富寶會所私房菜

营业中

休息中

又嚟到九龍城食富寶會所私房菜私房菜，上次食完屋企人都好滿意！呢間私房菜可以提早預訂海鮮🦞、餐廳又有麻雀枱可以玩🀄️，可以包場，仲可以聯絡餐廳自訂語句展示於餐廳大型屏幕🖥，好適合慶祝父母親節、長輩生日🥳今次我就食咗：🐠 清蒸海東星斑東星斑原條蒸，好大條又好嫩滑！火侯啱啱好，熟透又唔會老😋 加上海蔥好清香！🥚 潮式炸豆腐炸豆腐外脆內軟，一咬開有水蒸氣冒出，好正🤤📍富寶會所私房菜九龍城侯王道28號一至2樓

白灼海蝦🦐🦐呢個海蝦的特點就是超鮮美、超爽口、超甜美的味道，絕對能滿足你對美食的渴望。製作白灼海蝦其實很簡單，但能夠保留海蝦的原汁原味。新鮮的海蝦只需要短暫的水煮，這樣可以保持它的肉質彈嫩，同時保留海蝦天然的鮮甜味道。而且，這道菜的份量也相當大方，每一隻海蝦都又肥又多汁，絕對能滿足你的美食享受。這道菜的美味之處在於它的簡單和純粹。每一口都能感受到海蝦的鮮甜，🥰 再加上一點點清淡的醬汁和蒜泥，整道菜更加爽口。而且，白灼海蝦的顏色也超吸引人，一看就會讓你垂涎欲滴。如果你是個海鮮迷，絕對不能錯過白灼海蝦！！冰鎮咕嚕肉 🧊 這道菜絕對會讓你驚艷！冰鎮咕嚕肉的外表金黃酥脆，看起來非常誘人。當你咬下去時，會感受到外層的酥脆質感，非常令人滿足。但是，這道菜的特別之處不僅僅在於外脆內軟。當你品嚐到內部的口感時，你會發現肉質非常軟嫩，幾乎可以融化在口中。這種口感的結合給人一種讓人難以忘懷的美妙體驗。這道冰鎮咕嚕肉的味道也是非常讚的。咕嚕肉的獨特香料調味，使得整道菜散發著一種誘人的香氣。每一口都帶來一種深深的滿足感，讓你想一直享受這種美味。這道冰鎮咕嚕肉絕對是一個非常特別的創新。它將傳統的口味和新穎的口感

想去九龍城嘆出色粵菜，同事介紹我去呢間九龍城私房菜 - 富寶會所私房菜，主打潮州菜及粵菜，今晚約咗成班同事去食勁開心🥳可以提前預訂新鮮嘅海鮮，又有麻雀供娛樂，多人仲可以包場包房添～店員仲話可以自訂語句展示喺餐廳大型屏幕，啱晒成班朋友一齊慶生或者同屋企人食飯✌🏻竹笙海皇翅口感順滑、材料矜貴夠哂豐富，仲好足料添！另外加入爽滑竹笙，鮮味十足！高湯澳洲龍蝦三斤配伊麵特別選用澳洲龍蝦，三斤重大大隻，體大肥美、肉質鮮嫩高蛋白，配以伊麵掛湯一流，口感爽滑Q彈～

[✨富寶會所私房菜•九龍城高水準私房菜🍲]#富寶會所私房菜 #九龍城 🔸避風塘炒蟹蟹肉肉質結實味道甜美，用上大量蒜頭、豆豉、辣椒等配料香炒而成，好夠火侯好入味！調味嘅比例剛好，唔會因為太重口味而搶左蟹嘅鮮味，處理得好出色！🔸清蒸海東星斑好新鮮！因為係清蒸，唔會太多調味覆蓋左食材原本嘅鮮味，簡簡單單已經好好食！🔸瑤柱蛋白炒飯瑤柱舖滿哂係表面，份量都幾多，飯粒炒得乾身，配菜都食得出炒飯香，水準唔錯！*注意呢間嘅海鮮最好提前預訂😊📍富寶會所私房菜🏠九龍城侯王道28號一至2樓#九龍城 #私房菜 #會所 #粵菜 #富寶會所私房菜 #美食尋寶#九龍城美食 #美食推薦 #香港美食#私房菜推薦 #潮州菜 #粵菜 #侯王道28號

前排新年同咗屋企兩老過咗嚟食富寶，之前都食過幾次，質素唔錯，有幾啱佢哋兩個胃口，今次又帶佢哋嚟食😆食得好開心今次印象最深刻係兩道菜 - 白灼海赤米蝦，雖然呢度餸賣相唔係話超級有驚喜，但內藏乾坤，海赤米蝦非常之新鮮，白烚已經好好食，幾鮮甜，而且好容易剝殼，尤其係老豆食到津津有味😆碧綠炒海斑球都好出色，海斑好嫩滑，大嚿得來又處理得好好，而且啲西蘭花都好爽脆，炒到啱啱好唔會過老😚比預期中滋味，送飯一流

