富景清香麵家

营业中

休息中

🌟朝早落街坊小店食個早餐🥰，呢間富景清香麵家係柴灣都好多年，以前都食過。👍主打潮州粉面，不少街坊幫襯，同店員有說有笑。😊😍蠔仔肉碎粥42元 好大碗，一定夠飽肚。有點潮州粥感覺，蠔仔鮮甜，肉碎香口，湯底有大地魚鮮味。🥢淨水餃35元有生菜底，水餃有6隻，有木耳絲同豬肉，幾爽口。☕️熱飲跟餐7元叫了熱檸茶🍋，早上必飲，可以提神。😁#富景清香麵家 #柴灣柴灣道350號樂軒臺地下116-119號舖

是咁的，今日遊完水咁啱經過呢度想食碗麵當宵夜，跟住入到去阿姐姐同我落單，唔知點解我就聞到一陣臭味，開頭以為姐姐嗰件制服冇洗，跟住落完單姐姐行開咗啦，再索一索，原來唔係，原來係個場可能喺啲冷氣或者啲嘢好耐冇洗所以有陣噏up味，都有啲想起身走，咁都算啦，跟住好啦叫咗個牛雜麵同埋奶茶生菜，D腸唔知點解個皮好鬼Q硬，係我人生食過最硬嘅腸，杯奶茶一上檯面我已經睇到啲色好淡色都諗到應該出事㗎喇，個色似淺卡其色，飲落去仲要係冇茶味，好淡味，半杯冰左右，真心講呢間嘢真係冇乜心做，我諗求其旺角一間食都一定好食過佢。柴灣果然係美食沙漠。完

食食吓有隻兩隻手掌咁大嘅老鼠走出黎 勁恐怖 雖然好快咁閃左入廚房 但係我同我同事都嚇到嗌左出黎 個店員仲要超級冇禮貌咁話 大驚小怪 唔好喺度影響到我其他顧客啊要嘈出去嘈啦😨😨😨跟住同另外幾個女店員係咁細細聲講我同我同事（但又比我地聽到個種） 我地食左半個鐘左右 碗野都未食哂就過黎收碗 最慘係已經去到埋單 我哋同佢講佢服務態度跟住問佢其實咩事要咁對啲客 個女店員仲要大大聲行開嘆氣 食碗麵都要受咁既服務態度 香港人真係慘

推薦呢間鋪既原因係食完碗粉唔會覺得勁口乾，反映佢所落既味精唔多！牛雜河呢碗粉既牛雜相當足料，金錢肚，牛橫舌，牛筋都比足，碗粉份量都唔細，即使我呢個大食積都夠飽！唔似出面d牛雜，係咁比d牛肺牛腸個d下價野你，無良心！如果想再飽d，可以試下佢既飯，牛筋肚飯，牛雜飯，牛腩飯等，飯餸另上，仲要有菜係底，都係45至50蚊到，可以多飯仲包埋野飲，冷熱同價，性價比之選！不過飲品就唔好太大期待，一般啦，普普通通不過不失咁。

樂軒臺咁多野食，想坐低食所以揀左“富景清香麵家”，坐位都算闊落，落地玻璃睇到出面馬路情況叫左個牛腩麵併韭菜餃$34+$10飲左啖湯都算清甜，再食啖麵，麵質爽口彈牙牛腩有7，8舊，d香料都幾入味雙併左韭菜餃，要加$10得2粒，size算正常但壓得有d實，韭菜味夠香油菜跟餐只要$10 唔係唔加亞麻，叫左個腐乳通菜，加個菜健康得黎又抵食食到尾個麵有少少鹼水味，加少少潮式辣椒油，個辣椒油有炒過既香味，比一般麵鋪既好食

叫咗碟牛腩飯 啲肉又乾又鞋 好似香口膠咁 完全唔明點解咁都仲做到落去 難食到食咗兩啖 過唔到自己個關 我都係第一次寫食評 佢可以難食到我寫食評 希望大家見到唔好去食 平時見到好多上咗年紀嘅阿伯食 唔知佢地啲牙點咬舊肉 同埋啲枱好油 好污糟 今時今日 咁嘅疫情底下 仲唔好好執好啲衛生 真係救命

正值差不多午飯時段行經柴灣道，被陣陣的牛腩香味吸引了我入此間食肆。向服務員點了坑腩飯及紫菜湯多蔥後不久，舖滿了一整排牛腩和生菜的碗便送上來。我把牛腩汁淋上飯面並吃上第一口飯後感到牛腩的清香味已滲入飯內，立馬加強了我的食慾，然後把帶有少少脂肪的半肥瘦牛腩放進口中，咬下去的爽口而不膩，整個口裏都洋溢著一種獨特的牛香，加上喝口充滿蔥花香味的紫菜湯，感到吃完這美味的一餐後又要努力運動減肥咯

