富臨漁港囍臨門酒家 (已結業)

今日老媽子生日，當然叫齊一家十二口食番一餐生日宴。富臨最近推出一個乳豬星斑宴，一圍都只係$1488，免加一，免茶介，仲有汽水啤酒送，加多$88仲有一打壽包，經濟實惠。好彩一早BOOK左位，去到時已經FULL BOOKING，所以枱與枱之間都幾擠迫。坐底左，待應都非常忙碌咁招呼每一枱食客，眼見四圍都係叫這個套餐，所以都等得幾慢。。。講番個套餐，真係一啲都吾會將價就貨：乳豬拼素鵝 - 乳豬，夠脆，雖然得半邊，但反而會覺得少食多滋味；素鵝，吾錯，不過就油左少少翡翠炒龍鳯球 - 其實係西芹炒雞球及蝦球，西芹很爽口，雞球及蝦球也很入味，而賣相很有心思，伴碟的花做得很精緻脆奶海皇卷 - 脆奶真係外脆內滑；炸海皇卷都吾錯，夠爽瑤柱扒雙蔬 - 這個比較失色，實在太咸竹笙海皇燴燕窩 - 普通的一個羹，味道適中，但很奇怪，佢哋提供的醋會甩色，感覺很人做色素清蒸海星斑 - 很滑，很鮮甜，讚蠔皇靈芝菇扣玉掌 - 靈芝菇很爽口，玉掌很入味，而且忟得很淋脆皮燒雞 - 普通燒雞飄香荷葉飯 - 個賣相一般，但食落吾錯甜品 - 桂花糕，太重啫喱味，而且太甜生果 - 西瓜，多汁夠甜壽包 - 很好味，食完有一種滿足感基本上

....上星期係e到飲茶..見到有龍蝦伊麵,38元,,,己經好想食..噚晚終於有機會.同男友兩個食...龍蝦伊麵.要上湯底.order後話咁快就到..睇個蝦頭..都知龍蝦.本身唔係好大隻,,不過都好有肉食...份量都足夠兩人..伊麵.都唔係太諗..上湯就普通.味道,唔係太鮮味.不過38元嚟講.好低食..芝士焗炸蠔...我唔食蠔..唔識分.男友話.蠔唔係太靚...芝士汁麻麻....價錢係88元..男友話只值48元.貨色...只係視覺上大堆頭..海參冬菇鵝掌煲...熱辣辣...海參有4條唔腥...有d冬菇..4隻鵝掌.好夠諗.....咁都值88元既...但係.味道方面我唔係好明.有個d杏仁豆腐.個d杏仁油咁既味...可能道道廚師都有佢一套..但杏仁藥水味既海參冬菇鵝掌煲..我本人見識少..真係接受唔到.......叫埋支啤酒...加一等等...290幾元...,,唔係好貴..但質素唔足以令我懷念....

幾層都係酒家, 但都無位, 最高層的這間有位, 估到質素有幾好啦, 但最後都比想像中要好… 友人叫了套餐, 我沒有看過餐牌, 我只負責食, 大致上的菜式都不差, 我甚至覺得好過下面間稻香, 記碼坐位無咁迫, 好舒適, 但衰在冷氣唔夠, 大約記得食咗: 乳豬, 脆, 不肥, 幾好, 炸帶子卷, 脆, 但沒有帶子味, 蟹肉兩種花(西蘭花和耶菜花), 兩種花都比較硬, 炸子雞, 略咸, 有三分一太生了, 有血和透明狀, 熟既部分不錯, 竹笙翅, 也不錯, 好過一般既酒樓, 不太傑, 材料足, 當然, 翅不多, 合理既, 鮑菇鴨掌生菜, 醬汁太傑, 但味道不錯, 生菜爽, 鮑菇彈口, 魚最後才上, 還要吹了無數次, 魚肉比較實, 蒸得太耐之故