💎富寶會所私房菜🍲開左宋皇臺站之後都未去過果頭今次我老豆話帶我一齊去九龍城探索下咁我就book左同佢地食私房菜Btw九龍城真係好有舊香港既Feel呀😍仲有好多好西食添🤤🐽冰鎮咕嚕肉第一次食冰鎮既咕嚕肉感覺好得意將熱辣辣嘅咕嚕肉放喺冰上面食落外凍內熱 好似冰火兩重天但記得快啲食先有呢個Feel份量都幾大份 除咗菠蘿仲有蜜桃添🐟清蒸海東斑蒸得岩岩好 用蔥薑辟曬啲腥味魚肉夠滑 好鮮味我淨係食腩位😳 而魚頭魚尾慣例都係俾老豆食埋因為佢要拎個意頭 好頭好尾🥠潮式炸豆腐以前細個我媽媽成日都會整簡直係回憶中既味道 鹹鹹香香咁食落外面脆脆地而入面既豆腐嫩滑鐘意既可以點埋韭菜鹽水🦐白灼海蝦雖然呢款海蝦唔算大隻但食落蝦味好出 而且肉質彈牙食私房菜嘅好處就係咁 可以提早預約咁餐廳就可以提早準備自己又食到最新鮮嘅食材🤤自從疫情之後都冇係傳統酒樓同親戚食飯依家有得聚番餐 呢間都幾岩同一大班親戚食飯除左食物唔錯呢度仲有麻雀枱 諗起都手痕呀Btw我上網睇到有人話仲可以自訂句子餐廳會放出去個大mon果到🤣 勁Firm

平時就算唔係大時大節，一家人想食好啲都會去富寶會所食私房菜，就算唔預訂海鮮，炒個小菜都好抵食。有時啲侍應都認得我哋一家人，會留張靚枱俾我哋。今次訂咗條海東星班，靚魚真係普通薑蔥蒸已經好鮮甜，師傅好有功架，條魚好厚但係熟度啱啱好，魚肉超滑。另外留左少少海赤米蝦，白灼健康啲，米蝦仔細細隻但肉質彈牙又夠鮮，點豉油送下酒都唔錯。老人家有時怕食飯太滯，我哋鍾意叫潮式炸豆腐，飽肚又富蛋白質。用鹽水炸，鹹鹹地好好味。

又係呢間驚喜粵式私房菜😚今次再屋企人過嚟食私房菜，例行嘅家庭聚會傾下計打下麻雀仔。食物味道同埋服務質素都仍然保持水準。除咗之前介紹過嘅炸子雞同埋豉汁蒸蟠龍鱔好出色之外，今次覺得佢嘅西蘭花炒班球同埋鮑汁鵝掌花菇都好啱口味。🤤🤍鵝掌係炆到好腍好入味嗰種，塊皮嗰個質感好好。西蘭花爽脆有汁唔會有草青味 班球啖啖肉好過癮 🌟私心推薦🌟碧綠炒海鮮斑球鮑汁扣花菇頂級鵝掌📍富寶會所私房菜地址: 九龍城侯王道28號一至2樓

呢日放工，阿媽打俾我，佢同啲auntie去咗會所食嘢，叫我過去一齊食，今次真係阿媽帶我食好嘢！佢哋今日下晝響度打牌，晚餐叫我一齊食。呢度入到去環境好舒服，光猛清潔又企理 。高湯杞子浸菜苗：菜苗保持了脆嫩的口感，而高湯的味道則為整道菜提供了豐富的深度。杞子帶來了更多的營養價值，是一道適合健康飲食的美味選擇。高湯澳洲龍蝦伊麵底：澳洲龍蝦的鮮甜肉質與伊麵的彈牙口感完美結合，帶來了一種豪華的享受。高湯的味道深厚，使得整道菜更加濃郁美味。這道菜的味道鮮美，份量十足。鮑汁扣花菇頂級鵝掌：這道菜賣相非常靚，打卡一流！鵝掌的質感鮮嫩，入口即化，而鮑汁的鹹甜味道則為整道菜提供了獨特的風味。花菇的香氣與鵝掌的鮮美相互融合，營造出一種令人垂涎欲滴的滋味。

做節屋企人都傾向傳統中菜，見上次食過呢間私房菜食物質素同環境都唔錯，就決定同屋企人食多次。竹笙海皇翅做節豪一豪，叫左個翅食，超級大碗，每個人郁好夠食，魚翅同海鮮如蝦肉爽口彈牙，超級鮮甜，稠度同黏度都岩岩好，加少少醋就更開胃。高湯澳洲龍蝦配伊麵龍蝦約3斤重，一家人都夠食，而且新鮮甜美，啖啖肉，爽口彈牙，而伊麵爽哂高湯同龍蝦鮮味，又唔會好油膩，食到停唔到口。蒜蓉陳皮蒸斑骨腩一上枱已經聞到濃濃蒜蓉陳皮味，所以根本唔洗擔心會魚腥味，而且陳皮夠年份完全唔苦，雖然叫骨腩，但肉都唔少，而且都係大骨好易搵，所以唔洗太擔心食到骨，魚肉蒸得岩岩好，鮮嫩多汁，唔鞋口，當中骨膠原更加係源源不絕，絕對值得一試。🐵推介🍌🍌🍌🍌🍌（5🍌為滿分）📌 富寶會所私房菜地址：九龍城侯王道28號1-2樓#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #h