作為柴灣街坊，富景清香麵家都幫襯過幾次，價錢合理，食物美味。週六懶洋洋，瞓到自然醒，就落街去富景買外賣，返屋企慢慢歎。蠔仔肉碎粥好足料，有好多蠔仔，肉碎都唔少，加啲蔥花好正。肥牛飯大大盒，夠飽肚。淨三拼有雲吞，水餃同韭菜餃，有生菜墊底。佢哋嘅水餃真係大大隻又多餡，非常yummy。跟餐嘅郊外油菜，選擇菜心，非常淋甜，好正。炸物都推介，尤其係炸韭菜餃，外脆內軟，入面啲韭菜又爽口，點啲甜酸醬，真係回味無窮呀。呢餐性價比超高💯

放假最近除左煮野食，都係近近地搵野食下，住咁耐都未去過樂軒臺搵食，好想食牛筋牛腩就試下呢間外賣，費事買返去腍晒所以最後都係揀咗撈麵。✨ 切腩孖筋撈麵：屋企大食所以加左底（$5),切腩同孖筋都有6，7舊。切腩最好食，夠晒腍有牛味同埋有油香，食落唔會痴牙。牛筋夠入味，腍到起晒膠質。撈麵爽口唔會太韌，加埋蠔油同腩汁都幾好味，不過略嫌有d 位鹼水味重左d✨雲吞水餃墨魚丸撈麵：雲吞水餃蝦肉爽口彈牙，調味唔會太重啱啱好，個麵超大真係好飽肚。✨而家柴灣區仲免費送外賣，下次想食唔使特登行落黎

去完柴灣開工，收工好累，😔唔想煮，但由於疫症時間都係買個外賣返屋企食，可以慢慢嘆，食得安心又放心啲~行過富景清香麵家，聞到啲牛腩香噴噴，所以吸引左我入去買外賣食佢哋外賣啲粉麵會分湯架 ，❤️超級細心sooo sweet💓 🌟魚蛋粉拼雲吞河粉，魚片頭夠彈牙，魚湯底好好味👍🏼🌟牛腩粗麵，牛腩唔痴牙，牛味十足😋🌟炸魚皮，唔油膩好脆口，配粉麵食一流呀🌟炸韭菜餃，好好味，攞到返屋企都仲係脆卜卜，讚👍🏻🌟炸雞翼，無得頂，夠曬juicy價錢好大眾化👍🏻

平時食水餃麵會食金源果間，食到悶悶地，今日想試其他店就去左這間，買左佢話招牌的切腩麵及淨雲吞。切腩有好多件，食極都有，食落唔痴牙的，都可以。 但湯不太好味，麵就唔夠爽口而且重鹼水味，食食下仲覺得有點糊口。而且麵吸水好快，所以難怪之後糊口到有點想放棄。淨雲吞有7粒，生菜都有4塊，湯較切腩麵好飲，但不是我想要的方魚味雲吞湯。雲吞的餡有蝦，但唔爽，麻麻地。7隻就真係唔知幾時先食得哂佢地的自家製辣油有好香的乾蔥頭味，但不是太辣，一包的確不太夠食。見佢有蠔仔肉碎粥的，本來諗住下次試，但唔知有無下次。

今次介紹既餐廳又係位於柴灣，呢間牛腩粉勝在夠便宜大碗，呢個年頭食咩都貴，但佢仲可以keep到29蚊碗，仲要咁足料，實屬難得！牛腩粉牛雜粉最重要係咩？就係個腩汁！其中一個推薦呢間鋪既原因係食完碗粉唔會覺得勁口乾，反映佢所落既味精唔多！睇圖可以睇到，呢碗粉既牛雜相當足料，金錢肚，牛橫舌，牛筋都比足，碗粉份量都唔細，即使我呢個大食積都夠飽！唔似出面d牛雜，係咁比d牛肺牛腸個d下價野你，無良心！如果想再飽d，可以試下佢既飯，牛筋肚飯，牛雜飯，牛腩飯等，飯餸另上，仲要有菜係底，都係45至50蚊到，可以多飯仲包埋野飲，冷熱同價，性價比之選！不過飲品就唔好太大期待，一般啦，普普通通不過不失咁。呢份係我朋友叫既，真係好大份架！