富泰海鮮酒家 (已結業)

呢間酒樓唔知係咪換左老細, 嘢食開始退步啦....人又退步埋一份.叫左一碟玉子豆腐, 原來係變左的,初初食第一件唔覺, 後尾食食下覺得個味道好怪,好似係叔左咁, 但已經食到一半所以就冇要求退或換啦.但最令我不滿的係我們叫左兩個齋米, 等到D餸嚟晒都未嚟,平時好快的,所以問仕應,但有一個仕應回應了一句,看看, 後來冇影, 之後問幫我們落單的部長(應是吧), 她答也不答, 我跟她說一句都不答即係點, 然後才立刻不負責任的說了一句,唔係我落單的,我要幫你看看有冇漏單, 明明係佢落單,我們明明是找她落單的.佢話佢只係負責寫單, 落單係收銀喎...真的好攪笑, 原來下次追單係要自己去搵收銀追.  不是責任的問題,係態度的問題.咁既服務態度也可以做部長, 我寫個服字俾佢.

星期六又嚟左呢度食晚飯,勁多人,原來係十一週年聚餐,所以我地坐房入面,我地今晚叫左蒜蓉白菜仔,京都焗豬扒及玉子豆腐,其實成日都係叫呢幾樣嘢,因為平靚正呀.好快嚟晒D餸,我地叫左兩碗湯米及一碗白飯,蒜蓉白菜仔都好大碟,28元好抵呀,好翠綠好味呀,唔會太老的呀,京都焗豬扒都好好味,好多菠蘿架,甜甜地好入味,同埋好淋身架,我都好鍾意食,好好味,玉子豆腐都好大碟架,有些什菌同菜,玉子好滑身好好味喎,出面係走過油,入面仲係好滑的,GOOD!!!!呢間酒樓夜晚飯好抵食,因免收加一及茶錢,仲有糖水及生果送架.

5月28日同屋企人落左樓下食晚飯,個酒樓師傅成日轉,以前唔好食果個走左,依家又轉左一個都做得幾好味的回來,好抵的,三免,免茶,免芥,免加一,我地即刻叫左一個冬瓜盅,都好大個好多料,味道清甜,份量都好多,每人幾碗都好飽啦.跟住叫左半隻雞,生炒排骨,煎中蝦,琵琶豆腐. 碟碟都好大碟的喎,平均50元左右,都好抵食,生炒排骨都幾瘦及個味都幾好,酸酸甜甜,唔會太甜又唔會個汁太結呀! 又唔肥,仲有青椒,洋蔥及菠蘿份量都適中. 菠蘿好味呀!煎中蝦都好多隻,煎得好香口,蝦肉都幾爽喎,good!! 唔會係霉的. 雞都幾多肉,唔肥,雞肉都幾滑的呀! 琵琶豆腐都好多粒及有好多菜拌碟,個豆腐雖然唔係好多料係入面同埋唔係好淋身,不過都好香口,好味呀!

12月18日同媽媽去左飲茶,天氣比較凍,所以只去屋企樓下酒樓,以為晚飯的水準改善左,飲茶應該都唔會好差卦.....點知真的好失望呀!!酒樓雖然好多人,但係食物的水準及質素真的很難接受.我地叫左幾樣嘢,但係全部都唔掂呀.藥饍雞腳真的很唔掂,好硬,好似啱啱放落去未煮過咁,點食呀!!藥饍完全係甜味,冇藥材味道的呀....蒸蘿白糕個碗好細,入面既蘿白糕好硬好似成舊粉咁呀!!點可以食落肚呢我未食過這樣的蘿白糕,可以掉落地都唔會碎的.雞絲粉卷完全睇唔到入面既料,外層的皮好厚好厚.鳯爪排骨飯好普通唔可以話好食,只係可以接受吧了食左咁多樣嘢食係完全唔知自己食左咩及冇咩好味既味覺....我下次唔會再嚟的了!!!!!!價錢仲要唔係平先唔抵呀麻...

