富東閣海鮮酒家 (已結業)

雖然飲早茶勁多人勁嘈😂但姐姐啲態度都幾好 不過佢哋真係好忙好似打扙咁🤣🤣呢度有鵪鶉蛋燒賣！好好食又唔貴！一定要試都嗌咗幾多嘢下冇樣嘢係伏！兩個人埋單200幾蚊好似少貴咁 但飽到晏就頂兩餐就打和啦🤣

見到富東閣做緊優惠，又想試佢嘅片皮鴨好耐，多區仲搞過團購tim，我訂左年廿九去拎，超多人😂，排左勁耐隊，btw我覺得佢真係要改善下幫客人落訂嘅方法，我就比完錢20分鐘左右有得拎，但有啲客人叫左小菜嘅好似等左好耐，職員都仲保持到有禮貌🐤片皮鴨 $138 (假期要+$10) (8.9/10)超足料，要讚一讚佢每塊皮都會用紙分開咁放，唔會痴埋一齊，另外佢啲片皮鴨偏厚肉同埋瘦，唔會有肥膏，份量佢寫話20塊，但我夾出嚟放滿到1.5隻碟，應該唔止20塊，屋企人都好鍾意佢啲片皮鴨，4個人食啱啱好🐥🦤鴨殻 +$20 (8.5/10)佢有一食同二食揀，二食係配鴨肉嘅小菜，我揀左一食，加$20拎左個鴨殻返去，發現個鴨殻仲有勁多肉，可能仲多過片皮鴨嘅肉，屋企人將個鴨殻斬件，用嚟炒菜/配湯麵食

位於歷源邨嘅富東閣, 下午茶居然1:30鐘開始, 實在太好👍, 早食早享受, 我哋就叫左以下嘅點心👇🥢豉椒雞球炒面$48👍炒面脆唔算油膩, 醬汁濃度剛剛好, 豉汁味夠, 咸度亦適中, 雞件滑身, 青紅椒配料賣相一流🥢鮮蝦菜苗餃$19👍晶瑩嘅餃皮略淋, 蒸得有少少過火, 不過饀料飽滿, 菠菜香鮮蝦彈牙, 蒜香味濃, 唔油膩, 正🥢虎皮尖椒$15👍賣相一般, 煎得亦比較乾身, 不過魚肉香鯪魚味, 食落其實唔錯🥢蟹籽燒賣$18👍表面有幾粒蟹籽, 面層有啲墨魚膠, 燒賣嘅豬肉餡都幾juicy, 所以成粒燒賣嘅口感好好🥢肉骨茶鮮竹卷$16👍湯底只喺飲到單一當歸嘅味道, 唔似肉骨茶, 鮮竹卷嘅鮮竹無炸過, 所以比較淋身滑溜, 餡料充足, 除左有豬肉之外…仲有西芹, 紅蘿蔔及香菇, 所以都算清新唔油膩 🥣柴魚花生粥$12👍粥底幾綿, 有柴魚香, 料頭充足環境一般般, 因為檯與檯之間嘅距離比較密, 不過以呢個價錢有咁好食嘅點心, 都確實抵嘅👍🤑魚堅總評性價比 4👍(以5👍為滿分)

黑椒金錢肚呢個好好食😋金錢肚唔會太淋 肉質彈牙 黑椒汁好濃味👍🏼蟹籽燒賣皇燒賣大大粒 入面夠juicy 有大大粒蝦👍🏼抵食🥰咸水角呢個味道係唔錯 可惜唔夠熱🥺如果熱辣辣咁食應該會好食鳳爪排骨飯 排骨好滑 鳳爪好夠味 飯都唔會蒸得太爛 粒粒分明紅米米網腸紅色腸粉幾特別 但食落就同普通無乜分別 但腸粉皮又彈又滑 唔會太黏 入面炸得好炸 幾好食⭐️奶皇千層糕聞落幾香奶黃味 食落唔會太甜 夠熱夠鬆軟😝好適合一家大細嚟飲茶🫖 夠抵食呀😛

早2日打電話黎叫兩隻片皮鴨，今日黎到俾錢拎飛等，見好多遲過我俾錢拎飛都走咗，我就問咗經理兩次，都話未有。等咗7個字覺得唔對路，忍唔住再問，最後好似話漏咗單。唉，好差嘅體驗。

終於放大假時間夠梗係去慢慢坐下嘆個靚茶啦！富東閣做咗咁多年都keep到嗰種舊式嘅飲茶感覺，枱同枱之間依然有好闊嘅走廊行，坐得好舒服👍🏻點心即叫即蒸，所以每台客人都會坐好耐，悠閑咁睇吓報紙睇吓電視，呢度播ViuTV嘅，同隔離枱街坊吹吓水。唔似得啲連鎖酒樓一早整好曬極速上菜務求你哋快啲食完快啲走。兩個人來講原來我哋都幾大食，睇吓其他枱都冇嗌咁多哈哈😄點心嗌咗鵪鶉蛋燒賣、牛肉球、蝦餃。鵪鶉蛋燒賣個皮好透薄，食落口係滑嘟嘟嘅，當然入邊唔少得有粒好大嘅肉球，肉質結實。整體調味都幾好。食點心最緊要就係就算食到滯，個口都keep住清爽。所以調味好緊要呀！牛肉球蝦餃腸粉嗰啲都係正常發揮超正，牛肉球餡料充足，係肉質唔係粉質。唔夠飽仲嗌左個蒸飯，同原籠馬拉糕，哈哈我哋真係好大食。本身馬拉糕嚟到咁大籠都驚驚地，但食落其實佢發酵得多唔係實的的嘅糕，食晒都唔會好滯。最後都值得一提，所有餐具都係煲滾緊嘅水入面直接夾出嚟，所以連洗都唔使洗，又非常乾淨，非常貼心啊值得一讚！

