富寶會所私房菜

营业中

休息中

呢間私房菜都是小編間中會同屋企人、親戚或朋友多人食飯的地方，不但空間大，甚至提供包場服務及麻雀臺娛樂，加上味道及食物選擇豐富，口味都大眾化，甚至有適合老一代人的傳統懷舊味道。最近小編先同親戚食完晚飯，當中有2道菜令小編印象深刻。蒜蓉粉絲開邊蒸琵琶蝦基本每次黎到食都會叫新鮮海鮮，所以最好提前預訂。外觀都幾有粵式住家菜的感覺，蒜蓉粉絲蒸扇貝小編食得多，蒸琵琶蝦甚至食這種蝦的次數真的少之又少。琵琶蝦口感有點龍蝦，但體型比較小。香濃蒜香與新鮮蝦肉完美融合，粉絲吸飽鮮蝦的鮮甜多汁。琵琶蝦肉彈牙多汁，搭配粉絲的軟滑，以及蒜香四溢，口感味道層次豐富，令人回味無窮。韭菜花炒鹹豬肉小編第一次食鹹豬肉，以為是泰國或是馬來西亞的家鄉菜，原來是客家菜。香氣四溢的韭菜花與鹹香可口的鹹豬肉融合，韭菜花口感爽脆，部分位置頗嫰口，有點出乎小編意料之外；豬肉咸香味適中，無想像的很鹹，而且肉質不算很鞋，半肥瘦反而有有油脂香味，整體令人食指大動。富寶會所私房菜（九龍塘）九龍城候王道28號1至2樓

今晚跟住老細帶隊去食lunch😍 真係好少去九龍城食飯 原來有間唔錯嘅私房菜喎👍 富寶會所入面仲有得打麻雀 啱哂啲雀局人士啦🀄️ 不過記得打去book 仲有得包場包房老細話佢上次老婆生日都包左房🤣叫埋餐廳整左句老婆I love you喺餐廳大型屏幕播😃 so sweet☺️▫️清蒸游水海東星斑黎到必須要食海鮮 呢條東星斑 只能夠講夠鮮👍🐟 肉質嫩滑 加啲蒸魚豉油已經正▫️白灼藍尾 (油蝦)白灼藍尾蝦大大隻 夠哂彈牙▫️豉油王乾煎蝦 講到蝦 我就鍾意呢款乾煎蝦碌多啲豉油王夠哂味 啜埋個殼😋如果想食靚海鮮記得要提前預訂📞

聽聞位於九龍城侯王道28號一至2樓的私房菜館名為“富寶會所”的菜色很不錯，喜歡食嘢的我當然會有興趣去品嚐這間餐廳的食物，於是今晚就約了朋友一同前往晚飯聚聚。這間餐廳地方寬敞，不會有擠迫感，坐落感覺舒適。這裏有電動麻雀枱可供娛樂，閒時可以約同三五知己麻雀耍樂聯誼聯誼，忘掉煩重的工作，不愧為一個減壓的好地方。這裏還有大型屏幕，可聯絡餐廳職員自訂語句展示於屏幕上。餐廳還提供包場包房服務，可約同家人或朋友開生日派對歡渡快樂的時光。來到這間餐廳當然都想試吓食海鮮啦，但原來海鮮最好要提前預訂，否則就未必會全部提供到！雖然這樣，透過侍應的慇懃服務，終於都可以品嚐海鮮了。白灼藍尾油蝦大大隻的白灼蝦，食落感覺鮮甜，咬落感覺爽嫩，蝦頭部位還有蝦羔滲出，再加上少許豉油醬汁，凸顯出蝦肉的鮮味。香煎銀雪魚銀雪魚外皮脆口，魚肉又嫩又滑，食落層次感十足，再加上少許沙律醬，提升了魚肉的香味。還有數片節瓜片，不會太冧，感覺清甜。蒜蓉炒蜆熱辣辣的蒜蓉炒蜆端出來香味四散，每隻蜆肉都大大粒，感覺鮮嫩，再吸收了蒜蓉和醬汁的香味，滋味無窮。