一早訂左枱食飯, 因為驚多人...訂左7點, 早20mins到左, 應該好穩陣,門口有好多人等緊位, 部份人冇訂位~理論上應該留左位俾我地, 點知佢地竟然話冇位, 仲要我地等,問佢等幾耐, 佢一味話好快......ok, 我就等多陣, 同時間有幾個訂左6:45pm gei客人已經先後問要等幾耐, 門口果個姐姐已經好唔耐煩, 扮聽唔到, 再call部長出黎~部長出到黎, 客人又問要等幾耐,佢都答唔到, 結果門口已經有一大班訂左位gei人等左勁耐.....勁唔明白點解明知多人訂位, 仲要擺一大範圍gei枱俾人食火鍋,明知食火鍋時間肯定耐好多ga ma....等完又等, 足足等到7:40pm先有位,訂左位都要等40mins, 好離譜!仲要坐門口位, 算數, 唔想再等.....仲等緊位gei已訂位客人依然好不滿, 我都好不滿, 因為如果你訂左位都要等, 咁我點解要訂位?ok, 之後拿拿聲點菜, 好彩唔算太慢上菜, 起筷, 味道還可以, 唯一要講就係"脆皮雞"......"脆皮雞"個皮完全唔脆, 同埋好多血水, 非常差, 唔敢食落去.....就係咁, 食生日晚飯食到一肚氣....希望佢地改善訂位

想不到第一次寫食評就給劣評!!! 但實在未遇到過這麼差的服務態度!!!!昨晚，在這酒家參加了一個親友的壽宴，原本壽宴應該是開開心心、滿懷歡喜的!! 可惜，全晚被一位「女部長」同一位「女待應」破壞了所有心情!!! 不知道何解她們全晚笑容欠奉、目無表情，甚至是「黑口黑面」!!! 尤其「女部長」更甚!!! 真不知道是否主人家跟我們這班賓客得罪了她們?! 又可能是否她們被公司欠薪中?! 亦不知道這間酒家的政策是否這樣?! 訓練員工對客人「黑口黑面」、對客人「粗聲粗氣」、對客人「視之不理」..... 這些員工才有晉升機會，做到「部長」!!!!!是晚出現服務上的問題是:1. 「女待應」不醒目，派蛋糕給客人時竟忘了隨碟附上叉，叫客人用手食嗎?! 令主人家見此亦好勞氣同尷尬，覺得真的招呼不周!!2. 客人入席後，有一枱是有十三位客人，原先擺放的十二人用的餐具是不足夠的，客人要求「女待應」增一位用的餐具時，竟說:「你們幾多個人呀?!」，有客人答:「十三個!!」，「女待應」竟責怪地說:「你地唔講我唔知道架喎!!」，另一客忍不住說:「你唔識數咩?!」。我不明白為何要做客人的我們要給這位「女待應」責怪呢!!

大夥人火鍋, 隨便試試富臨, 看看會如何如很多火鍋的地方一樣, 總會有些食物'點極都唔唻', 似乎這是非常平常的事, 已見怪不怪, 沒有什麼扣分不扣分的心態, 只是多點幾次, 總有一次會來的, 甚至多來了幾碟, 火爐總是不夠氣但侍應又會跟你說是正常, 又有什麼藉得驚訝呢! 既然不夠大火, 便借蓋子一用, 好讓煲湯底快些滾起來, 於是全場只能找來一個蓋, 但我們有兩煲, 唯有將就點, 輪流用吧! 投訢亦無保於是喔!吃任食火鍋, 便要抱著要求不高的心態, 至在大夥人開心聚會便算了! 抱著這樣的心情吃, 人真會開心點, 滿足點, 無謂大掃雅興呢