下午茶好多地方都2:30開始，有d 就2點。依到就1:30，唔使等咁耐，太好了。下午茶我地點左燒賣皇、炸雲吞、棉花雞、欖菜鴨崧炒飯、馬拉糕、蒸排骨飯。欖菜鴨崧炒飯：好好味！飯底唔痴、乾身、粒粒分明。而欖菜又不鹹，最正係唔油膩。夠大份好好味！太肚餓已經食左半碟。棉花雞：係我另一至愛。以往食的會較油膩，因為有雞皮一齊蒸，不過依到係少雞皮，變左較健康少少。舊「棉花」好大舊，諗之中又夠爽口，唔係一舊漿糊。好入味！燒賣皇就唔使多講，蟹籽多，肥肉少，影相已經少一舊。蘿蔔糕夠厚，又煎得香口。

富東閣嘅片皮鴨非常出名，終於有時間走去試下，星期日好彩早去，之後真係好多人！終於試到呢一個傳聞中嘅片皮鴨！片皮鴨嘅份量好多，溫度係仍然微暖，而片皮鴨真係好脆！！底下仲有少少肥，有啲油脂嘅香味，配埋呢個咁趣脆唔嘅皮，真係好好食！青瓜絲就增加咗清爽感，夾埋一齊食好正呀！另外都嗌咗幾個小菜，生炒骨都做得好出色，外脆內軟，入邊嘅豬肉都好香而且唔會乾！個粟米魚肚羹都好足料，入面好多魚肚。呢個鎮江醋排骨就爭啲了。但係整體嚟講都非常好食！

沙田 廣東粵菜酒樓🙂鑊氣夠 分量十足⚠️沙田A一出口，步行約14分鐘1. 波士頓龍蝦$198- 原隻波士頓龍蝦🦞再配上湯浸伊麵👋味道非常惹味，鮮甜🦞肉質鮮嫩。口感十足😊送飯一流🤪2. 脆皮蒜香燒雞- 外脆內嫩🤭食過返尋味。唔同普通一般嘅雞。燒烤出比較嫩😂有少少鹹味🤭同三五知己一齊食最正⭕️3. 上湯蒜子浸豆苗$88- 最尾當然要返個菜，蒜子浸豆苗。飲咗啲湯⛵️非常好飲👋亦都唔會太過鹹👻三個餸絕配✌🏻適合一家大細🤣地點：富東閣海鮮酒家 (沙田)沙田瀝源街6號瀝源廣場1樓5號舖好去評分🎖(5個👍🏻為最好）- 環境：👍🏻👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻

睇過呢度啲評語話呢間既片皮鴨抵食夾大件又話小菜味道好好，所以專登入沙田試下嗌左個兩人份片皮鴨，涼瓜鴨件同埋賽螃蟹試下片皮鴨鴨肉嚟到微暖，味道好一般，皮又唔脆， 青瓜同京蔥食落唔新鮮（去廁所經過見到裝住青瓜同京蔥既碟無包保鮮紙就咁放出嚟，感覺唔衛生）餅皮好厚，食幾舊已經開始濟，完全無驚喜，唔算好難食，但亦唔係好好食。覺得其他人太吹捧呢間酒樓既片皮鴨⋯⋯⋯⋯令到同期望太大落差。賽螃蟹👎🏻👎🏻👎🏻第一次食到咁難食既賽螃蟹，係成餐飯既敗筆，食落係腥，黑醋都遮蓋唔到佢個種腥味，落埋反而仲難食左，成碟野都送唔到飯，得側邊個幾舊西蘭花係食得落口救命。涼瓜炆鴨件（片皮鴨兩食+$30）鴨件有啲鹹，得兩三件係有肉可以咬下，其他就得啲骨選下，涼瓜係好食，30蚊過下口癮，我對呢味小食都無抱啲咩期望。總結片皮鴨價錢係抵，但質素絕對係名過於實，食過真係唔會返轉頭。賽螃蟹亦難食到極，成餐飯食左$429，好似貼錢買難受咁，一定無下次。

