影片
以上资料只供参考，请与餐厅确认详情
今日正式结业了。此酒楼服务认真马马，胜在近啫。不过，集团经营，冇乜吾舍得。由于要写够八十字先收，我决定打字打到够八十，免得有朋友，又或者想一家大细去食但白行一回。
继续阅读
忍唔住第一次写食评就俾左佢啦！愈嚟愈差！事缘系父亲节早上同细佬两个大清早心血来潮想饮个早茶。虽然最近略有听闻呢间富临食物同服务严重下降，但之前食开觉得还好，加上无其他酒楼选择下都系走左入去。即使因为父亲节食物加左价，人流照样都系咁多。都知道呢度无咩服务，我地都醒醒目目自己揾位，唔劳烦啲忙碌嘅姐姐啦，帮手减轻啲佢地其实应该要做嘅嘢。但行左两行都唔觉有位，于是我同行过嘅姐姐礼貌地问左句：「唔该，想问下两位会唔会有位呀？」我无佢地咁熟间酒楼，又唔识佢地啲运作，可能睇漏左呢。得到嘅回应系姐姐超级不耐烦嘅语气同嘴脸：「自己睇啦！！𠮶度咪有人走啰！！」指住一张乱到爆、未执嘅枱就走左。我自己都系做服务业，都明白忙到恨不得可以有八只手三个脑嘅辛酸。就算被客人用粗言秽语指住嚟闹，我都唔可以对客人恶言相向，何况而家我系有礼貌地问一下？而且好似本身酒楼唔系自助式架㖞。讲返食物质素，一向食开觉得属于中下、摆得入口、想饮茶可以止下瘾嘅程度，比起叮叮点心好啲啲，无咁干。但最近听人讲更加差左，我就无缘评论啦，因为我最终抛底左一句「串到咁，唔食啦」就走左。同埋以前嚟食都有啲伙记几好态度，又会同你倾几句，不过近几次嚟都冇咩好人嘅员工了。所以结论系，以后唔再帮衬！想俾钱买难受可以嚟试下嘅～
继续阅读
差不多每个星期六或日, 只要有时间又无节目, 我都会同屋企人嚟呢间酒楼饮茶~ 每次必点: 1) 银萝肠粉 2) 乳鸽 3) 甜品 (芒果糯米糍/炖双皮奶)因为呢几样特别好食! 尤其系红烧bb乳鸽, 食过好多唔同地方嘅乳鸽, 系呢度个啲最抵食+ 烧得最好! 有时迟咗去会卖晒, 非常抢手>< 银萝肠粉又香又脆, 唔系间间酒楼都食到! 炖双皮奶唔会太甜, 都唔错㗎!虽然有时服务员可能较忙, 无咩人手斟水落单比湿纸巾个啲, 但对我嚟讲, 只要呢间茶楼可以一直keep住而家嘅价钱同食物质素, 我地都会继续成日去食, haha!
继续阅读
今日同几个旧同时约左去饮茶 就拣左去富临 因为呢到都好多选择 同埋坐得几舒服 地方都够大呀 整体黎讲都觉得唔错 点心都岩岩好 上菜时都几热下 另外茶都有味 唔会一饮就系水既感觉哈
继续阅读
太兴装修，冇人煮饭，见富临冇乜人又做promotion, 三人go go go.$28 一只鸡，好抵！味道普通啦！$188 虾加炒蚬，ok 嘅～不过个埸好小人，怕咁可能做唔得好耐
继续阅读