屋企人最鍾意食中菜，見到朋友介紹話九龍城侯王道呢間富寶會所私房菜唔錯，即刻帶佢哋去試吓😎呢度環境舒適，仲設有包場包房服務，仲有麻雀枱提供，啱晒我哋🤣 🌟京蔥爆牛肉非常有鑊氣，牛肉炒得鮮嫩入味，京蔥又香又夠嫩，真係完美嘅配搭😌 送飯一流🫶🏻🌟蒜蓉豉汁炒花蜆 蜆肉飽滿，新鮮而且完全冇沙🫶🏻 蒜蓉豉汁炒非常惹味，十分推介嘅一道風味小炒🥰如果食海鮮嘅話，最好提早聯絡餐廳預訂🫶🏻今日都見到隔籬包咗房搞宴會，好有氣氛😎 原來可聯絡餐廳自訂語句展示於餐廳大型屏幕🤩 下次有聚會一定會再嚟試吓🥰

💎富寶會所私房菜🍲 睇完九龍城寨之圍城之後同左兩老再去九龍城公園行下睇下九龍城寨既遺址估唔到香港以前都有啲咁既地方行完再食埋呢間私房菜～蒜蓉豆豉炒花甲蒜蓉同豆豉呢個組合真係無得輸花甲無砂又大隻食落好香好鮮味蒜蓉粉絲蒸開邊琵琶蝦超耐無食琵琶蝦啦用蒜蓉加埋粉絲黎蒸真係絕配琵琶蝦開埋邊 勁方便就食到啖啖肉仲要啲粉絲吸曬琵琶蝦既鮮味食到兩老舔舔脷🤣話下次叫埋家姐一齊黎食因為係屋企食海鮮好麻煩出街食就最好 🤣

餐廳的裝潢簡潔高雅，營造出一種舒適而放鬆的氛圍～享受高質中菜！帶埋屋企人黎食就啱曬🔸豉汁蒸白鱔球🐟色澤鮮亮，鱔球肉質鮮嫩彈牙。配上濃郁嘅豉汁，為整道菜豐富風味。豉汁嘅鹹香同鱔球嘅鮮味完美結合！🔸蒜蓉粉絲蒸琵琶蝦🦐搭配蒜蓉同嫩滑嘅粉絲軟嫩口感同海鮮嘅鮮美相輔相成。蒸煮嘅過程使琵琶蝦保持佐鮮甜嘅口感。🔸薑蔥炒肉蟹🦀蟹肉鮮嫩多汁，薑蔥嘅香氣同蟹肉嘅鮮味好match。呢道菜結合佐蟹肉嘅鮮甜同薑蔥嘅香辣～

今日去九龍城食海鮮,富寶會所私房真係食到舔舔脷,超開心,而且環境舒服一流,係值得再去。址係九龍城侯王道28號一至2樓.好大、好靚~因為今次食海鮮,廳職員好好咁提海鮮最好提前預訂,而且餐廳有麻雀檯供娛樂用途,如果開 PARTY,可聯絡餐廳自訂語句展示於餐廳大型屏幕,餐廳提供包場包房服務,都好適合長輩慶祝生日。今日食左蒜蓉豆豉炒花甲花甲肥美同埋新鮮,好喜歡好夠鑊氣蒜蓉粉絲開邊蒸琵琶蝦蒜蓉粉絲真係無得輸,真係不得了。