為左呢粒晶瑩剔透既菜苗餃🥟，我不惜星期日晨咁早爬起身🛌，粒粒肥美，菜苗勁嫩🥬，而且仲有粒粒蝦🦐，自己食曬一籠都絕不過份🤤雖然佢只係舊式屋邨茶樓，冇靚裝修，冇咩優質服務，啲姐姐仲有啲串，但係無阻我對呢粒餃既熱愛程度❤️而且點心都係即叫即蒸，雖然等得耐，但值得😍至於其他蝦餃，同魚肉釀青椒都係勁惹味，十幾廿蚊就食到呢啲熱辣辣高質點心，冇得輸🤩晨早去茶樓總覺得個人好精神，好有舊香港味道，如果有番以前點心推車仔姐姐就好喇，回憶很美好

富東閣片皮鴨相信好多人都識🤣嗰時好多人瘋狂團購～之前我都買過好幾次，今日又外賣咗一隻返屋企食😆片皮鴨 ($178) (星期一至五)😛佢包裝得好企理，餅皮、配菜同鴨肉各一盒～有啲片皮鴨係以皮為主，只有好少肉，而呢個鴨肉好厚，食到啖啖肉，皮都燒得好香，好好食😋😋餅皮大約有12塊，每塊餅皮中間都有張紙隔一隔，唔會痴住哂～我覺得今次嘅餅皮都幾有進步，之前係比較厚身，今次薄身返啲，口感更加好😆👍配菜方面有青瓜同京蔥，包埋一齊食口感豐富，亦可以去一去油膩感😆不過個醬我就覺得唔太啱我口味，食落有陣明顯酒味，我都係點少少就夠喇🤣加$30會有二食，七彩炒鴨絲～真係有七種蔬菜🤣鴨絲都唔少，不過炒完就一定比片皮鴨嘅肉嚡少少，但炒得好香，都好好食😚呢個價錢食到呢個質素嘅片皮鴨，我覺得係超值😆

再戰富東閣片皮鴨，今次搵埋飯腳友，四個人去食可以食多啲嘢。片皮鴨，保持水準，有皮有肉冇肥膏，好味。二食今次要咗炒鴨絲，韭菜、芽菜、青蔥炒鴨絲，有鑊氣，味道合格。冰鎮咕嚕肉，上次見到隔離枱食好吸引，今次人多終於可以試。煮起熱辣辣，放上啲冰度搞到個面凍冰冰，口感又幾得意。冬瓜盅，好耐冇食過了，大大舊去皮冬瓜環，仲有必備嘅夜香花、絲瓜、瑤柱、蟹柳、蝦，夠哂足料。海鮮雜菜煲，又係大大份，超多料。薑蔥蠔煲，同樣份量十足（足足有十隻蠔），夠哂火喉，香噴噴。六個餸，連埋茶錢加一，都係$878，認真抵食。

👵🏻富東閣海鮮酒家🍵如果你問我飲茶去邊到好第一個就係諗到沙田富東閣第二個係太子徐記廚房第三個係大埔老馮茶居今日就Plan左黎沙田富東閣飲茶啦一落車就聽到有個銀髮族拉緊純音樂試問誰還未發聲 同 榮光不經意圍爐取暖左一下 多謝你呀由沙田黨鐵站/巴士總站個位行過去富東閣大概10-15分鐘咁都快呀太耐無飲茶本闊啲表示有啲啲懷念一家人飲茶既Feel而上茶速度正常點心要蒸 正常都要等耐少少既不過一邊飲茶傾計 一邊等 都好快過飲茶就係咁樣 增加左一家人相處時間必點燒賣好大粒 上面啲蟹籽都算多而且食落真材實料唔係淨係粉團咁既口感陳皮牛肉球都唔錯食落好香多啲喼汁更好雞札都幾大舊材料同以前食嘅唔同仲係都有蟹柳 冬菇 棉花 雞其實我鍾意食椰汁蒸饅頭一咬落去好香椰汁味又唔會好硬又唔會太腍雖然外面嗰層龜裂咗但係都冇影響個口感唔知有冇人同我一樣食椰汁蒸饅頭鍾意點煉奶好好食٩(๑❛ᴗ❛๑)۶整體都係會encore既黃店不過啲醬料例如辣椒油同埋煉奶個啲就次次都要拜託員工再拎俾我感覺有啲唔好意思聽講好出名扁皮鴨下次可以試吓(*ﾟ∀ﾟ*)

聽聞這𥚃片皮鴨出色，所以就嚟試下啦，但係食完真係覺得好普通甚至可以話唔好食，肉又鞋，皮又唔脆，不過呢個價錢預咗嘅，只係因為傳聞話好食所以有啲期望，不過又唔算好差嗰種，好似燒味部燒鴨嗰種味道囉。餅片就有啲厚，配料都足夠嘅。反而佢啲小炒又幾唔錯。美極蝦好入味，都幾有鑊氣， 食落好惹味，份量都ok。啫啫通菜煲熱辣辣 非常香噴噴 啲通菜都好新鮮, 呢個都係好啱送飯嘅菜式。因為叫咗片皮鴨兩食， 所以就order咗芽菜韭菜花炒鴨絲， 芽菜韭菜花都好新鮮，韭菜花好幼嫩 夾埋一齊幾好食。菜其實最緊要唔老嘛。唔會再嚟食片皮鴨， 不過食小炒就ok。