10月26日星期三屋企停電所以媽媽冇煮飯,我地就去左酒樓食晚飯,五個人叫左:雙丸雜菜煲,例牌好大煲,好多菜,有西蘭花,菜芯,白菜,雙丸係墨魚丸及牛丸,切到細細修的,有好多粉絲,一些菇,多到D湯都吸唔晒D菜,味道都OK的,菜都算青綠.生炒排骨,都幾大碟的,唔會好漏及甜,排骨都唔肥,有青椒,紅椒,洋蔥,好味呀!東江走地雞半雞,雞肉都算滑身的,隻雞唔會太廋,都OK的沙嗲粉絲肥牛煲,好味喎,好香沙嗲味,唔係好辣,肥牛及粉絲的份量都好足呀!最後還有糖水及水果送的,今日食橙及紅荳沙或麥米粥,我叫左麥米粥,但係好硬好似未熟透咁,D糖水又好甜喎...失敗!!

星期五晚媽媽冇煮飯,我地兩個就落去樓下食飯,因媽媽想食雞,咁就話不如嚟呢度試下,因好似依家食物質素改善左呀.七點幾已經幾多人喎,見門口有說晚飯小菜只需28元起,好抵喎.仕應都好有禮貌的問我貴姓及招呼我們,見有好多人都叫冬瓜盅,不過媽媽話之前食過覺得好淡唔夠味,同埋我地得兩個人都食唔晒所以就冇叫到.一心諗住食雞,見雞都有幾樣選擇,價錢都合理呀,發現到東江走地雞做緊特價,35元半隻呀,都好抵喎,於是就叫左半隻雞,一個雙丸什菜煲,生炒排骨啦.等左一陣就嚟啦,個煲都好大個呀,所以我地都唔使叫飯,因為都好多嘢食都驚食唔晒,試下個雙丸什菜煲先,係牛丸及墨魚丸嚟既,再加上好多什菜,有白菜仔,西蘭花,菜芯,小唐菜粉絲,一些冬菇絲,秀珍菇,都好味喎,牛丸及墨魚丸切到細細件都好入味,呢個菜好豐富,好多料又唔會冇咩味,好食呀!生炒排骨,有洋蔥,青椒及紅椒,生炒骨都幾大碟,味道ok呀,如果再脆身d仲好味,唔會太甜,唔會太多好結既汁係面度好漏呀.排骨唔算肥,幾好.東江雞都好大隻,半隻都好多,雞肉都幾滑身,加埋d蔥油一齊食好味呀,雞唔肥的,都好多肉呀.呢度依家仲要免三免(茶,芥及加一),好抵食喎,價錢平均30幾蚊

之前聽住附近的朋友黎呢間食飯，話平日晚飯好抵，但唔係就幾貴。既然未黎過，星期日就同爸媽黎食午飯，諗住屋村酒樓有幾貴，而且貴得黎好食都無所謂。去到大約12:30PM，仍見到吉枱，行到入門口，無人招呼，阿媽見有枱就埋去坐。點心紙望落都幾多野食，最好係有併點心，方便一兩個人去食，唔洗下下叫一籠又食唔晒。老爸愛吃盅頭飯，剛想點就聽到廣播話盅頭飯暫停。點其他點心，叫左：蘿蔔絲春卷 - 可能係第一碟到的點心，覺得幾好味，上枱仍熱，皮香脆，入面蘿蔔絲夠熱北姑斑片腸粉蟹籽燒賣併乾蒸牛肉雞包仔併麻蓉包併饅頭叉燒包布拉腸粉上海小籠包除蘿蔔絲春卷外，全部食物味道一般，不太好食，都不用每樣評分。服務真係太差，店面不大，還坐不滿座，見到侍應行來行去，但打開壺蓋沒有人加水，其中一個女侍應在我們枱邊行過幾次，我見到佢係望到我地個壺，就係唔黎加水，轉彎入左房。後來我舉高手叫佢幫忙加水，佢應了叫我等等，又轉入房了。我知道可能佢地有分區工作，佢係負責房入面，但佢可以幫手叫其他侍應加水啫，唔係視而不見，應左就算呀！之後又等了近10分鐘，其間又有些侍應在隔一張枱附近走動，但我伸高手佢地係睇唔到架喎。真係忍無可忍，老媽自己走去

2月14日同媽媽來了這裏飲茶,其實之前來過已覺得食物好差,所以都冇來這裏好長的時間了,因為那天天你好差,又聽人說這裏的食物有所改善所以才決定來這裏的呀!我們點左:叉燒腸粉腸粉皮超厚及好粉,真的食唔到,入面d叉燒碎濕濕的,我們食淨了一條幾鳯爪排骨飯這個是特價,6.8都好抵的,一般啦,因為沒有選擇的關係,叫左兩碗呀!咸菜豬肚個賣相都好唔得啦,味道都唔係好好,咸菜好淋好似煮左好耐咁,豬肚都幾肥,有些支竹但係顏色好深的,好似放左好耐咁鳯爪這個都可以的,不過其實都係一pat嘢咁,好結好多醬呀.我們以為都應該唔會再嚟的了!