當你有一個好鍾意食魚嘅朋友帶你去搵食～ 你就會得到成枱都係魚🐟🐟🐟蔡瀾曾經係TVB上大讚黃腳鱲是世界上最好食既魚!係廚房蒸都聞到香味! 既然係咁就真係唔可以錯過啦😍🐟乾煎黃腳鱲除咗清蒸，香煎都可以食到魚肉中嘅質感😍 肉質富嚼勁，魚味濃而且油份高，肉嫩多汁😋 煎完既魚皮仲係好完整 證明師傅嘅手勢唔錯🐟香煎銀鱈魚本身銀鱈魚嘅口感就比較柔軟～ 肉質嫩滑細緻😻 而且含有豐富的Omega 3 同蛋白質😙 可以滿足自己食吓啲香口嘅嘢又可以攝取到足夠嘅營養🐟清蒸游水釘公 其實我都係第一次食呢一隻魚🤭 聽講近十年黎係街市好少見到呢隻魚～ 新鮮既釘公魚一般都係用清蒸嘅手法嚟煮，佢嘅肉質比較鮮甜同埋又滑😆 有機會嘅話都可以試吓㗎😋

又黎呢間粵式私房菜🥰🤍今次帶朋友黎試下哩間私房菜，例行聚會傾下計吹下水打下麻雀 好好坐~~食物味道同埋服務質素都keep到水準。👍🏻👍🏻除咗之前介紹過嘅花菇鵝掌同埋海鮮斑球，今次特別推薦嘅係油泡蝦球, 蒜蓉豆豉炒花甲同蒜蓉粉絲開邊蒸琵琶蝦🫶🏻🫶🏻蒜蓉粉絲開邊蒸琵琶蝦真係超正🤩肉質好好仲好鮮甜🥲🥲個粉絲吸曬啲汁再配飯~~~🦐🦐📍富寶會所私房菜地址：九龍城侯王道28號一至2樓

上次食過呢間私房菜嘅小炒，今次再過嚟食晚餐，就當係慶祝父親節🫶🏻絕對係同長輩出嚟食飯嘅穩陣之選，最緊要屋企人好滿意！•清蒸游水釘公初試釘公魚🐟店員話條魚咁新鮮，拎去清蒸就食到原汁原味！海鮮嘅價錢可以問一問店員！•花雕蛋白蒸花蟹一上枱已經聞到好香嘅花雕酒味，而且賣相好吸引！蛋白質地好滑，每啖蛋白都充滿蟹肉嘅鮮味🦀而蒸花蟹嘅火候剛好，仲食到好爽嘅蟹肉質地，啖啖肉！•鹹魚雞粒蒸蛋白呢度餸都幾得意，鹹魚雞粒炒飯就食得多，冇諗過同蒸蛋白都幾夾😂呢度餸係超級下飯㗎！

今天有幸來到富寶品嘗到他們拿手海鮮,要了清蒸游水釘公和蒜蓉粉絲開邊蒸琵琶蝦。首先是清蒸游水釘公，釘公肉質肥厚飽滿,清蒸後口感鮮嫩滑潤,蒸汁鮮甜醇厚,完美烘托出魚肉的本味,色香味俱全。另一道是蒜蓉粉絲開邊蒸琵琶蝦，以鮮活琵琶海蝦為材,蒸煮後內嫩,肉質飽滿彈牙。蒜蓉醬汁濃郁,與蝦肉完美融合。粉絲吸收了蝦汁的鮮味,十分之美味,這個菜十分推介。總的來說,這家中式私房菜館的廚藝水平相當出色,菜品的色香味俱佳,令人回味無窮,尤其推介他們的海鮮，十分新鮮，鮮味非常。這裡服務不錯，地方也舒服，適合家庭聚會的好地方。

