富麗餅店 (已結業)

今日LUNCH唔想食餅乾,想買個麵包o趙下!平時買慣炭燒大麥包,今勻想轉轉口味,就一甜~提子包,一鹹啦~蒜蓉包!$2.5一個,拎上手輕輕咁,好似唔多會飽!蒜蓉包唔突出,有少少蒜蓉味,相比起以前Pizza Hut食o個d簡直差得遠!提子包都係普通貨色,唔實淨,唔多提子,唔會想再encore o個種!見炭燒大麥包加o左價($5--->$6!!!),下次會試下其他口味!

細妹o尋日o黎探肥媽時買o左個炭燒大麥包俾我!雖然俾肥媽頒獎俾我時鍊扁o左!但依舊好味!好香!好抵食!今日o既午餐真係滿足!最滿足係細妹對我o既小小心意!

喉嚨痛,鼻聞聞,口淡淡,頭暈暈今日唔想食餅乾,買個大豬仔軟包返工做午餐!不嬲食開炭燒大麥包,估唔到大豬仔軟包一樣咁好味!5蚊一個大大個,味道居然甜甜地!中間裂開部份有少少甜酥皮feel,Excellent!好好味!

2008年12月6號 - 早上10點幾在銀行辦了事之後就行過荃灣街市街。 路途經過富麗餅店。 看到他們賣蛋撻 (HK$2,-)。 去試試先。 如果您過往看過我對蛋撻寫的食評的話。 就經常留意到我提到有些店鋪店員徒手(無用手套)拿個蛋撻給我。 不過富麗就不同la。 店員戴了手套。 然後拿個蛋撻給我。 感覺好衛生。 而D蛋撻是有蓋蓋著的。熱騰騰的蛋撻已經到了我手la。 試試先。 Um。 個皮不太"實"。 甚至有點甩皮添。 但是個蛋好好味。 好滑。 總括來講都可以接受。 而小弟比較欣賞他們如何處理D蛋撻。

食過咁多間餅店富麗既藍莓蛋糕真係超好食，又唔甜~~抵讚抵讚不過...有樣嘢唔太好.....就係...唔係次次都咁好食有一次買返屋企，好似同平時食開唔同但係都值得一試既!!!

經過很想食木槺布甸, 見它樣子幾好, $8一杯都ok幾大杯下, 食落cream好滑, 有3層餅碎隔住, 整體做得好好, $8合乎要求啦.

荃灣區有兩間富麗, 賣既野差唔多, 應該係同一老闆, 但唔知點解價錢唔同, 好似昨日黎買蛋糕時見到呢間既炭燒麥包係$5, 點解沙咀道分店係$5.5? 何解? 何解?今次見到一排排既長方形蛋糕, $3.5/個, $10/三個, 買了藍莓及合桃味, 今朝返公司烘熱了(任何麵包, 蛋糕烘熱了會好味), 藍莓味只是有些醬在蛋糕面, 而合核都係, 不過合桃就多幾粒! 我以為蛋糕係較實正既, 原來同佢既紙包蛋糕一樣, 類似海綿蛋糕, 不過, 下次要食蛋糕, 我會買紙包蛋糕!

Cookies...仍記得我ma? 你說得對, 已加價了$5.5! 不過, 太大我仍是吃不消沒買, 今早只買了個大大紙包蛋糕, $4.5! 味道沒變, 質感好鬆軟, 可惜我吃到蛋殼! Too BAD!

終於等到它開食評了!一直很想讚讚這間舖,可惜我不懂開新食評,今次竟無意中給我找到了!很想讚讚這裡的炭燒大麥包,五蚊雞,大大個!有段時間我曾試過一天一個!有時甚至一天兩個!午餐晚餐各一個!一次過買四至五個放在冰格,超香!超有口感!超好味!我喜歡硬的麵包,所以放在冰格!喜歡吃軟熟的朋友可以不放雪櫃,盡快吃,味道同樣叫人歡喜!最歡喜的是價錢,五蚊雞!很重手!值得一讚!我吃過很多餅店的提子包,覺得這個最抵吃!亦很好吃!還有一間也好吃的,在西九龍中心的天橋上,鮮奶提子方包,$7.5一袋,有六至七塊!也算抵吃!大家經過富麗不妨一試,北斗星曲奇絕無介紹錯!不過小提子包和豆沙包則普通!十字餅則太實!太多麵粉!不算太好吃!北斗星曲奇極力推介~富麗炭燒提子包!希望不要因此食評出後,導致太多顧客,因而加價就好了!但我真的希望和大家分享一下!

麥方包$3半磅~ 包身又薄又易扁,不過味道幾好.提子鬆餅$2.5 ~ 好難食,顏色做得好假.

去完民豐買雲吞, 隔離卡x 斯既麵包唔太吸引, 經過這裡見菠蘿包排得整整齊齊就買左一個, $2, 好耐無去金x 啦, 唯有止住渴先...個包微暖, 頂既皮都算脆, 不過, 包心就無金x 咁實在, 但又唔算輕飄飄, 合格啦! 包痴介紹既炭燒大麥包實在太大, 比一般提子大麥包還要大1/3, 相信買番公司同..同事分享先試到啦!

今早去完gym, 經過街市街呢間富麗, 見人頭擁擁, 就入去試下, 買了餐包, $2 同麥包, $2, 個size 唔係好大, 所以我買兩個, 其實兩個又太多, 一個又太少, 兩個包都夠軟熟, 麥包亦有足夠提子! 平平地$4 解決了早餐($20), 唔錯唔錯!

等咗好耐而家先有佢既名字出現, 但我寫既係佢另一分店- 沙咀道! 原來兩間賣既麵包有少少唔同, 我試過佢既紙包蛋糕, 係我食過既最好食, 如果屋企有焗爐稍為烘過個面脆脆地, 裡面勁軟熟, 一個字- 正! 又買過佢既硬豬, 又係外脆內軟, 港式法包!

端午節前夕在荃灣街市完成採購行動,結果左手一包粽子/餃子,右手一袋菜心走入呢間最最最近的麵包店買麵包做假日早餐。環顧一周後,因為已經無手空出夾麵包,唯有勞煩店員小妹幫我夾了菠蘿包x2;芝士火腿x1;大麥包x1, xx包x1。最後自己只食了芝士火腿,芝士火腿味道永遠不變,不作評論;包身質感幾重,唔係輕飄飄之流,只係稍為硬淨,未夠軟.....菠蘿包大大個,經過路途中碰撞及擠壓,仍然保持到應有外形,包頂菠蘿皮仍然緊貼包身,並無走樣。根據大人及細佬食後評價,大麥包是有水準的!包身柔軟,內有提子乾點綴一下,是近期較為出色的大麥包。服務方面是ok的,店員小妹起碼願意幫我夾包,雖則不是笑臉迎人,起碼沒有什麼黑面情況。