好久沒試過食飯食到一肚子氣。是日在毫無事前約定的情況下，在我家和老婆家人都齊人的情況下，來個12人宴。由於是晚為星期日，差不多全場滿座，也暴露了人手嚴重不足的情況。因為點菜需時，我地事先用紙寫好想要點的菜，然後叫侍應落單，當正想出聲，侍應見我地已經寫好，諗住拎我地張紙，但我話張紙我有用的（因為寫左公司野），都係照番我讀佢寫番，呢位部長級既姐姐，竟然係掉底張紙（連筆都無）叫我地再寫一次再俾佢，另加一句「如果係我寫就直接寫落單度架啦」，之後走左。真神奇，寫落張單度又有咩問題？其實無論如何，最後都係要落單架啦。之後店長經過，我地順勢叫店長（衣著是特別的黑西裝）下單，但不滿既情緒並沒因此停止。正想開始落單，店長就一輪咀推銷其盤菜有幾咁抵食，完全無視我地落單的要求，再一次撩興我地心裡團火，我地再三推說不要，店長也沒有停止，又是要當我地語氣加強後，店長才停止，幫忙下單。下單既過程中，店長見我地一圍十二人，「溫馨提示」我地每碟餸應該唔夠分，一碟餸預四個人食，提議我地加料，可選中size或大size，有見及此，我地將大部份提升到中size，後尾睇番單，即係雙倍份量。點知黎到就知中計，中size對我地黎

火鍋任食時間為6:00開始, 即使早到都無得入去坐住先, 而且職員安排甚慢, 要到6:15才能放人入去, 裡面侍應的服務態度很差, 懶洋洋不積極, 仲好厚面皮跟客人sell賣年糕卷, 不知所為

中秋節後一日係公眾假期,小弟同屋企一行6人去左呢間店食,呢間店三個字可以形容,亂,差,hea,亂,佢地o係叫飛o既時候比左張枱我地入坐,但我地去到o既時候,果張枱o既客都未走,而且d野食岩岩先來,同返d小二講,佢地竟然叫你等下先,跟住就同個安排枱果個姐姐講,佢又係話等下先,低o係我之後no o既客己經可以入坐啦,如是者又等左15分鐘先有位,跟住叫d小二開茶,班人竟然剩比一壺茶,因為通常都係一壺茶一壺水,叫佢地比多壺,d人十問九唔認,跟住終於都叫佢地比多壺水,但佢地最後比左兩壺水我地,仲要超大力放落來,張枱都旭左!!差同hea都係形容d小二,可能果日跑馬,d部長成日都會望住部手提,叫左佢地好多次佢地都唔蘇你,只係望住部機,其他o既小二好hea,佢地成日都o係埋一齊唔知做乜,叫佢地落單,15分鐘後攞返來問我地張單係唔係我地,即係話呢15分鐘內佢地都未落單,真係超離譜!!差亦都包括食物,d蝦一上枱o既時候已經爆開左,d燒賣d肉好煤,d蟹子變左做黃色......我地食左幾樣野已經唔想再食了,埋單一人$60,食左勁少野,都要呢個數,好唔抵,一生都唔會有第二次

潮州粉棵先來有汁,換後內有石頭...高級食府真是令人失望.真是價錢已不便宜,本想享受一下良好服務,換來的卻是令人嚴重失望的服務,先是有汁潮州粉棵,再來輪到石頭潮州粉棵.真是早知不去,花了錢卻換來這麼差的服務.還不如幫襯平價酒樓省點金錢,又不用失望努氣.,

為左要食完飯全家人趕住返屋企睇波，決定要去最少人同最快嘅地方用餐，但又唔想食得太馬虎，所以選左呢度，我地７點到，冇訂位，完全唔要等位。言歸正傳，出乎意料之外，幾多特價野食，價錢唔算貴，款式又多，我地選左下列幾樣：星班兩味，雖然份量唔多，但係都幾鮮味。片皮鴨二食，佢地Ｄ片皮鴨真係整得好好味皮夠薄同脆，好香同好夠味，唯一缺點係佢地用來包鴨嘅麵粉皮太硬，相信佢係預先做好，一路蒸住，所以蒸到又硬又乾。第二食係苦瓜炒鴨件，都炒得好香，但我估佢唔係比晒成隻鴨我地，一隻鴨就算片左皮都冇理由咁少肉，不過唔緊要啦，因為係特價食品，都預左會係咁。野菌炒鴕鳥肉：佢地加左Ｄ油炸鬼入去炒，好特別又幾夾喎。金銀蒜蒸元貝：買一打都係＄７２，好底食，而且味度好好，仲加左Ｄ粉絲一齊蒸,very good　呀龍蝦烏冬鍋：呢個就唔係咁底食，雖然話係龍蝦，但其實肉好少，成＄９８，貴左Ｄ，而且龍蝦都係同麵夾Ｄ，煮烏冬有Ｄ怪。芥蘭爽肉煲：之前食過一次，芥蘭煮得剛剛好，夠爽口。爽肉都好好味。其實佢地仲有其他特價食品，下次可以再試（但好似會定期轉特價推介）

