仔、小棠菜，有肉有菜，好滿足了！

附近茶樓越開越多，好久沒來富臨了，今日落街同阿媽加BB飲餐茶，咁就揀間環境較濶落嘅方便啲嘛。星期日午市沒有特價點心，但其他野都唔貴，元朗區飲茶比市區真係平啲。鮑汁鳳爪 $22鹵得好入味，鳳爪厚肉唔硬，真係幾好味，好似今多年都無加價，雖然份量比剛開業時少左，但仲好抵食。菠蘿生炒骨 $38個味調得好好，沒過酸或過甜，一口一粒方便食，半肉半骨有口感，呢個價錢嚟計好大碟。溫公齋燜粗面 $58好香南乳味，有雪耳，雲耳，豆卜，冬菇，白菜仔等，足料好味，唯鹼水味重啲，食一碗就好膩。無侍應沖水，呢個問題次次都係咁。

要講初開的 YOHO Mall 真的超多人又超混亂，上週六明明五時多以手機 Apps 線上取了某餐廳的票，去到店方卻以我們人太多、餐廳沒大檯而不認數；朋友在對面餐廳也取了票，但餐廳首週8點半就截單，按人潮六時多開始等的我們最終排不到檯.... 最慘是平時有位的鴻星也爆了，樓下一帶的小店更要等個多小時... 最後唯有去 富臨皇宮，吃了個精選六人餐：人均 $200 多就有當紅脆皮乳豬、上海焗美國龍蝦伊麵（殼多於肉）、翡翠蝦球鳳片（翠玉瓜比蝦球吸引）、金磚鳳尾蝦、清蒸沙巴龍躉、花膠鮮菌浸菜苗（這個不錯）、脆皮燒雞（也不錯）、瑤柱蛋白炒飯、養顏桂花糕，還有沒拍的竹笙海皇燴花膠（分到七大碗！）。如此強盛同時也算足料陣容下，味道當然不能要求很多，6大5小都吃飽還有剩可以打包當翌日午餐，算不錯了。不過這是恆生卡54折後優惠價 ($1,988十二位/$1,088六位)，如付原價就不值此價了。又，這頓飯，吃得最開心應該是囝囝，與久沒聚頭的小女友一起吃飯、一起玩B、一起跑跳，還互相爭水飲，興奮不得了！下次再約再食之時，希望YOHO Mall已回復正常啦~

搵酒樓食飯時, 先發現元朗係無美心中菜的…屋企人提議嘅呢間酒樓所在位置原本屬於元朗的最邊緣, 比著以前, 真係搵Stand來食(懂的便懂)… 有咗西鐵同Yoho Town之後, 地理上無以前咁惡劣… 本著即管一試的心態, 戰戰兢兢地前往 (Google Map度行去酒樓途中有條長窄巷好黑麻麻草叢Feel), 原來勁多人行, 同埋唔提早落天橋的話, 係唔會進入Dark Corner的, 唏, 自己嚇自己…入到酒樓, 上2樓, 裝修都幾光潔… 酒樓間開了火鍋區同小菜區… 2邊都人頭湧湧…落單時迫我地叫貴價套餐, 又話假期無任何優惠, 但明明Book枱時經已再三確認無問題並已Order了套餐同優惠, 職員來來回回咗幾次, 最後都係話唔得, 到我地決定舉家走人(12大2小星期日晚去其他地方都幾難搵位, 都玩到咁大, 可想而知件事幾咁有問題), 先彈個黑衫出來話我地Book枱時Order了套餐同優惠Valid…7:21PM 燒乳鴿 -- 第一道菜上桌, 全餐之中較為正常的, 味道略鹹, 鴿略廋肉不多, 肉質略o鞋, 整體可接受…7:24PM 芝士龍蝦伊麵 -- 嘩, 睇個樣好似好多肉咁喎… 點知

每逢假日，很多時候也會與父母到茶樓食食點心，喝喝茶，以表孝心，今次亦一如以往～唔知大家有無發現雖然話經濟不景氣，但酒樓係假日永遠都喺甘人山人海，味道越好的、質素越高的，人流就更多. . .不知是否與我愛懶床有關，起床後大多只能光顧下午茶時段，有些時候真的要等上一小時，令人咋舌。所以今次我決定要早點起床！一試早茶，希望會比較少人～！早茶時段雖然人流也不少，但相對上比下午時段好多了，只需等過5至10分鐘就可以安排入座,總算不枉我特意早起～說得上是富臨皇宮，裝修佈置上亦顯得富麗堂皇，十分高貴。很喜歡那些沿掛在天花閃閃發光的水晶吊燈～地方雖然不算太少，但到處也佈滿密密麻麻的桌子，十分迫硤之前提到由於很少飲早茶，所以首先細看一下點心紙，看看有甚麼分別。想不到早菜的食物款式及價錢竟與下午的相若，肚子也開始餓了，就快快點選食物～點選過後，找侍應落單往往是一件難事，侍者們總是低著頭，急急忙忙的走過，甘本不會看到客人的手正在舉起。落單過後，跟家人聊聊天，點心就續一送來了～山竹牛肉球 ($8.8)軟滑無筯，肉質腍腍的，內有細少的馬蹄粒，增加爽口及香味，令口感更為豐富，此外還混合了大量我最討厭的芫茜碎 ，喜