對此酒樓又愛又恨想當年讀大學時偶有光顧，想當年到不錯的，記得那時還流行春風得意腸，而家反而少見了近日新搬進此區，除嶺記茶樓外，此乃唯一選擇了覺得呢間一ｄ都唔平，可能是因為獨市吧，市中心酒樓我幾乎去過哂，下午茶好多都好平最欣賞它的盅飯冇時限，可能我次次都太遲去，未遇過不好吃的不少，我先數算好吃的點心吧：煎堆仔、鮮蝦菜餃非常不好吃的：金錢肚（第一次見酒樓用發過的金錢肚．．．）雞扎（內容好多同坊間酒樓不同．．．）其他都是一般吧，可能街坊酒樓少人幫襯，感覺ｄ野不會太新鮮，食材較差，可以理解找天試埋新的嶺南樓，就知它是不是富泰最佳酒樓

昨晚同屋企人嚟左呢度打邊爐,其實本來係想去兆康苑的,但去到竟然擺酒,要等好耐,所以就返番嚟呢度打邊爐了,好彩仲有位的,任食平日88元全包,價日加十元,即98元全包,差唔多啦.任飲任食,但係只有酸梅湯及竹庶水,竹庶水味道超怪,好甜但完全有庶水味,有一種好奇怪的味道,好難飲,醉梅湯ok的,但其實都係冇咩味,但冇得選擇都冇計,包啤酒唔記得佢話咩牌子,我地都冇飲.任食,食物選擇唔夠多,好多野都冇囉.食物質素都算ok的,肥牛及滑牛都好味,粟米都好甜,有芋頭片,南瓜片,都幾甜,其他都一般的.如果可以多返些選擇會好d,尤其飲品方面要改善改善.

人物：62，馬田仔，瑪姬，Tigger and Pooh服務態度差左好多，未食完野就係咁執野．問有咩糖水時，咪就係紅豆沙囉，如果你地食完，我就攞俾你地．冬瓜盅：淡而無味既湯，材料多都無用．乳豬拼盤：好死salty．蒸魚：好在哩個好食．豆豉蒸帶子：從未如此既難入口，攝住ｄ牙縫，討厭．蝦醬通菜炒鮮魷：哩個都唔差，菜都整得難食既話，就唔該摺埋喇！菠蘿咕嚕肉：唔熱，ｄ肉好難咬，好乾曾曾．紅豆沙，壽包，西瓜既味道，還可接受．埋單：＄６５０，一致認為唔會再去食，有種貼錢買難受既feel.

日期：2008年11月23日人物：Uncle, Martin, Maggie, Tigger and Pooh竹笙豆腐羹：好多料，清清地，唔錯．燒味雙拚－豉油雞燒腩仔：好食，好食．西芹雞柳：雞柳滑滑，西芹爽口．節瓜粉絲煲：好清甜既湯底令到粉絲好入味，正！西芹炒魚球：變左係兩味，炸果ｄ係好食，但係好多骨，唉！時蔬豆腐煲：唔知點解食落，陣味有ｄ怪怪地．叫左5碗白飯，免茶芥加一，埋單：HK$320

9號嗰日同個女2個人去打邊爐, 因為唔太多人食嘢, 所以服務好周到, 佢地d款式唔算太多,亦無乜特色嘢,一般打邊爐嘅材料都有個鴛鴦湯底ok,夠味(裡面有黃牙白同豆腐), 菜亦ok,新鮮,我地叫咗生菜,珊瑚盽(份量都幾多),水餃(好味,但包得唔夠實),肥牛,鮮牛,枝竹,三寶丸,同埋烏冬,連湯底,茶介加一,都係207元,食到我地捧住個肚走,下次會再去

我覺得D點心可以同稻香有得比,尤其係千層糕馬拉糕,好香好滑每樣野都即叫即整雖然我離果度住得好遠,但係我都會同家人特地去果度非常值得去