屋企人生日，一家人去食飯。個部長小姐一見我哋有個蛋糕，就問係咪有人生日。我哋話係，之後佢就好識做咁狂sell我哋叫套餐。點知阿媽睇嚟睇去都唔係好啱食，佢仲即刻叫人寫咗個餐比我哋添。個餐有：1. 乳豬（半隻）+海哲2. 雙螺炒西芹3. 水鴨花膠湯4. 海參鴨掌5. 蒸星斑6. 炸子雞7. 蛋白炒飯8. 壽飽總括嚟講，d食物都唔錯，都算係落足料。尤其係個湯，真係有好多料同無味精。最令人驚喜係個壽飽，真係拳頭咁大，好好味。只不過，睇返張menu，d食物都係「大路」嘢，$2,700/9位就好似貴咗少少。

星期六去了筌灣城市中心I 期的富臨漁港酒家食晚飯。1. 四日前已經定左7:00pm 2圍酒席，但去到時，但竟被告知沒有預訂紀錄，更不用談甚麼早前承諾的貼心安排：會安排靠近窗邊幽靜位置，最後甚至要求我地離開2. 幾經辛苦爭論才有職員願意作出調查，經過多番爭持，終於都能夠爭取到1圍，但又要煩惱點樣可以一張枱坐17人，職員堅持坐得落，死都唔肯俾張大d既枱面板，又係要嘈先肯換3. 上菜次序錯哂，魚都未到就上炒飯！壽包都未上就要人結帳！此間酒家所有職員都態度欠佳及粗枝大葉，呢餐飯真係食到人一肚氣！所以曾就此事向富臨集團作出正式書面投訴，之後富臨集團既職員話會了解會回覆，但又係過左佢自己承諾既時間，真係全無誠信可言！最後更回覆一篇垃圾！一篇不負責任的回覆，由此證明此集團根本亳無誠意亦不會重視客人！稍後會向傳媒再作投訴！

同呀媽專程搭車去下午茶,叫左下午茶優惠果度既燒鵝瀨粉1碗,蝦餃,小點既叉燒飽,花枝餅......,合共6碟,都係79蚊! 蝦餃都幾好食,叉燒飽超多叉燒,花枝餅佢就話係生煎蓮OUT餅,真係超!!!! 佢就要搭檯,但有時搭檯都好,可以有人KING下!!!! 座得幾好,但有時會碧左D!!!!1 得閒去試下都好架!!!!!!!!!!!! 果日D服務就差左D,但平時都幾好架~~~~~!!!!! 我成日去架!!!! 裝修得幾好架! 最起馬見唔到樓頂啦!海膽鮮蝦腸取消左啦!!!!!!!

補返之前既食評~同婆婆,公公,爸爸,媽媽食晚飯, 之前有一張免費燒鵝卷(2-4位例牌, 5-7位半隻)咁就過黎試下~燒鵝: 皮脆肉嫩, 有d肥膏又點下梅子醬唔錯~~(半隻都好多了)蜜汁燒鱔: 表皮脆卜卜, 上面塗左d蜜汁甜甜地, 好香口, d鱔肉又好鬆軟~~素鵝拼豆腐: 新鮮炸起, 素鵝有d木耳, 冬菇係入面, 豆腐好嫩滑, 有白醋, 浙醋比你點蒸虎班: 有一斤重, 蒸得ok滑, 但唔夠蔥花同薑絲馬拉盞通菜: 好大碟!!! 咸咸地有d肉碎炒, 不過油左d菠蘿生炒骨: 酸meimei, 冇咩肥肉, 都算脆口仲有4個飯+一枝大喜力最後有西瓜送, 好甜, 絕不欺場~共 $391~