新年老闆請食飯，就叫我揀餐廳同班同事食開年飯🤣要有私隱度、又可以容納多人，我之前同屋企人食過呢間覺得幾好，所以二訪富寶會所私房菜.🌟高湯澳洲龍蝦三斤配伊麵一上菜大家都爭住影相📸️ 三斤龍蝦真係好多肉，肉質爽口又飽滿，用高湯泡製，特別鮮味😍呢道菜另一個精粹就係在於個伊麵！吸收了龍蝦汁的精華，麵底唔會過碎，質感唔會過腍，個個都搶住食🙈🌟高湯杞子浸菜苗食左好多肉同海鮮當然要叫返個菜平衡下，店員推介菜苗，濃湯浸透入味，幾好食🌟蒜蓉陳皮蒸斑骨腩腩位比較滑同多骨膠原，自己都好鍾意食🤩師傅火候控制好好，魚肉蒸完好滑好嫩，有蒜蓉同陳皮調味，去走泥味同腥味，汁都好好送飯

繼上一次去過九龍城嘅富寶會所私房菜之後，新年當然要同屋企人去試一次啦🩷有過上一次嘅經驗之後～ 想食海鮮都會識得打去預訂咗先😉 同屋企人食飯要穩穩陣陣 萬無一失大家都俾佢嘅自動麻雀枱吸引😂 真係好適合新春團拜～ 有得食又有得玩 長輩們都好滿意😌 。🍴竹笙海皇翅貴為漢族嘅傳統名菜～ 當然有佢出色既地方😍 海皇翅嘅處理需時～ 要好花心機先做得到㗎😚 用嚟撈飯，真係一流😍 🍴 花雕乳鴿拼醉鮑魚過時過節既好推介～ 簡單又得體😌 好少地方有得咁樣雙拼😋 淡淡嘅酒香乳鴿嘅肉質嫩滑 鮑魚爽口又彈牙😚🍴 碧綠炒海斑球紅紅綠綠嘅配菜 令人食慾大增😋 海斑球炒到微微金黃色，嫩滑得黎帶啲鑊氣😙

新年同屋企人到呢間私房中菜廳食飯，位於九龍城，宋皇臺站行幾分鐘就到，餐廳環境闊落，空間感十足，裝潢設計優雅，仲有麻雀枱可以玩，而食物方面係分套餐咁order嘅，如果食海鮮嘅話就要提前預定。款款菜式都幾好食，會話性價比幾好。私心鍾意竹笙海皇翅，好大一碗，餡料十足，新鮮鮮甜又可口，咬落口感豐富，啖啖材料，老少咸宜。另一款會推介花雕乳鴿拼醉鮑魚，呢個搭配出面比較少見，過時過節先會見到，乳鴿肉質細緻，加上酒香更加惹味，鮑魚爽口彈牙，食到舔舔脷呀！

今次同屋企人帶左我去左富寶會所私房菜到食餐好原來呢間私房酒家 係城中都幾出名屋企人仲預訂左海鮮 (黎呢到食海鮮記得提早預訂~咁就一定有得食而且仲一定係新鮮)我最推薦呢一道 -「蒜蓉陳皮蒸斑骨腩」酒家係選用左新鮮既斑魚骨腩肉質鮮嫩又多汁 而且清香味十足呢層香味應該歸功於蒜蓉同埋重點陳皮既關係我非常推介大家一定要試 屋企人同我都好中意另一味想介紹大家既係「鮑汁扣花菇頂級鵝掌」呢道菜好受老人家歡迎可能因為個名d食材吸引佢地鵝掌多之外 仲每隻又大又入味無令人失望呀提一提 呢到餐廳仲有麻雀檯可以玩餐廳個大型屏幕 仲可以聯絡餐廳自訂語句展示咖

團年飯屋企有老有嫩，就揀咗間坐得舒服嘅九龍城私房菜，今年要夾大家時間，特登提早揀咗一日平日食。今次又有好介紹！如果大家想食海鮮最好提早預訂我地嗌咗菠蘿炒咕嚕肉，碟頭好大份！成班人勁肚餓一上枱已經清晒，除咗咕嚕肉仲有青椒、菠蘿同蜜桃，全部都炒得好入味又香😚另外西蘭花炒斑腩一上枱已經嚇親，見到班腩嘅份量好多，舊舊都好大塊，魚肉肉質嫩滑唔會過老☺️ 之後到瑤柱蛋白炒飯，海量嘅瑤柱鋪滿係炒飯面頭，撈勻一齊食口感豐富，炒飯飯粒炒得粒粒分明，伴有青菜感覺好消膩大時大節聚會去食飯揀呢度真係啱晒，仲有麻雀枱可以供娛樂😆