韭菜花和鹹豬肉🐷呢個搭配出乎意料卻意外地和諧,韭菜花嫩滑爽脆,肉塊鹹香酥軟,兩種截然不同的食材交織出令人難忘的口感,一咬下就感受到鮮甜多汁的美味,完全打動了我的味蕾!這道菜是一次嶄新的滋味體驗,讓我欲罷不能,一口接一口停不下來。高度推薦這個特色組合,絕對是你的必嚐之選！韭黃滑蛋炒蝦仁🍤簡直是我的新寵!細滑如絲的蛋汁把韭黃和鮮甜的蝦仁完美包裹,每一口都讓我垂涎三尺。韭黃爽脆的口感與蛋液的濕潤交織,層次豐富又不失清新。料理手法更是了得,炒到剛剛好,恰到好處地凸顯食材本來的鮮美。這絕對是我最愛的一道家常菜蒜蓉豆豉炒花甲！簡直是我的必點菜!細嫩的花甲肉質鮮甜多汁,加上蒜香四溢的調料,瞬間把我的味蕾征服了。花甲本身的鮮甜味很出色,沒有加上豆豉反而會過於清淡,而這些醬料剛好為它添加了一抹迷人的鹹香🍺 每一顆花甲都飽滿飽滿的,爽脆入口,，絕對是一道既下飯又下酒的美味佳餚,我怎麼也吃不夠!冇諗過私房菜都有咁出色的家常便飯，一班朋友家人聚會都非常合適，而且價錢合理環境舒舒服服

母親節完又父親節，富寶一直都係我地聚餐首選餐廳，今次又再介紹吓佢哋嘅靚海鮮 😎赤米蝦一年四季都合時令，尤其春夏季產量更多，時價更平，之前搵餐廳訂咗赤米蝦慶祝父親節，雖然細細隻但鮮甜無比，蝦殼軟身，肉質爽滑，就咁白灼點少少豉油已經好正另外都唔少得父親大人最愛游水釘公，中size釘公夠晒滑，用薑蔥清蒸都好鮮甜，同長輩食飯唔需要煎炸或重口味，食材夠靚就夠晒滿足除咗海鮮，仲叫咗韭菜花炒鹹肉，鹹肉切片少少肥，連埋筋腩位肉質彈滑，韭菜花又夠晒嫩口，有菜有肉非常好食

男人有時真係好難約，幾個月先見一次，仲次次都唔夠腳😢😢今次又同老朋友上黎，又係3缺1，唉😮‍💨😮‍💨😮‍💨，想入房一路食野一路打牌呀～😭😭冇計，只好食野吹水，有個朋友第一次黎，就叫左個上湯龍蝦伊麵。又係大大盤，啖啖肉，湯汁味濃，撈伊麵正😍😍😍。有個fd話好似比上次濃味左啲，但係我同另一個就唔覺，可能我食開比較濃味掛。再整碟蒜蓉粉絲琵琶蝦，今次侍應介紹，就試下（好奇怪，平時出去食啲西餐日本菜等，好小問侍應有咩好食，但係去大排檔或食海鮮，就會問下有咩正野🤔🤔，睇價岩就會叫）琵琶蝦平時好小食到，蒸得唔錯，肉唔韌，蒜蓉應該係自家制，同出面街買既有啲分別，記得琵琶蝦要連粉絲一齊咬，正👍👍另外再叫埋白灼赤米蝦，都係侍應話正所以叫，殼開頭覺得硬左啲，剝剝下慣左又ok，咬落幾爽口，唔錯👍。不過呢，如果有碗檸檬茶比我地洗手，會好啲囉🤣🤣希望下次可以齊人黎打牌啦🙏🙏🙏🙏

今次來到富寶私房菜，要了清蒸海斑、蒜蓉豆豉炒番薯娊和魚香茄子煲。清蒸海斑，海斑十分新鮮，蒸得剛剛好，保持了魚肉的鮮嫩彈牙，新鮮食材搭配了蔥絲蒸魚豉油，已經十分美味。蒜蓉豆豉炒番薯娊，呈現出獲氣，番薯娊也鮮味非常，完美地吸收了蒜蓉和豆豉的風味，讓整道菜更加美味。番薯娊炒至剛剛熟透，保持了食材的原汁原味，讓人回味無窮。魚香茄子煲很傳統的中式煲仔菜，茄子經過煲製後軟綿可口，與魚香味完美融合，口感豐富。魚香醬汁最適合配白飯，令人食指大動。總的來說，菜品不僅味道出眾，而且在烹調技巧和搭配上也很好。會再來試其他菜式！